Author: Samikhsya Bureau

ନୂଆଦିଲ୍ଲୀ: ବିସିସିଆଇ ଏବଂ ପିସିବି ମଧ୍ୟରେ ବିବାଦ କମିବାର ନାମ ନେଉନାହିଁ। ପାକିସ୍ତାନ କ୍ରିକେଟ୍ ବୋର୍ଡକୁ ଏକ ବଡ ଝଟକା ଦେବା ପାଇଁ ବିସିସିଆଇ ପ୍ରସ୍ତୁତି ଚଳାଇଛି। ପାକିସ୍ତାନ ବିନା ଏସିଆ କପ୍ ଆୟୋଜନ କରିବାକୁ ବିସିସିଆଇ ଯୋଜନା କରିଛି। ଏହାପୂର୍ବରୁ, ବିସିସିଆଇ PCB ର ହାଇବ୍ରିଡ୍ ମଡେଲକୁ ପ୍ରତ୍ୟାଖ୍ୟାନ କରିଥିଲା। ବାସ୍ତବରେ ଏ ବର୍ଷ ପାକିସ୍ତାନ କ୍ରିକେଟ୍ ବୋର୍ଡର ଏସିଆ କପ୍ ଆୟୋଜନ କରିବାର ଅଧିକାର ରହିଛି। ଏହି ପ୍ରସଙ୍ଗରେ ପୁରା ବିବାଦ ଆରମ୍ଭ ହୋଇଛି। ପାକିସ୍ତାନ ସହ ସୁରକ୍ଷା ସମସ୍ୟା ହେତୁ ବିସିସିଆଇ ତାର ଦଳ ପଠାଇବାକୁ ମନା କରିଦେଇଛି। ଏହା ପରେ ହାଇବ୍ରିଡ୍ ମଡେଲ୍ ନେଇ ପିସିବି ଭାରତକୁ ନିରପେକ୍ଷ ସ୍ଥାନରେ ମ୍ୟାଚ୍ ପରିଚାଳନା କରିବାର ବିକଳ୍ପ ଦେଇଥିଲା। କିନ୍ତୁ ବିସିସିଆଇ ମଧ୍ୟ ଏହି ମଡେଲକୁ ପ୍ରତ୍ୟାଖ୍ୟାନ କରିଛି। ଟେଲିଗ୍ରାଫ୍ ରିପୋର୍ଟ ଅନୁଯାୟୀ, ଏସିଆ କପରେ ଅଂଶଗ୍ରହଣ କରୁଥିବା ବାକି ଦଳ ପାକିସ୍ତାନ ବିନା ଖେଳିବାକୁ ପ୍ରସ୍ତୁତ…

ସୀତାରାମ ଅଗ୍ରୱାଲ ବାଣପୁର: ଶ୍ରୀକ୍ଷେତ୍ର ପୁରୀ ଭଳି ଲୀଳା ଶ୍ରୀକ୍ଷେତ୍ର ବାଣପୁରର ଆରାଧ୍ୟ ଶ୍ରୀ ଶ୍ରୀ ଶ୍ରୀରଙ୍କନାଥ ମହାପ୍ରଭୁଙ୍କ ରୁକ୍ମିଣୀ ହରଣ ଏକାଦଶୀ ଏବଂ ଗୁଆଲି ଯାତ୍ରା ପାଳନ ହୋଇଥାଏ। ତା- ୩୦ – o୫-୨୦୨୩ତାରିଖ ଦିନ ରୁକ୍ମିଣୀ ଦେବୀଙ୍କ ପତ୍ର ପାଇବାପରେ ମହାପ୍ରଭୁଙ୍କ ଆଜ୍ଞାମାଳ ପାଇ ମଦନମୋହନ ପାଲିଙ୍କିରେ ବେଢା ପରିକ୍ରମା କରି ରାଜେନ୍ଦ୍ରାଭିଷେକ ହୋଇଥିଲେ। ୩୧.୦୫.୨୦୨୩ ତାରିଖ ଦିନ ଶ୍ରୀଦେବୀ ସକାଳ ଧୂପ ବଢିବା ପରେ ମହାଲକ୍ଷ୍ମୀଙ୍କ ମନ୍ଦିରକୁ ବିଜେ କରନ୍ତି। ପରମ୍ପରା ଅନୁଯାୟୀ ମହାଲକ୍ଷ୍ମୀ ମା’ ବିମଳାଙ୍କ ମନ୍ଦିରକୁ ପୂଜା ଲାଗି ଯାଇଥାନ୍ତି। ମଦନମୋହନ ବିନା ଛତ୍ର କାହାଳୀରେ ଯାଇ ବିମଳା ମନ୍ଦିର ପାଖରେ ରହିଥାନ୍ତି। ଋକ୍ମିଣୀ ପୂଜା କରି ସାରି ଫେରିବା ସମୟରେ ମଦନ ମୋହନ ତାଙ୍କୁ ସେଠାରୁ ହରଣ କରି ଆଣିଥାନ୍ତି। ବାଟରେ ଶିଶୁପାଳ ଚରିତ୍ରରେ ଜଣେ ସେବକ ବାଟ ଓଗାଳିଥାଏ। ଆଉ ଜଣେ ସେବକ ମଦନମୋହନଙ୍କ ତରଫରୁ ଯୁଦ୍ଧ ହୋଇଥାଏ ଓ ସେଠାରେ…

ନୂଆଦିଲ୍ଲୀ: ପଞ୍ଜାବ ମୁଖ୍ୟମନ୍ତ୍ରୀ ଭଗବନ୍ତ ମାନଙ୍କର ସୁରକ୍ଷା ଦଳ ଆଜି କେନ୍ଦ୍ର ସରକାରଙ୍କୁ ଏକ ଚିଠି ଲେଖି କହିଛି ଯେ, ତାଙ୍କୁ ପଞ୍ଜାବ ଏବଂ ଦିଲ୍ଲୀରେ Z + ସୁରକ୍ଷା ଦରକାର ନାହିଁ। ପଞ୍ଜାବ ପୋଲିସର ସ୍ୱତନ୍ତ୍ର ଟିମ୍ ଏବଂ ମୁଖ୍ୟମନ୍ତ୍ରୀ ସୁରକ୍ଷା ସେମାନଙ୍କ ପାଇଁ ଯଥେଷ୍ଟ। ଏହି ନିଷ୍ପତ୍ତିର କାରଣ ବର୍ଣ୍ଣନା କରି ପଞ୍ଜାବ ଏବଂ ଦିଲ୍ଲୀରେ ଦୁଇଟି ସୁରକ୍ଷା ଚକ୍ର ଥିବାରୁ ସମସ୍ୟା ହୋଇପାରେ ବୋଲି ଚିଠିରେ ଲେଖାଯାଇଛି। ସୁରକ୍ଷା ଦଳ ଲେଖିଛି ଯେ, ୨ କମାଣ୍ଡ ଯୋଗୁଁ ସୁରକ୍ଷା କ୍ଷେତ୍ରରେ କ୍ଷତି ହୋଇପାରେ। ପ୍ରକାଶ ଯେ, ମେ ୨୫ ତାରିଖରେ ପଞ୍ଜାବର ମୁଖ୍ୟମନ୍ତ୍ରୀ ଭଗବନ୍ତ ମାନଙ୍କୁ Z ପ୍ଲସ୍ ସୁରକ୍ଷା ଯୋଗାଇବାକୁ କେନ୍ଦ୍ର ସରକାର ନିର୍ଦ୍ଦେଶ ଦେଇଥିଲେ। ଭିଭିଆଇପି ସୁରକ୍ଷା ସହ ଜଡିତ ଗୁପ୍ତଚର ସଂସ୍ଥାଗୁଡ଼ିକର ରିପୋର୍ଟ ଆଧାରରେ କେନ୍ଦ୍ର ଗୃହ ମନ୍ତ୍ରଣାଳୟ ଏହି ନିଷ୍ପତ୍ତି ନେଇଛି। Z ପ୍ଲସ୍ ସିକ୍ୟୁରିଟି ଅଧୀନରେ, ମୁଖ୍ୟମନ୍ତ୍ରୀ ଭଗବନ୍ତ ମାନଙ୍କ…

