ଭାରତୀୟ ମହାକାଶ ବିଜ୍ଞାନ ସଂସ୍ଥାନ (ଇସ୍ରୋ) ସଫଳତାର ସହ ଆଉ ଏକ ଉପଗ୍ରହ ଉତ୍କ୍ଷେପଣ କରିଛି । ରିସାଟ୍ ୨ ବି ନାମରେ ନାମିତ ଏହି ଉପଗ୍ରହଟି ଏକ ରାଡାର ଇମେଜିଂ ଉପଗ୍ରହ । ଏହା ଦ୍ବାରା ପାଣିପାଗ ସଙ୍କ୍ରାନ୍ତ ସମସ୍ତ ରିପୋର୍ଟ ମିଳିପାରିବ । ଏହା ଦ୍ବାରା ଚାଷ, ଜଙ୍ଗଲ ଉପରେ ନଜର ତଥା ପ୍ରାକୃତିକ ବିପର୍ଯ୍ୟୟର ମୁକାବିଲା ସହଜରେ କରାଯାଇ ପାରିବ । ମେ ୨୨ ତାରିଖ ସକାଳୁ ଉତ୍କ୍ଷେପଣ କରାଯାଇଥିବା ଏହି ଉପଗ୍ରହ ଭୂପୃଷ୍ଠରୁ ୫୫୭ କିମି ଉପରେ ରହିଥିବା ଏହାର କକ୍ଷପଥରେ ସଫଳତାର ସହ ପହଞ୍ଚିଛି । ଇସ୍ରୋର ଚେୟାରମ୍ୟାନ୍ କେ ଶିବନ ଏହି ମିଶନର ସଫଳତା ନେଇ ଗଣ ମାଧ୍ୟମକୁ ସୂଚନା ଦେଇଛନ୍ତି । ଏହି ଉପଗ୍ରହଟି ଦିନ ଏବଂ ରାତି ସମସ୍ତ ସମୟର ସ୍ବଚ୍ଛ ଥର୍ମାଲ ଇମେଜିଂ ପ୍ରଦାନ କରିପାରିବ ଯାହାକି ପାଣିପାଗ ସହିତ ସେନା ପାଇଁ ମଧ୍ୟ ଅତ୍ୟନ୍ତ ଉପଯୋଗୀ ରହିବ…
Author: Samikhsya Bureau
କେଦାର ମିଶ୍ର ଯେତେବେଳେ ପରାଜୟ ନିଶ୍ଚିତ ବୋଲି ଜଣାପଡେ, ସେତେବେଳେ ରାଜନୈତିକ ଦଳଗୁଡିକ ଭୋଟିଂ ମେସିନ ଓ ନିର୍ବାଚନ ପ୍ରକ୍ରିୟା ଉପରେ ପ୍ରଶ୍ନ ଉଠାଇଥାନ୍ତି- ଏହା ହେଉଛି ଆମ ଗଣମାଧ୍ୟମର ଏକ ସୁଚିନ୍ତିତ ସିଦ୍ଧାନ୍ତ। ନିଜ ପରାଜୟକୁ ସ୍ଵୀକାର କରିବା ପରିବର୍ତ୍ତେ ଭୋଟିଂ ମେସିନ କୁ ଦୋଷ ନଦେବାକୁ ଉପଦେଶ ଓ ପରାମର୍ଶ ମଧ୍ୟ ଦିଆଯାଏ। ତେବେ ବିରୋଧୀ କଣ ସତରେ ଔଷଧ ରାଗରେ ତାଟିଆ କାମୁଡିବା ନ୍ୟାୟରେ କେବଳ ଭୋଟିଂ ମେସିନ ଓ ନିର୍ବାଚନ କମିଶନକୁ ଦୋଷ ଦେଉଛନ୍ତି। ଆଜି ଯେତେବେଳେ ଦେଶର ସବୁ ଗଣମାଧ୍ୟମ ଘୋଷଣା କରିସାରିଛନ୍ତି ଯେ, ନରେନ୍ଦ୍ର ମୋଦୀ ବିପୁଳ ଆସନ ପାଇ ଜୟଯୁକ୍ତ ହୋଇସାରିଛନ୍ତି, ସେତେବେଳେ ବିରୋଧୀ ହାରି ସାରିଛନ୍ତି ଓ ହାରିବାର ପ୍ରତିକ୍ରିୟାରେ ଭୋଟିଂ ମେସିନ ଉପରେ ରାଗ ଅଜାଡୁଛନ୍ତି ବୋଲି ମାନିନେବା ଛଡା ଆଉ ବା ବାଟ କଣ ଅଛି? ୨୩ ତାରିଖ ଫଳାଫଳ ଘୋଷଣା ହେବା ପୂର୍ବରୁ ବିଜେପିରେ ଭୋଜିଭାତ…
ଆଜି ହେଉଛି ଲୋକପ୍ରିୟ ଅଭିନେତା ମୋହନଲାଲ୍ଙ୍କର ୫୯ତମ ଜନ୍ମଦିବସ। ୧୯୬୦ ମସିହା ମେ ୨୧ ତାରିଖରେ କେରଳର ପଥନମ୍ଥିଟ୍ଟାର ଏଲାନ୍ପୁରରେ ଜନ୍ମ ହୋଇଥିଲେ ଏହି ଅଭିନେତା ଜଣକ। ତାଙ୍କ ପିତା ବିଶ୍ବନାଥ ନାୟାର କେରଳ ସରକାରଙ୍କ ଆଇନ ସଚିବ ଥିଲେ। କେରଳର ମହତ୍ମା ଗାନ୍ଧୀ କଲେଜରୁ ବାଣିଜ୍ୟରେ ସ୍ନାତକ ଡିଗ୍ରୀ ହାସଲ କରିଥିବା ମୋହନଲାଲ ୧୯୭୭ ଏବଂ ୭୮ରେ କେରଳ କୁସ୍ତିର ରାଜ୍ୟ ଚାମ୍ପିୟନ୍ ଥିଲେ। ୧୯୭୮ରେ ତାଙ୍କ ପ୍ରଥମ ମଲୟାଲମ୍ ଫିଲ୍ମ ‘ଥିରାନୋତ୍ତମ୍’ ରିଲିଜ୍ ହୋଇଥିଲା। ତେବେ ‘ମଂଜିଲ୍ ବ୍ରିନ୍ଜାଲ୍ ପୋକାଲ୍’ ଚଳଚ୍ଚିତ୍ରରେ ନକାରାତ୍ମକ ଚରିତ୍ରରେ ଅଭିନୟ କରି ବେଶ୍ ଚର୍ଚ୍ଚାକୁ ଆସିଥିଲେ। ମୋହନଲାଲ ନିଜ କ୍ୟାରିୟରେ ୫ଟି ଜାତୀୟ ପୁରସ୍କାର ହାସଲ କରିବା ସହିତ ଭାରତ ସରକାରଙ୍କ ପକ୍ଷରୁ ସମ୍ମାନଜନକ ପଦ୍ମଶ୍ରୀ (୨୦୦୧)ରେ ସମ୍ମାନିତ ହୋଇଥିବାବେଳେ ଭାରତୀୟ ଫିଲ୍ମ ଜଗତ ପାଇଁ ତାଙ୍କର ଉଲ୍ଲେଖନୀୟ ଅବଦାନ ତାଙ୍କୁ ଚଳିତ ବର୍ଷର ପଦ୍ମ ବିଭୂଷଣ ପୁରସ୍କାରରେ ମଧ୍ୟ ସମ୍ମାନିତ କରାଯାଇଛି। ୧୯୮୬…
