ଆସାମ ଦ୍ବାଦଶ ଶ୍ରେଣୀର ପରୀକ୍ଷା ଫଳ ପ୍ରକାଶିତ ହୋଇଛି। ସୁମଦାୟ ୨ ଲକ୍ଷ ୪୨୧ ହଜାର ୮୪୩ ଛାତ୍ରଛାତ୍ରୀ ପରୀକ୍ଷା ଦେଇଥିବା ବେଳେ କଳାରେ ୧ ଲକ୍ଷ ୮୬ ହଜାର ୧୮୭ ଜଣ, ବିଜ୍ଞାନରେ ୩୭ ହଜାର ୪୫୫ ଏବଂ ୧୮ ହଜାର ୨୯୧ ଜଣ ଛାତ୍ର ଛାତ୍ରୀ ବାଣିଜ୍ୟରେ ପାଶ କରିଛନ୍ତି। କଳା, ବିଜ୍ଞାନ ଏବଂ ବାଣିଜ୍ୟରେ ପାଶ ହାର ଯଥାକ୍ରମେ ୭୫.୧୪, ୮୭.୫୯ ଏବଂ ୮୬.୫୯ ପ୍ରର୍ତିଶତ ରହିଛି। କଳାରେ ଚଳିତ ବର୍ଷ ପରୀକ୍ଷା ଦେଇଥିବା ଧିଙ୍ଗ ଏକ୍ସପ୍ରେସ୍ ହିମା ଦାସ ୮୦ ପ୍ରତିଶତରୁ ଅଧିକ ନମ୍ବର ରଖି ପାଶ କରିଛନ୍ତି। ୨୦୧୭ରେ ୨୦ ବର୍ଷରୁ କମ୍ ବିଶ୍ବ ଚାମ୍ପିୟନ୍ସିପ୍ରେ ୪୦୦ ମିଟର ବର୍ଗରେ ସ୍ବର୍ଣ୍ଣ ପଦକ ବିଜୟୀ ହୋଇଥିବା ୧୯ ବର୍ଷୀୟ ହିମା ଏକ ବର୍ଷ ବିଳମ୍ବରେ ଦ୍ବାଦଶ ଶ୍ରେଣୀ ପରୀକ୍ଷା ଦେଇଥିଲେ। ତୁର୍କୀରୁ ପ୍ରଶିକ୍ଷଣ ନେଇ ଫେରିବା ପରେ ସାଇ କେନ୍ଦ୍ରରେ ରହି ପରୀକ୍ଷା ଦେଇଥିଲେ…
Author: Samikhsya Bureau
ଇଷ୍ଟରରେ ଶ୍ରୀଲଙ୍କାରେ ଘଟିଥିବା ବିସ୍ଫୋରଣ ପରେ ଶ୍ରୀଲଙ୍କା ସରକାର ଏହି ଘଟଣାରେ ସମ୍ପୃକ୍ତ ୪୧ ସନ୍ଦିଗ୍ଧ ଆତଙ୍କୀଙ୍କ ବ୍ୟାଙ୍କ ଆକାଉଣ୍ଟ ଅଚଳ କରି ଦେଇଛି। ଏହି ସମସ୍ତ ୪୧ ଜଣ ଆତଙ୍କୀ ନ୍ୟାସ୍ନାଲ୍ ଥାହ୍ବିଦ୍ ଜମ୍ମାଥ (ଏନ୍ଟିଜେ)ର ସଦସ୍ୟ ଅଟନ୍ତି। ପୋଲିସ୍ ମୁଖପାତ୍ର ରୁଆନ୍ ଗୁଣଶେକରାଙ୍କ ସୂଚନା ଅନୁଯାୟୀ ଟିଆଇଡି ଏବଂ ସିଆଇଡିର ତଦନ୍ତ ପରେ ଏହି ନିଷ୍ପତ୍ତି ନେଇଥିବା ଜଣାଇଛନ୍ତି। ଉଲ୍ଲେଖଯୋଗ୍ୟ ଯେ, ଇଷ୍ଟର ସମୟରେ ୯ ଜଣ ଆତ୍ମଘାତୀ ବିସ୍ଫୋରଣକାରୀ ବିଭିନ୍ନ ସ୍ଥାନରେ ବିସ୍ଫୋରଣ ଘଟାଇଥିଲେ। ଏହି ବିସ୍ଫୋରଣରେ ୨୫୮ ଜଣଙ୍କ ପ୍ରାଣହାନି ଘଟିବା ସହିତ ୫୦୦ରୁ ଅଧିକ ଲୋକ ଆହତ ହୋଇଥିଲେ। ୪୧ଟି ଆକାଉଣ୍ଟରୁ ପ୍ରାୟ ୧୩୪ ମିଲିୟନ୍ ଡଲାର ଅର୍ଥ ଜବତ କରାଯାଇଥିବା ବେଳେ ସମ୍ପତ୍ତିରୁ ୧୪ ମିଲିୟନ୍ ଡଲାର ଅର୍ଥ ଜବତ କରିଥିଲେ ଶ୍ରୀଲଙ୍କା ସରକାର।
ଉତ୍ତରପ୍ରଦେଶର ବୁଲନ୍ଦ ସହରରେ ତିନି ଜଣ ପିଲାଙ୍କୁ ଅପହରଣ ପରେ ହତ୍ୟା କରାଯାଇଛି । ଶୁକ୍ରବାର ରାତିରେ 8-10 ବର୍ଷ ବୟସର ତିନି ଜଣ ଶିଶୁଙ୍କୁ ଏକ ବିବାହରୁ ଅପହରଣ କରା ଯାଇଥିଲା । ତିନିଜଣଙ୍କୁ ହତ୍ୟା କରାଯିବା ପରେ ଏକ ଆଖୁ ଖେତର ଟ୍ୟୁବ୍ଓ୍ବେଲ୍ ନିକଟରେ ଫୋପଡା ଯାଇଥିଲା । ପ୍ରାରମ୍ଭିକ ତଦନ୍ତ ଅନୁଯାୟୀ ହତ୍ୟା ପୁର୍ବରୁ ଭୟଙ୍କର ଶାରିରୀକ ଯନ୍ତ୍ରଣା ଦିଆଯାଇଥିବା ଅନୁମାନ କରାଯାଉଛି । ଫଇସଲାବାଦର ଏକ ବିବାହ ମଣ୍ଡପରୁ ଏହି ତିନି ପିଲାଙ୍କ ଅପହରଣ କରାଯାଇଥିବା ଜଣାପଡିଛି । ହତ୍ୟାର କାରଣ ଅସ୍ପଷ୍ଟ ରହିଥିବା ବେଳେ ପାରିବାରିକ କଳହ ଏହାର କାରଣ ହୋଇପାରେ ବୋଲି ସନ୍ଦେହ କରାଯାଉଛି । ସାଲେମପୁର ଥାନା ଆରକ୍ଷୀ ଅବଧେଶ ଅବସ୍ଥି ମୃତଦେହକୁ ବ୍ୟବଚ୍ଛେଦ ପାଇଁ ପଠାଇବା ସହିତ ପ୍ରାରମ୍ଭିକ ତଦନ୍ତ ଚାଲୁ ରହିଥିବା ଜଣାଇଛନ୍ତି । ଘଟଣା ସ୍ଥଳରେ ଉତ୍ତେଜନା ଦେଖାଯିବାରୁ ପୋଲିସ ପକ୍ଷରୁ କଡା ସୁରକ୍ଷା ବ୍ୟବସ୍ଥା ଗ୍ରହଣ…
