ରାଜ୍ୟସଭାର ତିନୋଟି ଆସନ ପାଇଁ ଉପନିର୍ବାଚନ ଅନୁଷ୍ଠିତ ହେଉଛି । ସୌମ୍ୟରଞ୍ଜନ ପଟ୍ଟନାୟକ, ଅଚ୍ୟୁତ ସାମନ୍ତ ଓ ପ୍ରତାପ କେଶରୀ ଦେବ ଚଳିତ ଥର ନିର୍ବାଚନରେ ବିଜୟୀ ହେବା ପରେ ରାଜ୍ୟସଭାରେ ଖାଲି ଥିବା ତିନୋଟି ଆସନ ପାଇଁ ଉପନିର୍ବାଚନ ଅନୁଷ୍ଠିତ ହେଉଛି । ଏହି ତିନୋଟି ଆସନ ପାଇଁ ଉଭୟ ବିଜେପି ଓ ବିଜେଡ଼ି ପ୍ରାର୍ଥୀ ଘୋଷଣା କରିଛନ୍ତି । ବିଜେଡ଼ି ତରଫରୁ ଅମର ପଟ୍ଟନାୟକ ଓ ସସ୍ମିତ ପାତ୍ରଙ୍କୁ ପ୍ରାର୍ଥୀ କରାଯାଇଥିବାବେଳେ ବିଜେପି ତରଫରୁ ପ୍ରାର୍ଥୀ ହୋଇଛନ୍ତି ପୂର୍ବତନ ଆଇଏଏସ୍ ଅଫିସର ଅଶ୍ବିନୀ ବୈଷ୍ଣବ। ବିଜେପି ପ୍ରାର୍ଥୀ ଅଶ୍ବିନୀ ବୈଷ୍ଣବଙ୍କୁ ବିଜେଡ଼ି ସମର୍ଥନ କରିଛି । ରାଜ୍ୟସଭା ଉପନିର୍ବାଚନ ପାଇଁ ପ୍ରାର୍ଥୀପତ୍ର ଦାଖଲ ସରିଯାଇଛି । ତେବେ ଏହାକୁ ନେଇ ପୁଣି କ୍ଷତିରେ ପଡ଼ିଛି ବିଜେଡ଼ି । ରାଜ୍ୟସଭା ଆସନ ବୁଝାମଣାରେ ବିଜେଡ଼ି କ୍ଷତି ସହିଛି । ଅଶ୍ବିନୀ ବୈଷ୍ଣବଙ୍କୁ ସମର୍ଥନ ଦେଇ କ୍ଷତିରେ ସହିଥିବା ବିଜେଡ଼ି ଅଶ୍ବିନୀଙ୍କୁ…
Author: Samikhsya Bureau
ନିଜର ଋଣ ଶୁଝିବା ନିମନ୍ତେ ଜର୍ମାନୀର ଟେନିସ୍ କିମ୍ବଦନ୍ତୀ ବୋରିସ୍ ବେକର ନିଜର ସମସ୍ତ ଟ୍ରଫି ଏବଂ ସମ୍ମାନ ବିକିବାକୁ ଯାଉଛନ୍ତି । ବ୍ରିଟେନ୍ର ଏକ ଫାର୍ମ ଓ୍ବାଇଲ୍ସ ହାର୍ଡି ନିଜର ଓ୍ବେବ୍ସାଇଟ୍ରେ ଏହି ସମସ୍ତ ଟ୍ରଫି ଏବଂ ପଦକର ନିଲାମ କରାଇବ । ଆସନ୍ତା ଜୁଲାଇ 11 ପର୍ଯ୍ୟନ୍ତ ଏହି ସମସ୍ତ ସାମଗ୍ରୀର ନିଲାମ କରାଯିବ ।17 ବର୍ଷ ବୟସରେ ନିଜର ପ୍ରଥମ ଓ୍ବିମ୍ବିଲଡନ୍ ହାସଲ କରି ଓ୍ବିମ୍ବିଲଡନ୍ର ସର୍ବକନିଷ୍ଠ ବିଜେତା ହେବାର ରେକର୍ଡ ରଖିଥିବା ବେକର ନିଜ କ୍ୟାରିୟରରେ ସମୁଦାୟ 82ଟି ଟାଇଟଲ୍ ଜିତିଛନ୍ତି । 2017ରେ ବେକରଙ୍କୁ ଦେବାଳିବ ଘୋଷଣା କରାଯାଇଥିଲା । 2018ରେ ସରକାର ଏହି ସାମଗ୍ରୀ ଗୁଡିକର ନିଲାମୀ କରିବାକୁ ପ୍ରୟାସ କରୁଥିଲେ ମାତ୍ର ବେକରଙ୍କ ପକ୍ଷରୁ ବିରୋଧ କରାଯିବା ପରେ ଏହାକୁ ରୋକା ଯାଇଥିଲା । ଋଣ ପରିଶୋଧ ପାଇଁ ସ୍ବୟଂ ବେକର ଏହି ସାମଗ୍ରୀ ବିକ୍ରି କରୁଛନ୍ତି ।
ବିଜେପି ରାଜ୍ୟସଭା ପ୍ରାର୍ଥୀ ଅଶ୍ବିନୀ ବୈଷ୍ଣବ ରାଜ୍ୟସଭା ଉପନିର୍ବାଚନ ପାଇଁ ନାମାଙ୍କନ ପତ୍ର ଦାଖଲ କରିଛନ୍ତି । ବୈଷ୍ଣବଙ୍କ ନାମାଙ୍କନ ପତ୍ର ଦାଖଲ ସମୟରେ ବହୁ ବିଜେପି ବିଧାୟକଙ୍କ ସହ ବିଜେଡ଼ି ମନ୍ତ୍ରୀ ଓ ବିଧାୟକ ଉପସ୍ଥିତ ରହିଛନ୍ତି । ରିଟଣ୍ଣିଂ ଅଫିସରଙ୍କ ନିକଟରେ ନାମାଙ୍କନ ପତ୍ର