ପୁଲୱାମା ଆତଙ୍କବାଦୀ ଆକ୍ରମଣକୁ ନେଇ ସାରା ଦେଶରେ ପ୍ରତିକ୍ରିୟା ପ୍ରକାଶ ପାଇଛି । ଦେଶବାସୀ ଆତଙ୍କବାଦ ଏବଂ ପାକିସ୍ତାନକୁ ବିରୋଧ କରିବା ସହ ନାରାବାଜି ମଧ୍ୟ କରୁଛନ୍ତି । ଏହି ଆକ୍ରମଣରେ ପାକିସ୍ତାନର ସଂପୃକ୍ତି ଥିବାରୁ ଭାରତ ଗତ ୧୫ ତାରିଖରେ ନୂଆଦିଲ୍ଲୀରେ ଅବସ୍ଥାପିତ ପାକ୍ ଦୂତାବାସଙ୍କୁ ସମନ ଜାରି କରିଥିଲା । ଏପରିକି କୁଟନୈତିକ ସ୍ତରରେ ଭାରତ ପାକ୍ ବିରୋଧରେ ଅଭିଯାନ ଜାରୀ ରଖିଛି । ଭାରତରେ ଅବସ୍ଥାପିତ ପାକିସ୍ତାନ ଉଚ୍ଚାୟୁକ୍ତ ସୋହେଲ୍ ମୋହମ୍ମଦଙ୍କୁ ଆଲୋଚନା ପାଇଁ ପାକିସ୍ତାନ ନିଜ ଦେଶକୁ ଡକାଇଛନ୍ତି । ଏହା ପୂର୍ବରୁ ଗତ ୧୫ ତାରିଖରେ ଭାରତ ସରକାର ପାକିସ୍ତାନରେ ଅବସ୍ଥାପିତ ଉଚ୍ଚାୟୁକ୍ତ ଅଜୟ ବିସେରିଆଙ୍କୁ ଫେରାଇ ଆଣିଥିଲା । ପାକିସ୍ତାନ ତାହାର ଆତଙ୍କବାଦୀ କାର୍ଯ୍ୟକଳାପ ବନ୍ଦ ନ କଲେ ଆହୁରି କଠୋର କାର୍ଯ୍ୟାନୁଷ୍ଠାନ ନିଆଯିବ ବୋଲି ଭାରତ କହିଛି ।
Author: Samikhsya Bureau
ଫୁଲ୍ୱାମା ଆତଙ୍କୀ ଆକ୍ରମଣ ଘଟଣା ପରେ ପୂରା ଦେଶ ସରକାରଙ୍କୁ ୪୦ ଯବାନ୍ଙ୍କ ମୃତ୍ୟୁର ପ୍ରତିଶୋଧ ମାଗୁଛି । ଏହି ସମୟରେ ଆମ ବଲିଉଡ୍ ମଧ୍ୟ ଯବାନଙ୍କ ସାହାଯ୍ୟ ପାଇଁ ହାତ ବଢାଇଛନ୍ତି । ବଲିଉଡ୍ ଅଭିନେତା ଅଜୟ ଦେବଗନ୍ ଫେବୃଆରୀ ୨୪ରେ ରିଲିଜ୍ ହେବାକୁ ଥିବା ଫିଲ୍ମ ‘ଟୋଟାଲ୍ ଧମାଲ୍’ର ପାକିସ୍ତାନ ରିଲିଜ୍ ହେବ ନାହିଁ ବୋଲି ସୋସିଆଲ୍ ମିଡ଼ିଆରେ ଏ ସମ୍ପର୍କିତ ଏକ ଘୋଷଣା ଜାରି କରିଛନ୍ତି । ଏହି ଫିଲ୍ମରେ ଅଜୟ ଦେବଗନଙ୍କ ବ୍ୟତୀତ ମାଧୁରୀ ଦୀକ୍ଷିତ, ଅନିଲ୍ କପୁର୍, ଅର୍ଶଦ ୱାର୍ସି ଓ ରିତେଶ ଦେଶମୁଖ, ସଂଜୟ ମିଶ୍ର ପ୍ରମୁଖ ଅଭିନୟ କରିଛନ୍ତି । ଧମାଲ୍ ସିରିଜ୍ର ଏହି ତୃତୀୟ ସଂସ୍କରଣଟିରେ ଈଶା ଗୁପ୍ତା ଓ ସୋନାକ୍ଷୀ ସିହ୍ନାଙ୍କୁ ମଧ୍ୟ ଦେଖିବାକୁ ମିଳିବ । ଇନ୍ଦ୍ର କୁମାରଙ୍କ ନିର୍ଦ୍ଦେଶିତ ଏହି ଫିଲ୍ମର ନିର୍ମାତା ଓ ପୂରା ଟିମ୍ ମେମ୍ବର ଶହୀଦ ପରିବାରଙ୍କୁ ୫୦ ଲକ୍ଷ ଟଙ୍କାର…
ନ୍ୟାଶନାଲ କନଫରେନ୍ସର ନେତା ଫାରୁକ୍ ଅବଦୁଲ୍ଲା ପୁଣି ଥରେ ଏକ ବିବାଦୀୟ ମନ୍ତବ୍ୟ ଦେଇଛନ୍ତି। ପୁଲୱାମାରେ ସିଆର୍ପିଏଫ୍ ଯବାନଙ୍କ ଉପରେ ହୋଇଥିବା ଆକ୍ରମଣକୁ ନେଇ ବୟାନ ଦେଇ ଫାରୁକ୍ କହିଛନ୍ତି ଯେପର୍ଯ୍ୟନ୍ତ କଶ୍ମୀର ସମସ୍ୟାର ସମାଧାନ ହୋଇ ନାହିଁ ସେ ପର୍ଯ୍ୟନ୍ତ ପୁଲୱାମା ଭଳି ଆତଙ୍କବାଦୀ ଆକ୍ରମଣ ଜାରି ରହିବ। କାଶ୍ମୀରରେ ଉପୁଜିଥିବା ସମସ୍ୟା ବନ୍ଧୁକ ମୁନରେ ସମାଧାନ ହେବନାହିଁ କହିବା ସହିତ ଏହାପାଇଁ ଆଲୋଚନାର ଆବଶ୍ୟକତା ରହିଛି ବୋଲି ଫାରୁକ୍ କହିଥିଲେ । ସୂଚନାଯୋଗ୍ୟ, ଗତ ଗୁରୁବାର ଅର୍ଥାତ୍ ୧୪ ଫେବୃୟାରୀରେ ଜମ୍ମୁ-କଶ୍ମୀରର ପୁଲୱାମାରେ ହୋଇଥିବା ଆତଙ୍କବାଦୀ ଆକ୍ରମଣରେ ୪୪ ଯବାନ ଶହୀଦ ହୋଇଥିବା ବେଳେ ଏହା ଦେଶର ସୁରକ୍ଷା ବ୍ୟବସ୍ଥା ଉପରକୁ ଅଙ୍ଗୁଳି ନିର୍ଦ୍ଦେଶ କରିଥିଲା।
ବୋଧାୟନ ଏ ଯାଏଁ ଶୁଖିନି ଆଖିର ଲୁହ, ଏଯାଏଁ ବି କଣ ଘରୁ ଶୁଭୁଛି ଗୁମୁରିଗୁମୁରି କାନ୍ଦୁଥିବା ସେହି ସ୍ତ୍ରୀର ସ୍ୱର।ବାପା କାହିଁ ବାପା କାହିଁ କହି ଭାଙ୍ଗିଯାଉଛି ଝିଅର ନିଦ।କାନ୍ଧ ଉପରୁ ଉଠିଯାଇଛି ବାପାର ହାତ।ଆତଙ୍କୀଙ୍କ ଆକ୍ରମଣରେ ସହିଦ ହୋଇଥିବା ପ୍ରତିଟି ଭାରତୀୟଙ୍କ ଘରେ ଏବେ ଏହି ଦୃଶ୍ୟ।କ୍ଷତିପୂରଣ, ସମବେଦନାର ସୁଅ ଛୁଟିଛି । ହେଲେ ଏହାରି ଭିତରେ କିଛି ଲୋକ ନିଜର କ୍ରେଡିଟ ନେବାକୁ ଚାହିଁଛନ୍ତି। ସୋସିଆଲ ମିଡ଼ିଆ ଓ ନ୍ୟୁଜରେ ସହାୟତା ରାଶି ଦେଇ ଦେଖାଇଛନ୍ତି ସେମାନେ ବି ଦେଇପାରନ୍ତି। ମନେଥିବ କିଛିଦିନ ତଳେ ରିଲିଜ ହୋଇଥିଲା ଫିଲ୍ମ ‘ଉରୀ’। ଭାରତୀୟ ସେନାର ସର୍ଜିକାଲ ଷ୍ଟ୍ରାଇକକୁ ବେଶ ସୁନ୍ଦର ଭାବରେ ଚିତ୍ରଣ କରାଯାଇଥିଲା। ଆକର୍ଷଣୀୟ ଗ୍ରାଫିକ୍ସ ସାଙ୍ଗକୁ ଦମଦାର ଷ୍ଟାରକାଷ୍ଟ ଏହି ଫିଲ୍ମକୁ ଦେଇଥିଲା ପାଖାପାଖି ୨୨୨ କୋଟିରୁ ଅଧିକ ବେପାର।ଆଉ ଏଭଳି ପରିମାଣକୁ ଦେଖି ଖୋଦ ପ୍ରଯୋଜକ ବି ତଟକା ହୋଇଯାଇଥିଲେ। କାରଣ ମାତ୍ର ୪୫…
କ୍ରିକେଟରରୁ ରାଜନେତା ପାଲଟି ଥିବା କୀର୍ତ୍ତି ଆଜାଦ୍ ଆଜି କଂଗ୍ରେସରେ ଯୋଗ ଦେଇଛନ୍ତି। ଟ୍ୱିଟ୍ କରି ସେ ଏହି ସୂଚନା ଦେଇଛନ୍ତି। କିଛି ଦିନ ତଳେ କୀର୍ତ୍ତି ବିଜେପିରୁ ନିଲମ୍ବିତ ହୋଇଥିଲେ। ୨୦୧୪ ସାଧାରଣ ନିର୍ବାଚନରେ ସେ ବିହାରର ଦରଭଙ୍ଗାରୁ ଜିତି ଲୋକସଭାକୁ ଯାଇଥିଲେ। ଦିଲ୍ଲୀ ସ୍ଥିତ କଂଗ୍ରେସ ମୁଖ୍ୟାଳୟରେ ରାହୁଲ ଗାନ୍ଧିଙ୍କ ଉପସ୍ଥିତିରେ ଆଜି ସକାଳେ ସେ କଂଗ୍ରେସରେ ଯୋଗ ଦେଇଥିଲେ। ସେ ଏନେଇ କିଛି ଫଟୋ ମଧ୍ୟ ନିଜ ଟ୍ୱିଟର ପେଜ୍ରେ ପୋଷ୍ଟ୍ କରିଛନ୍ତି ଓ ମିଥିଲା ପରମ୍ପରା ଅନୁଯାୟୀ ରାହୁଲ ଗାନ୍ଧିଙ୍କୁ ସମ୍ମାନିତ କରିଥିବା କହିଛନ୍ତି। ଗତ ସପ୍ତାହରେ କୀର୍ତ୍ତି ଆଜାଦ କଂଗ୍ରେସରେ ଯୋଗ ଦେବାର ଥିଲା। ହେଲେ ପୁଲ୍ୱାମାରେ ଆତଙ୍କବାଦୀ ହମ୍ଲା ପରେ ଏହାକୁ ସ୍ଥଗିତ ରଖାଯାଇଥିଲା। ସେ ୧୮ ତାରିଖରେ କଂଗ୍ରେସରେ ଯୋଗଦେବେ ବୋଲି ଟ୍ଵିଟ୍ କରିଥିଲେ ।
‘ବିୟଣ୍ଡ୍ ଦ କ୍ଲାଉଡ୍’ରେ ଡେବ୍ୟୁ କରିଥିବା ସାହିଦ୍ କପୁରଙ୍କ ଭାଇ ଇଶାନ୍ ଖଟ୍ଟରଙ୍କ ଦ୍ୱିତୀୟ ଫିଲ୍ମ ଥିଲା ‘ଧଡ଼କ୍’। ଜାହ୍ନବୀଙ୍କ ସହ ତାଙ୍କ ରୋମାନ୍ସକୁ ଦର୍ଶକ ବେଶ୍ ପସନ୍ଦ କରିଥିଲେ । ଏବେ ଇଶାନ୍ ଏକ ବଡ଼ ବ୍ୟାନରରେ ସୁଯୋଗ ପାଇଥିବା ସୂଚନା ମିଳିଛି । ପ୍ରସିଦ୍ଧ ପ୍ରଯୋଜକ ତଥା ନିର୍ଦ୍ଦେଶକ ସଞ୍ଜୟ ଲୀଳା ଭଂଶାଲୀଙ୍କ ସହ କାମ କରିବେ ଈଶାନ୍ । ମିଳିଥିବା ସୂଚନା ଅନୁଯାୟୀ, ଈଶାନ୍ ଏବେ ଭଂଶାଲୀଙ୍କ ଏହି ପ୍ରୋଜେକ୍ଟରେ ଏବେ ଫୋକସ୍ କରୁଛନ୍ତି । ସଞ୍ଜୟ, ଈଶାନଙ୍କ ଫିଲ୍ମ ‘ଧଡକ୍’ରୁ ଖୁବ୍ ଇମ୍ପ୍ରେସ୍ ଅଛନ୍ତି। ସେ ତାଙ୍କ ଆଗାମୀ ଫିଲ୍ମରେ ଏକ ଯୁବ ଚରିତ୍ର ପାଇଁ ଈଶାନଙ୍କୁ ବାଛିଥିବାର ଜଣାପଡିଛି । ତେବେ ଏହାର ଔପଚାରିକ ଘୋଷଣା ହେବାକୁ ବାକି ରହିଛି । ଜାହ୍ନବୀଙ୍କ ସହ ସର୍ମ୍ପକକୁ ନେଇ ବେଶ୍ ଚର୍ଚ୍ଚାରେ ରହିଥିଲେ ଏହି ଅଭିନେତା ଜଣକ । ଫିଲ୍ମକୁ ନେଇ ବେଶ୍ ସଚେତନଥିବା ସଞ୍ଜୟ…
ଗତକାଲି ଚେନ୍ନାଇରେ ଏକ କାର୍ଯ୍ୟକ୍ରମରେ କମଲ୍ ହାସନ୍ ଡିଏମ୍କେ ସଭାପତି ଏମ୍କେ ଷ୍ଟାଲିନ୍ଙ୍କ ସହିତ ରଜନୀକାନ୍ତଙ୍କୁ କଡ଼ା ସମାଲୋଚନା କରିଛନ୍ତି। ଗତକାଲି ରଜନୀକାନ୍ତ ଚଳିତ ବର୍ଷ ହେବାକୁ ଥିବା ଲୋକସଭା ନିର୍ବାଚନରେ ଲଢ଼ିବେ ନାହିଁ ବୋଲି ଘୋଷଣା କରିଥିଲେ । ଏହି କଥାକୁ ନେଇ ରଜନୀକାନ୍ତଙ୍କୁ ତୀବ୍ର ସମାଲୋଚନା କରିଛନ୍ତି କମଲ୍ ହାସନ୍। ରଜନୀକାନ୍ତଙ୍କ ଉଦ୍ଦେଶ୍ୟରେ କମଲ୍ କହିଛନ୍ତି,“ଦେହରେ ତେଲ ଲଗାଇବା ପରେ ଓ ଜଙ୍ଘରେ ହାତ ଥାପୁଡ଼ାଇବା ପରେ ଜଣେ ମଲ୍ଲଯୋଦ୍ଧା ଆସନ୍ତାକାଲି ଲଢ଼ିବି ବୋଲି କହି ରିଙ୍ଗ୍ରୁ ଫେରିଯିବା ଉଚିତ୍ ନୁହେଁ। ଯଦି ସେ ଏଭଳି କରନ୍ତି, ତା’ହେଲେ ଲୋକେ ତାଙ୍କୁ ଦେଖି ହସିବେ।” ସୂଚନାଯୋଗ୍ୟ, ରଜନୀକାନ୍ତଙ୍କ ଭଳି କମଲ୍ ହାସନ୍ ମଧ୍ୟ ମକ୍କଲ ନିଧି ମଇମା (ଏମ୍ଏନ୍ଏମ୍) ନାମରେ ଏକ ରାଜନୈତିକ ଦଳ ଗଠନ କରିଛନ୍ତି। ଗତ ବର୍ଷ ଡିସେମ୍ବର ମାସରେ କମଲ୍ ହାସନ୍ ୨୦୧୯ ଲୋକସଭା ନିର୍ବାଚନ ଲଢ଼ିବେ ବୋଲି ଘୋଷଣା କରିଥିଲେ ।