ନିର୍ଦ୍ଦେଶକ ନୀରଜ ପାଣ୍ଡେ ନିଜକର ଆଗାମୀ ଓ୍ବେବ୍ ସିରିଜ୍ ନେଇ ଘୋଷଣା କରିଛନ୍ତି। ପରେଶ ରାଓ୍ବଲ ଏବଂ ଜିମ୍ମି ଶେର୍ଗିଲ୍ ଏହି ସିରିଜ୍ରେ ଗୁରୁତ୍ବପୂର୍ଣ୍ଣ ଚରିତ୍ରରେ ନଜର ଆସିବାକୁ ଯାଉଥିବା ବେଳେ ମାସୁଦ୍ ଆଝାର ଉପରେ କାହାଣୀ ରହିବ। ୨୦୦୧ରେ ହୋଇଥିବା ସଂସଦ ଆକ୍ରମଣକୁ ମଧ୍ୟ ଓ୍ବେବ୍ ସିରିଜ୍ରେ ଦେଖାଯିବ। ପାଣ୍ଡେଙ୍କ ପୂର୍ବ ଫିଲ୍ମ ଆୟାରୀ ବକ୍ସ ଅଫିସ୍ରେ ଫ୍ଲପ୍ ହୋଇଥିଲା। ପୂର୍ବରୁ ଅଜୟ ଦେବଗନଙ୍କୁ ନେଇ ଚାଣକ୍ୟ ନିର୍ମାଣ କରିବାକୁ ଚାହୁଁଥିଲେ ପାଣ୍ଡେ। ମାତ୍ର ଅଜୟଙ୍କ ନିକଟରେ ସମୟ ନଥିବାରୁ ଏହି ଓ୍ବେବ୍ ସିରିଜ୍ର ନିର୍ମାଣ କରିବାର ନିଷ୍ପତ୍ତି ନେଇଛନ୍ତି। ଆସନ୍ତା ସପ୍ତାହରୁ ଏହି ସିରିଜ୍ର ସୁଟିଂ ଆରମ୍ଭ ହେବ ବୋଲି ନୀରଜ ସୂଚନା ଦେଇଛନ୍ତି। ‘ଟାଇଗର୍ ଜିନ୍ଦା ହେ’ ରେ ଖଳନାୟକ ଭୂମିକାରେ ନଜର ଆସିଥିବା ସଜ୍ଜାଦ ଡେଲାଫ୍ରୁଜ୍ ମଧ୍ୟ ଏକ ଗୁରୁତ୍ବପୂର୍ଣ୍ଣ ଚରିତ୍ରରେ ନଜର ଆସିବେ ବୋଲି ନୀରଜ ସୂଚନା ଦେଇଛନ୍ତି।
ନିଜ ପିତା ତଥା ପଶ୍ଚିମବଙ୍ଗରେ ବିଜେପିର ବିଜୟରେ ମୁଖ୍ୟ ଭୂମିକା ଗ୍ରହଣ କରିଥିବା ମୁକୁଲ ରୟଙ୍କ ପୁଅ ଶୁଭ୍ରାଶୁଂ ରୟଙ୍କୁ ତୃଣମୂଳ ନିଜ ଦଳରୁ ୬ ବର୍ଷ ପାଇଁ ବାସନ୍ଦ କରିଛି। ଶୁଭ୍ରାଶୁଂ ରୟ ବିଜେପିକୁ ଏବଂ ନିଜ ପିତାଙ୍କୁ ପ୍ରଶଂସା କରିଥିଲେ। ସେ କହିଥିଲେ ମୁକୁଲ ରାୟ ରାଜ୍ୟରେ ତୃଣମୂଳକୁ ଏକ ନମ୍ବର ଦଳ ଭାବରେ ପ୍ରତିଷ୍ଠିତ କରିବା ପରେ ବର୍ତ୍ତମାନ ବିଜେପିର ଚାଣକ୍ୟ ହୋଇ ଦଳକୁ ପଶ୍ଚିମବଙ୍ଗରେ ଅପାର ସଫଳତା ପ୍ରଦାନ କରିଛନ୍ତି। ଦଳବିରୋଧୀ କାର୍ଯ୍ୟ ପାଇଁ ଏକଦା ମମତାଙ୍କ ଡାହାଣ ହାତ ରହିଥିବା ମୁକୁଲ ରାୟଙ୍କୁ ଦଳରୁ ବାହାର କରାଯାଇଥିବା ବେଳେ ବର୍ତ୍ତମାନ ତାଙ୍କ ପୁତ୍ର ଶୁଭ୍ରାଶୁଂଙ୍କୁ ମଧ୍ୟ ବାସନ୍ଦ କରିଛି ଦଳ। ତୃଣମୂଳର ସାଧାରଣ ସମ୍ପାଦକ ପାର୍ଥ ଚାଟାର୍ଜୀ କହିଛନ୍ତି, ଦଳର ଶୃଙ୍ଖଳାଗତ କମିଟି ଏବଂ ମମତା ବାନାର୍ଜୀଙ୍କ ସମ୍ମତି ପରେ ଏହି ବାସନ୍ଦାଦେଶ ପ୍ରଦାନ କରାଯାଇଛି।
କଂଗ୍ରେସ ନେତା ଉଦିତ୍ ରାଜ ଆଜିକାଲି ନିଜର ବିବାଦୀୟ ମନ୍ତବ୍ୟ ନେଇ ବେଶ୍ ଚର୍ଚ୍ଚାରେ ରହିଛନ୍ତି। କିଛିଦିନ ପୂର୍ବରୁ ଇଭିଏମ୍କୁ ନେଇ ସୁପ୍ରିମ୍କୋର୍ଟଙ୍କ ଉପରେ ଆରୋପ ଲଗାଇଥିଲେ। ଏବେ ନିର୍ବାଚନୀ ଫଳାଫଳ ଘୋଷଣା ସରିବା ପରେ କଂଗ୍ରେସର ପରାଜୟକୁ ସ୍ବୀକାର କରି ସେ ସିଧା ଟାର୍ଗେଟ୍ ସାମାଜିକ ଗଣମାଧ୍ୟମ ତଥା ଗଣମାଧ୍ୟମକୁ ଦାୟୀ କରିଛନ୍ତି। ଉଦିତ୍ ରାଜ୍ ଟୁଇଟ୍ କରି କହିଛନ୍ତି ଯେ, ରାହୁଲ୍ ଗାନ୍ଧିଙ୍କ ଦୃଢ ନେତୃତ୍ବ ନେଇଥିଲେ, କିନ୍ତୁ ଦୁର୍ଭାଗ୍ୟ ଯେ, ଦେଶର ସାଧାରଣ ଜନତା ମିଛ ତଥା କାଳ୍ପନିକ ଡର, ଦେଶ ଅସୁରକ୍ଷିତ ଆଦି କଥାବସ୍ତୁ, ଯାହା ସାମାଜିକ ଗଣମାଧ୍ୟମ ତଥା ଜାତୀୟ ଗଣମାଧ୍ୟମ ଦ୍ବାରା ପ୍ରଭାବିତ ହୋଇ ଏପରି ନିଷ୍ପତ୍ତି ନେଇଛନ୍ତି। ୨୦୧୪ରେ ଉତ୍ତର ପଶ୍ଚିମ ଦିଲ୍ଲୀର ବିଜେପି ସାଂସଦ ରହିଥିବା ଉଦିତ୍ ରାଜଙ୍କୁ ଚଳିତ ଥର ବିଜେପି ଟିକେଟ୍ ନ ଦେବାରୁ ବିଜେପିରୁ ଯାଇ କଂଗ୍ରେସ ମିଶିଥିଲେ। ବିଜେପି ଉଦିତ୍ଙ୍କ ସ୍ଥାନରେ ଚଳିତ ଥର…
ଭାରତୀୟ ବିଶ୍ବକପ୍ ଟିମ୍କୁ ଏକ ବଡ ଝଟ୍କା ମିଳିଛି। ଅଲରାଉଣ୍ଡର ତଥା ଦଳର ଚାରି ନମ୍ବର ବ୍ୟାଟ୍ସମ୍ୟାନ ବିଜୟ ଶଙ୍କର ଆହତ ହୋଇଛନ୍ତି। ନ୍ୟୁଜିଲ୍ୟାଣ୍ଡ ବିପକ୍ଷ ଅଭ୍ୟାସ ମ୍ୟାଚ୍ ପୂର୍ବରୁ ଅଭ୍ୟାସ କରିବା ସମୟରେ ବିଜୟ ଶଙ୍କର ଆହତ ହୋଇଛନ୍ତି। ଇଏସ୍ପିଏନ୍ ରିପୋର୍ଟ ଅନୁଯାୟୀ ଅଭ୍ୟାସ ସମୟରେ ଦ୍ରୁତ ବୋଲର ଖଲିଲ୍ ଅହମଦ୍ଙ୍କ ବଲ୍ରେ ଏକ ପୁଲ୍ ମାରୁଥିବା ସମୟରେ କହୁଣୀରେ ଆଘାତ ପାଇଥିଲେ ଶଙ୍କର। ଏହି ଅଲ ରାଉଣ୍ଡର ଜଣକ ତୁରନ୍ତ ଦୁଇଟି ବ୍ୟାଟ୍ ହାତରେ ଧରି ପଡିଆ ଛାଡିଥିଲେ। ଶଙ୍କରଙ୍କ ଆଘାତର ଗୁରୁତ୍ବ ନେଇ ବିସିସିଆଇ ପକ୍ଷରୁ କୌଣସି ସୂଚନା ପ୍ରଦାନ କରାଯାଇନାହିଁ। କେଦାର ଜାଦବ ଆହତ ହୋଇ ଫିଟ୍ ଘୋଷିତ ହୋଇଥିବା ବେଳେ ଶଙ୍କର ନ୍ୟୁଜିଲ୍ୟାଣ୍ଡ ବିପକ୍ଷ ମ୍ୟାଚ୍ ପୂର୍ବରୁ ଫିଟ୍ ହୋଇ ପାରିବେ କି ନାହିଁ ଜଣାପଡିନାହିଁ। ଶନିବାର ଭାରତ ନ୍ୟୁଜିଲ୍ୟାଣ୍ଡ ବିପକ୍ଷରେ ପ୍ରଥମ ଅଭ୍ୟାସ ମ୍ୟାଚ୍ ଖେଳିବାର ଥିବା ବେଳେ ମଙ୍ଗଳବାର କାର୍ଡିଫ୍ରେ ବାଂଲାଦେଶ…
ଆମେରିକୀୟ ଖାଦ୍ୟ ଏବଂ ରୋଗ ନିୟନ୍ତ୍ରକ ବିଭାଗ (ଏଫ୍ଡିଏ) ପକ୍ଷରୁ ଶିଶୁଙ୍କ ଔଷଧ ନିର୍ମାଣ ପାଇଁ ୨ ମିଲିୟନ୍ ଡଲାର ନିବେଶ କରିବାର ନିଷ୍ପତ୍ତି ନେଇଛି। ଶିଶୁଙ୍କ ମାଂଶପେଶୀ ନିୟନ୍ତ୍ରଣ ଔଷଧ ପ୍ରସ୍ତୁତ ପାଇଁ ଏହି ଅର୍ଥ ନିବେଶ କରିବ ଏଫ୍ଡିଏ। ସ୍ବିଜରଲ୍ୟାଣ୍ଡର ଔଷଧ ନିର୍ମାଣକାରୀ କମ୍ପାନୀ ନୋଭାର୍ଟିସ୍ ସହିତ ଏନେଇ ଏଫ୍ଡିଏ ପକ୍ଷରୁ ଚୁକ୍ତି କରାଯାଇଛି। ଚୁକ୍ତି ଅନୁଯାୟୀ ଏଫ୍ଡିଏ ୨.୧୨୫ ମିଲିୟନ ବା ପ୍ରାୟ ୧୪ କୋଟି ଅର୍ଥରାଶି ନିବେଶ କରିବାକୁ ଯାଉଛି। ଏହି ଔଷଧରେ ଜିନ୍ ଥେରାପୀ ରହିବ। ଏହି ରୋଗରେ ବାର୍ଷିକ ୪୦୦ ଶିଶୁ ପ୍ରାଣ ହରାଉଥିବା ନେଇ ଏଫ୍ଡିଏ ପକ୍ଷରୁ ସୂଚନା ପ୍ରଦାନ କରାଯାଇଛି। ସେହିପରି ପାଞ୍ଚବର୍ଷରେ ୪ ଲକ୍ଷ ୨୫ ହଜାର ଡଲାରର ବାର୍ଷିକ ବୀମା କରାଯାଇଥିବା ସୂଚନା ମିଳିଛି। ଯଦି ଏହି ମିଶନ ବିଫଳ ହୁଏ ତେବେ ନୋଭାର୍ଟିସ୍ ୧.୨ ମିଲିୟନ୍ ଡଲାରର ଅର୍ଥ ରାଶି ପ୍ରଦାନ କରିବ ବୋଲି ଆଇସିଆର…