ଦାଖଲ କରିଛନ୍ତି ବୈଷ୍ଣବ । ବିଜେପି ପ୍ରାର୍ଥୀ ଅଶ୍ବିନୀଙ୍କୁ ବିଜେଡ଼ି ସମର୍ଥନ ଦେଇଛି । ବିଜେଡ଼ିର ଅମର ପଟ୍ଟନାୟକ ଓ ସସ୍ମିତ ପାତ୍ର ରାଜ୍ୟସଭା ପ୍ରାର୍ଥୀ ରୂପେ ନାମାଙ୍କନ ପତ୍ର ଦାଖଲ କରିସାରିଛନ୍ତି । ପୂର୍ବତନ ଆଇଏଏସ୍ ଅଫିସର୍ ଅଶ୍ବିନୀ ବୈଷ୍ଣବ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ବ୍ୟକ୍ତିଗତ ସଚିବ ରୂପେ କାର୍ଯ୍ୟ କରିଛନ୍ତି ।
ବିହାରରେ ଏକ 7 ହଜାର କୋଟିର ପ୍ରକଳ୍ପ ହାତେଇବାରେ ସଫଳ ହୋଇଛି ଏଲ୍ ଆଣ୍ଡ ଟି । ବିହାରର ବକ୍ସାରରେ ଏକ ଅଲ୍ଟ୍ରା ସୁପର କ୍ରିଟିକାଲ୍ ପାଓ୍ବାର ପ୍ଲାଣ୍ଟ ନିର୍ମାଣ କାର୍ଯ୍ୟର ଟେଣ୍ଡର ହାତେଇଛି ଏଲ୍ ଆଣ୍ଡ ଟି । ଏହି ବୃହତ ପ୍ରକଳ୍ପ ନେଇ ଏଲ୍ ଆଣ୍ଡ ଟି ପକ୍ଷରୁ ସୂଚନା ଦିଆଯାଇଛି । ବିହାର ସରକାର ଏବଂ ଏସ୍ଜେଭିଏନ୍ ଗ୍ରୁପ୍ ପକ୍ଷରୁ ଏହି ପାଓ୍ବାର ପ୍ଲାଣ୍ଟ ମିଳିତ ଭାବରେ ନିର୍ବାଣ କରାଯାଉଛି । ଗତବର୍ଷ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ପ୍ରକଳ୍ପର ଶୁଭ ଦେଇଥିଲେ । ଏହି ପାଓ୍ବାର ପ୍ଲାଣ୍ଟକୁ ବିଶ୍ବସ୍ତରୀୟ ବନାଯିବ ବୋଲି ଏଲ୍ ଆଣ୍ଡ ଟି ପକ୍ଷରୁ ସୂଚନା ଦିଆଯାଇଛି । ଏହି ଖବର ଆସିବା ପରେ ଏଲ୍ ଆଣ୍ଡ ଟିର ଅଂଶଧନ ମୂଲ୍ୟ 1543କୁ ବୃଦ୍ଧି ପାଇଛି ।
ପାକିସ୍ତାନର ଶକଲାନ୍ ଅଦାବ୍ ଅଞ୍ଚଳରେ ଏକ ବସ୍ ପାଣିକୁ ଖସି ପଡିବାରୁ 14 ଜଣଙ୍କର ମୃତ୍ୟୁ ଘଟିଛି । ଖାଇବର୍ ପଖ୍ତୁଙ୍ଖଓ୍ବାର କୋଲାଇ ପଲାସ କୋହିସ୍ତାନର ପାର୍ବତ୍ୟାଞ୍ଚଳରେ 21 ଜଣଙ୍କୁ ନେଇ ଯାତ୍ରା କରୁଥିବା ବେଳେ ତଳକୁ ଖସି ପଡିଥିଲା । ଗାଡିଟି ତଳକୁ ଖସିବା ସହିତ 14 ଜଣ ଯାତ୍ରୀ ପ୍ରାଣ ହରାଇଥିଲେ । ପାର୍ବତ୍ୟାଞ୍ଚଳରେ ଯାତ୍ରା କରୁଥିବା ସମୟରେ ବସ୍ଟି ଇନ୍ଦସ୍ ନଦୀରେ ଖସି ପଡିଥିଲା । ବସ୍ଟି ନଦୀରେ ଖସିପଡିଥିବା ବେଳେ 7 ଜଣ ଲୋକ ବସ୍ର କାଚ ଭାଙ୍ଗି ବାହାରକୁ ବାହାରିଥିଲେ । ପ୍ରତିକୂଳ ପାଗ ଯୋଗୁଁ ଉଦ୍ଧାର କାର୍ଯ୍ୟ ବାଧାପ୍ରାପ୍ତ ହୋଇଥିବା ନେଇ ଜିଲ୍ଲା ପୋଲିସ୍ ଅଫିସର ମହମ୍ମଦ ଇଫ୍ତିକାର ସୂଚନା ଦେଇଛନ୍ତି । ସୋମବାର ପାଞ୍ଚ ଜଣଙ୍କ ମୃତ ଶରୀର ଉଦ୍ଧାର କରାଯାଇଛି ।