ନୂଆଦିଲ୍ଲୀ: ଖାଦ୍ୟ ସାମଗ୍ରୀରେ ଅପମିଶ୍ରଣ ବୃଦ୍ଧି ଦେଶରେ ଏକ ବଡ ସମସ୍ୟା ପାଲଟିଛି। ଏହି ସମସ୍ୟା ବିଷୟରେ ଚର୍ଚ୍ଚା କରି କେନ୍ଦ୍ର ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରୀ ମନସୁଖ ମାଣ୍ଡଭିଆ ବୁଧବାର କହିଛନ୍ତି ଯେ, ଅପମିଶ୍ରଣ ଦେଶ ସମ୍ମୁଖରେ ଏକ ବଡ ଆହ୍ଵାନ। ଏହା ସହିତ କେନ୍ଦ୍ର ମନ୍ତ୍ରୀ କହିଛନ୍ତି ଯେ, ଯେଉଁମାନେ ଖାଦ୍ୟ ସାମଗ୍ରୀକୁ ଅପମିଶ୍ରଣ କରନ୍ତି ସେମାନଙ୍କୁ କଠୋର ଦଣ୍ଡ ଦିଆଯିବ। ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ମନସୁଖ ମାଣ୍ଡଭିଆ କହିଛନ୍ତି ଯେ, ଆଜି ଅପମିଶ୍ରଣ ଦେଶ ସମ୍ମୁଖରେ ଏକ ବଡ ଆହ୍ଵାନ ଏବଂ ମୁଁ ନିଷ୍ପତ୍ତି ନେଇଛି ଯେ ଏହିପରି ଲୋକଙ୍କୁ ରକ୍ଷା କରାଯିବା ଉଚିତ ନୁହେଁ, ସେମାନଙ୍କୁ ଜେଲରେ ରଖାଯିବା ଉଚିତ। ଦେଶର ନାଗରିକଙ୍କ ସ୍ୱାସ୍ଥ୍ୟ ସହିତ ଖେଳିବାର କାହାର ଅଧିକାର ନାହିଁ। ଅପମିଶ୍ରଣକୁ ରୋକିବା ପାଇଁ FSSAI ଟିମ ଦଳ ଗଠନ କରାଯାଇଛି, ଏକ ବ୍ୟାପକ ପରୀକ୍ଷା ଅଭିଯାନ କରାଯିବ। ଯିଏ…

ସୀତାରାମ ଅଗ୍ରୱାଲ ଚିଲିକା: ଖୋର୍ଦ୍ଧା ଜିଲ୍ଲା ୧୬ ନମ୍ବର ଜାତୀୟ ରାଜପଥ ସୋଲରି ଛକରେ ଆଜି ସକାଳୁ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଯାଇଛି। ଦୁଇ ଟ୍ରକ ମୁହାଁମୁହିଁ ଧକ୍କା ହୋଇଥିବା ଖବର ହସ୍ତଗତ ହୋଇଛି। ସୂଚନା ମୁତାବକ ବାଙ୍ଗାଲୋରରୁ କୋଲକାତା ଯାଉଥିବା ଏକ କୋରିଅର ଟ୍ରକ ସହ ଭୁବନେଶ୍ୱରରୁ ବ୍ରହ୍ମପୁର ଅଭିମୁଖେ ଯାଉଥିବା ଏକ ପଣସ ବୋଝେଇ ଟ୍ରକ ସୋଲରି ଛକରେ ମୁହାଁମୁହିଁ ଧକ୍କା ହୋଇଥିଲା। ଫଳରେ ଉଭୟ ଗାଡ଼ି କ୍ଷତିଗ୍ରସ୍ତ ହୋଇଥିବାବେଳେ ଉଭୟ ଗାଡ଼ି ଚାଳକ ଓ ସହଯୋଗୀ ଆହତ ହୋଇଥିବା ସୂଚନା ମିଳିଛି। ବର୍ତ୍ତମାନ ଉଭୟ ଗାଡ଼ି ରାଜରାସ୍ତାରେ ଛିଡା ହୋଇଛି।

ନୂଆଦିଲ୍ଲୀ: ଆଜି ଠାରୁ ନୂଆ ମାସ ଆରମ୍ଭ ହେବାକୁ ଯାଉଛି। ଏଭଳି ପରିସ୍ଥିତିରେ ଜୁନ୍ ଆରମ୍ଭ ସହିତ, ଅନେକ ପରିବର୍ତ୍ତନ ଘଟିବାକୁ ଯାଉଛି ଯାହା ସାଧାରଣ ଲୋକଙ୍କ ପକେଟ ଉପରେ ସିଧାସଳଖ ପ୍ରଭାବ ପକାଇବ। ମାସର ଆରମ୍ଭ ସହିତ ତୈଳ କମ୍ପାନୀଗୁଡିକ ଏଲପିଜି ଗ୍ୟାସ ସିଲିଣ୍ଡରର ମୂଲ୍ୟ ପରିବର୍ତ୍ତନ କରନ୍ତି। ଏହା ସହିତ, PNG ଏବଂ CNG ର ମୂଲ୍ୟ ମଧ୍ୟ ପରିବର୍ତ୍ତନ କରାଯାଇପାରେ। ଏହି କାରଣରୁ, ଏହି ନିଷ୍ପତ୍ତିଗୁଡ଼ିକ ସାଧାରଣ ଲୋକଙ୍କ ଉପରେ ସିଧାସଳଖ ପ୍ରଭାବ ପକାଇବ। ଆସନ୍ତୁ ସେହି ନିୟମଗୁଡ଼ିକ ବିଷୟରେ ଜାଣିବା, ଯାହା ଆଜି ଠାରୁ ବଦଳିବ। ୧. ଗ୍ୟାସ ସିଲିଣ୍ଡର, CNG ଏବଂ PNG ମୂଲ୍ୟ: ତୈଳ କମ୍ପାନୀଗୁଡିକ ପ୍ରତି ମାସରେ LPG, CNG ଏବଂ PNG ର ମୂଲ୍ୟ ପରିବର୍ତ୍ତନ କରନ୍ତି। ଗତ ଦୁଇ ମାସ ବିଷୟରେ କହିବାକୁ ଗଲେ ଏପ୍ରିଲ ଏବଂ ମେ ମାସରେ ବାଣିଜ୍ୟିକ ଗ୍ୟାସ ସିଲିଣ୍ଡରର ମୂଲ୍ୟ ହ୍ରାସ କରାଯାଇଥିଲା।…