ଲୋକସଭା ନିର୍ବାଚନରେ କଂଗ୍ରେସର ଶୋଚନୀୟ ପରାଜୟ ବରଣ କରିବା ପରେ ଦଳରେ ନିରାଶା ଖେଳିଯାଇଛି। ପରାଜୟର ସମୀକ୍ଷା ପାଇଁ ଆଜି ଦଳର କାର୍ଯ୍ୟକାରିଣୀ ବୈଠକ ଡକାଯାଇଛି। ଏଥିରେ ଦଳର ଅଧ୍ୟକ୍ଷ ରାହୁଲ ଗାନ୍ଧି ଇସ୍ତଫା ଦେଇପାରନ୍ତି। ଏହା ମଧ୍ୟରେ ଉତରପ୍ରଦେଶରେ ଦଳର ପରାଜୟ ପାଇଁ ପ୍ରଦେଶ ଅଧ୍ୟକ୍ଷ ରାଜ ବବର ଇସ୍ତଫା ପ୍ରଦାନ କରିସାରିଛନ୍ତି। ସେହିପରି ଓଡିଶା ପିସିସି ସଭାପତି ନିରଂଜନ ପଟ୍ଟନାୟକ, କର୍ଣ୍ଣାଟକ ନିର୍ବାଚନ ପ୍ରଭାରୀଏସକେ ପାଟିଲ ନିଜ ନିଜ ପଦରୁ ଇସ୍ତଫା ଦେଇଛନ୍ତି। ସୂତ୍ରାନୁସାରେ, ରାହୁଲ ଅଧ୍ୟକ୍ଷ ପଦ ଛାଡିବା ପାଇଁ କିଛି ବରିଷ୍ଠ ନେତା ଚାହୁଁଛନ୍ତି କିନ୍ତୁ କିଛି ନେତା ତାଙ୍କୁ ଏପରି କରିବା ପାଇଁ ମନା ମଧ୍ୟ କରୁଛନ୍ତି। ଚଳିତ ଲୋକସଭା ନିର୍ବାଚନରେ କଂଗ୍ରେସ ୫୨ଟି ଆସନ ପାଇଛି। କଂଗ୍ରେସ ଅଧ୍ୟକ୍ଷ ରାହୁଲ୍ ଗାନ୍ଧି ଚଳିତ ଥର ଦୁଇଟି ଦୁଇଟି ଆସନରୁ ନିର୍ବାଚନ ଲଢୁଥିବାବେଳେ ପାରମ୍ପରିକ ଆସନ ଆମେଥିରୁ ପରାଜୟ ସ୍ବୀକାର କରିଛନ୍ତି। କେରଳର ଓ୍ବାୟନାଡ଼ରୁ…
ଫ୍ରାନ୍ସର ଲିଓନ୍ରେ ଏକ ପାର୍ସଲ ବୋମା ବିସ୍ଫୋରଣ ଘଟିଛି। ଫ୍ରାନ୍ସର ଦକ୍ଷିଣପୂର୍ବ ଭାଗର ପ୍ରେସିଡେନ୍ସିଆଲ୍ ଷ୍ଟ୍ରିଟ୍ରେ ଏହି ବିସ୍ଫୋରଣ ଘଟିଥିଲା। ବିସ୍ଫୋରଣରେ ୧୩ରୁ ଅଧିକ ବ୍ୟକ୍ତି ଆହତ ହୋଇଛନ୍ତି। ଦେଶର ନିର୍ବାଚନ ଅନୁଷ୍ଠିତ ହେବାର ଦୁଇ ଦିନ ପୂର୍ବରୁ ଏହି ବିସ୍ଫୋରଣକୁ ନିନ୍ଦା କରିଛନ୍ତି ରାଷ୍ଟ୍ରପତି ଏମାନୁଏଲ୍ ମାକ୍ରନ୍। ଜଣେ ୩୦ବର୍ଷୀୟ ବ୍ୟକ୍ତି ଏହି ବିସ୍ଫୋରଣରେ ସମ୍ପୃକ୍ତ ଥିବା ଜଣା ପଡିଛି। ବିସ୍ଫୋରଣର ଠିକ୍ ପୂର୍ବରୁ ଉକ୍ତ ଯୁବକଙ୍କୁ ସିସିଟିଭିରେ ଦେଖିବାକୁ ମିଳିଛି। ଆହତଙ୍କ ମଧ୍ୟରୁ ୧୩ ଜଣ ଗୁରୁତର ରହିଥିବା ବେଳେ ସମସ୍ତଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି। ଏକ ବେକରୀ କାଉଣ୍ଟର ସମ୍ମୁଖରେ ଏକ ବିସ୍ଫୋରଣ ଘଟିଥିଲା। ବିସ୍ଫୋରଣରେ ନିକଟସ୍ଥ ଘର ଗୁଡିକର କାଚ ଭାଙ୍ଗି ଯାଇଛି। କୌଣସି ଆତଙ୍କୀ ସଙ୍ଗଠନ ଏନେଇ ନିଜକୁ ଦାୟୀ କରି ନଥିବା ବେଳେ ଅପରାଧୀଙ୍କ ବିପକ୍ଷରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ରାଷ୍ଟ୍ରପତି ମାକ୍ରନ୍ ସୂଚନା ଦେଇଛନ୍ତି।
ଆମେରିକୀୟ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ବଡ ଝଟ୍କା ଲାଗିଛି। ମେକ୍ସିକୋ ସୀମାରେ ନିର୍ମିତ ହେବାକୁ ଥିବା ପାଚେରୀ ନିର୍ମାଣ କାମ ବନ୍ଦ କରିବାକୁ ଜନୈକ ବିଚାରପତି ନିର୍ଦ୍ଦେଶ ଦେଇଛନ୍ତି। ଜାତୀୟ ସୁରକ୍ଷା ପାଣ୍ଠି ନିମନ୍ତେ ରହିଥିବା ଅର୍ଥରେ ଟ୍ରମ୍ପଙ୍କ ପାଚେରୀ ନିର୍ମାଣକୁ ବିରୋଧ କରିଛନ୍ତି