କର୍ଣ୍ଣାଟକର କଂଗ୍ରେସ ବିଧାୟକ ରୋଶନ ବେଗ ଦଳ ଛାଡ଼ିବା ନେଇ ମଙ୍ଗଳବାର ସଂକେତ ଦେଇଛନ୍ତି। ଲୋକସଭା ନିର୍ବାଚନ ଏକ୍ଜିଟ୍ ପୋଲ ରିପୋର୍ଟ ସାମ୍ନାକୁ ଆସିବା ପରେ ଦଳର ନିରାଶାଜନକ ପ୍ରଦର୍ଶନ ପାଇଁ ବେଗ୍ କର୍ଣ୍ଣାଟକ କଂଗ୍ରେସ ପ୍ରଭାରୀ କେସି ଭେଣୁଗୋପାଳ ଏବଂ ପୂର୍ବତନ ମୁଖ୍ୟମନ୍ତ୍ରୀ ସିଦ୍ଧରମେୟାଙ୍କୁ ଦାୟୀ କରିଛନ୍ତି। ଏହାସହ ବେଗ୍ ଏନ୍ଡିଏ ସରକାର ଗଠନ ହେଲେ ତାହା ସହ ସାଲିସ୍ କରିବାକୁ ମୁସଲମାନଙ୍କୁ ପରାମର୍ଶ ଦେଇଛନ୍ତି। ସେ କହିଛନ୍ତି ଯେ ଯଦି ଏନ୍ଡିଏ ସରକାର ଗଠନ କରେ ତେବେ ମୁସଲମାନ ଭାଇମାନେ ବୁଝାମଣା କରିନେବା ଆବଶ୍ୟକ। ଆବଶ୍ୟକ ପଡ଼ିଲେ ବିଜେପି ସହ ହାତ ମିଳାଇ ନେବା ଠିକ୍ ହେବ। କୌଣସି ଗୋଟିଏ ଦଳର ଅନୁଗତ ହୋଇ ରହିବା ଅନୁଚିତ। କର୍ଣ୍ଣାଟକରେ କଂଗ୍ରେସ କେବଳ ଜଣେ ମୁସଲମାନଙ୍କୁ ଟିକେଟ୍ ପ୍ରଦାନ କରିଛି। ଆବଶ୍ୟକତା ପଡ଼ିଲେ କଂଗ୍ରେସ ଛାଡ଼ିଦେବି କହିଛନ୍ତି ରୋଶନ୍ ବେଗ୍ । ତାଙ୍କ ମନ୍ତବ୍ୟକୁ ନେଇ ଉପମୁଖ୍ୟମନ୍ତ୍ରୀ ଜି ପରମେଶ୍ବର…
ବାହୁବଳୀ ଫେମ୍ ପ୍ରଭାସ ପୁଣି ପରଦାରେ ଧମାଲ୍ କରିବାକୁ ଯାଉଛନ୍ତି। ବାହୁବଳୀ ଏବଂ ବାହୁବଳୀ ୨ ପରେ ଏବେ ଫିଲ୍ମ ‘ସାହୋ’ ପାଇଁ ଜୋରଦାର ପ୍ରସ୍ତୁତି ଚଳାଇଛନ୍ତି ଏହି ସାଉଥ୍ ସୁପର୍ଷ୍ଟାର। ଇତିମଧ୍ୟରେ ‘ସାହୋ’ର ନୂଆ ପୋଷ୍ଟର ରିଲିଜ୍ ହୋଇଯାଇଛି। ପ୍ରଭାସ ନିଜ ଇନଷ୍ଟାଗ୍ରାମରେ ଫିଲ୍ମର ପୋଷ୍ଟର ପୋଷ୍ଟ କରିଛନ୍ତି। ଏହି ପୋଷ୍ଟରରେ ପ୍ରଭାସଙ୍କ ପୂରା ଅଲଗା ଅନ୍ଦାଜ୍ରେ ଦେଖାଦେଇଛନ୍ତି । ଆକ୍ସନ ଓ ଥ୍ରିଲରରେ ଭରପୂର ଏହି ଫିଲ୍ମର ପୋଷ୍ଟରରେ ପ୍ରଭାସଙ୍କ ଲୁକ୍ ପୂରା ଗମ୍ଭୀର ରହିଛି । ଏହି ଫିଲ୍ମରେ ଅଭିନେତ୍ରୀ ଶ୍ରଦ୍ଧା କପୁର, ନିଲ୍ ନିତିନ ମୁକେଶ, ମନ୍ଦିରା ବେଦୀ ଏବଂ ଜ୍ୟାକି ଶ୍ରଫ୍ ପ୍ରମୁଖ ଅଭିନୟ କରିଛନ୍ତି। ସୁଜିତ୍ଙ୍କ ନିର୍ଦ୍ଦେଶନାରେ ନିର୍ମିତ ଏହି ଫିଲ୍ମଟି ଅଗଷ୍ଟ ୧୫ରେ ରିଲିଜ୍ ହେବ।
ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ)ର ନିର୍ବାଚନ ଆସନ୍ତା ଅକ୍ଟୋବର ୨୨ ତାରିଖରେ ଅନୁଷ୍ଠିତ ହେବ । ଜାନୁୟାରୀରେ ସୁପ୍ରିମ୍କୋର୍ଟଙ୍କ ଦ୍ବାରା ନିଯୁକ୍ତ ହୋଇଥିବା ସିଓଏ ପକ୍ଷରୁ ଏହି ନିଷ୍ପତ୍ତି ନିଆଯାଇଛି । ଲୋଧା କମିଟି ପକ୍ଷରୁ ପ୍ରସ୍ତାବିତ ସଂଶୋଧନ ପ୍ରସ୍ତାବ ଲାଗୁ କରାଯିବା ପରେ କୋର୍ଟଙ୍କ ପକ୍ଷରୁ ନିଯୁକ୍ତ ଆମିକସ୍ କ୍ୟୁରେ ପି ନରସିହ୍ମାଙ୍କ ସହିତ ଆଲୋଚନା କରାଯାଇଥିଲା । ସିଓଏ ଏବଂ ପି ନରସିହ୍ମାଙ୍କ ସହ ଆଲୋଚନା ପରେ ନିର୍ବାଚନ ତାରିଖ ସ୍ଥିର ହୋଇଥିଲା । ୩୦ଟି ରାଜ୍ୟ କ୍ରିକେଟ ସଂଘ ନିର୍ବାଚନ ପ୍ରକିୟାକୁ ବିରୋଧ କରିଥିଲେ ମଧ୍ୟ ଦୁଇ ବର୍ଷ ପରେ ସମସ୍ତ ସଂଘ ନିର୍ବାଚନ ପାଇଁ ରାଜି ହୋଇଛନ୍ତି । ସୁପ୍ରିମ୍କୋର୍ଟ ଜାନୁୟାରୀ ୧୭ରେ ବିସିସିଆଇ ମୁଖ୍ୟ ଅନୁରାଗ ଠାକୁରଙ୍କୁ ବହିଷ୍କାର କରିବା ପରଠାରୁ ଏହି ପଦ ଖାଲି ପଡିଛି । ବର୍ତ୍ତମାନ ବୋର୍ଡର ସମସ୍ତ ପରିଚାଳନାଗତ ନିଷ୍ପତ୍ତି ସିଓଏ ନେଉଛି । ଡାଏନା ଏଡୁଜୀ…
ଅରୁଣାଚଳ ପ୍ରଦେଶର ବିଧାୟକ ତିରୋଙ୍ଗ ଅବୋଙ୍କ ସମେତ ଅନ୍ୟ ୧୦ଜଣଙ୍କ ଏକ ବିସ୍ଫୋରଣରେ ମୃତ୍ୟୁ ଘଟିଛି। ଘଟଣାଟି ଅରୁଣାଚଳ ପ୍ରଦେଶର ତିରପ ଜିଲ୍ଲାର ବୋଗାପାନୀ ଗ୍ରାମରେ ଘଟିଛି। ଏଥିରେ ବିଧାୟକଙ୍କ ପରିବାର ସଦସ୍ୟଙ୍କ ସମେତ ଜଣେ ସୁରକ୍ଷାକର୍ମୀଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ପ୍ରାଥମିକ ତଦନ୍ତରୁ ଏହା ଆତଙ୍କବାଦୀ ଆକ୍ରମଣ ହୋଇଥାଇପାରେ ଅନୁମାନ କରାଯାଉଛି। ଏହି କ୍ରୂର ଘଟଣାକୁ ମେଘାଳୟ ମୁଖ୍ୟମନ୍ତ୍ରୀ କନ୍ନଡ଼ ସଙ୍ଗମା ନିନ୍ଦା କରିଥିବାବେଳେ ସ୍ବରାଷ୍ଟ୍ର ମନ୍ତ୍ରୀ ରାଜନାଥ ସିଂଙ୍କୁ ଦୋଷୀଙ୍କ ବିରୋଧର କାର୍ଯ୍ୟାନୁଷ୍ଠାନ କରିବା ପାଇଁ ଆଗ୍ରହ କରିଛନ୍ତି।
ଦକ୍ଷିଣ କୋରିଆର କାର୍ ନିର୍ମାଣକକାରୀ କମ୍ପାନୀ ହ୍ୟୁଣ୍ଡାଇ ଭାରତୀୟ ବଜାର ପାଇଁ ଏହାର ନୂତନ କାର୍ ‘ଭେନ୍ୟୁ’ ପ୍ରସ୍ତୁତ କରିଛି। ଭାରତୀୟ ବଜାରରେ ଏହିୀ କାର୍ ଭିଟାରା ବ୍ରେଜା, ଟାଟା ନେକ୍ସନ୍, ଫୋର୍ଡ ଇକୋ ସ୍ପୋର୍ଟ ଏବଂ ମହିନ୍ଦ୍ରା ଏକ୍ସୟୁଭି ୩୦୦ ସହିତ ପ୍ରତିଦ୍ବନ୍ଦିତା କରିବ। ଏହି କାର୍ର ମୂଲ୍ୟ ୬.୫ ଲକ୍ଷରୁ ୧୧.୧ ଲକ୍ଷ ଟଙ୍କା ମଧ୍ୟରେ ରହିବ। ଭେନ୍ୟୁରେ ତିନି ପ୍ରକାର ଇଞ୍ଜିନ୍ ରହିଛି। ପେଟ୍ରୋଲ ଭ୍ୟାରିଆଣ୍ଟର ୧ଲି ଟର୍ବୋ ଏବଂ ୧.୨ ଲି ଟର୍ବୋ ଇଞ୍ଜିନ୍ ରହିଥିବା ବେଳେ ଡିଜେଲ ଭ୍ୟାରିଆଣ୍ଟରେ ୧.୪ ଲି ଡିଜେଲ ଇଞ୍ଜିନ୍ ରହିଛି। ପେଟ୍ରୋଲ୍ ମଡେଲର ମାଇଲେଜ୍ ଯଥାକ୍ରମେ ୧୮.୧୫ କିମି/ ଲି. ଏବଂ ୧୭.୫୨ କିମି/ଲି. ରହିଥିବା ବେଳେ ଡିଜେଲ ମଡେଲ୍ର ମାଇଲେଜ୍ ୨୩.୭ କି.ମି. ପ୍ରତି ଲିଟର ରହିଛି। କାର୍ରେ ୬ଟି ଏୟାର ବ୍ୟାଗ୍, ସ୍ବୟଂଚାଳିତ ଡୋର୍ ଲକ୍ ବ୍ୟବସ୍ଥା ଏବଂ ଓ୍ବାଇ ଫାଇ ଓ କଲିଙ୍ଗ ବ୍ୟବସ୍ଥା…
ଭାରତ ଏବଂ ପାକିସ୍ତାନ ମଧ୍ୟରେ କୂଟନୈତିକ ସମ୍ପର୍କ ସୁଧାରିବା ନିମନ୍ତେ ପାକିସ୍ତାନ ମୋଇନ୍ ଉଲ୍ ହକ୍ଙ୍କୁ ଭାରତୀୟ ଉଚ୍ଚାୟୁକ୍ତ ଭାବରେ ନିଯୁକ୍ତ କରିଛି । ସୋମବାର ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ୍ ହକ୍ଙ୍କ ନିଯୁକ୍ତିରେ ମୋହର ମାରିଛନ୍ତି । ହକ୍ଙ୍କ ସମେତ ଅନ୍ୟାନ୍ୟ ୧୨ ରାଷ୍ଟ୍ର ପାଇଁ ଉଚ୍ଚାୟୁକ୍ତ ନିଯୁକ୍ତ କରାଯାଇଛି । ନିକଟରେ ଭାରତରେ ନୂତନ ସରକାର ଗଠନ ହେବାକୁ ଯାଉଥିବାରୁ ଉଭୟ ଦେଶ ମଧ୍ୟରେ କୂଟନୈତିକ ସମ୍ପର୍କ ସୁଧାରିବା ପାଇଁ ଏହି ପଦକ୍ଷେପ ନେଇଛନ୍ତି ପାକିସ୍ତାନ ସରକାର । ଭାରତ ସମେତ ଚୀନ୍ ଏବଂ ଜାପାନ ପରି ପଡୋଶୀ ରାଷ୍ଟ୍ର ପାଇଁ ମଧ୍ୟ ନୂତନ ଉଚ୍ଚାୟୁକ୍ତ ନିଯୁକ୍ତ କରିଛି ପାକିସ୍ତାନ । ୧୯୮୭ରେ ପାକ୍ ବୈଦେଶିକ ମନ୍ତ୍ରାଳୟରେ ଯୋଗ ଦେଇଥିବା ହକ୍ ପୂର୍ବରୁ ବୈଦେଶିକ ମନ୍ତ୍ରାଳୟର ମୁଖ୍ୟ ଭାବରେ କାର୍ଯ୍ୟ କରିଛନ୍ତି । ନଘ୍ମାନା ହାସମୀ ଚୀନ୍ ପାଇଁ ଉଚ୍ଚାୟୁକ୍ତ ନିଯୁକ୍ତ ହୋଇଛନ୍ତି । ସହକାରୀ ସଚିବ ଅମିନା…
ଇଣ୍ଡୋନେସିଆ ରାଷ୍ଟ୍ରପତି ନିର୍ବାଚନରେ କ୍ରମାଗତ ଦ୍ୱିତୀୟ ଥର ପାଇଁ ଜୋକେ ୱିଡୋଡୋ ବିଜୟୀ ହୋଇଛନ୍ତି। ରାଷ୍ଟ୍ରପତି ନିର୍ବାଚନରେ ଇଣ୍ଡୋନେସିଆ ପାର୍ଟି ଅଫ ଷ୍ଟ୍ରଗଲର ସଦସ୍ୟ ୱିଡୋଡୋ ନିକଟତମ ପ୍ରତିଦ୍ୱନ୍ଦ୍ୱୀ ସାବୁୟାଁତୋଙ୍କୁ ପରାସ୍ତ କରିଛନ୍ତି। ୧୭ ଅପ୍ରେଲରେ ଅନୁଷ୍ଠିତ ନିର୍ବାଚନର ଫଳାଫଳ ଘୋଷଣା ବୁଧବାର ହେବାର ଥିଲା। ମାତ୍ର ହିଂସା ଏବଂ ବିରୋଧ ପ୍ରଦର୍ଶନ ଆଶଙ୍କାରେ ନିର୍ବାଚନ ଆୟୋଗ ଗୋଟିଏ ଦିନ ପୂର୍ବରୁ ଅର୍ଥାତ ମଙ୍ଗଳବାର ନିର୍ବାଚନ ରେଜଲ୍ଟ ପ୍ରକାଶ କରିଛନ୍ତି। ନିର୍ବାଚନ ଆୟୋଗ ଏଥିପାଇଁ ଆଗୁଆ ନୋଟିସ୍ ଜାରି କରିଥିଲେ। ୨୦୧୪ ରାଷ୍ଟ୍ରପତି ନିର୍ବାଚନରେ ସାବୁୟାଁତୋ ୱିଡୋଡୋଙ୍କ ନିକଟରୁ ପରାସ୍ତ ହୋଇଥିଲେ। ଇଣ୍ଡୋନେସିଆରେ ୧୯ କୋଟିରୁ ଅଧିକ ଭୋଟର ଅଛନ୍ତି। ଏହି ନିର୍ବାଚନରେ ୨ ଲକ୍ଷ ୪୫ ହଜାର ଲୋକ ବିଭିନ୍ନ ପଦ ପାଇଁ ନାମାଙ୍କନ ଦାଖଲ କରିଥିଲେ। ଏହି ନିର୍ବାଚନରେ ସାବୁୟାଁତୋ ହେରଫେର ହୋଇଥିବାର ଅଭିଯୋଗ ଆଣିଛନ୍ତି। ସେ ନିର୍ବାଚନ ଫଳାଫଳ ବିରୋଧରେ କୋର୍ଟଙ୍କ ଦ୍ୱାରସ୍ଥ ହେବେ ବୋଲି ପ୍ରକାଶ…
ପଶ୍ଚିମବଙ୍ଗରେ ସ୍ବତନ୍ତ୍ର ନିର୍ବାଚନ ପର୍ଯ୍ୟବେକ୍ଷକ ନିଯୁକ୍ତିକୁ ବିରୋଧ କରି ଦାଖଲ କରାଯାଇଥିବା ଯାଚିକାକୁ ସୁପ୍ରିମ୍କୋର୍ଟ ଖାରଜ କରିଛନ୍ତି । ବାରାକ୍ପୁର୍ ସଂସଦୀୟ କ୍ଷେତ୍ରର ଜନୈକ ସ୍ବାଧୀନ ପ୍ରାର୍ଥୀ ଏହି ଆବେଦନ କରିଥିଲେ । ଭୋଟ ଗଣତି ସମୟରେ ଦୁଇ ଜଣ ଅବସରପ୍ରାପ୍ତ ସରକାରୀ କର୍ମଚାରୀ ଏବଂ କେନ୍ଦ୍ରୀୟ ପୋଲିସର ଜନୈକ ଅଧିକାରୀ ପର୍ଯ୍ୟବେକ୍ଷକ ଭାବରେ ଉପସ୍ଥିତ ରହିବେ । ସ୍ବାଧୀନ ଭାବରେ ନିର୍ବାଚନ ଲଢୁଥିବା ରାମୁ ମଣ୍ଡୀ ପର୍ଯ୍ୟବେକ୍ଷକଙ୍କ ନିଯୁକ୍ତିକୁ ବିରୋଧ କରି ଏକ ଯାଚିକା ଦାୟର କରିଥିଲେ । ଅରୁଣ ମିଶ୍ରା ଏବଂ ଏମ୍ ଆର ଶାହଙ୍କ ନେତୃତ୍ବରେ ଗଠିତ ଖଣ୍ଡପୀଠ ଯାଚିକାକୁ ଖାରଜ କରି ଦେଇଥିଲେ । ସୁପ୍ରିମ୍କୋର୍ଟରେ ମଣ୍ଡୀଙ୍କ ଯାଚିକା ଖାରଜ ହେବା ପରେ କୋଲକାତା ହାଇକୋର୍ଟରେ ପୁନର୍ବାର ଆବେଦନ କରିବା ନେଇ ସୂଚନା ଦେଇଛନ୍ତି ।
ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ବରିଷ୍ଠ ରାଜନେତା ତଥା ସମାଜବାଦୀ ପାର୍ଟିର ସଂସ୍ଥାପକ ମୁଲାୟମ ସିଂହ ଯାଦବ ଏବଂ ତାଙ୍କ ପୁଅ ତଥା ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ଓ ପ୍ରତୀକ ଯାଦବଙ୍କୁ ସିବିଆଇ କ୍ଲିନ୍ଚିଟ୍ ଦେଇଛି। ସିବିଆଇ ପକ୍ଷରୁ ଏ ସମ୍ପର୍କରେ ସୁପ୍ରିମକୋର୍ଟରେ ଏକ ସତ୍ୟପାଠ ଦାଖଲ କରାଯାଇ ସ୍ପଷ୍ଟ କରାଯାଇଛି। ସତ୍ୟପାଠରେ କୁହାଯାଇଛି ଯେ, ଅଭିଯୋଗ ଉପରେ ସିବିଆଇ ପକ୍ଷରୁ ପ୍ରାରମ୍ଭିକ ତଦନ୍ତ କରାଯାଇଥିଲା। କିନ୍ତୁ କୌଣସି ଆୟ ବହିର୍ଭୁତ ସମ୍ପତ୍ତି ଠୁଳ କରାଯାଇଥିବା ନେଇ କିଛି ପ୍ରମାଣ ମିଳି ନ ଥିଲା। ତେଣୁ ଅଭିଯୋଗକୁ ଏତଲାରେ ପରିବର୍ତ୍ତନ କରାଯାଇ ନ ଥିଲା। ଏ ନେଇ କେନ୍ଦ୍ରୀୟ ଭିଜିଲାନ୍ସ କମିଶନ(ସିଭିସି)ଙ୍କୁ ୨୦୧୩ରେ ରିପୋର୍ଟ ଦିଆଯିବା ପରେ ତଦନ୍ତକୁ ବନ୍ଦ କରିଦିଆଯାଇଥିଲା।
ରାଜ୍ୟରେ ଉଭୟ ଲୋକସଭା ଓ ରାଜ୍ୟସଭା ନିର୍ବାଚନ ମତଦାନ ଶେଷ ହୋଇଛି। ଇଭିଏମ୍ରେ ବନ୍ଦ ହୋଇ ରହିଛି ପ୍ରାର୍ଥୀଙ୍କ ଭାଗ୍ୟ। ଆଉ ମାତ୍ର ଗୋଟିଏ ଦିନର ବ୍ୟବଧାନ ପରେ ଭୋଟ ଗଣତି କରାଯିବ। ଏଥିପାଇଁ ରାଜ୍ୟ ନିର୍ବାଚନ ଆୟୋଗ ସମ୍ପୂର୍ଣ୍ଣ ପ୍ରସ୍ତୁତ ହୋଇସାରିଛନ୍ତି। ରାଜ୍ୟର ୬୩ ଗଣନା କେନ୍ଦ୍ର କରାଯାଇଛି ମୋଟ୍ ୨୫୦୦ ଟେବୁଲ ହୋଇଛି। ମୋଟ ୧୪ଟି ଟେବୁଲ୍ରେ ଲୋକସଭା ଓ ବିଧାନସଭା ଭୋଟ୍ ଗଣନା କରାଯିବ ବୋଲି ସାମ୍ବାଦିକ ସମ୍ମିଳନୀରେ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୁରେନ୍ଦ୍ର କୁମାର ସୂଚନା ଦେଇଛନ୍ତି। ମେ ୨୩ ତାରିଖ ସକାଳ ୮ଟାରୁ ମତ ଗଣନା ଆରମ୍ଭ ହେବ। ପ୍ରଥମେ ପୋଷ୍ଟାଲ୍ ଗଣତି କରାଯିବ। ଏହାର ଅଧା ଘଣ୍ଟା ପରେ ଇଭିଏମ୍ ଗଣନା ଆରମ୍ଭ ହେବ। ଏହା ପରେ ଭିଭିପାଟ୍ ଗଣତି ଆରମ୍ଭ ହେବ। ଚଳିତ ଥର ପ୍ରାୟ ୧ ଲକ୍ଷ ପୋଷ୍ଟାଲ୍ ବାଲାଟ୍ ଭୋଟ୍ ହସ୍ତଗତ ହୋଇଥିବା ନିର୍ବାଚନ ଅଧିକାରୀ ସୂଚନା…
୨୦୧୯ ଲୋକସଭା ନିର୍ବାଚନର ଫଳାଫଳ ପ୍ରକାଶ ପାଇବାର ୨ ଦିନ ପୂର୍ବରୁ ଇଭିଏମ ଓ ଭିଭିପାଟ୍ ମାମଲାକୁ ନେଇ ପୁଣି ଏକାଠି ହୋଇଛନ୍ତି ବିରୋଧୀ ଦଳ। ଏ ନେଇ ୨୧ଟି ବିରୋଧୀ ଦଳର ପ୍ରତିନିଧି ମଙ୍ଗଳବାର ନିର୍ବାଚନ ଆୟୋଗଙ୍କୁ ଭେଟି ଦାବି ଜଣାଇବେ। କର୍ନାଟକ ମୁଖ୍ୟମନ୍ତ୍ରୀ ଏଚ୍.ଡି. କୁମାରସ୍ବାମୀ, ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଏନ. ଚନ୍ଦ୍ରବାବୁ ନାଇଡୁ, କଂଗ୍ରେସ ନେତା ଅଭିଷେକ ମନୁ ସିଂଙ୍ଘୱୀ ଏବଂ ଅହମଦ ପଟେଲ ପ୍ରମୁଖ ପ୍ରତିନିଧି ଦଳ ସହିତ ନିର୍ବାଚନ ଆୟୋଗଙ୍କ ସହ ସାକ୍ଷାତ କରିବେ ବୋଲି ସୂଚନା ମିଳିଛି। ସମାଜବାଦୀ ପାର୍ଟି ଏବଂ ବହୁଜନ ସମାଜ ପାର୍ଟିର ବରିଷ୍ଠ ନେତାମାନଙ୍କୁ ପ୍ରତିନିଧି ଦଳରେ ସାମିଲ କରିବାକୁ ଉଦ୍ୟମ କରାଯାଉଛି ବୋଲି ଜଣେ ନେତା କହିଛନ୍ତି। ନିର୍ବାଚନରେ ସ୍ବଚ୍ଛତା ଆଣିବା ଲାଗି ଏକ ନିର୍ବାଚନ ମଣ୍ଡଳୀର ୫୦ ପ୍ରତିଶତ ଇଭିଏମ ସହିତ ଏହାର ଭିଭିପାଟ ସ୍ଲିପଗୁଡ଼ିକୁ ଗଣନା କରିବା ଦାବିରେ ବିରୋଧୀ ଦଳଗୁଡ଼ିକ ପକ୍ଷରୁ ସୁପ୍ରିମକୋର୍ଟରେ ମାମଲା…
ଭାରତ ବିଶ୍ବକପ୍ ପାଇଁ ଫେବ୍ରିଟ୍ ବୋଲି ମତବ୍ୟକ୍ତ କରିଛନ୍ତି ଓ୍ବେଷ୍ଟ ଇଣ୍ଡିଜ୍ର ମହାନ ଖେଳାଳି ବ୍ରାଏନ୍ ଲାରା। ବିଗତ କିଛି ବର୍ଷ ମଧ୍ୟରେ ଭାରତ ବିରାଟ କୋହଲିଙ୍କ ନେତୃତ୍ବରେ ଅତ୍ୟନ୍ତ ଭଲ ପ୍ରଦର୍ଶନ କରିଛି ଏବଂ ଭାରତ ଇଂଲଣ୍ଡ ଏବଂ ଓ୍ବେଲ୍ସରେ ଟ୍ରଫି ହାସଲ କଲେ ମୁଁ ଆଦୌ ବିସ୍ମିତ ହେବି ନାହିଁ ବୋଲି କହିଛନ୍ତି ଲାରା। ୨୦୧୭ରେ ଚାମ୍ପିୟନ୍ସ ଟ୍ରଫିରେ ଭାରତ ଉପ ବିଜେତା ହୋଇଥିବା ବେଳେ ୨୦୧୫ରେ ଚାମ୍ପିୟନ୍ ରହିଥିଲା। ବର୍ତ୍ତମାନର ଭାରତୀୟ ଦଳ ଅଭିଜ୍ଞତା ଏବଂ ଯୁବ ଖେଳାଳିଙ୍କର ଏକ ସଠିକ୍ ମିଶ୍ରଣ। ଦଳରେ କେ ଏଲ୍ ରାହୁଲ, ହାର୍ଦ୍ଦିକ ପାଣ୍ଡ୍ୟା, ଜସ୍ପ୍ରୀତ୍ ବୁମ୍ରାଙ୍କ ପରି ଯୁବ ଖେଳାଳି ରହିଥିବା ବେଳେ ଭୁବନେଶ୍ବର କୁମାର, ମହେନ୍ଦ୍ର ସିଂ ଧୋନୀ, ରୋହିତ ଶର୍ମା ଏବଂ ବିରାଟ କୋହଲିଙ୍କ ପରି ଅଭିଜ୍ଞ ଖେଳାଳି ରହିଛନ୍ତି। ଭାରତ ପାଖରେ ଏକ ବଢିଆ ବୋଲିଂ ଆକ୍ରମଣ ରହିଛି ଯାହାକି ଦଳକୁ ବିଜୟୀ ହେବାରେ…
ବାଂଲାଦେଶ ଏବଂ ପାକିସ୍ତାନ ମଧ୍ୟରେ ବଢୁଥିବା ରାଜନୈତିକ ଅସନ୍ତୋଷ କାରଣରୁ ପାକ୍ ନାଗରିକଙ୍କୁ ଭିସା ପ୍ରଦାନ ବନ୍ଦ କରିଛି ବାଂଲାଦେଶ। ବିଗତ ଏକ ସପ୍ତାହ ହେବ ପାକିସ୍ତାନରେ ଅବସ୍ଥାପିତ ବାଂଲାଦେଶ ଉଚ୍ଚାୟୁକ୍ତ କୌଣସି ପାକ୍ ନାଗରିକଙ୍କୁ ଭିସା ପ୍ରଦାନ କରୁନାହାନ୍ତି। ବାଂଲାଦେଶର ଉଚ୍ଚାୟୁକ୍ତ ପାକିସ୍ତାନରେ ରହୁଥିବା ବେଳେ ତାଙ୍କ ପରିବାର ବାଂଲାଦେଶରେ ରହିଛନ୍ତି। ଉଚ୍ଚାୟୁକ୍ତଙ୍କ ପରିବାରକୁ ପାକିସ୍ତାନ ପକ୍ଷରୁ ଭିସା ପ୍ରଦାନ କରାନଯିବା ପ୍ରତିବାଦରେ କୌଣସି ପାକ୍ ନାଗରିକଙ୍କୁ ଭିସା ପ୍ରଦାନ କରାଯାଉନାହିଁ ବୋଲି ବାଂଲାଦେଶ ପକ୍ଷରୁ କୁହାଯାଇଛି। ଦୁଇ ରାଷ୍ଟ୍ର ମଧ୍ୟରେ ୨୦୧୩ରୁ ରାଜନୈତିକ ଛକାପଞ୍ଝା ଜାରି ରହିଛି। ୨୦୧୩ରେ ବାଂଲାଦେଶ ୧୯୭୧ ଯୁଦ୍ଧ ବନ୍ଦୀଙ୍କୁ ଫାଶୀ ଦେବା ପରେ ଉଭୟ ରାଷ୍ଟ୍ର ମଧ୍ୟରେ ଏହି ବିବାଦ ଲାଗି ରହିଛି। ଗତବର୍ଷ ଜନୈକ ପାକିସ୍ତାନୀ ଉଚ୍ଚାୟୁକ୍ତଙ୍କୁ ଭିସା ପ୍ରଦାନ କରିବାକୁ ଢାକା ପକ୍ଷରୁ ମନା କରାଯିବା ପରେ ଏହି ବିବାଦ ଏକ ନୂତନ ଦିଶା ନେଇଥିଲା।