ଭୁବନେଶ୍ଵର: ଓଡ଼ିଶାର ବିଶିଷ୍ଟ ସଂଗୀତକାର ଅକ୍ଷୟ ମହାନ୍ତିଙ୍କ ଦ୍ଵାରା ପ୍ରତିଷ୍ଠିତ ଭାରତୀୟ ସଂଗୀତ, ଶାସ୍ତ୍ରୀୟ, ବାଦ୍ୟଯନ୍ତ୍ର, ନୃତ୍ୟ ଓ ନାଟକ, ସାଂସ୍କୃତିକ ଅନୁଷ୍ଠାନ ‘ମୂର୍ଚ୍ଛନା’ର ୧୯ତମ ବାର୍ଷିକୋତ୍ସବ ଓ ସଂଗୀତ ଉତ୍ସବ ତା. ୩୧.୦୫,୨୦୨୩ (ବୁଧବାର) ଦିନ ଭୁବନେଶ୍ୱର ଜୟଦେବ ଭବନଠାରେ ଅନୁଷ୍ଠିତ ହୋଇଯାଇଛି। ସଂଗୀତ ସାଧନା ପାଇଁ ବିଶିଷ୍ଟ ସଂଗୀତ ନିର୍ଦ୍ଦେଶକ ଅଭିଜିତ୍ ମଜୁମଦାରଙ୍କୁ ‘‘ସଂଗୀତକାର ସମ୍ମାନ-୨୦୨୩’’ ଓ ବିଶିଷ୍ଟ ଗୀତିକାର ଗୀତା ଖୁଣ୍ଟିଆଙ୍କୁ ‘‘ଗୀତିକାର ସମ୍ମାନ-୨୦୨୩’’ ଓ ସଂଗୀତ, ସାହିତ୍ୟ କ୍ଷେତ୍ରରେ ଆଜୀବନ ସାଧନା ପାଇଁ ଗୀତା ପଟ୍ଟନାୟକଙ୍କୁ ‘‘ଆଜୀବନ ସାଧନା ସମ୍ମାନ-୨୦୨୩’’ ରେ ସମ୍ମାନିତ କରାଯାଇଥିଲା। ଏହି ଅବସରରେ ମୂର୍ଚ୍ଛନା ର ମୁଖ୍ୟ ଉପଦେଷ୍ଟା ବୈଷ୍ଣବ ପ୍ରସାଦ ମହାନ୍ତି ମୂର୍ଚ୍ଛନା କାର୍ଯ୍ୟକ୍ରମ ଉପରେ ଆଲୋକପାତ କରିଥିଲେ। ପରେ ପରେ ସଭାପତି ପ୍ରଦୋଷ ପଟ୍ଟନାୟକ ଉଦ୍‌ବୋଧନ ଦେଇଥିଲେ। ମୂର୍ଚ୍ଛନାର ସଂପାଦକ ଅଜୟ ମହାନ୍ତି ବାର୍ଷିକ ବିବରଣୀ ପାଠ କରିଥିଲେ। ମୁଖ୍ୟ ବକ୍ତା ନିତି ରଂଜନ ସେନ୍, ଅତିରିକ୍ତ ଶାସନ…

ନୂଆଦିଲ୍ଲୀ: ଆୟୁଷ୍ମାନ ଭାରତ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା (ଏବି ପିଏମ୍‌ଜେଏୱାଇ) ଏକ ନୂଆ ମାଇଲଖୁଣ୍ଟ ହାସଲ କରିଛି। ଏହି ଯୋଜନାରେ ଦେଶର ପାଞ୍ଚ କୋଟି ଗରିବ ହିତାଧିକାରୀଙ୍କୁ ଦେଶ ଆଗଧାଡିର ହସ୍‌ପିଟାଲରେ ମାଗଣାରେ ୬୧,୫୦୧ କୋଟି ଟଙ୍କାର ଚିକିତ୍ସା ସୁବିଧା ଯୋଗାଇ ଦିଆଯାଇଛି। ଭାରତ ସରକାରଙ୍କ ଏହି ଅତି ଗୁରୁତ୍ୱପୂର୍ଣ୍ଣ ଯୋଜନାଟି ଜାତୀୟ ସ୍ୱାସ୍ଥ୍ୟ କର୍ତ୍ତୃପକ୍ଷ ବା ଏନ୍‌ଏଚ୍‌ଏ ଦ୍ୱାରା କାର୍ଯ୍ୟକାରୀ ହେଉଛି। ଏହି ଯୋଜନାରେ ଜାତୀୟ ସ୍ୱାସ୍ଥ୍ୟ କର୍ତ୍ତୃପକ୍ଷ ପ୍ରତ୍ୟେକ ହିତାଧିକାରୀ ପରିବାରକୁ ବାର୍ଷିକ ୫ଲକ୍ଷ ଟଙ୍କା ପର୍ଯ୍ୟନ୍ତ ଚିକିତ୍ସା ସୁବିଧା ବିନା ମୂଲ୍ୟରେ ଯୋଗାଇ ଦେଇଛନ୍ତି। ପଞ୍ଜୀକୃତ ହୋଇଥିବା ୨୮, ୩୫୧ଟି ଦ୍ୱିତୀୟକ ଓ ତୃତୀୟକ ବର୍ଗର ହସ୍‌ପିଟାଲରେ ଏହି ମାଗଣା ଚିକିତ୍ସା ସୁବିଧା ଯୋଗାଣର ବ୍ୟବସ୍ଥା କରାଯାଇଛି। ହିତାଧିକାରୀ ନିଜର ସ୍ୱାସ୍ଥ୍ୟବୀମା କାର୍ଡ ଦେଖାଇ ଚିକିତ୍ସା ସୁôବିଧା ପାଇବାର ବନ୍ଦୋବସ୍ତ ହୋଇଛି। ଚିକିତ୍ସା  ବାବଦ ଖର୍ଚ୍ଚ ହସ୍‌ପିଟାଲ କର୍ତ୍ତୃପକ୍ଷ ସରକାରଙ୍କ ଠାରୁ ପାଉଛନ୍ତି। ଏହି ଯୋଜନାରେ…

ମେଷ: – ଆଜି, ଆପଣ କଠିନ ପରିଶ୍ରମର ଫଳ ପାଇବେ। ପତି-ପତ୍ନୀଙ୍କଠାରୁ ସମର୍ଥନ ପାଇବେ। ବ୍ୟବସାୟରେ ପୁଞ୍ଜି ବିନିଯୋଗ ହେବ। ଚାକିରିରେ ଲାଭର ଏକ ସ୍ଥିତି ହେବ। ଅସୁସ୍ଥ ହୋଇପାରନ୍ତି। ଦୟାକରି ଭୋକିଲା ବ୍ୟକ୍ତିଙ୍କୁ ଖାଦ୍ୟ ପ୍ରଦାନ କରନ୍ତୁ। ବୃଷ: – ଆଜି ସୁଖ ସହିତ ଦିନଟି ଆରମ୍ଭ ହେବ। ପିଲାଙ୍କ ପାଖରୁ ଭଲ ଖବର ଆସିବ। ଯେକୈଣସି ଉତ୍ସବରେ ଯୋଗ ଦେଇ ପାରନ୍ତି । ସମ୍ପତ୍ତି ବିବାଦ ଅପରିବର୍ତ୍ତିତ ରହିବ। ଆର୍ଥିକ ଦୃଷ୍ଟିରୁ ଲାଭବାନ ହେବ। ପ୍ରତିଦ୍ୱନ୍ଦ୍ୱୀଙ୍କୁ ବିରକ୍ତ କରିପାରେ। ସତର୍କ ରୁହନ୍ତୁ। ମିଥୁନ: ଆପଣଙ୍କର ମାନସିକତା ଦିନକୁ ଦିନ ନକାରାତ୍ମକ ହୋଇଯାଉଛି। ଠିକ୍ ସମୟରେ ସତର୍କ ରୁହନ୍ତୁ। ତନ୍ତ-ମନ୍ତ୍ର ପ୍ରତି ଆଗ୍ରହୀ ହେବେ। ସାଙ୍ଗମାନଙ୍କ ସାହାଯ୍ୟରେ କାର୍ଯ୍ୟ ସମାପ୍ତ ହେବ। ରାଜନୀତିରେ ତୁମର ସ୍ଥିତି ବୃଦ୍ଧି ପାଇପାରେ, କଠିନ ପରିଶ୍ରମ କରାଯିବ। କର୍କଟ: – ଆଜି, ଆପଣ ଆପଣଙ୍କର କ୍ୟାରିୟର ପ୍ରତି ସଚ୍ଚୋଟ ଭାବରେ କାମ କରୁନାହଁ। ବ୍ୟବସାୟ ଅର୍ଥନୈତିକ ସଙ୍କଟର ସମ୍ମୁଖୀନ ହୋଇପାରେ।…

ଭୁବନେଶ୍ୱର: ପାର୍ବଣ ଋତୁରେ ଗ୍ରାହକଙ୍କ ପାଇଁ ଖୁସି ଓ ଆନନ୍ଦ ଆଣିବା ଲକ୍ଷ୍ୟରେ ଦେଶର ସର୍ବବୃହତ୍ ଏବଂ ଦ୍ରୁତ ଅଭିବୃଦ୍ଧି ହାସଲକାରୀ ପୋଷାକ ଓ ଆସେସୋରିଜ୍ ସ୍ପେସାଲିଟି ଚେନ୍ ରିଲାଏନ୍ସ ରିଟେଲ୍ ର ଟ୍ରେଣ୍ଡ୍‌ସ ପକ୍ଷରୁ ରଜ ରାଜକୁମାରୀ ଅଭିଯାନ ଘୋଷଣା କରାଯାଇଛି। ଓଡ଼ିଶାର ଲୋକପ୍ରିୟ ରଜ ପର୍ବ ପାଳନକୁ ଦୃଷ୍ଟିରେ ରଖି ଏହି ଅଭିଯାନ ଆରମ୍ଭ ହୋଇଛି। ରଜ ଉତ୍ସବକୁ ଅଧିକ ଆକର୍ଷଣୀୟ ଏବଂ ଆନନ୍ଦଦାୟକ କରିବା ଲାଗି ଟ୍ରେଣ୍ଡ୍‌ସ ଏହାର ଗ୍ରାହକମାନଙ୍କ ପାଇଁ ସ୍ୱତନ୍ତ୍ର ପଦକ୍ଷେପ ସ୍ୱରୂପ ଏକ ବିଶେଷ ଅଫର ଆଣିଛି। ଯେଉଁ ଗ୍ରାହକମାନେ ୩୯୯୯ ଟଙ୍କା ଏବଂ ଅଧିକ ମୂଲ୍ୟର କିଣାକିଣି କରିବେ ସେମାନେ ମାତ୍ର ୨୪୯ ଟଙ୍କାରେ ଏକ ଆକର୍ଷଣୀୟ ଉପହାର ପାଇବେ। ଏଥିସହିତ ସେହି ଗ୍ରାହକମାନଙ୍କୁ ୨୦୦୦ ଟଙ୍କା ମୂଲ୍ୟର କୁପନ ବି ପ୍ରଦାନ କରାଯିବ। ଏଥିସହିତ ଗ୍ରାହକମାନେ ସ୍ୱତନ୍ତ୍ର ରଜ ରାଜକୁମାରୀ ପ୍ରତିଯୋଗିତାରେ ଭାଗ ନେଇ ଆକର୍ଷଣୀୟ ପୁରସ୍କାର ଜିତିବାର ସୁଯୋଗ…

ଭୁବନେଶ୍ଵର: ତାଳଚେର-ସମ୍ବଲପୁର ଅତି ଗୁରୁତ୍ୱପୂର୍ଣ୍ଣ ଦୋହରୀକରଣ ରେଳ ପ୍ରକଳ୍ପ କାର୍ଯ୍ୟ ପାଇଁ ନିର୍ମାଣ କାର୍ଯ୍ୟ ଜୋରସୋରରେ ଚାଲୁରହିଛି ଏବଂ ଏହା ଖୁବ ଶୀଘ୍ର ଶେଷ ହେବାକୁ ଯାଉଛି। ଏହି ପ୍ରକଳ୍ପର ପ୍ରାୟ 96% ରୁ ଅଧିକ ନିର୍ମାଣ କାର୍ଯ୍ୟ ବର୍ତ୍ତମାନ ପର୍ଯ୍ୟନ୍ତ ସମାପ୍ତ ହୋଇଛି। ମାନେଶ୍ୱର ଏବଂ ସମ୍ବଲପୁର ସିଟି ଷ୍ଟେସନ ମଧ୍ୟରେ 9 କିମି ଦୈର୍ଘ୍ୟ ବିଶିଷ୍ଟ ଦୋହରୀକରଣ ରେଳ ଲାଇନକୁ ଗତକାଲି ଦକ୍ଷିଣ ପୂର୍ବ ରେଳ ନିରାପତ୍ତା ଆୟୁକ୍ତ ଏ.ଏମ.ଚୌଧୁରୀଙ୍କ ଦ୍ୱାରା ନୀରିକ୍ଷଣ କରାଯାଇ ଉଭୟ ପାନ୍ୟ ପରିବହନ ଏବଂ ଯାତ୍ରୀ ପରିବହନ ପାଇଁ କାର୍ଯ୍ୟକ୍ଷମ କରାଯାଇଅଛି। ଶ୍ରୀ ଚୌଧୁରୀ ଓଭରହେଡ୍ ଇଲେକ୍ଟି ଇକ୍ୟୁଇପ୍ମେଣ୍ଟ, ବ୍ରିଜ୍, ସିଗ୍ନାଲ୍ ଏବଂ ଟେଲିକମ୍ ଯୋଗାଯୋଗ ଉପକରଣ, ରେଳ ଟ୍ରାକ୍, ମାନବ ରହିତ ଲେଭଲ୍ କ୍ରସିଂ ଇତ୍ୟାଦି ସୁରକ୍ଷା ସମ୍ବନ୍ଧୀୟ ଦିଗଗୁଡିକ ପୁଙ୍ଖାନୁପୁଙ୍ଖ ଭାବେ ଯାଞ୍ଚ କରିଥିଲେ ଏବଂ ସମ୍ବଲପୁର ସିଟି ଏବଂ ମାନେଶ୍ୱର ଷ୍ଟେସନ ମଧ୍ୟରେ ଏକ ଲାଇଟ ଇଂଜିନର ବେଗ…