ଫେଡେରାଲ ଜଜ୍ ହେଉଡ୍ ଗିଲିଅମ୍ ଜୁନିୟର। ସେନାର ବିକାଶ ତଥା ଅନ୍ୟ ଗୁରୁତ୍ବପୂର୍ଣ୍ଣ କାର୍ଯ୍ୟ ପାଇଁ ରହିଥିବା ଅର୍ଥକୁ ପାଚେରୀ ନିର୍ମାଣ ପାଇଁ କୋର୍ଟ ଅନୁମତି ପ୍ରଦାନ କରି ପାରିବେ ନାହିଁ ବୋଲି ବିଚାରପତି କହିଛନ୍ତି। ଶନିବାର ହେବାକୁ ଥିବା ୫୧ ମାଇଲର ଏହି ପାଚେରୀ ନିର୍ମାଣ କାର୍ଯ୍ୟକୁ ବନ୍ଦ କରିବା ନିମନ୍ତେ ଆଦେଶ ଦେଇଛନ୍ତି ବିଚାରପତି ଗିଲିଆନ୍। ସୂଚନାଯୋଗ୍ୟ ଯେ, ପୂର୍ବରୁ କାଲିଫର୍ଣ୍ଣିଆ ସମେତ ୧୯ଟି ରାଷ୍ଟ୍ର ଏହି ପ୍ରସ୍ତାବକୁ ଖାରଜ କରି ଦେଇଛନ୍ତି।
ଭାରତରେ ମୋଦୀଙ୍କ ନେତୃତ୍ବକୁ ବିପୁଳ ସମର୍ଥନ ମିଳିଥିବାରୁ ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ ଅଭିନନ୍ଦନ କରିଛନ୍ତି। ଟେଲିଫୋନ ଯୋଗେ ଟ୍ରମ୍ପ ମୋଦୀଙ୍କୁ ଏହି ଅଭିନନ୍ଦନ ଜଣାଇଛନ୍ତି। ମୋଦୀ ଜଣେ ଦକ୍ଷ ନେତା ଏବଂ ଭାରତର ଶାସନ ଭାର ପୁଣି ଥରେ ଭାରତବାସୀ ଦେଇଥିବାରୁ ଟ୍ରମ୍ପ ଖୁସି ବ୍ୟକ୍ତ କରିଛନ୍ତି। ଭାରତବାସୀ ମୋଦୀଙ୍କ ପରି ଜଣେ ପ୍ରଧାନମନ୍ତ୍ରୀ ପାଇଛନ୍ତି ତାହା ବଡ କଥା ବୋଲି ଟ୍ରମ୍ପ ଟୁଇଟ କରିଛନ୍ତି। ଆସନ୍ତା ଜୁନ ମାସରେ ଜାପାନରେ ହେବାକୁ ଥିବା ଜି20 ସମ୍ମିଳନୀରେ ସାକ୍ଷାତ ହେବ ବୋଲି ମୋଦୀଙ୍କୁ ଟ୍ରମ୍ପ ପ୍ରତିଶୃତି ଦେଇଛନ୍ତି। ଏଥିସହିତ ଦୁଇ ଦେଶ ମଧ୍ୟରେ ସୁସଂପର୍କ ପ୍ରତିଷ୍ଠା ସହିତ ମିଳିମିଶି ଉନ୍ନୟନ କାର୍ଯ୍ୟ କରିବା ବୋଲି ଟ୍ରମ୍ପ ପ୍ରତିଶୃତି ମଧ୍ୟ ଦେଇଛନ୍ତି। ଅନ୍ୟପକ୍ଷରେ ଟ୍ରମ୍ପଙ୍କ ଏପରି ଅଭିନନ୍ଦନ ପାଇଁ ତାଙ୍କୁ ମୋଦୀ ଧନ୍ୟବାଦ ମଧ୍ୟ ଦେଇଛନ୍ତି। ମୋଦୀ କହିଛନ୍ତି ଯେ, ଭାରତବାସୀ ପୁଣି ଥରେ ତାଙ୍କୁ ବିପୁଳ ଭୋଟରେ ବିଜୟ କରିଥିବାରୁ…
କେଦାର ମିଶ୍ର ଖରାଦିନର କୂଅ ପରି ଓଡିଶାରେ ପ୍ରତି ନିର୍ବାଚନରେ କଂଗ୍ରେସର ଭୋଟ ହାର ବିପୁଳ ପରିମାଣରେ ଖସି ଚାଲିଛି। ୨୦୧୪ ନିର୍ବାଚନରେ ଓଡିଶା ର ୨୧ ଟି ଯାକ ଲୋକସଭା ଆସନରେ କଂଗ୍ରେସର ଭୋଟହାର ୩୩.୭୫% ରହିଥିବା ବେଳେ ୨୦୧୪ ରେ ଏହା ୨୬% କୁ ଖସି ଆସିଥିଲା। ୨୦୧୯ ରୁ ୨୦୧୪ ଭିତରେ ଦଳ ସାରା ଓଡିଶାରେ ୭.୭୫% ଭୋଟ ହରାଇଥିଲା। ଏବର୍ଷ ନିର୍ବାଚନରେ ଦଳର ଅବସ୍ଥା ଆହୁରି ଶୋଚନୀୟ ହୋଇପଡିଛି। ୨୩ ତାରିଖରେ ପ୍ରକାଶିତ ସାଧାରଣ ନିର୍ବାଚନ ଫଳ ଅନୁଯାୟୀ ଓଡିଶାରେ କଂଗ୍ରେସର ଭୋଟ ହାର ରହିଛି ୧୩.୮% ଅର୍ଥାତ ୨୦୧୪ ତୁଳନାରେ ୧୨.୨% କମ। ସିଧାସଳଖ କଂଗ୍ରେସର ସମୁଦାୟ ଭୋଟ ବିଜେପି ଖାତାକୁ ଚାଲିଯାଇଛି। ଓଡିଶାରେ ବିଜେପି ନିଜର ଭୋଟହାର ଆଶାତୀତ ଭାବରେ ବୃଦ୍ଧି କରାଇବାରେ ସଫଳ ହୋଇଛି। ୨୦୧୪ ରେ ବିଜେପିର ଭୋଟ ହାର ମାତ୍ର ୨୧.୫୦ ରହିଥିବାବେଳେ ଏବର୍ଷ ଏହା ୩୮.୪% ପହଞ୍ଚିଛି।…