ସୋନି ଟିଭିରେ ପ୍ରସାରିତ ହେଉଥିବା ଡ୍ୟାନ୍ସ ରିଅଲିଟି ଶୋ’ ‘ସୁପର୍ ଡ୍ୟାନ୍ସର ଚ୍ୟାପ୍ଟର ୩’ର ବିଜେତା ହୋଇଛନ୍ତି ୬ ବର୍ଷୀୟା ରୂପସା ବତାବୟାଲ୍ । କୋଲକତାର ଏହି ଶିଶୁ ନୃତ୍ୟଶିଳ୍ପୀ ଜଣକ ନିଜର ଯାଦୁକରୀ ନୃତ୍ୟରେ ସାରା ଭାରତବାସୀଙ୍କ ହୃଦୟ ଜିତିଛନ୍ତି । ରୂପ୍ସା ଓ ତାଙ୍କ ଗୁରୁ ନିଶାନ୍ତ ପୁରସ୍କାର ଟ୍ରଫି ଜିତିବା ସହ ରୂପସା ୧୫ ଲକ୍ଷଟଙ୍କାର ପୁରସ୍କାର ରାଶି ଓ ନିଶାନ୍ତ ୫ ଲକ୍ଷଟଙ୍କାର ପୁରସ୍କାର ରାଶି ଜିତିଛନ୍ତି । ଏହି ଡ୍ୟାନ୍ସ ରିଅଲିଟି ଶୋ’ର ଗ୍ରାଣ୍ଡ ଫିନାଲେରେ ଶୋ’ର ବିଚାରକ ଅନୁରାଗ ବସୁ, ଶିଳ୍ପା ସେଟ୍ଟି ଓ ଗୀତା କପୁର୍ ପ୍ରମୁଖ ରହିଥିଲେ । ଏହି ରିଅଲିଟି ଶୋ’କୁ ଋତିକ୍ ଧନ୍ଜାନୀ ଓ ଟିଆରପି ମାମା ହୋଷ୍ଟ କରିଥିଲେ ।
ରାଜ୍ୟସଭା ପ୍ରାର୍ଥୀ ପାଇଁ ବିଜେଡ଼ି ତରଫରୁ ସସ୍ମିତ ପାତ୍ର ଓ ଅମର ପଟ୍ଟନାୟକ ଆଜି ପ୍ରାର୍ଥୀପତ୍ର ଦାଖଲ କରିଛନ୍ତି । ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକଙ୍କ ଉପସ୍ଥିତିରେ ଦୁହେଁ ପ୍ରାର୍ଥୀପତ୍ର ଦାଖଲ କରିଛନ୍ତି । ଏହି ପ୍ରାର୍ଥୀପତ୍ର ଦାଖଲ ସମୟରେ ବିଜେଡ଼ିର ଅନେକ ବରିଷ୍ଠ ବିଧାୟକ ମଧ୍ୟ ଉପସ୍ଥିତ ରହିଥିଲେ । ରାଜ୍ୟସଭାରେ ତିନୋଟି ପ୍ରାର୍ଥୀ ପାଇଁ ବିଜେଡ଼ି ତରଫରୁ ଦଳର ମୁଖପାତ୍ର ସସ୍ମିତ ପାତ୍ର ଓ ଆଇଟି ସେଲ୍ ମୁଖ୍ୟ ଅମର ପଟ୍ଟନାୟକଙ୍କ ନାମ ଘୋଷଣା କରାଯାଇଥିଲା । ଏବଂ ବିଜେପି ପ୍ରାର୍ଥୀ ଅଶ୍ବିନୀ ବୈଷ୍ଣବଙ୍କୁ ବିଜେଡ଼ି ସମର୍ଥନ କରୁଛି ବୋଲି ମୁଖ୍ୟମନ୍ତ୍ରୀ ଘୋଷଣା କରିଛନ୍ତି । ଅଶ୍ୱିନୀ ବୈଷ୍ଣବ ଅପରାହ୍ନ ୩ଟାରେ ଦଳୀୟ ସମର୍ଥକଙ୍କ ସହ ଆସି ନାମାଙ୍କନ ଦାଖଲ କରିବେ ବୋଲି ଜଣାପଡିଛି । ଆସନ୍ତା ଜୁଲାଇ ୫ତାରିଖ ଦିନ ଭୋଟ୍ ଗ୍ରହଣ ଅନୁଷ୍ଠିତ ହେବ ।
ତେଲୁଗୁ ସୁପରଷ୍ଟାର ମହେଶ ବାବୁ ଆସନ୍ତା ଜୁଲାଇ 4 ତାରିଖରୁ ନିଜର ଆଗାମୀ ଫିଲ୍ମର ସୁଟିଂ ଆରମ୍ଭ କରିବାକୁ ଯାଉଛନ୍ତି । ଏହି ଫିଲ୍ମରେ ଜଣେ ସେନାଧିକାରୀ ଭୂମିକାରେ ନଜର ଆସିବାକୁ ଯାଉଥିବା ମହେଶ ବାବୁ । ଅନୀଲ ରବିପୁଡିଙ୍କ ନିର୍ଦ୍ଦେଶିତ ଏହି ଫିଲ୍ମ ପାଇଁ ମହେଶ ବାବୁ ଇଟାଲୀରେ ଏକ ପ୍ରଶିକ୍ଷକ ଦଳ ସହିତ ପ୍ରଶିକ୍ଷଣ ନେଉଛନ୍ତି । ଫିଲ୍ମଟିରେ ବଲିଉଡ୍ ଫିଲ୍ମ ଉରି: ଦ ସର୍ଜିକାଲ ଷ୍ଟ୍ରାଇକ୍ ପରି ଭରପୂର ଆକ୍ସନ୍ ରହିବ ବୋଲି ନିର୍ଦ୍ଦେଶକ ଅନୀଲ ସୂଚନା ଦେଇଛନ୍ତି । ଜଣେ ସେନାଧିକାରୀ ଚରିତ୍ରକୁ ସଠିକ୍ ଭାବରେ ନିର୍ବାହ କରିବା ପାଇଁ ମହେଶ ନିଜର ୟୁରୋପ ଗସ୍ତରୁ ଫେରିବା ପରେ ସ୍ବତନ୍ତ୍ର ଡାଏଟ୍ ସହିତ ଜିମ୍ରେ କସରତ କରୁଥିବା ଜଣାପଡିଛି । ଏହି ଫିଲ୍ମଟି 2020 ସଙ୍କ୍ରାନ୍ତିରେ ରିଲିଜ୍ ହେବାକୁ ଯାଉଥିବା ବେଳେ ଫିଲ୍ମରେ ରଶ୍ମିକା ମନ୍ଦାନା ଏବଂ ବିଜୟ ଶାନ୍ତି ପ୍ରମୁଖ ନଜର ଆସିବେ ।