ଜ୍ୟୋତି ନନ୍ଦ ପୁଲବାମାର ଦୁଃଖଦ ଘଟଣାର ପରିପ୍ରେକ୍ଷୀରେ କେନ୍ଦ୍ରସରକାର ଏକ ସର୍ବଦଳୀୟ ବୈଠକର ଆହ୍ବାନ କରିଥିଲେ ଯେଉଁଠି ସମସ୍ତେ ଦଳମତ ନିର୍ବିଶେଷରେ ଭାରତୀୟ ସେନା ଓ କେନ୍ଦ୍ର ସରକାରଙ୍କ ପଛରେ ଦୃଢ ଭାବର ଠିଆହୋଇଛନ୍ତି ବୋଲି ନିଷ୍ପତ୍ତି ଗ୍ରହଣ କରିଥିଲେ।ଏହା ଆମର ଏକ ଦୁର୍ଦ୍ଦିନରେ ସମସ୍ତେ ଏକାଠି ହୋଇ ଲଢିବାର ଏକ ରାଜନୈତିକ ପରିପକ୍ୱତାକୁ ପ୍ରଦର୍ଶନ କରିପାରିଛି। ସାଧାରଣତଃ ଏହିଭଳି ଏକ ପରିସ୍ଥିତିରେ ଏହିଭଳି ସର୍ବଦଳୀୟ ବୈଠକର ଆବଶ୍ୟକତା ରହିଥାଏ ଯେଉଁଠି ସରକାର ସମସ୍ତଙ୍କୁ ବିଶ୍ବାସକୁ ନେଇ ପରବର୍ତ୍ତି କାର୍ଯ୍ୟପନ୍ଥା ଗ୍ରହଣ କରିଥାନ୍ତି।ଏହି ପରିକଳ୍ପିତ କାର୍ଯ୍ୟପନ୍ଥାଟି ଯେମିତି ନିର୍ବିବାଦୀୟ ହୋଇପାରିବ ତାହା ସରକାରର ପ୍ରାଥମିକ କର୍ତ୍ତବ୍ୟବୋଧର ଇଲାକାରେ ଆସିଥାଏ।କିନ୍ତୁ ଏହି ସର୍ବଦଳୀୟ ବୈଠକର ଗୁରୁତ୍ବକୁ ଅସ୍ବୀକାର କରି ଆମର ପ୍ରଧାନ ସେବକ ମହାରାଷ୍ଟ୍ରକୁ ଏକ ରାଲି ପାଇଁ ସର୍ବଦଳୀୟ ବୈଠକକୁ ଯିବାର ଘଟଣା ସରକାରର ସଂବେଦନହୀନତାକୁ ବଖାଣ କରୁଛି।ପ୍ରଧାନସେବକ ଯେଉଁ ଉଦ୍ଦେଶ୍ୟରେ ସର୍ବଦଳୀୟ ବୈଠକକୁ ଛାଡି ମହାରାଷ୍ଟ୍ର ଅଭିମୁଖେ ଯାତ୍ରା କରିଥିଲେ…
ବଲିଉଡ୍ରେ ଏବେ ଷ୍ଟାର୍କିଡ୍ ମାନେ ଏଣ୍ଟ୍ରି କରୁଛନ୍ତି । ଶ୍ରୀଦେବୀ-ବୋନିକପୁରଙ୍କ ତନୟା ଜାହ୍ନବୀ ହୁଅନ୍ତୁ କିମ୍ବା ସୈଫ-ଅମ୍ରିତାଙ୍କ ଝିଅ ସାରା । ଏ ଦୁହେଁ ବଲିଉଡ୍ରେ ପାଦ ଥାପି ବେଶ୍ ସଫଳତା ହାସଲ କରିଛନ୍ତି। ଏହି କ୍ରମରେ ଏବେ ଆଉଜଣେ ଅଭିନେତାଙ୍କ ପୁତ୍ରୀ ସାମିଲ୍ ହୋଇଛନ୍ତି । ଲୋକପ୍ରିୟ ଅଭିନେତା ସଂଜୟ କପୁର ଓ ମହିପ କପୁରଙ୍କ ଝିଅ ସନୟା ଏବେ ବଲିଉଡରେ ପାଦ ଥାପିବାକୁ ଯାଉଛନ୍ତି । ତେବେ ସନୟା ଅଭିନୟ କ୍ଷେତ୍ରରେ ନୁହେଁ ନିର୍ଦ୍ଦେଶନା କ୍ଷେତ୍ରକୁ ଓହ୍ଲାଇଛନ୍ତି । ସେ ଆସଷ୍ଟାଣ୍ଟ ଡାଇରେକ୍ଟର ଭାବେ କାମ କରୁଛନ୍ତି । ଏଥି ପାଇଁ ସେ ଏବେ ଲକ୍ଷ୍ନୌରେ ଅଛନ୍ତି । ପୂର୍ବରୁ ତାଙ୍କ ଭଉଣୀ ସୋନମ କପୁର୍ ମଧ୍ୟ ବ୍ଲାକ୍ ଫିଲ୍ମରେ ଆସିଷ୍ଟାଣ୍ଟ ଡାଇରେକ୍ଟର ରୂପେ କାମ କରିଥିବାବେଳ ଭାଇ ଅର୍ଜୁନ୍ କପୁର୍ ନିଖିଲ୍ ଆଡ଼ଭାନୀଙ୍କ ‘କଲ୍ ହୋ ନା ହୋ’ର ମଧ୍ୟ ସହଯୋଗୀ ନିର୍ଦ୍ଦେଶକ ରୂପେ ଦାୟିତ୍ଵ ତୁଲାଇଛନ୍ତି…