ଦେଶବ୍ୟାପୀ ବିଭିନ୍ନ ଗଣମାଧ୍ୟମ ପକ୍ଷରୁ କରାଯାଇଥିବା ଏକ୍ସିଟ୍ ପୋଲ୍ ରିପୋର୍ଟରେ ବିଜେପି ନେତୃତ୍ବାଧୀନ ଏନ୍ଡିଏ ମେଣ୍ଟକୁ ବହୁମତ ମିଳିବା ପରେ ଏହାକୁ ନେଇ ପ୍ରତିକ୍ରିୟା ରଖିଛନ୍ତି କଂଗ୍ରେସ ମହା ସଚିବ ପ୍ରିୟଙ୍କା ଗାନ୍ଧୀ ଭଦ୍ରା। ଏହି ଏକ୍ସିଟ୍ ପୋଲ୍ ରିପୋର୍ଟରେ ଭ୍ରମିତ ନହୋଇ ନିର୍ବାଚନୀ ଫଳାଫଳକୁ ଅପେକ୍ଷା କରିବା ପାଇଁ ଦଳୀୟ କର୍ମୀଙ୍କୁ ନିବେଦନ କରିଛନ୍ତି ପୂର୍ବ ଉତ୍ତର ପ୍ରଦେଶ ଦାୟିତ୍ବରେ ରହିଥିବା ପ୍ରିୟଙ୍କା। ଏପରି ସର୍ବେକ୍ଷଣ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ଏବଂ ଏହା ଦ୍ବାରା ପ୍ରଭାବିତ ନହେବା ପାଇଁ ପ୍ରିୟଙ୍କା କହିଛନ୍ତି। କର୍ମୀ ମାନେ ଏପରି ଗୁଜବରେ ପ୍ରଭାବିତ ନହୋଇ ନିଜ ବୁଥ୍ ପାଇଁ ନିଜର ଦାୟିତ୍ବ ସଠିକ୍ ଭାବରେ ନିର୍ବାହ କରନ୍ତୁ ବୋଲି ପ୍ରିୟଙ୍କା କହିଛନ୍ତି। ନିଜ ନିଜ ବୁଥର ଷ୍ଟ୍ରଙ୍ଗ ରୁମ୍ ଏବଂ ଭୋଟ ଗଣତି କେନ୍ଦ୍ରରେ ଆପଣ ମାନେ ଜାଗ୍ରତ ରହିବା ଫଳରେ ଇଭିଏମ୍ରେ କୌଣସି ପ୍ରକାରର ତ୍ରୁଟି ହୋଇ ପାରିବ ନାହିଁ ବୋଲି ନିଜ…
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରୀଓ୍ବାଲା ସୋମବାର ଦିନ ଭାରତୀୟ ଜନତା ପାର୍ଟିର ନେତା ବିଜୟ ଗୋଏଲଙ୍କ ଜବାବ ଦେବା ସହିତ ତାଙ୍କୁ ନିଜ ସୁରକ୍ଷା ଅଧିକାରୀ (ପିଏସ୍ଓ) ନୁହେଁ, ବରଂ ମୋଦିଜୀ ତାଙ୍କୁ ଜୀବନରୁ ମାରି ଦେବାକୁ ଚାହୁଁଛନ୍ତି ବୋଲି କହିଛନ୍ତି। ଗୋଏଲ୍ ଏକ ଟୁଇଟ୍ କରି କହିଥିଲେ ଯେ, ’ବହୁତ ଦୁଃଖର କଥା ଯେ, ନିଜେ ନିଜର ପିଏସ୍ଓ ଉପରେ ସନ୍ଦେହ କରି ଦିଲ୍ଲୀ ପୁଲିସ୍ ସମ୍ମାନକୁ ଉପରେ ପ୍ରଶ୍ନ ଉଠାଇଛନ୍ତି।’ ଅରବିନ୍ଦଙ୍କୁ ନିଜର ପିଏସ୍ଓ ଚୟନ କରିବାକୁ କହିବା ସହିତ ଯଦି ଦରକାର ପଡେ, ଏହି କ୍ଷେତ୍ରରେ ସାହାଯ୍ୟ କରିପାରିବେ ବୋଲି କହିଥିଲେ ବିଜୟ। ଦୀର୍ଘ ଜୀବନର କାମନା ମଧ୍ୟ କରିଥିଲେ ବିଜୟ। ଏହାର ଉତ୍ତର ଦେଇ କେଜ୍ରୀଓ୍ବାଲା କହିଛନ୍ତି ଯେ, ମୋତେ ମୋ’ ପିଏସ୍ଓ ନୁହେଁ, ବରଂ ମୋଦିଜୀ ମାରିବାକୁ ଚାହୁଁଛନ୍ତି।’ ଶନିବାର ଦିନ କେଜରୀଓ୍ବାଲା କହିଥିଲେ ଯେ, ତାଙ୍କ ପିଏସ୍ଓ ପୂର୍ବ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧିଙ୍କ…
ଇଭିଏମ୍ ନେଇ ଦେଶର ବିଭିନ୍ନ ପ୍ରାନ୍ତରେ ବିବାଦ ଦେଖା ଦେବା ପରେ ଏନେଇ ନିର୍ବାଚନ କମିଶନ ସ୍ପଷ୍ଟୀକରଣ ଦେଇଛନ୍ତି। ମଙ୍ଗଳବାର ଦିନ ନିର୍ବାଚନ କମିଶନଙ୍କ ପକ୍ଷରୁ ଏନେଇ ସ୍ପଷ୍ଟୀକରଣ ଦେଇ କୁହାଯାଇଛି ଯେ, ଇଭିଏମ୍କୁ ନେଇ କୌଣସି ମନୁଷ୍ୟକୃତ ତ୍ରୁଟି ହୋଇନାହିଁ। ଆସନ୍ତା ମେ ୨୩ରେ ନିର୍ବାଚନୀ ଫଳାଫଳ ପ୍ରକାଶ ପାଇବାର ଥିବା ବେଳେ ବିଭିନ୍ନ ସ୍ଥାନରେ ଇଭିଏମ୍ ସ୍ଥାନାନ୍ତରଣ ବିନା ସୁରକ୍ଷା ଅଧିକାରୀଙ୍କ ସହାୟତାରେ ହେଉଛି ବୋଲି ଭିଡିଓମାନ ସୋସିଆଲ ନେଟଓ୍ବର୍କରେ ପ୍ରସାରିତ ହୋଇଥିଲା। ଘାଜିପୁର, ଚନ୍ଦୌଲି, ଡୋମାରିଆଗଞ୍ଜ ଏବଂ ଝାନ୍ସୀରେ ଏଭଳି କାଣ୍ଡ ହୋଇଥିବାର ସୂଚନା ମିଳିଥିଲା। ନିର୍ବାଚନ କମିଶନ କହିଥିଲେ, ଘାଜିପୁରରେ ଷ୍ଟ୍ରଙ୍ଗରୁମ୍ ସୁରକ୍ଷା ବ୍ୟବସ୍ଥା ମଧ୍ୟରେ ରହିଥିବା ବେଳେ ବିଭିନ୍ନ ଦଳର ପ୍ରାର୍ଥୀମାନେ ଏହାକୁ ଜଗି ରହିଛନ୍ତି ତେଣୁ ଏପରି ଅଭିଯୋଗ ଅମୂଳକ ବୋଲି କହିଛନ୍ତି। ସେହିପରି ଚନ୍ଦୌଲୀରେ ମଧ୍ୟ ସମାନ ଭାବରେ ଇଭିଏମ୍ ଗୁଡିକ ଷ୍ଟ୍ରଙ୍ଗରୁମ୍ରେ ସୁରକ୍ଷିତ ଭାବରେ ରହିଛି ବୋଲି କମିଶନ ପ୍ରକାଶ…
ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ ଚଳିତ ବର୍ଷର ଲୋକସଭା ନିର୍ବାଚନ ପ୍ରକ୍ରିୟାକୁ ପ୍ରଶଂସା କରିଛନ୍ତି। କଂଗ୍ରେସ ଏବଂ ଅନ୍ୟାନ୍ୟ ସମସ୍ତ ବିରୋଧୀ ଦଳ ନିର୍ବାଚନ କମିଶନ ପକ୍ଷପାତ କରୁଥିବାର ଅଭିଯୋଗ ଆଣିଥିବା ବେଳେ ନିର୍ବାଚନ କମିଶନଙ୍କୁ ଭୁରି ଭୁରି ପ୍ରଶଂସା କରିଛନ୍ତି ପ୍ରଣବ ମୁଖାର୍ଜୀ। ଏନ୍ଡିଟିଭି ନିର୍ଦ୍ଦେଶକ ସୋନିଆ ସିଂଙ୍କ ପୁସ୍ତକ ‘ଡିଫାଇନିଙ୍ଗ ଇଣ୍ଡିଆ ଥ୍ରୋ ଦେୟାର ଆଇଜ୍’ ଉନ୍ମୋଚନ ଅବସରରେ ଏହି ମନ୍ତବ୍ୟ ଦେଇଛନ୍ତି ମୁଖାର୍ଜୀ। ଯଦି ସମାଜକୁ ସଶକ୍ତ କରିବାକୁ ଚାହିଁବା ତେବେ ଲକ୍ଷ୍ୟ ରଖିବାକୁ ପଡିବ ଏହା ଦେଶପ୍ରତି ସଠିକ୍ ଭାବରେ କାର୍ଯ୍ୟ କରୁଛି। ସେହିପରି ଭାବରେ ଏକ ସଶକ୍ତ ରାଷ୍ଟ୍ର ଗଠନ ପାଇଁ ସଶକ୍ତ ନିର୍ବାଚନ ଆବଶ୍ୟକ ଏବଂ ଚଳିତ ଥରର ନିର୍ବାଚନ ଅତ୍ୟନ୍ତ ସୁନ୍ଦର ଭାବରେ ସମାପନ ହୋଇଛି ବୋଲି ମୁଖାର୍ଜୀ ମତ ରଖିଥିଲେ। ଦେଶର ପ୍ରଥମ ନିର୍ବାଚନ କମିଶନର ସୁକୁମାର ସେନଙ୍କ ଠାରୁ ଆରମ୍ଭ କରି ବର୍ତ୍ତମାନର ମୁଖ୍ୟ ନିର୍ବାଚନ କମିଶନର ସୁନୀଲ…
ଭାରତର ଭୂତପୂର୍ବ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ତିରୋଧାନ ଦିବସ ଅବସରରେ ତାଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି। ଦିଲ୍ଲୀର ବୀର ଭୂମିରେ ରାଜୀବଙ୍କ ୨୮ ତମ ତିରୋଧାନ ଦିବସ ଅବସରରେ ଗାନ୍ଧୀ ପରିବାର ସମେତ ବିଭିନ୍ନ ରାଜନୈତିକ ନେତା ରାଜୀବଙ୍କ ପ୍ରତି ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି। ବରୀଭୂମିରେ ୟୁପିଏ ମୁଖ୍ୟ ସୋନିଆ ଗାନ୍ଧୀ, କଂଗ୍ରେସ ସାଧାରଣ ସଚିବ ପ୍ରିୟଙ୍କା ଗାନ୍ଧୀ ଭଦ୍ରା ଏବଂ କଂଗ୍ରେସ ସଭାପତି ରାହୁଲ ଗାନ୍ଧୀଙ୍କ ସମେତ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ଏବଂ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ ଉପସ୍ଥିତ ଥିଲେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଟ୍ବିଟ୍ଟର ଜରିଆରେ ରାଜୀବଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି। ମାନବ ବୋମା ବିସ୍ଫୋରଣରେ ପୂର୍ବତନ ପ୍ରଧାନ ମନ୍ତ୍ରୀ ରାଜୀବ ଗାନ୍ଧୀଙ୍କ ମୃତ୍ୟୁ ହୋଇଥିଲା। ଏହି ଦିବସକୁ ଆତଙ୍କବାଦ ବିରୋଧୀ ଦିବସ ଭାବେ ପାଳନ କରାଯିବା ଉଚିତ୍ ବୋଲି ମୋଦି ଟ୍ବିଟ୍ଟର ଜରିଆରେ ଲେଖିଛନ୍ତି। ସେହିପରି ମମତା ବାନାର୍ଜୀ ଏବଂ ସାମ୍ ପିଟ୍ରୋଡା ମଧ୍ୟ…