ବିହାରରେ ମସ୍ତିଷ୍କ ଜ୍ବର (ଆକ୍ୟୁଟ୍ ଇନସେଫାଲାଇଟିସ୍ ସିଣ୍ଡ୍ରୋମ)ରେ ପୀଡ଼ିତ ଶିଶୁଙ୍କ ମୃତ୍ୟୁ ଥମିବାର ନାଁ ନେଉନାହିଁ । ଏହି ପ୍ରସଙ୍ଗ ବର୍ତ୍ତମାନ ସୁପ୍ରିମ୍କୋର୍ଟଙ୍କ ବିଚରାଧୀନ । ସୁପ୍ରିମ୍କୋର୍ଟ କେନ୍ଦ୍ର ଏବଂ ରାଜ୍ୟ ସରକାରଙ୍କୁ ଆକ୍ୟୁଟ ଇନସେଫଲାଇଟିସ୍ ସିଣ୍ଡ୍ରୋମରେ ପୀଡିତ ଶିଶୁଙ୍କ ଚିକିତ୍ସା ପାଇଁ ଦିଆଯାଉଥିବା ସୁବିଧା, ହସ୍ପିଟାଲର ବ୍ୟବସ୍ଥା, ପୋଷଣ ଏବଂ ପରିଷ୍କାର ପରିଚ୍ଛନ୍ନତା ଉପରେ ଜବାବ ଦେବା ପାଇଁ ନିର୍ଦ୍ଦେଶ ଦେଇଛନ୍ତି । ଆଗାମୀ ୭ ଦିନ ଭିତରେ ଉଭୟ କେନ୍ଦ୍ର ଓ ରାଜ୍ୟ ସରକାର ଏହି ସଂକ୍ରାନ୍ତୀୟ ଜବାବ ସୁପ୍ରିମ୍କୋର୍ଟରେ ଦାଖଲ କରିବାକୁ ସୁପ୍ରିମ୍କୋର୍ଟ ନିର୍ଦ୍ଦେଶ ଦେଇଛନ୍ତି । ବର୍ଦ୍ଧିତ ଶିଶୁ ମୃତ୍ୟୁହାରକୁ ସୁପ୍ରିମକୋର୍ଟ ଗମ୍ଭୀର ଭାବେ ଗ୍ରହଣ କରିବା ସହ ଶିଶୁ ମୃତ୍ୟୁକୁ ଏଭଳି ଜାରି ରଖାଯାଇ ପାରିବ ନାହିଁ । ସରକାରଙ୍କୁ ଏନେଇ ଜବାବ ଦେବାକୁ ପଡିବ । ରୋଗ ସହ ମୁକାବିଲା କରିବା ପାଇଁ କେଉଁ ସବୁ ପଦକ୍ଷେପ ନିଆଯାଇଛି ସେ ନେଇ କେନ୍ଦ୍ର…
ପୁରୀ ବିଧାୟକ ଜୟନ୍ତ ଷଡଙ୍ଗୀଙ୍କୁ ସ୍ନାନ ମଣ୍ଡପକୁ ନେଇ ଦର୍ଶନ କରାଇବା ପ୍ରସଙ୍ଗରେ ସମ୍ପୃକ୍ତ ସେବାୟତଙ୍କୁ ନିଲମ୍ବନ କରିଛି ଶ୍ରୀମନ୍ଦିର ପ୍ରଶାସନ । ନିଲମ୍ବିତ ସେବାୟତ ହେଲେ ସୋମନାଥ ଖୁଣ୍ଟିଆ ଓ ରାଜାରାମ ଖୁଣ୍ଟିଆ । ସିସିଟିଭି ଫୁଟେଜ୍ ଯାଞ୍ଚ ପରେ ଏହି କାର୍ଯ୍ୟାନୁଷ୍ଠାନ ନିଆଯାଇଥିବା ସୂଚନା ରହିଛି । ଶ୍ରୀମନ୍ଦିର ଆଇନ ୨୧(ଖ) ଧାରାରେ ସେବାୟତଙ୍କୁ ନିଲମ୍ବନ କରାଯାଇଛି । ବିଧାୟକ ଜୟନ୍ତ ଷଡଙ୍ଗୀ ସ୍ନାନ ମଣ୍ଡପକୁ ଅନଧିକୃତ ଭାବରେ ଯାଇ ଦର୍ଶନ କରିଥିବା ଅଭିଯୋଗ ଥିଲା । ଏହାପରେ ମନ୍ଦିର ପ୍ରଶାସନ ପକ୍ଷରୁ ତତ୍ପରତା ପ୍ରକାଶ କରାଯାଇ ଆଜି ଦୁଇଜଣ ସେବାୟତଙ୍କୁ ନିଲମ୍ବନ କରାଯାଇଛି । ପୂର୍ବରୁ ସ୍ନାନପୂର୍ଣ୍ଣିମାରେ ହୋଇଥିବା ବିଶୃଙ୍ଖଳାକୁ ନେଇ ବିଧାୟକ ଓ ସେବାୟତଙ୍କୁ ନୋଟିସ୍ କରାଯାଇଥିଲା ।
ବିଧାନସଭା ଅଧିବେଶନ ପୂର୍ବରୁ ସର୍ବଦଳୀୟ ବୈଠକ ଅନୁଷ୍ଠିତ ହେଊଛି । ବାଚସ୍ପତି ସୂର୍ଯ୍ୟନାରାୟଣ ପାତ୍ରଙ୍କ ଅଧ୍ୟକ୍ଷତାରେ ସର୍ବଦଳୀୟ ବୈଠକ ଅନୁଷ୍ଠିତ ହେଉଛି । ବିଧାନସଭାର ଶୃଙ୍ଖଳିତ ଓ ଗଠନମୂଳକ ପରିଚାଳନା ନେଇ ଆଲୋଚନା ହେଉଛି । ଆଗୁଆ ସର୍ବଦଳୀୟ ବୈଠକ ଡାକି ଏକ ନୂଆ ପରମ୍ପରା ସୃଷ୍ଟି କରିଛନ୍ତି ବାଚସ୍ପତି । ଏହି