ଖୋର୍ଦ୍ଧା: ଜିଲ୍ଲା ପରିଷଦ ସମ୍ମିଳନୀ କକ୍ଷରେ ଆଜି ପୂର୍ବାହ୍ନ ୧୧.୦୦ ଟା ରେ ଷଷ୍ଠ ଜିଲ୍ଲା ସ୍ତରୀୟ, ଖୋର୍ଦ୍ଧାର ଦ୍ଵିତୀୟ ସାଧାରଣ ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ଜିଲ୍ଲା ପରିଷଦ ଅଧ୍ୟକ୍ଷା ରୂପଶ୍ରୀ ରାଣୀ ଗୁମାନସିଂହ ସଭାପତିତ୍ବ କରି ସ୍ବାଗତ ଭାଷଣ ରଖିଥିଲେ।  ଜିଲ୍ଲାପାଳ କେ. ସୁଦର୍ଶନ ଚକ୍ରବର୍ତ୍ତୀ, ଖୋର୍ଦ୍ଧା ବିଧାୟକ ଜ୍ୟୋତିରିନ୍ଦ୍ର ନାଥ ମିତ୍ର, ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବ, ଜିଲ୍ଲା ପରିଷଦ ଉପାଧକ୍ଷ ଗୋପୀନାଥ ମହାରଣା ଉପସ୍ଥିତ ଥିଲେ। ଜିଲ୍ଲା ପରିଷଦ ଉନ୍ନୟନ ଅଧିକାରୀ ଦିଗନ୍ତ ରାଉତରାୟ ବୈଠକ ପରିଚାଳନା କରିଥିଲେ। ଏହି କାର୍ଯକ୍ରମକୁ ପୂର୍ବରୁ ପ୍ରସ୍ତୁତି ଏଜେଣ୍ଡା ଅନୁସାରେ ପରିଚାଳନା କରାଯାଇଥିଲା। ପ୍ରଥମେ ରାସ୍ତା ନିର୍ମାଣ ଉପରେ ଚିଲିକା ବିଧାୟକ ଆର ଆଣ୍ଡ ବି ଙ୍କୁ ପ୍ରସ୍ତାବ ଉପସ୍ଥାପନ କରିଥିଲେ। ଏହି ରାସ୍ତା ଗୁଡିକୁ ତୁରନ୍ତ ମରାମତି ଏବଂ ବିଭିନ୍ନ ଯୋଜନା ଯଥା TRIP/CAPEX /CMR ନୂତନ ରାସ୍ତା ନିର୍ମାଣ ଇତ୍ୟାଦି ଉପରେ ବିସ୍ତୃତ ଭାବରେ ଆଲୋଚନା…

ଖୋର୍ଦ୍ଧା: କେନ୍ଦ୍ରାଞ୍ଚଳ ଉପ-ନିର୍ଦ୍ଦେଶକ ହେମନ୍ତ କୁମାର ନାୟକ ଆଜି ଖୋର୍ଦ୍ଧା ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀଙ୍କ କାର୍ଯ୍ଯାଳୟକୁ ନିରୀକ୍ଷଣ କରିଛନ୍ତି। ତାଙ୍କୁ ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଜ୍ୟୋତ୍ସ୍ନାମୟୀ ଆଚାର୍ଯ୍ୟ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧନା କରିଛନ୍ତି। କାର୍ଯ୍ଯାଳୟ ନିରୀକ୍ଷଣ ବେଳେ ସୂଚନା ଓ ଲୋକ ସମ୍ପର୍କ ଅଧିକାରୀଙ୍କୁ କାର୍ଯ୍ଯାଳୟର ବିଷୟରେ ପଚାରି ବୁଝିଛନ୍ତି। ଏହି କାର୍ଯ୍ଯାଳୟରେ ଜୁନିଅର ଷ୍ଟେନୋଗ୍ରାଫର, ଜୁନିଅର ଷ୍ଟୋର କିପର, କ୍ଳର୍କ-କମ-ଲାଇବ୍ରେରିଆନ, ୨ ଜଣ ପିଅନ, ଜଣେ ରାତ୍ରି ଜଗୁଆଳୀ ପଦବୀ ଖାଲି ପଡିଥିବା ବେଳେ ଖୁବ ଶୀଘ୍ର ଲାଇବ୍ରେରିୟାନ ପଦବୀ ପୂରଣ କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି।  ଜଣେ ଅପରେଟରଙ୍କ ନିଯୁକ୍ତି ବିଷୟରେ ବିଭାଗର ଦ୍ରୁଷ୍ଟିକୁ ନେଇ ପତ୍ର ମାଧ୍ୟମରେ ଜଣାଇବାକୁ କହିଛନ୍ତି। ତତସହିତ ଖୋର୍ଦ୍ଧା ମୁଖ୍ୟ କାର୍ଯ୍ଯାଳୟରେ ଥିବା ପାଠାଗାରକୁ ପରିଦର୍ଶନ କରିଛନ୍ତି।