ଗୁଜରାଟର ସୁରଟ ସ୍ଥିତ ସରଥଣାଠାରେ ଥିବା ଏକ କୋଚିଂ ସେଣ୍ଟରରେ ନିଆଁ ଲାଗିବା କାରଣରୁ ୧୯ ଜଣ ଛାତ୍ରଛାତ୍ରୀ ପ୍ରାଣ ହରାଇଛନ୍ତି। ବିଲ୍ଡିଂର ତୃତୀୟ ଏବଂ ଚତୁର୍ଥ ଫ୍ଲୋରରେ ନିଆଁ ଲାଗିଯାଇ ଥିଲା। ଏଥିରେ ଅନେକ ଆହତ ମଧ୍ୟ ହୋଇଛନ୍ତି। ଏହି ଘଟଣାରେ ମୃତକଙ୍କ ସଂଖ୍ୟା ୧୯ ହୋଇଥିବାବେଳେ ଏହାର ସଂଖ୍ୟା ବଢ଼ିବାର ସମ୍ଭାବନା ରହିଛି। ତକ୍ଷଶିଳା ଆର୍କେଡ଼ରେ ନିଆଁ ଲାଗିଯାଇଥିବାବେଳେ ଛାତ୍ରଛାତ୍ରୀମାନେ ନିଆଁ କବଳରୁ ରକ୍ଷା ପାଇବା ପାଇଁ ତଳକୁ ଡେଇଁ ପଡ଼ିଥିଲେ । ଗୁଜରାଟ ମୁଖ୍ୟମନ୍ତ୍ରୀ ବିଜୟ ରୂପାନୀ ଏହି ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି। ଏହି ଘଟଣାରେ ମୃତକଙ୍କ ପରିବାର ପାଇଁ ୪ ଲକ୍ଷ ଟଙ୍କା ଲେଖାଏ ସହାୟତା ରାଶି ଦିଆଯିବା ନେଇ ମୁଖ୍ୟମନ୍ତ୍ରୀ ଘୋଷଣା କରିଛନ୍ତି। ପ୍ରାଥମିକ ତଦନ୍ତରୁ ଜଣାପଡ଼ିଛି ଏଠାରେ ଶର୍ଟସର୍କିଟ୍ କାରଣରୁ ଅଗ୍ନିକାଣ୍ଡ ଘଟିଥିଲା। ସେହିପରି ଏହି ଘଟଣାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୁଃଖ ପ୍ରକାଶ କରିବା ସହିତ ମୃତକଙ୍କ ପରିବାର ପ୍ରତି…
ମୋଦିଙ୍କ ଜୀବନୀକୁ ନେଇ ଫିଲ୍ମ ‘ପିଏମ୍ ମୋଦି’ ଆଜି ରିଲିଜ୍ ହୋଇଯାଇଛି । ଓମଙ୍ଗ କୁମାରଙ୍କ ନିର୍ଦ୍ଦେଶିତ ତଥା ବିବେକ ଓବରୟଙ୍କ ଅଭିନୀତ ଏହି ଫିଲ୍ମଟି ଏପ୍ରିଲ୍ ୧୨ ତାରିଖରେ ରିଲିଜ୍ ହେବାକୁ ରହିଥିବାବେଳେ ଦେଶରେ ନିର୍ବାଚନ ଆଚରଣ ବିଧି ଲାଗୁ ହୋଇଯାଇଥିବାରୁ ଏହି ଫିଲ୍ମର ରିଲିଜ୍ ଉପରେ ରୋକ୍ ଲଗାଯାଇଥିଲା । ନିର୍ବାଚନ ସହିତ ନିର୍ବାଚନ ଫଳାଫଳ ମଧ୍ୟ ଘୋଷଣା ସରିଯାଇଛି । ଚଳିତ ଥର ବହୁ ମତରେ ଏନ୍ଡିଏ ପୁଣିଥରେ ସତ୍ତାକୁ ଫେରିଛି । ମୋଦିଙ୍କର ବିପୁଳ ବିଜୟ ପରେ ଏହି ଫିଲ୍ମକୁ ରିଲିଜ୍ କରାଯାଇଛି । ଏହି ଫିଲ୍ମରେ ବିବେକଙ୍କ ବ୍ୟତୀତ ବରଖା ବିଷ୍ଟ, ବୋମନ ଇରାନୀ, ମୋଦିଙ୍କ ପୂର୍ବରୁ ଅନେକ ରାଜନେତାଙ୍କର ଜୀବନୀ ବଡ଼ପରଦାରେ ପ୍ରଦର୍ଶିତ ହୋଇସାରିଛି । ଭାରତର ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କୁ ନେଇ ‘ଦ ଆକ୍ସିଡେଣ୍ଟାଲ ପ୍ରାଇମ୍ମିନିଷ୍ଟର’, ଶିବସେନାର ପ୍ରମୁଖ ବାଲା ସାହେବଙ୍କ ଜୀବନୀକୁ ନେଇ ’ଠାକ୍ରେ’ ରିଲିଜ୍ ହୋଇସାରିଥିବାବେଳେ ଦକ୍ଷିଣ…
୨୦୧୯ ସାଧାରଣ ନିର୍ବାଚନରେ କଂଗ୍ରେସର ନୈରାଶ୍ୟଜନକ ପ୍ରଦର୍ଶନ ପରେ ଦଳରୁ ଇସ୍ତଫା ଦେଇଛନ୍ତି ବରିଷ୍ଠ କଂଗ୍ରେସ ନେତା ଭକ୍ତ ଚରଣ ଦାସ । ସେ ନିଜ ଇସ୍ତଫା ପତ୍ରକୁ ଏଆଇସିସି ଅଧ୍ୟକ୍ଷଙ୍କ ନିକଟକୁ ପଠାଇଥିବା ସୂଚନା ମିଳିଛି। ଭକ୍ତ କଂଗେସ ଦଳର ପ୍ରଚାର କମିଟି ଅଧ୍ୟକ୍ଷ ଥିଲେ। ମାତ୍ର ନିର୍ବାଚନ ବେଳେ ସେ ପ୍ରଚାର କରି ପାରି ନ ଥିଲେ। ଅପରପକ୍ଷେ ରାଜ୍ୟରେ କଂଗ୍ରେସ ଭଲ ପ୍ରଦର୍ଶନ କରିବାରେ ବିଫଳ ହୋଇଛି। ଏଥିପାଇଁ ନିଜକୁ ଦାୟୀ କରିଛନ୍ତି ସେ। ଏହାଛଡ଼ା ଦଳୀୟ ସଂଗଠନକୁ ତୃଣମୂଳସ୍ତରରେ ଗୁରୁତ୍ୱ ଦେବାର ଆବଶ୍ୟକତା ଥିବାରୁ ସେ ନିଜ ପଦବୀରୁ ଇସ୍ତଫା ଦେଉଛନ୍ତି ବୋଲି ଉଲ୍ଲେଖ କରିଛନ୍ତି। ସେହିପରି ପିସିସି ସଭାପତି ନିରଞ୍ଜନ ପଟ୍ଟନାୟକ ମଧ୍ୟ ଦଳରୁ ଇସ୍ତଫା ଦେଇଛନ୍ତି । ଚଳିତ ନିର୍ବାଚନରେ କଂଗ୍ରେସ ଲୋକସଭାରେ ୧ଟି ଆସନ ଓ ବିଧାନସଭାରେ ୯ଟି ଆସନ ଜିତିଛି । ସେହିପରି ଉତ୍ତରପ୍ରଦେଶରେ କଂଗ୍ରେସର ନୈରାଶ୍ୟଜନକ ଫଳାଫଳ ପାଇଁ…
ମୋଦିଙ୍କୁ ବଧେଇ ଜଣାଇଲା ବଲିଉଡ୍ । ସପ୍ତଦଶ ଲୋକସଭା ନିର୍ବାଚନରେ ବିଜେପି ବହୁମତ ପାଇ ପୁଣି ଥରେ ସରକାର ଗଠନ କରୁଛନ୍ତି । ମୋଦିଙ୍କର ଅପାର ସଫଳତା ପାଇଁ ସାରା ବଲିଉଡ୍ ତାଙ୍କୁ ଅଭିନନ୍ଦନ ଜଣାଇଛନ୍ତି । ବଲିଉଡ୍ ଭାଇଜାନ୍ ସଲମାନ୍ ଖାନ୍ ମୋଦିଙ୍କୁ ଏହି ସଫଳତା ପାଇଁ ଶୁଭେଚ୍ଛା ଜଣାଇବା ସହିତ ଆପଣଙ୍କ ସହିତ ଏକ ମଜବୁତ୍ ଭାରତ ନିର୍ମାଣରେ ଆପଣଙ୍କ ସହ ରହିଛୁ ବୋଲି ଟୁଇଟ୍ କରିଛନ୍ତି । ସଲମାନ୍ଙ୍କ ବ୍ୟତୀତ, ରଜନୀକାନ୍ତ, ବରୁଣ ଧଓ୍ବନ, ଅର୍ଜୁନ୍ କପୁର୍, ରିତେଶ ଦେଶମୁଖ, ପରିଣିତି ଚୋପ୍ରାଙ୍କ ସମେତ ଅନେକ କଳାକାର ତାଙ୍କୁ ଶୁଭେଚ୍ଛା ବାର୍ତ୍ତା ଜଣାଇଛନ୍ତି । ସଲମାନ୍ ସର୍ବଦା ମୋଦିଙ୍କୁ ସମର୍ଥନ କରି ଆସିଛନ୍ତି । ୨୦୧୪ରେ ସଲମାନ୍ ମୋଦିଙ୍କ ସହ ଅହମ୍ମଦାବାଦ ଗୁଡ଼ି ଉଡା ଉତ୍ସବରେ ଯୋଗଦେଇଥିଲେ । ସେହିପରି ୨୦୧୪ରେ ମୋଦିଙ୍କ ଶପଥ ଗ୍ରହଣ ଉତ୍ସବରେ ସାମିଲ୍ ହୋଇଥିଲେ ସଲମାନ୍ ।
ବହୁ ଚର୍ଚ୍ଚିତ ମନି ଲଣ୍ଡରିଙ୍ଗ ମାମଲାରେ ରର୍ବଟ ଭଦ୍ରାଙ୍କ ଅନ୍ତରୀଣ ଜାମିନ ରଦ୍ଦ କରିବା ପାଇଁ ଇଡି ଦିଲ୍ଲୀ ଉଚ୍ଚତମ ନ୍ୟାୟାଳୟର ଦ୍ୱାରସ୍ଥ ହୋଇଛନ୍ତି । ମନି ଲଣ୍ଡରିଙ୍ଗ ମାମଲାରେ ଏପ୍ରିଲ ୧ରେ ସ୍ବତନ୍ତ୍ର ସିବିଆଇ କୋର୍ଟ ଭଦ୍ରାଙ୍କୁ ଅନ୍ତରୀଣ ଜାମିନ ପ୍ରଦାନ କରିଥିଲେ। ଅଦାଲତ ଭଦ୍ରାଙ୍କୁ ତାଙ୍କର ସମ୍ପର୍କୀୟ ମନୋଜ ଅରୋଡାଙ୍କ ୫ଲକ୍ଷ ଟଙ୍କିଆ ବେଲ ବଣ୍ଡ୍ ଆଧାରରେ ଜାମିନ ଦେବାକୁ ଅନୁମତି ଦେଇଥିଲା ଏବଂ ସର୍ତ ରଖିଥିଲା କି, ଭଦ୍ରା ଏବଂ ମନୋଜ ଅରୋଡା ବିନା ଅନୁମତିରେ ଦେଶ ଛାଡି ଯାଇ ପାରିବେ ନାହିଁ । ଏହା ସହ ପ୍ରମାଣ ପତ୍ର ନଷ୍ଟ ନକରିବା କିମ୍ବା ସାକ୍ଷୀଙ୍କୁ ପ୍ରଲୋଭନ ନଦେଖାଇବା ପାଇଁ ଚେତାବନୀ ମଧ୍ୟ ଦିଆଯାଇଛି ।