ବୈଠକରେ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ଓ ଅର୍ଥ ସଚିବ ଉପସ୍ଥିତ ଥିଲେ। ବିଜେଡିର ଦେବୀ ପ୍ରସାଦ ମିଶ୍ର ଓ ପ୍ରଣବ ପ୍ରକାଶ ଦାଶ ଉପସ୍ଥିତ ରହିଥିବାବେଳେ ବିଜେପିରୁ ଜୟ ନାରାୟଣ ମିଶ୍ର, ପ୍ରଦୀପ୍ତ ନାୟକ, କଂଗ୍ରେସର ବରିଷ୍ଠ ବିଧାୟକ ନରସିଂହ ମିଶ୍ର ପ୍ରମୁଖ ଉପସ୍ଥିତ ରହିଛନ୍ତି । ଏହା ପୂର୍ବରୁ ଚଳିତ ବିଧାନସଭା ଅଧିବେଶନରେ ଗୃହରେ ସମସ୍ତ ପ୍ରସଙ୍ଗରେ ଆଲୋଚନା କରିବାକୁ ରାଜ୍ୟ ସରକାର ପ୍ରସ୍ତୁତ ରହିଛନ୍ତି ବୋଲି ମୁଖ୍ୟମନ୍ତ୍ରୀ ବିଧାୟକ ଦଳ ବୈଠକରେ କହିଥିଲେ ।
ଶେଷରେ ଗିରଫ ହେଲେ ପାଟଣାଗଡ଼ ବିଜେଡି ବିଧାୟକ ସରୋଜ ମେହେର । ପୂର୍ତ୍ତବିଭାଗ କନିଷ୍ଠ ଯନ୍ତ୍ରୀ ଜୟକାନ୍ତ ଶବରଙ୍କୁ ଉଠ୍ବସ୍ କରିବା ଘଟଣାରେ ତାଙ୍କୁ ପାଟଣାଗଡ଼ ପୁଲିସ୍ ଗିରଫ କରିଛି। ଗିରଫ କରାଯିବା ପରେ ତାଙ୍କୁ ଏଡିଜେଙ୍କ କୋର୍ଟରେ ହାଜର କରାଯିବ ବୋଲି ସୂଚନା ରହିଛି । ପୋଲିସ ଆଜି ବିଧାୟକ ସରୋଜ ମେହେରଙ୍କୁ ପାଟଣାଗଡ଼ ଥାନାରେ ଅଟକ ରଖିଥିଲା । ବେଲପଡ଼ା ବ୍ଲକ୍ ଗମ୍ଭାରୀ ଗାଁରେ ଏକ ରାସ୍ତାକାମ ଚାଲିଥିବା ବେଳେ ଏହା ଅତ୍ୟନ୍ତ ନିମ୍ନମାନର ହେଉଥିବା ନେଇ ଅଭିଯୋଗ ହୋଇଥିଲା। ଏ ଅଭିଯୋଗ ପାଇବା ପରେ ଜୁନ୍ ୫ ତାରିଖରେ ବିଧାୟକ ସରୋଜ ମେହେର ଉକ୍ତ ନିର୍ମାଣାଧୀନ ପିଚୁ ରାସ୍ତାର କାର୍ଯ୍ୟ ତଦାରଖ କରିବାକୁ ଯାଇଥିଲେ। ରାସ୍ତାକାମ ତଦାରଖ କରିବା ପରେ ବିଧାୟକ ସଙ୍ଗେ ସଙ୍ଗେ ଆକ୍ସନ୍ ମୋଡ୍କୁ ଚାଲି ଯାଇଥିଲେ। ସର୍ବସମ୍ମୁଖରେ ସେ କନିଷ୍ଠ ଯନ୍ତ୍ରୀ ଜୟକାନ୍ତ ଶବରଙ୍କୁ ୫ ମିନିଟ୍ ମଧ୍ୟରେ ଶହେ ଥର ଉଠ୍ବସ୍…
ପିତା ସାଜିଲା ନର ରାକ୍ଷସ। ବାପା ନିଜ ପାଞ୍ଚ ବର୍ଷର ପୁଅକୁ ହତ୍ୟା କରିବା ଭଳି ଏକ ହୃଦୟ ବିଦାରକ ଘଟଣା ଘଟିଛି ରାଉଲକେଲାରେ। ସୂଚନାନୁଯାୟୀ, ସୁନ୍ଦରଗଡ଼ ଜିଲ୍ଲା ରାଉରକେଲା ବନ୍ଧମୁଣ୍ଡା ଥାନା ଆରଏସ କଲୋନୀରେ ଘଟିଥିବା ଏହି ନାରକୀୟ ଘଟନା ଯୋଗୁଁ ଚାଞ୍ଚଲ୍ୟ ଖେଳିଯାଇଛି। ଏକ ପାଂଚ ବର୍ଷର ପୁଅର ମୃତଦେହ ଉଦ୍ଧାର ହୋଇଛି। ଗୋଟିଏ ପରିବାରରେ ବାପା ନିଜ ପାଞ୍ଚ ବର୍ଷର ପୁଅକୁ ଛୁରୀ ଭୁସି ହତ୍ୟା କରିଥିବା ଅଭିଯୋଗ ଆସିଛି। ପରିବାରରେ ସ୍ୱାମୀ ଓ ସ୍ତ୍ରୀ ମଧ୍ୟରେ କଳି ଲାଗିଥିଲା। ଦୁହିଁଙ୍କ ମଧ୍ୟରେ ବଚସା ମଧ୍ୟ ହୋଇଥିଲା। ସ୍ୱାମୀ ଓ ସ୍ତ୍ରୀ ମଧ୍ୟରେ ଏହି ମତାନ୍ତର କାରଣରୁ ନିଜ ପୁଅକୁ ଛୁରୀ ଭୁସି ମାରି ଦେଇଥିବା ସାଧାରଣରେ ଚର୍ଚ୍ଚା ହେଉଛି। ସାଧାରଣ ଲୋକେ ମୃତଦେହ ଦେଖିବା ପରେ ପୋଲିସକୁ ଖବର ଦେଇଥିଲେ। ଘଟଣାସ୍ଥଳରେ ପହଂଚି ପୋଲିସ ମୃତଦେହ ଉଦ୍ଧାର କରି ବ୍ୟବଚ୍ଛେଦ କରିବାକୁ ପଠାଇଛି। ପୋଲିସ ପିଶାଚ…