ଭୁବନେଶ୍ୱର: କେନ୍ଦ୍ରାଞ୍ଚଳ ରାଜସ୍ୱ କମିଶନର ଡଃ ସୁରେଶ ଚନ୍ଦ୍ର ଦଳାଇଙ୍କ ଅଧ୍ୟକ୍ଷତାରେ ଖୋରଧା ଜିଲ୍ଲାର ରାଜସ୍ୱ ସେବା ସଂପର୍କିତ ସମୀକ୍ଷା ବୈଠକ ଅନୁଷ୍ଠିତ ହୋଇଛି। ସ୍ଥାନୀୟ ସର୍କିଟ ହାଉସ ସମ୍ମିଳନୀ କକ୍ଷରେ ଉକ୍ତ ସମୀକ୍ଷା ବୈଠକ ଅନୁଷ୍ଠିତ ହୋଇଛି। ଉକ୍ତ ବୈଠକରେ ରାଜସ୍ୱ ସମ୍ବନ୍ଧୀୟ ବିଭିନ୍ନ ପ୍ରସଙ୍ଗ ଉପରେ ଆଲୋଚନା ହୋଇଛି। ୫-‘ଟି’ ଅଧାରରେ ଜନସାଧାରଣମାନଙ୍କୁ ଉତ୍ତମ ସେବା ପ୍ରଦାନ ସହ କାର୍ଯ୍ୟାଳୟକୁ ଆସୁଥିବା ପ୍ରତ୍ୟେକ ଯେପରି ଭଲ ଅନୁଭବ ନେଇ ଫେରିବେ ଏଥିପ୍ରତି ଦୃଷ୍ଟି ଦେବାକୁ ଡଃ ଦଳାଇ ଅଧିକାରୀମାନଙ୍କୁ ପରାମର୍ଶ ଦେଇଛନ୍ତି। ଜମିଜମା ମାମଲାଗୁଡିକର ସମାଧାନ ପ୍ରକ୍ରିୟାକୁ ତ୍ୱରାନ୍ୱିତ କରିବା, ଦାଖଲଖାରଜ, ଆୟ, ଜାତିଗତ ଭଳି ବିଭିନ୍ନ ପ୍ରମାଣପତ୍ର ସମୟସୀମା ମଧ୍ୟରେ ପ୍ରଦାନ ଏବଂ ଜନସାଧାରଣମାନଙ୍କ ମତାମତକୁ ଗୁରୁତ୍ୱ ପ୍ରଦାନ କରିବାକୁ ଅଧିକାରୀମାନଙ୍କୁ ପରାମର୍ଶ ଦିଆଯାଇଛି। ପ୍ରତି ସପ୍ତାହରେ ଏ ସଂପର୍କରେ ଜିଲ୍ଲାସ୍ତରୀୟ ସମୀକ୍ଷା କରିବା ଉପରେ ରାଜସ୍ୱ କମିଶନର ଗୁରୁତ୍ୱାରୋପ କରିଥିଲେ। ସେହିଭଳି ନୂତନ ରାଜସ୍ୱ ନିରୀକ୍ଷକଙ୍କ…

ଦୁଷ୍ମନ୍ତ କୁମାର ପଣ୍ଡା କଳାହାଣ୍ଡି: ଆଜି କଳାହାଣ୍ଡି ଜିଲ୍ଲାପାଳଙ୍କ ସଦଭାବନା ସଭା ଗୃହ ଠାରେ ଜିଲ୍ଲାପାଳ ପି ଅନ୍ଵେଷା ରେଡିଙ୍କ ଅଧ୍ୟକ୍ଷତାରେ ଚତୁର୍ଥ ଜିଲ୍ଲା ଦକ୍ଷତା ପରିଷଦ ବୈଠକ ଅନୁଷ୍ଠିତ ହୋଇ ଯାଇଛି। ବୈଠକ ଆରମ୍ଭରେ ଜିଲ୍ଲା ଦକ୍ଷତା ପରିଷଦର ଆବାହକ ଅଜିତ କୁମାର ଉତ୍ତରାୟ ବୈଠକର ଆଭିମୁଖ୍ୟ ବିଷୟରେ ଉଦ୍ବୋଧନ ଦେଇଥିଲେ। ଏଥିରେ ଆଇ ଟି ଆଇଓ ପଲିଟେକ୍ନିକ ରେ ବାଳିକାଙ୍କ ସଂଖ୍ୟା ବଢାଇବା ପାଇଁ ଜିଲ୍ଲା ଶିକ୍ଷା ଅଧିକାରୀ, ଜିଲ୍ଲା ମଙ୍ଗଳ ଅଧିକାରୀ, ମିଶନ ଶକ୍ତି ବିଭାଗ ଓ ବ୍ଲକ ର ମଙ୍ଗଳ ସମ୍ପ୍ରସାରଣ ଅଧିକାରୀ ମାନଙ୍କୁ ଜିଲ୍ଲାପାଳ ନିର୍ଦେଶ ଦେଇଥିଲେ। ଜିଲ୍ଲା ନିୟୋଜନ ଅଧିକାରୀ ଓ ଆଇ ଟି ଆଇ ,ପଲିଟେକ୍ନିକ ର ଅଧ୍ୟକ୍ଷ ମାନଙ୍କୁ ଅଧିକ ରୁ ଅଧିକ ପରାମର୍ଶ ଶିବିର ଏବଂ ସ୍ପଟ ରେଜିଷ୍ଟ୍ରସନ ପାଇଁ ପରାମର୍ଶ ଦେଇ ଥିଲେ। ଜିଲ୍ଲାପାଳ ଜିଲ୍ଲାରେ ଚାଲୁଥିବା ସମସ୍ତ ଦକ୍ଷତା ବିକାଶ କାର୍ଯ୍ୟକ୍ରମ ଓ ନିଯୁକ୍ତି ମେଳା/ନିଯୁକ୍ତି…

ରଣପୁର: ଆଜି ନୟାଗଡ ରଣପୁର ଶିକ୍ଷା ବ୍ଲକର ଗୌରାଙ୍ଗପୁର କ୍ଲଷ୍ଟରରେ ବିଦାୟ ସମ୍ବର୍ଦ୍ଧନା ସହିତ ସ୍ୱାଗତ ସମ୍ବର୍ଦ୍ଧନା ସଭାକାର୍ଯ୍ୟ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମ ଗୌରାଙ୍ଗପୁର କ୍ଲଷ୍ଟରର ସମସ୍ତ ବର୍ଗର ଶିକ୍ଷକ ଶିକ୍ଷୟତ୍ରୀଙ୍କୁ ନେଇ ନୂତନ ଭାବେ ଗଠିତ ହୋଇଥିବା ମିଳିତ ଶିକ୍ଷକ ସଂଘ ପ୍ରୟାସରେ ଆୟୋଜିତ ହୋଇଥିଲା। ଏଥିରେ ମୂଖ୍ୟ ଅତିଥି ଭାବେ ବଜ୍ରକୋଟ ଗ୍ରାମପଚାଂୟତ ସରପଚଂ ବନିତା ବଳିଆରସିଂହ, ମୂଖ୍ୟ ବକ୍ତା ଭାବେ ସମିତି ସଭ୍ୟ ସୁଦର୍ଶନ ବଳିଆରସିଂହ, ସମ୍ମାନୀତ ଅତିଥି ଭାବେ ସହକାରୀ ବ୍ଲକ ଶିକ୍ଷା ଅଧିକାରୀ ବସନ୍ତ ରାଉତ, ନୟାଗଡ ଜିଲ୍ଲା ପ୍ରାଥମିକ ଶିକ୍ଷକ ସଂଘ ସଭାପତି ତଥା ରାଜ୍ୟ ପ୍ରାଥମିକ ଶିକ୍ଷକ ସଂଘ ସଂଯୋଜକ ଜ୍ୟୋତି ରଞ୍ଜନ ଦାଶ, ରଣପୁର ବ୍ଲକ ପ୍ରାଥମିକ ଶିକ୍ଷକ ସଂଘ ସଭାପତି ପ୍ରଫୁଲ ବିଶ୍ୱାଳ, ସମ୍ପାଦକ ଜଗନ୍ନାଥ ଦାଶ, ଶିକ୍ଷାବିତ ଲକ୍ଷ୍ମୀଧର ସାହୁ, ଗୌରାଙ୍ଗପୁର ପଚାଂୟତ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ବିଦେଶିନୀ ପତି, ବିଦ୍ୟାଳୟ ପରିଚାଳନା କମିଟି…