ନେଦରଲ୍ୟାଣ୍ଡସର ହଗ୍ ସ୍ଥିତ ଇଣ୍ଟରନ୍ୟାସନାଲ୍ କୋର୍ଟ ଅଫ ଜଷ୍ଟିସରେ ଆଜିଠାରୁ ଭାରତୀୟ କୁଳଭୂଷଣ ଯାଦବ ମାମଲାର ଶୁଣାଣି ହେବ। ଭାରତ ସମେତ ପାକିସ୍ତାନ ପକ୍ଷରୁ ଦସ୍ତାବିଜ ଉପସ୍ଥାପନ କରିବେ। ୨୦୧୬ ଅପ୍ରେଲ୍ ମାସରେ ଆତଙ୍କବାଦୀ କାର୍ଯ୍ୟକଳାପ ଓ ଷଡ଼ଯନ୍ତ୍ର ଅଭିଯୋଗରେ ପାକିସ୍ତାନ ସେନା କୋର୍ଟ କୁଳଭୂଷଣଙ୍କୁ ଫାଶୀ ଦଣ୍ଡାଦେଶ ଶୁଣାଇଥିଲେ। ଚୂଡ଼ାନ୍ତ ରାୟ ଆସିବା ପର୍ଯ୍ୟନ୍ତ ଫାଶୀ ଦଣ୍ଡାଦେଶ ଉପରେ ରୋକ ଲଗାଇଛନ୍ତି ଇଣ୍ଟରନ୍ୟାସନାଲ୍ କୋର୍ଟ ଅଫ ଜଷ୍ଟିସ। ପାକିସ୍ତାନ ଅଭିଯୋଗ କରିଛି, ୨୦୧୬ରେ କୁଳଭୂଷଣ ଇରାନ୍ ଦେଇ ପାକିସ୍ତାନରେ ପ୍ରବେଶ କରିଥିଲେ। ତାଙ୍କୁ ବେଲୁଚିସ୍ତାନରୁ ଗିରଫ କରାଯାଇଥିଲା।
ଆସନ୍ତା ୨୦୧୯ ବିଶ୍ୱକପ୍ ପରେ ଦିନିକିଆ କ୍ରିକେଟରୁ ଅବସର ନେବେ ୱେଷ୍ଟଇଣ୍ଡିଜର ବିସ୍ଫୋରକ ବ୍ୟାଟ୍ସମ୍ୟାନ୍ କ୍ରିସ ଗେଲ। ଇଂଲଣ୍ଡ ବିପକ୍ଷ ସିରିଜ ପୂର୍ବରୁ ସେ ନିଜେ ଏହି ଘୋଷଣା କରିଛନ୍ତି। କ୍ରିସ ଗେଲ୍ ବର୍ତ୍ତମାନ ସୁଦ୍ଧା ୨୮୪ଟି ଦିନିକିଆ ଖେଳିଛନ୍ତି। ସଂଗ୍ରହ କହିଛନ୍ତି ମୋଟ୍ ୯୭୨୭ ରନ୍। ଏହା ଭିତରେ ରହିଛି ୨୩ଟି ଶତକ ଓ ୪୯ଟି ଅର୍ଦ୍ଧଶତକ। ବ୍ୟକ୍ତିଗତ ସର୍ବାଧିକ ସ୍କୋର ୨୧୫। ଗତ ୨୦୧୫ ବିଶ୍ୱକପରେ ସେ ଏହି ରନ୍ ସଂଗ୍ରହ କରିଥିଲେ। ଏହା ବ୍ୟତୀତ ସେ ୧୦୩ଟି ଟେଷ୍ଟ ଓ ୫୬ଟି ଟି-ଟ୍ୱେଣ୍ଟି ଖେଳିଛନ୍ତି କ୍ରିସ ଗେଲ୍।
ପୁଲୱାମା ଆତଙ୍କୀ ହମଲାର ତିନି ଦିନ ପରେ ପାକିସ୍ତାନରେ ସେନା କନଭୋୟ ଉପରେ ଆତ୍ମଘାତୀ ବିସ୍ଫୋରଣ ହୋଇଛି। ଏଥିରେ ୯ ଜଣଙ୍କର ମୃତ୍ୟୁ ହୋଇଥିବା ବେଳେ ୧୧ ଜଣ ଆହତ ହୋଇଛନ୍ତି। ବେଲୁଚିସ୍ତାନର ଚୀନ୍ ପାକିସ୍ତାନ ଇକୋନୋମିକ୍ କରିଡର ନିକଟରେ ଏହି ବିସ୍ଫୋରଣ ହୋଇଛି। ଆକ୍ରମଣ ପାଇଁ ନିଜକୁ ଦାୟୀ କରିଛି ବେଲୁଚିସ୍ତାନ ଲିବରେସନ୍ ଫ୍ରଣ୍ଟ ଓ ବେଲୁଚ୍ ରିପବ୍ଲିକାନ୍ ଗାର୍ଡ। ସାଉଦି ଆରବ ରାଜା ପ୍ରିନ୍ସ ମହମ୍ମଦ ବିନ୍ ସଲମାନ ପାକିସ୍ତାନରେ ପହଞ୍ଚିବାର କିଛି ସମୟ ପୂର୍ବରୁ ଏହି ବିସ୍ଫୋରଣ ହୋଇଥିଲା। ଦୁଇ ଦିନିଆ ଗସ୍ତରେ ଆସି ଇସଲାମାବାଦରେ ପହଞ୍ଚିଛନ୍ତି ସାଉଦି ଆରବ ରାଜା ପ୍ରିନ୍ସ ମହମ୍ମଦ ବିନ ସଲମାନ।
ସହିଦଙ୍କ ପ୍ରତି ଶ୍ରଦ୍ଧାଞ୍ଜଳି ଓ ସେମାନଙ୍କ ପରିବାର ପଛରେ ଠିଆ ହୋଇଛି ସାରା ଦେଶ। ସମର୍ଥନରେ ଆଗକୁ ଆସିଛି ପଞ୍ଜାବ କ୍ରିକେଟ ଆସୋସିଏସନ୍। ମୋହାଲି କ୍ରିକେଟ ଷ୍ଟାଡିୟମ ଭିତରେ ଲାଗିଥିବା ପାକିସ୍ତାନ କ୍ରିକେଟରଙ୍କ ଫଟୋକୁ ହଟାଇ ଦିଆଯାଇଛି। ପଞ୍ଜାବ କ୍ରିକେଟ ଆସୋସିଏସନର ପଦାଧିକାରୀ ବୈଠକରେ ଏହି ନିଷ୍ପତ୍ତି ନିଆଯାଇଥିଲା। ମୋହାଲି କ୍ରିକେଟ ଷ୍ଟାଡିୟମର ବିଭିନ୍ନ ସ୍ଥାନରେ ପାଖାପାଖି ୧୫ ଜଣ ପାକିସ୍ତାନ କ୍ରିକେଟରଙ୍କ ଫଟୋ ଲାଗିଥିଲା। ୨୦୧୧ ବିଶ୍ୱକପରେ ଶେଷ ଥର ପାଇଁ ମୋହାଲିରେ ମ୍ୟାଚ ଖେଳିଥିଲେ ଭାରତ-ପାକିସ୍ତାନ। ପୂର୍ବରୁ ମୁମ୍ୱାଇର କ୍ରିକେଟ କ୍ଲବ ଅଫ୍ ଇଣ୍ଡିଆ ବି ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ପୋଷ୍ଟରକୁ ଘୋଡ଼ାଇ ଦେଇଥିଲା।
ଜୟପୁରର ଏକ ଘରୋଇ ବିଶ୍ୱବିଦ୍ୟାଳୟର ୪ ଜଣ ପାରା ମେଡିକାଲ ଛାତ୍ରୀଙ୍କ ବିରୋଧରେ ଦେଶଦ୍ରୋହ ମାମଲା ରୁଜୁ ହୋଇଛି। ଅଭିଯୋଗ ହୋଇଛି, ପୁଲୱାମା ଆତଙ୍କବାଦୀ ଆକ୍ରମଣ ପରେ ସେମାନେ ଉତ୍ସବ ମନାଇଥିଲେ। ସେମିତି ନୁହେଁ ଉତ୍ସବର ଭିଡିଓ ସୁଟ୍ କରି ହ୍ୱାଟସ ଆପରେ ସେୟାର ବି କରିଥିଲେ। ପୋଲିସ ଏମାନଙ୍କ ନାଁରେ ତୁରନ୍ତ ଦେଶଦ୍ରୋହ ମାମଲା ରୁଜୁ କରିଛି। ଏହାସହ ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ଚାରି ଜଣ ଛାତ୍ରୀଙ୍କୁ କଲେଜ ଓ ହଷ୍ଟେଲରୁ ନିଲମ୍ୱିତ ବି କରିଛନ୍ତି।
ଜମ୍ମୁ କାଶ୍ମୀର ପୁଲୱାମା ଜିଲ୍ଲାରେ ଆତଙ୍କବାଦୀ-ସୁରକ୍ଷାକର୍ମୀ ମୁହାଁମୁହିଁ। ପିଙ୍ଗନିଲ ଅଞ୍ଚଳରେ ଉଭୟ ପକ୍ଷ ମଧ୍ୟରେ ଗୁଳି ବିନିମୟ ହୋଇଛି। କୌଣସି ସୂତ୍ରରୁ ୩-୪ ଜଣ ଆତଙ୍କବାଦୀ ପିଙ୍ଗନିଲ ଅଞ୍ଚଳରେ ଲୁଚିଥିବା ଖବର ପାଇଥିଲା ସେନା। ଏହାପରେ ସର୍ଚ୍ଚ ଅପରେସନ୍ ଜୋରଦାର ହୋଇଥିଲା। ଏତିକିବେଳେ ସୁରକ୍ଷାକର୍ମୀଙ୍କୁ ଉପରକୁ ଆଖିବୁଜା ଗୁଳି ଚଳାଇଥିଲେ ଆତଙ୍କବାଦୀ। ଏଥିରେ ୪ ଜଣ ସୁରକ୍ଷାକର୍ମୀ ସହିଦ ହୋଇଛନ୍ତି। ଏମାନଙ୍କ ମଧ୍ୟରେ ଜଣେ ଆର୍ମିର ମେଜର ଜେନେରାଲ ଅଛନ୍ତି । ଏହି ଘଟଣାପରେ ସ୍ଥାନୀୟ ଅଞ୍ଚଳରେ ଇଣ୍ଟରନେଟ୍ ସେବାକୁ ବନ୍ଦ କରି ଦିଆଯାଇଛି।