ପଶ୍ଚିମବଙ୍ଗର ଝୁଲନ୍ତା ପୋଲ ଭୁଶୁଡି 2 ଜଣଙ୍କର ମୃତ୍ୟୁ ଘଟିଥିବା ବେଳେ 4 ଜଣ ଆହତ ହୋଇଛନ୍ତି। କାଲିମପୋଙ୍ଗ ଜିଲ୍ଲାରେ ଏକ ସରୁଆ ସ୍ରୋତ ଉପରେ ରହିଥିବା ଏହି ଝୁଲନ୍ତା ପୋଲ ଭୁଶୁଡି ପଡିଛି। ରବିୁବାର ସନ୍ଧ୍ୟାରେ ଘଟିଥିବା ଏହି ଦୁର୍ଘଟଣାରେ ତେକ୍ ବାହାଦୁର ସୁବ୍ବା(52) ଏବଂ ଏତ୍ରାଜ୍ ରାଜ ରାୟ (23)ଙ୍କ ପ୍ରାଣହାନି ଘଟିଛି। ଆହତଙ୍କ ମଧ୍ୟରୁ ଜଣଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ସିଲିଗୁଡି ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି। ଏହି ଝୁଲନ୍ତା ପୋଲର ଦଉଡି ଛିଣ୍ଡି ଯିବାରୁ ଏହି ଘଟଣା ଘଟିଥିଲା । ଉକ୍ତ 6 ଜଣ ସେହି ସମୟରେ ପୋଲ ଅତିକ୍ରମ କରୁଥିଲେ। ଦୁର୍ଘଟଣାର କାରଣ ସମ୍ପର୍କରେ ତଦନ୍ତ ଜାରି ରହିଥିବା ନେଇ ପୋଲିସ୍ ପକ୍ଷରୁ ସୂଚନା ମିଳିଛି।
କାମ୍ବୋଡିଆରେ ନିର୍ମାଣାଧୀନ କୋଠା ଭୁଶୁଡି ପଡିବାରୁ ଗତକାଲି 17 ଜଣଙ୍କର ମୃତ୍ୟୁ ଘଟିଥିଲା । ଆଜି ଏହି ଏହି ମୃତ୍ୟୁ ସଂଖ୍ୟା 24କୁ ବୃଦ୍ଧି ପାଇଥିବା ନେଇ ସରକାରୀ ସୂଚନା ମିଳିଛି । ଏହି ଘଟଣାରେ 24 ଜଣ ଆହତ ହୋଇଛନ୍ତି । ଏହା ସହିତ ଏହି ପ୍ରକଳ୍ପ ଦରୟିତ୍ବରେ ରହିଥିବା 4 ଜଣ ଚୀନ୍ ଅଧିକାରୀଙ୍କୁ ଗିରଫ କରାଯାଇଛି । ଶନିବାର ଭୋର 4 ଟା ସମୟରେ ଏହି କୋଠା ଭୁଷୁଡିଥିଲା । ମୃତ ଏବଂ ଆହତଙ୍କ ମଧ୍ୟରେ ସମସ୍ତେ ଶ୍ରମିକ ରହିଥିବା ଜଣାପଡିଛି । କାମ୍ବୋଡିଆର ଶ୍ରମ ମନ୍ତ୍ରାଳୟର ସୂଚନା ଅନୁଯାୟୀ ଉକ୍ତ କୋଠାରେ 30 ଜଣ ଶ୍ରମିକଙ୍କୁ କାର୍ଯ୍ୟ କରିବାର ଅନୁମତି ଦିଆଯାଇଥିବା ବେଳେ 50ରୁ 60 ଜଣଙ୍କୁ କାର୍ଯ୍ୟରେ ନିୟୋଜିତ କରିଥିଲେ ଉକ୍ତ 4 ଅଧିକାରୀ ।
ଆନ୍ଧ୍ରପ୍ରଦେଶର ଓଙ୍ଗୋଲରେ ଏକ ପାଶବିକ କାଣ୍ଡ ସାମ୍ନାକୁ ଆସିଛି। ଜଣେ ନାବାଳିକାଙ୍କୁ 6 ଜଣ ବ୍ୟକ୍ତି 5 ଦିନ ଧରି ଗଣଧର୍ଷଣ କରିଛନ୍ତି। 6 ଜଣଙ୍କ ମଧ୍ୟରେ 3 ଜଣ ନାବାଳକ ରହିଥିବା ଜଣା ପଡିଛି। ଏହି ଘଟଣାରେ ସମସ୍ତ ଅଭିଯୁକ୍ତଙ୍କୁ ଗିରଫ କରାଯାଇଛି। ଘଟଣାର ତଦନ୍ତ ଜାରି ରହିଛି ଏବଂ ବଳାତ୍କାରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଗୃହ ମନ୍ତ୍ରୀ ଏମ୍ ସୁଚରିତା ପ୍ରକାଶ କରିଛନ୍ତି। ସୂଚନାଯୋଗ୍ୟ ଯେ, ଯୁବତୀ ଜଣକ ଓଙ୍ଗୋଲରେ ଜୁନ୍ 17 ତାରିଖରେ ଆର୍ଟିସି ବସ୍ରେ ଜଣେ ଅଭିଯୁକ୍ତଙ୍କୁ ଭେଟିଥିଲେ। ବନ୍ଧୁତା ପରେ ଯୁବତୀ ଜଣକୁ ନିଜ ଘରକୁ ନେଇଥିଲେ ଯେଉଁଠାରେ ଅନ୍ୟ 5 ଜଣ ମିଶି ଯୁବତୀଙ୍କ ସହିତ ଗଣ ଦୁଷ୍କର୍ମ କରିଥିଲେ। ଶନିବାର ସନ୍ଧ୍ୟାରେ ଯୁବତୀ ଜଣକ ସେଠାରୁ ଖସି ଆସି ପୋଲିସ୍ ନିକଟରେ ଅଭିଯୋଗ କରିଥିଲେ ବୋଲି ତଦନ୍ତକାରୀ ଅଫିସର ସିଦ୍ଧାର୍ଥ କୌଶଲ୍ ସୂଚନା ଦେଇଛନ୍ତି। ସ୍ଥାନୀୟ ସରକାରୀ…
ଭାରତୀୟ ରିଜର୍ଭ ବ୍ୟାଙ୍କର ଡେପୁଟି ଗଭର୍ଣ୍ଣର ଭିରାଲ୍ ଆଚାର୍ଯ୍ୟ ନିଜ କାର୍ଯ୍ୟକାଳ ସମାପ୍ତ ହେବାର 6 ମାସ ପୂର୍ବରୁ ଇସ୍ତଫା ପ୍ରଦାନ କରିଛନ୍ତି। ଜାନୁୟାରୀ 23, 2017 ରେ ଆରବିଆାଇର କନିଷ୍ଠ ଡେପୁଟି ଗଭର୍ଣ୍ଣର ଭାବରେ ଯୋଗ ଦେଇଥିଲେ ଭିରାଲ। ନିଜ ଇସ୍ତଫାର କାରଣ ସମ୍ପର୍କରେ କହିନଥିଲେ ମଧ୍ୟ ସରକାରଙ୍କ ସହିତ ମତଭେଦ ଭିରାଲ୍ଙ୍କ ଇସ୍ତଫାର କାରଣ ବୋଲି ଅନୁମାନ କରାଯାଉଛି। ଆରବିଆଇକୁ ଏକ ସ୍ବୟଂଚାଳିତ ସଂସ୍ଥା ଭାବରେ ଚାହୁଁଥିବା ନେଇ ଭିରାଲ ଏବଂ ସରକାରଙ୍କ ମଧ୍ୟରେ ମତଭେଦ ହୋଇଥିଲା। ଏହା ସହିତ ଭିରାଲ ନ୍ୟୁୟର୍କ ବିଶ୍ବବିଦ୍ୟାଳୟର ଷ୍ଟର୍ଣ୍ଣ ସ୍କୁଲ ଅଫ୍ ବିଜିନେସ୍ରେ ପ୍ରଫେସର ଭାବରେ କାର୍ଯ୍ୟ କରିବେ। ପୂର୍ବରୁ ଭିରାଲ୍ 2020 ରେ ଯୋଗଦାନ କରିବାର ଥିଲା। ଆରବିଆଇ ପକ୍ଷରୁ ଭିରାଲଙ୍କ ଇସ୍ତଫା ପତ୍ରର କୌଣସି ଉତ୍ତର ରଖାଯାଇନାହିଁ।
ବାଂଲାଦେଶରେ ଏକ ଟ୍ରେନ୍ ଲାଇନ୍ଚ୍ୟୁତ ହୋଇ 4 ଜଣଙ୍କ ମୃତ୍ୟ ଘଟିଥିବା ବେଳେ 100ରୁ ଅଧିକ ଆହତ ହୋଇଛନ୍ତି। ଉପବନ ଏକ୍ସପ୍ରେସ ନାମକ ଏହି ଟ୍ରେନ୍ର 5 ଟି ବଗି ଲାଇନଚ୍ୟୁତ ହୋଇ ଏହି ଦୁର୍ଘଟଣା ଘଟିଛି। ଉତ୍ତର ପଶ୍ଚିମ ବାଂଲାଦେଶର ମୌଲବୀ ବଜାରର କୁଆଲୌରା ଅଞ୍ଚଳରେ ରହିଥିବା ବୋରୋମଚଲ ବ୍ରିଜ୍ ଉପରେ ଏହି ଦୁର୍ଘଟଣା ଘଟିଥିଲା। ରବିବାର ରାତି ସ୍ଥାନୀୟ ସମୟ 11. 50 ସମୟରେ ଏହି ଦୁର୍ଘଟଣା ଘଟିଥିଲା। ଢାକାରୁ ସିଲ୍ହଟ୍ ଯାଉଥିବା ଟ୍ରେନ୍ଟିର ପାଞ୍ଚଟି ବଗି କେନାଲ ମଧ୍ୟକୁ ଖସି ପଡିଥିଲା। ରାତ୍ରିର ଅନ୍ଧକାର ମଧ୍ୟରେ ଉଦ୍ଧାର କାର୍ଯ୍ୟ ବାଧାପ୍ରାପ୍ତ ହୋଇଥିବାରୁ ମୃତ୍ୟୁ ସଂଖ୍ୟା ବୃଦ୍ଧି ପାଇପାରେ ବୋଲି ଅଗ୍ନିଶମ ବିଭାଗ ମୁଖ୍ୟ ନୁରିନ୍ ନବି ସୂଚନା ଦେଇଛନ୍ତି।