ଗତକାଲିର ପରାଜୟ ସହିତ କଂଗ୍ରେସ ସଭାପତି ରାହୁଲ ଗାନ୍ଧୀ ନିଜ କ୍ୟାରିୟରର ବିଫଳତମ ଦିନର ସାମ୍ନା କରିଥିବା ବେଳେ ଆଜି ବରିଷ୍ଠ ଲେଖକ, ଐତିହାସିକ ତଥା ସ୍ତମ୍ଭକାର ରାମଚନ୍ଦ୍ର ଗୁହାଙ୍କ ସମାଲୋଚନାର ଶିକାର ହୋଇଛନ୍ତି । ଦେଶବ୍ୟାପୀ ରାହୁଲଙ୍କ ପ୍ରଚାର ଅତ୍ୟନ୍ତ ପ୍ରଭାବହୀନ ରହିଥିଲା । ଆମେଥି କଂଗ୍ରେସର ଗଡ ହୋଇଥିବା ବେଳେ ୨୦୦୪ରୁ ସମାନ ଆସନରେ ରାହୁଲ ବିଜୟୀ ହେଉଥିବା ବେଳେ ଚଳିତ ବର୍ଷ ପ୍ରଥମ ଥର ପାଇଁ ପରାଜିତ ହୋଇଛନ୍ତି । ଏପରକି ପରସ୍ଥିତିରେ କଂଗ୍ରେସ ସଭାପତି ପଦବୀରୁ ରାହୁଲ ନ ଓହରିବା ଅତ୍ୟନ୍ତ ଆଶ୍ଚର୍ଯ୍ୟଜନକ ବୋଲି ଗୁହା କହିଛନ୍ତି । ସୋସିଆଲ ମିଡିଆ ସାଇଟ୍ ଟ୍ବିଟ୍ଟର ଜରିଆରେ ଏହି ପ୍ରଶ୍ନ କରିଛନ୍ତି ଗୁହା । ଆତ୍ମସମ୍ମାନ ଏବଂ ଜଣେ ରାଜନୀତିଜ୍ଞ ଭାବରେ ରାହୁଲ ନିଜ ପଦବୀରୁ ଇସ୍ତଫା ପ୍ରଦାନ କରିବା ଉଚିତ୍ ବୋଲି କହିଛନ୍ତି ଗୁହା । ସେହିପରି ଯୋଗେନ୍ଦ୍ର ଯାଦବଙ୍କ ଏକ ପ୍ରଶ୍ନର ଉତ୍ତର ଦେଇ…
ଲୋକସଭା ନିର୍ବାଚନରେ ବିଜେପିକୁ ବୃହତ୍ ସଫଳତା ମିଳିଛି । ପଶ୍ଚିମବଙ୍ଗରେ ବିଜେପି ୧୮ଟି ଆସନ ହାତେଇଛି । ଏହାପରେ ମମତାଙ୍କ ସରକାରକୁ ଖୋଲାଖୋଲି ଚ୍ୟାଲେଞ୍ଜ ଦେଇଛି ବିଜେପି । ୯୦ ଭିତରେ ମମତା ସରକାରକୁ ଭାଙ୍ଗିବା ପାଇଁ ଚ୍ୟାଲେଞ୍ଜ ଦେଇଛି । ବିଜେପିର ନେତା ଅର୍ଜୁନ୍ ସିଂହ କହିଛନ୍ତି ଯେ, ଟିଏମ୍ସିର କିଛି ନେତା ଓ ସାଂସଦ ବିଜେପିର ସମ୍ପର୍କରେ ରହିଛନ୍ତି । ତେଣୁ ୯୦ ଦିନ ଭିତରେ ମମତା ସରକାର ଭାଙ୍ଗି ପଡ଼ିବ ବୋଲି କହିଛନ୍ତି ଅର୍ଜୁନ୍ ସିଂହ । ଅର୍ଜୁନ୍ ସିଂହ ପଶ୍ଚିମବଙ୍ଗର ବାରାକ୍ପୁର ଲୋକସଭା ଆସନରୁ ବିଜୟୀ ହୋଇଛନ୍ତି । ନିର୍ବାଚନୀ ପ୍ରଚାରରେ ମୋଦି ମଧ୍ୟ ପଶ୍ଚିମବଙ୍ଗର କିଛି ଟିଏମ୍ସି ନେତା ବିଜେପି ସମ୍ପର୍କରେ ରହିଛନ୍ତି ବୋଲି କହିଥିଲେ । ଗତ ନିର୍ବାଚନରେ ବିଜେପି ମାତ୍ର ୨ଟି ଆସନ ପାଇଥିବାବେଳେ ଟିଏମ୍ସି ୩୪ଟି ଆସନ ହାତେଇଥିଲା । ଚଳିତ ନିର୍ବାଚନରେ ଭାଜପା ଅଧ୍ୟକ୍ଷ ଅମିତ ଶାହା ପଶ୍ଚିମବଙ୍ଗରେ…
ଭାରତ ଏବଂ ଦ୍ବିପାକ୍ଷିକ ସମ୍ପର୍କ ନେଇ ମତ ରଖିଛନ୍ତି ୟୁଏସ୍ ରେ ଅବସ୍ଥାପିତ ରାଷ୍ଟ୍ରଦୂତ ହର୍ଷ ବର୍ଦ୍ଧନ ସ୍ରିଙ୍ଗଲା । ପାକିସ୍ତାନ ଯେପର୍ଯ୍ୟନ୍ତ ଆତଙ୍କୀଙ୍କୁ ସହାୟତା କରୁଛି ସେପର୍ଯ୍ୟନ୍ତ କୌଣସି ଶାନ୍ତି ଆଲୋଚନା ହୋଇ ପାରିବ ନାହିଁ ବୋଲି ସ୍ରିଙ୍ଗଲା ମତ ରଖିଛନ୍ତି । ପ୍ରଧାନମନ୍ତ୍ରୀ ମୋଦି ଦ୍ବିତୀୟ ଥର ପାଇଁ କ୍ଷମତାକୁ ପ୍ରତ୍ୟାବର୍ତ୍ତନ କରିବାର ଗୋଟିଏ ଦିନ ପରେ ଏହି ମନ୍ତବ୍ୟ ଦେଇଛନ୍ତି ରାଷ୍ଟ୍ରଦୂତ । ଏହି ମନ୍ତବ୍ୟ ସହିତ ଭାରତ ଆତଙ୍କବାଦକୁ ନେଇ ନିଜର ମତ ସ୍ପଷ୍ଟ ଭାବରେ ରଖିଛି । ଉଲ୍ଲେଖଯୋଗ୍ୟ ଯେ, ଫେବୃୟାରୀ ୧୪ ତାରିଖରେ ପୁଲଓ୍ବାମାରେ ଜୈସ୍ ଇ ମହମ୍ମଦ ଆତଙ୍କୀଙ୍କ ଆକ୍ରମଣରେ ୪୦ ଜଣ ଯବାନ ପ୍ରାଣ ହରାଇଥିଲେ । ଏହାପରେ ଭାରତ ପକ୍ଷରୁ ବାଲାକୋଟରେ ଏୟାର ଷ୍ଟ୍ରାଇକ୍ କରାଯାଇଥିଲା । ଏହା ପରଠାରୁ ଉଭୟ ରାଷ୍ଟ୍ର ମଧ୍ୟରେ ଅଶାନ୍ତିର ବାତାବରଣ ଲାଗି ରହିଛି ।