ଭୁବନେଶ୍ୱର: ଜଗନ୍ନାଥ ଧାମ୍ ପୁରୀକୁ ଆଜି ଗଞ୍ଜାମର ଶେରଗଡରୁ ଗଡିଲା ପ୍ରଥମ ଏସି ବସ୍ ଜଗନ୍ନାଥ ଏକ୍ସପ୍ରେସ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଭିଡିଓ କନ୍‌ଫେରେନ୍‌ସ ଜରିଆରେ ଶେରଗଡ-ପୁରୀ ମଧ୍ୟରେ ଜଗନ୍ନାଥ ଏକ୍ସପ୍ରେସ ଏସି ବସ ସେବା ଚଳାଚଳକୁ ପତକା ହଲାଇ ଶୁଭାରମ୍ଭ କରିଥିଲେ। OSRTC ପକ୍ଷରୁ ଏହି ବସ ସେବା ଆରମ୍ଭ କରାଯାଇଛି . ଏହି ଅବସରରେ ସମବେତ ଜନସାଧାରଣଙ୍କୁ ଉଦ୍‌ବୋଧନ ଦେଇ ମୁଖ୍ୟମନ୍ତ୍ରୀ କହିଥିଲେ ଯେ ଶେରଗଡ-ପୁରୀ ମଧ୍ୟରେ ଏହି ନୂଆ ବସ୍‌ ସେବା ଦ୍ୱାରା ଶେରଗଡ ଜନସାଧାରଣ ସୁବିଧାରେ ପୁରୀ ଯାଇ ମହାପ୍ରଭୁ ଶ୍ରୀ ଜଗନ୍ନାଥଙ୍କ ଦର୍ଶନ ଲାଭ କରିପାରିବେ। ବିଶେଷ କରି କାର୍ତ୍ତିକ ମାସରେ ଗଂଜାମର ବହୁ ଲୋକ ହବିଷ ପାଇଁ ପୁରୀ ଯାଉଥିବାରୁ ଏହି ବସ୍‌ ସେବା ସେମାନଙ୍କ ପାଇଁ ବିଶେଷ ସହାୟକ ହେବ ବୋଲି ମୁଖ୍ୟମନ୍ତ୍ରୀ ମତବ୍ୟକ୍ତ କରିଥିଲେ। ମୁଖ୍ୟମନ୍ତ୍ରୀ କହିଥିଲେ ଯେ ୫-ଟି ସ୍କୁଲ ରୂପାନ୍ତର ହେଉ ବା ମନ୍ଦିର ରୂପାନ୍ତର, ଗଂଜାମ…

ନୂଆଦିଲ୍ଲୀ: ଗତ ଆର୍ଥିକ ବର୍ଷରେ ପ୍ରତିକୂଳ ବିଶ୍ୱ ପରିସ୍ଥିତି ସତ୍ତ୍ୱେ ଭାରତୀୟ ଅର୍ଥନୀତି ଚମତ୍କାର ପ୍ରଦର୍ଶନ କରିଛି। ଆଜି ପ୍ରକାଶିତ ସରକାରୀ ତଥ୍ୟ ଅନୁଯାୟୀ ଜିଡିପି ଅଭିବୃଦ୍ଧି ହାର ଆକଳନଠାରୁ ଭଲ ଅଛି। ତଥ୍ୟ ଅନୁଯାୟୀ, ମାର୍ଚ୍ଚ ତ୍ରୟମାସରେ ଭାରତୀୟ ଅର୍ଥନୀତି ୬.୧ ପ୍ରତିଶତ ହାରରେ ବୃଦ୍ଧି ପାଇଥିବାବେଳେ ୨୦୨୨-୨୩ ଆର୍ଥିକ ବର୍ଷରେ ଆର୍ଥିକ ଅଭିବୃଦ୍ଧି ହାର ୭.୨ ପ୍ରତିଶତ ରହିଛି। ଜାତୀୟ ପରିସଂଖ୍ୟାନ କାର୍ଯ୍ୟାଳୟ (NSO) ଆଜି ସନ୍ଧ୍ୟାରେ ସରକାରୀ ଜିଡିପି ଅଭିବୃଦ୍ଧି ହାର ତଥ୍ୟ ପ୍ରକାଶ କରିଛି। ତଥ୍ୟ ଅନୁଯାୟୀ, ମାର୍ଚ୍ଚ ତ୍ରୟମାସରେ ଭାରତୀୟ ଅର୍ଥନୀତି ଚମତ୍କାର ପ୍ରଦର୍ଶନ କରିଥିଲା। ଏହାପୂର୍ବରୁ ଡିସେମ୍ବର ତ୍ରୟମାସରେ ଜିଡିପି ଅଭିବୃଦ୍ଧି ହାର ୪.୫ ପ୍ରତିଶତ ଥିଲା। ମାର୍ଚ୍ଚ ତ୍ରୟ ମାସରେ ପ୍ରାୟ ସମସ୍ତ କ୍ଷେତ୍ର ଭଲ ପ୍ରଦର୍ଶନ କରିଛି। କୃଷି କ୍ଷେତ୍ର ୫.୫ ପ୍ରତିଶତ ଅଭିବୃଦ୍ଧି ପଞ୍ଜିକୃତ କରିଥିବାବେଳେ ଉତ୍ପାଦନ କ୍ଷେତ୍ର ପାଇଁ ସମାନ ହାର ୪.୫ ପ୍ରତିଶତ ରହିଛି। ଏହି…