ଚଳିତ ଲୋକସଭା ନିର୍ବାଚନରେ ପରାଜୟ ପରେ ଅଖିଳେଶ ଯାଦବ ତାଙ୍କୁ ଥରେ ମଧ୍ୟ ଫୋନ୍ କରି ନାହାନ୍ତି ବୋଲି କହିଛନ୍ତି ମାାବତୀ। ଉତ୍ତର ପ୍ରଦେଶର ବିଜେପିର ମୁକାବିଲା କରିବା ପାଇଁ ଉଭୟ ଦଳ ମହାମେଣ୍ଟ ଗଠନ କରିଥିଲେ। ନିର୍ବାଚନରେ ଉଭୟ ଦଳ ଖରାପ ପ୍ରଦର୍ଶନ କରିବା ସହିତ ମାତ୍ର 15 ଟି ଆସନରେ ବିଜୟୀ ହୋଇଥିଲା। ବିଏସ୍ପି 10 ଟି ଆସନରେ ବିଜୟୀ ହୋଇଥିବା ବେଳେ ସମାଜବାଦୀ ପାର୍ଟି ମାତ୍ର 5 ଆସନରେ ବିଜୟୀ ହୋଇଥିଲା। ଏହାପରେ ଉଭୟ ଦଳ ମଧ୍ୟରେ ବିବାଦ ବଢିଯାଇଥିଲା। ନିର୍ବାଚନରେ ପରାଜୟ ପରେ ଅଖିଳେଶ ମୋତେ ଥରେ ମଧ୍ୟ ଫୋନ୍ କରିନଥିଲେ ମାତ୍ର ବରିଷ୍ଠ ହୋଇଥିବାରୁ ମୁଁ ନିଜଆଡୁ ଫୋନ୍ କରିଥିଲି ବୋଲି କହିଛନ୍ତି ମାୟାବତୀ।
ଇଣ୍ଡୋନେସିଆରେ ଏକ ୭.୫ତୀବ୍ରତାର ଭୂକମ୍ପ ଅନୁଭୂତ ହୋଇଛି । ଇଣ୍ଡୋନେସିଆର ବଣ୍ଡା ସମୁଦ୍ର କୂଳରେ ଏହି ଭୂକମ୍ପ ଅନୁଭୂତ ହୋଇଛି । ଏହି ଭୂକମ୍ପ ପ୍ରଭାବରେ ସୁନାମି ସମ୍ଭାବନା ନାହିଁ ବୋଲି ଇଣ୍ଡୋନେସିଆ ପାଣିପାଗ ବିଭାଗ ପକ୍ଷରୁ ପ୍ରକାଶ କରାଯାଇଛି । ଭୂପୃଷ୍ଠରୁ ୨୨୦ କିମି ଗଭୀରତାରେ ଏହି ଭୂକମ୍ପ ସୃଷ୍ଠି ହୋଇଥିବା ବେଳେ ୪୪ କିମି ପର୍ଯ୍ୟନ୍ତ ଏହାର ପ୍ରଭାବ ଅନୁଭୂତ ହୋଇଥିଲା । ଏହି ଭୂକମ୍ପରେ କୌଣସି ବ୍ୟକ୍ତି ମୃତାହତ ହୋଇନଥିବା ପ୍ରକାଶ । ହଓ୍ବାଇ ପାଣିପାଗ ବିଭାଗ ପକ୍ଷରୁ ପ୍ରକାଶିତ ସୂଚନା ଅନୁଯାୟୀ ପ୍ରାରମ୍ଭେରେ ଏକହି ଭୂକମ୍ପର ତୀବ୍ରତା ୭.୨ ରହିଥିଲା ।
କେଦାର ମିଶ୍ର ଦୁଇଦିନ ତଳେ ମୁଖ୍ୟମନ୍ତ୍ରୀ ଓଡିଶାର ସବୁ ବରିଷ୍ଠ ବାବୁମାନଙ୍କୁ ଡାକି ଗୋଟେ ଗୁରୁତ୍ୱପୂର୍ଣ୍ଣ କଥା କହିଛନ୍ତି। ସଚିବାଳୟର ସବୁ ସଚିବଙ୍କୁ ଡାକି ମୁଖ୍ୟମନ୍ତ୍ରୀ କହିଥିଲେ ଯେ- “ମୁଁ ଆପଣମାନଙ୍କ ଦକ୍ଷତା ଓ କର୍ମନିଷ୍ଠତାକୁ ଆକଳନ କରି ପିଏଆର(ପର୍ଫାର୍ମାଂସ ଅପ୍ରାଇଜାଲ ରିପୋର୍ଟ) ଲେଖେ, ହେଲେ ମୋ ପିଏଆର ସାଧାରଣ ଜନତା ଲେଖନ୍ତି। ଏଣିକି ମୋ ସହିତ ଆପଣମାନକୁ ମଧ୍ୟ ଲୋକଙ୍କ ପାଖରେ ଉତ୍ତରଦାୟୀ ରହିବାକୁ ପଡିବ।“ ପ୍ରଶାସନିକ ବିଚାରରେ ଏହା ଏକ ଅତ୍ୟନ୍ତ ସମ୍ବେଦନଶୀଳ କଥା। ସରକାରୀ ଅଧିକାରୀମାନେ ଲୋକ ପ୍ରତିନିଧିଙ୍କ ଜରିଆରେ ଲୋକଙ୍କ ପାଖରେ ଉତ୍ତରଦାୟୀ ରୁହନ୍ତି। ମୁଖ୍ୟମନ୍ତ୍ରୀ ସେ ବିଷୟରେ ତାଙ୍କର ସଚିବମାନଙ୍କୁ ଏକ ପ୍ରକାର ସତର୍କ କରାଇଦେଇଛନ୍ତି। ସରକାରୀ ସ୍ତରରେ ଯାହା ସବୁ ସୁବିଧା ଅସୁବିଧା ହୁଏ, ସେଥିଲାଗି ସାଧାରଣ ଜନତା ମୁଖ୍ୟମନ୍ତ୍ରୀ ଓ ମନ୍ତ୍ରୀମାନଙ୍କୁ ଦାୟୀ କରନ୍ତି। ଅମଲାତନ୍ତ୍ର ଲୋକଙ୍କଠାରୁ ସୁରକ୍ଷିତ ଦୂରତାରେ ସବୁବେଳେ ରହିଥାଏ। ମୁଖ୍ୟମନ୍ତ୍ରୀ ଏହି ପରମ୍ପରାକୁ ଭାଙ୍ଗିବା ଲାଗି ବାବୁମାନଙ୍କର…