କ୍ରମାଗତ ଦ୍ୱିତୀୟ ଥର ପାଇଁ ମହିଳା ଏକକ ବର୍ଗରେ ଜାତୀୟ ବ୍ୟାଡମିଣ୍ଟନ୍ ଟାଇଟଲ ଜିତିଛନ୍ତି ସାଇନା ନେହ୍ୱାଲ । ସେ ଆଜି ଅନୁଷ୍ଠିତ ଫାଇନାଲ୍ ମ୍ୟାଚ୍ରେ ଅଲିମ୍ପିକ୍ସ ରୌପ୍ୟ ପଦକ ବିଜେତା ତଥା ଭାରତର ଅନ୍ୟତମ ଷ୍ଟାର୍ ଶଟଲର୍ ପିଭି ସିନ୍ଧୁଙ୍କୁ ପରାସ୍ତ କରି ଚାମ୍ପିୟନ ହୋଇଛନ୍ତି । ଗତଥର ଜାତୀୟ ଚାମ୍ପିୟନଶିପ୍ରେ ମଧ୍ୟ ସିନ୍ଧୁଙ୍କୁ ପରାସ୍ତ କରି ସାଇନା ବିଜୟୀ ହୋଇଥିଲେ । ଆଜି ଫାଇନାଲ୍ ମ୍ୟାଚ୍ଟି ବେଶ ସଂଘର୍ଷପୂର୍ଣ୍ଣ ରହିଥିଲା । ଏହି ସେଟ୍କୁ ୨୧-୧୫ରେ ଜିତି ସାଇନା ମ୍ୟାଚ୍ ଜିତି ଚାମ୍ପିୟନ୍ ହୋଇପାରିଛନ୍ତି । ଅନ୍ୟପକ୍ଷରେ ପୁରୁଷ ଏକକ ବର୍ଗରେ ସୌରଭ ବର୍ମା ଚାମ୍ପିୟନ ହୋଇଛନ୍ତି ।
ପୁଲୱାମାରେ ସହିଦ ହୋଇଥିବା ଦୁଇ ଓଡିଆ ଯବାନ ପ୍ରସନ୍ନ ସାହୁ ଓ ମନୋଜ କୁମାର ବେହେରାଙ୍କର ଶେଷକୃତ୍ୟ ସମ୍ପନ୍ନ ହୋଇଛି । ଏକ ଶୋକାକୂଳ ପରିବେଶ ଭିତରେ ଦୁଇ ସହିଦଙ୍କୁ ବିଦାୟ ଦେଇଥିଲେ ପରିବାର ଓ ବନ୍ଧୁ ପରିଜନ । ଶନିବାର ମର ଶରୀର ଜନ୍ମମାଟିରେ ପହଞ୍ଚିବା ପରେ ହଜାର ହଜାର ସଂଖ୍ୟାରେ ଲୋକେ ବିଭିନ୍ନ ଛକସ୍ଥାନମାନଙ୍କରେ ସେମାନଙ୍କ ଶେଷ ଦର୍ଶନ କରିବା ସହ ଶ୍ରଦ୍ଧାଞ୍ଜଳି ଜଣାଇଥିଲେ । ଭାରତ ମାତା କୀ ଜୟ ଧ୍ୱନି ଦେଇ ଶୋଭାଯାତ୍ରାରେ ମରଶରୀର ନିଆଯାଇଥିଲା । ପ୍ରସନ୍ନଙ୍କର ଜଗତସିଂହପୁର ନାଉଗାଁରେ ଓ ମନୋଜଙ୍କର କଟକ ନିଆଳି ରତନପୁର ଗାଁରେ ଶେଷକୃତ୍ୟ କରାଯାଇଥିଲା ।
ନୂଆଦିଲ୍ଲୀର କରୋଲବାଗ୍ ଅଞ୍ଚଳରେ ଥିବା ଅର୍ପିତ ହୋଟେଲରେ ଅଗ୍ନିକାଣ୍ଡ ଘଟଣାରେ ରବିବାର ସକାଳେ ହୋଟେଲ ମାଲିକଙ୍କୁ ପୁଲିସ ଗିରଫ କରିଛି। ଦିଲ୍ଲୀ ପୁଲିସ କ୍ରାଇମ୍ବ୍ରାଞ୍ଚର ଡିସିପି ରାଜେଶ ଦେବ ଅର୍ପିତ ହୋଟେଲର ମାଲିକ ରାକେଶ ଗୋଏଲଙ୍କୁ ଗିରଫ କରିଛନ୍ତି। ରାକେଶ କତରରୁ ଫେରୁଥିବା ଖବର ପାଇ ପୁଲିସ ବିମାନବନ୍ଦରରୁ ହିଁ ତାଙ୍କୁ ଗିରଫ କରିଛି। ଅର୍ପିତ ହୋଟେଲ୍ ଅଗ୍ନିକାଣ୍ଡରେ ୧୭ ଜଣଙ୍କର ପ୍ରାଣହାନି ଘଟିଥିଲା। ଗିରଫ ହୋଇଥିବା ରାକେଶ ଗୋଏଲଙ୍କୁ ଆଜି କୋର୍ଟଚାଲାଣ କରାଯିବ ବୋଲି ଡିସିପି ରାଜେଶ ଦେବ କହିଛନ୍ତି। ହୋଟେଲ ମାଲିକ ରାକେଶ ଗୋଏଲଙ୍କ ନାଆଁରେ ଆଗରୁ ମଧ୍ୟ ଥାନାରେ ଅଭିଯୋଗ ରହିଥିଲା।
ଫୁଲ୍ୱାମା ଆତଙ୍କୀ ହମ୍ଲାକୁ ନେଇ ବିବାଦୀୟ ହୋଇପଡ଼ିଥିବା ପଞ୍ଜାବ କ୍ୟାବିନେଟ୍ ମନ୍ତ୍ରୀ ତଥା ପୂର୍ବତନ କ୍ରିକେଟର ନବଜୋତ ସିଂହ ସିଦ୍ଧୁ ଲୋକପ୍ରିୟ ଟିଭି କାର୍ଯ୍ୟକ୍ରମ ‘କପିଲ୍ ଶର୍ମା ଶୋ’ରୁ ବାଦ୍ ପଡ଼ିବା ପରେ ତାଙ୍କ ସ୍ଥାନ ନେଇଛନ୍ତି ଅର୍ଚ୍ଚନା ପୂରନ ସିଂହ । ‘ଦି କପିଲ ଶର୍ମା ଶୋ’ ସୋନି ଟିଭିରେ ପ୍ରସାରିତ ହେଉଥିବା ଏକ ଲୋକପ୍ରିୟ କାର୍ଯ୍ୟକ୍ରମ। ଏହି କାର୍ଯ୍ୟକ୍ରମରେ ସିଦ୍ଧୁ ନିୟମିତ ଭାବରେ ନଜର ଆସୁଥିଲେ। ତାଙ୍କୁ ବାହାର କରାଯିବା ନେଇ ଏପର୍ଯ୍ୟନ୍ତ ଅଫିସିଆଲ ନୋଟିସ୍ ଜାରି କରାଯାଇନାହିଁ। ଅନ୍ୟପକ୍ଷରେ ଅର୍ଚ୍ଚନା ପୂର୍ବରୁ ମଧ୍ୟ ଏଭଳି କମେଡି ଶୋ’ରେ ବିଚାରକ ଭାବରେ ଜଡ଼ିତ ହୋଇସାରିଛନ୍ତି। ଆସନ୍ତା ୯ ଏବଂ ୧୩ ତାରିଖରେ ପ୍ରସାରିତ ହେବାକୁ ଥିବା ଏପିସୋଡ୍ ପାଇଁ ଅର୍ଚ୍ଚନା ଶୁଟିଂ କରି ସାରିଛନ୍ତି।
ପ୍ରଧାନମନ୍ତ୍ରୀ ମୋଦିଙ୍କୁ ସିପିଆଇ(ଏମ୍) ମହାସଚିବ ସୀତାରାମ ୟେଚୁରୀଙ୍କ ଟାର୍ଗେଟ । ସୀତାରାମ କହିଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯଦି ପୁଣି କ୍ଷମତାକୁ ଫେରିବା ଭାରତୀୟ ସମ୍ବିଧାନ ପାଇଁ ଘାତକ ହେବ । କେରଳ ସଂରକ୍ଷଣ ଯାତ୍ରାରେ ଯୋଗ ଦେଇ କାସାରଗଡ଼ଠାରେ ମୋଦିଙ୍କୁ ନିଶାନା କରିଛନ୍ତି ସୀତାରାମ୍ । ଏହାସହ ସୀତାରାମ କହିଛନ୍ତି ଯେ, ଦେଶରେ ଦୀର୍ଘ ସାଢ଼େ ଚାରିବର୍ଷ ଶାସନ କରିଥିବା ମୋଦି ସରକାରଙ୍କ ସମୟରେ ଧନି-ଗରିବଙ୍କ ମଧ୍ୟରେ ଦୂରତା ବଢ଼ିଚାଲିଛି । ମୋଦି ପୁଣିଥରେ କ୍ଷମତାକୁ ଫେରିଲେ ଏହା ଅଧିକ ବୃଦ୍ଧି ପାଇବ। ସେହିପରି ପୁଲଓ୍ବାମା ଆତଙ୍କବାଦୀ ଆକ୍ରମଣ ସମ୍ପର୍କରେ ୟେଚୁରୀ କହିଛନ୍ତି ଯେ, ଏହି ଘଟଣାରେ ରାଜନୈତିକ ଅଭିସନ୍ଧି ରଖି ସାମ୍ପ୍ରଦାୟିକ ରୂପ ନ ଦେଇ ଶହୀଦ ଯବାନଙ୍କ ବଳିଦାନ ଯେପରି ବ୍ୟର୍ଥ ନହେବ, ସେ ଦିଗରେ ଧ୍ୟାନ ଦେବା ଆବଶ୍ୟକ । ବିଜେପିକୁ କଡା ଜବାବ ଦେବା ପାଇଁ ତଥା ମୋଦି ସରକାରକୁ ଦେଶରୁ ହଟାଇବା…
ଆତଙ୍କବାଦୀ ଆକ୍ରମଣ ପରେ ପାକିସ୍ତାନକୁ ଏକଘରିଆ କରିବା ପାଇଁ ପଦକ୍ଷେପ ନେବା ଆରମ୍ଭ କରିଛି ଭାରତ। ମୋଷ୍ଟ ଫେଭର୍ଡ ନେସନ୍ ମାନ୍ୟତା ପ୍ରତ୍ୟାହାର କରାଯାଇଥିବା ବେଳେ ପଡ଼ୋଶୀ ଦେଶକୁ ଆର୍ଥିକ ସ୍ତରରେ ଦୁର୍ବଳ କରିବାକୁ ଆଉ ଏକ ପଦକ୍ଷେପ ନିଆଯାଇଛି। ପାକିସ୍ତାନରୁ ଭାରତକୁ ଆମଦାନୀ ହୋଇ ଆସୁଥିବା ସାମଗ୍ରୀ ଉପରେ କେନ୍ଦ୍ର ସରକାର ୨୦୦% ସୀମା ଶୁଳ୍କ ଲାଗୁ କରିଛନ୍ତି। ତତ୍କାଳ ଏହାକୁ ଲାଗୁ କରାଯାଇଛି। ବିଶେଷ କରି ପାକିସ୍ତାନରୁ ଭାରତକୁ ବେଶୀ ଫଳ ଓ ସିମେଣ୍ଟ ଆମଦାନୀ ହୋଇଥାଏ। ଫଳରେ ବର୍ତ୍ତମାନ ସୀମା ଶୁଳ୍କ ୩୦-୫୦% ଥିବା ବେଳେ ସିମେଣ୍ଟରେ ରହିଛି ୭.୫%।