ମୁମ୍ବାଇ: ମହାରାଷ୍ଟ୍ରର ଅହମ୍ମଦ ନଗର ଜିଲ୍ଲା ବର୍ତ୍ତମାନ ଅହିଲ୍ୟା ବାଇ ହୋଲକର ନାମରେ ପରିଚିତ ହେବ। ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଆଜି ଜିଲ୍ଲାର ନାମ ପରିବର୍ତ୍ତନ କରିବାକୁ ଘୋଷଣା କରିଛନ୍ତି। ଆଜି ଅହିଲ୍ୟା ବାଇ ହୋଲକରଙ୍କ ଜନ୍ମ ବାର୍ଷିକୀ। ଏହି ଅବସରରେ ମୁଖ୍ୟମନ୍ତ୍ରୀ ସିନ୍ଦେ ଜିଲ୍ଲାର ନାମ ପରିବର୍ତ୍ତନ କରିବାକୁ ଘୋଷଣା କରିଛନ୍ତି। ଜିଲ୍ଲାର ନାମ ବଦଳାଇବାକୁ ଦାବି ଲଗାତାର କରାଯାଉଥିଲା। ମୁଖ୍ୟମନ୍ତ୍ରୀ ସିନ୍ଦେ ଆଜି ଅହିଲ୍ୟା ବାଇଙ୍କ ଜନ୍ମସ୍ଥାନରେ ପହଞ୍ଚିଥିଲେ। ତାଙ୍କ ସହ ଉପ-ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ମଧ୍ୟ ଉପସ୍ଥିତ ଥିଲେ। ସମ୍ପ୍ରତି ଔରଙ୍ଗାବାଦର ନାମ ‘ଛତ୍ରପତି ସମ୍ଭାଜିନଗର’ ଏବଂ ଓସମାନାବାଦକୁ ‘ଧାରାଶିବ’ ନାମରେ ନାମିତ କରାଯାଇଛି। ପ୍ରକାଶ ଯେ, ଇନ୍ଦୋର ବିମାନବନ୍ଦରର ନାମ ‘ଦେବୀ ଅହିଲ୍ୟା ବାଇ ହୋଲକର ବିମାନବନ୍ଦର’ ନାମିତ କରାଯାଇଛି। ମଧ୍ୟପ୍ରଦେଶ ଏବଂ ମହାରାଷ୍ଟ୍ର (ସୋଲାପୁର) ର ଦୁଇଟି ବିଶ୍ୱବିଦ୍ୟାଳୟର ନାମକରଣ ଅହିଲ୍ୟା ବାଇ ହୋଲକରଙ୍କ ନାମରେ କରାଯାଇଛି। ତାଙ୍କ ସ୍ମୃତିରେ ଅନେକ ରାସ୍ତା, କୋଠା,…

ନୂଆଦିଲ୍ଲୀ: ଚୀନ୍ ପ୍ରାୟତଃ ଭାରତ ପ୍ରତି ଶତ୍ରୁତା କରିଆସୁଛି। ଚୀନ୍ ମଧ୍ୟ କେନ୍ଦ୍ରରେ ନରେନ୍ଦ୍ର ମୋଦୀ ସରକାରଙ୍କୁ ସମାଲୋଚନା କରୁଛି। ଭାରତ ସରକାରଙ୍କୁ ସମାଲୋଚନା କରିବା ପାଇଁ ସି ଜିନପିଙ୍ଗ ସରକାରଙ୍କ ମୁଖପାତ୍ର ଗ୍ଲୋବାଲ ଟାଇମ୍ସର ସାହାରା ନିଅନ୍ତି। ତେବେ ଏଥର ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ବିଜେପି ସରକାରକୁ ଗ୍ଲୋବାଲ ଟାଇମ୍ସରେ ପ୍ରଶଂସା କରାଯାଇଛି। ଗ୍ଲୋବାଲ ଟାଇମ୍ସ ସମ୍ପାଦକୀୟ କହିଛି ଯେ, ଭାରତ ସରକାର ଔପନିବେଶିକ ଯୁଗର ସମସ୍ତ ଚିହ୍ନ ଲିଭାଉଛନ୍ତି। ଭାରତ ଏହାର ବିକାଶ କରିବାକୁ ଚାହୁଁଛି। ଗ୍ଲୋବାଲ ଟାଇମ୍ସରେ ଏହା ଲେଖାଯାଇଛି ଯେ, ନୂତନ ସଂସଦ ଭବନ ଏକ ମହାନ ପ୍ରତୀକ ହେବ। ଏଥିରେ ମୟୂର, ପଦ୍ମ ଫୁଲ ଏବଂ ବରଗଛ ପରି ଜାତୀୟ ପ୍ରତୀକ ଅନ୍ତର୍ଭୁକ୍ତ। ନିକଟ ଅତୀତରେ, ଉଦୀୟମାନ ଭାରତର ଭାବମୂର୍ତ୍ତିକୁ ଉପସ୍ଥାପନ କରିବା ପାଇଁ ମୋଦୀ ସରକାର ଅନେକ ଗୁରୁତ୍ୱପୂର୍ଣ୍ଣ କାର୍ଯ୍ୟ କରିଛନ୍ତି। ପ୍ରଧାନମନ୍ତ୍ରୀ ମୋଦୀଙ୍କ କାର୍ଯ୍ୟକାଳ ମଧ୍ୟରେ ବିଶ୍ୱ ମଞ୍ଚରେ…

ନୂଆଦିଲ୍ଲୀ: ଆଜି କେନ୍ଦ୍ର କ୍ୟାବିନେଟ ବୈଠକ କରିଛି। ଏହି ବୈଠକରେ ସମବାୟ କ୍ଷେତ୍ରରେ ଖାଦ୍ୟ ଶସ୍ୟ ସଂରକ୍ଷଣ କ୍ଷମତା ବୃଦ୍ଧି ପାଇଁ ଏକ ଲକ୍ଷ କୋଟି ଟଙ୍କାର ଯୋଜନା ଅନୁମୋଦନ କରାଯାଇଛି। କେନ୍ଦ୍ର ମନ୍ତ୍ରୀ ଅନୁରାଗ ଠାକୁର କହିଛନ୍ତି ଯେ, ଆଜିର କ୍ୟାବିନେଟ ବୈଠକରେ ସମବାୟ କ୍ଷେତ୍ରରେ ବିଶ୍ୱର ସର୍ବବୃହତ ଶସ୍ୟ ସଂରକ୍ଷଣ ଯୋଜନାର ଅନୁମୋଦନକୁ ନିଷ୍ପତ୍ତି ନିଆଯାଇଛି। ସେ କହିଛନ୍ତି ଯେ, “ସମବାୟ କ୍ଷେତ୍ରରେ ଖାଦ୍ୟ ଶସ୍ୟର ସଂରକ୍ଷଣ କ୍ଷମତାକୁ ୭୦୦ ଲକ୍ଷ ଟନ୍ ବୃଦ୍ଧି କରିବାକୁ ଏକ ଲକ୍ଷ କୋଟି ଟଙ୍କାର ଯୋଜନା ଅନୁମୋଦନ କରାଯାଇଛି। ବର୍ତ୍ତମାନ ଦେଶରେ ଶସ୍ୟ ସଂରକ୍ଷଣ କ୍ଷମତା ୧୪୫୦ ଲକ୍ଷ ଟନ୍ ଅଟେ।” ସେ କହିଛନ୍ତି ଯେ, “ଆସନ୍ତା ପାଞ୍ଚ ବର୍ଷ ମଧ୍ୟରେ ଷ୍ଟୋରେଜ୍ କ୍ଷମତା ୨ ହଜାର ୧୫୦ ଲକ୍ଷ ଟନ୍ କୁ ବୃଦ୍ଧି କରାଯିବ। ସମବାୟ କ୍ଷେତ୍ରରେ ଏହି କ୍ଷମତା ବୃଦ୍ଧି ପାଇବ। ପ୍ରଧାନମନ୍ତ୍ରୀଙ୍କ ଦୁରଦୃଷ୍ଟି ଅନୁଯାୟୀ ସମବାୟ ସମିତିକୁ…