ଓଡ଼ିଶା ରାଜନୀତିରେ ଏବେ ଚାଲିଛି ଦଳବଦଳ କାର୍ଯ୍ୟକ୍ରମ। ଟିକେଟ୍ ନ ପାଇବା ପରେ ଅସନ୍ତୋଷ ବ୍ୟକ୍ତ କରି ଦଳ ବଦଳ କରୁଛନ୍ତି ପ୍ରାର୍ଥୀମାନେ। ତେବେ ଏଥିରେ ଟିକେ ବ୍ୟତିକ୍ରମ ଦେଖାଦେଇଛି। ଟିକେଟ ପାଇସାରିବା ପରେ ବି ଦଳ ବଦଳ କରି ଚର୍ଚ୍ଚାରେ ରହିଛନ୍ତି ଭାଗିରଥୀ। ଆଜି ବିଜେଡ଼ିରେ ଯୋଗଦେଲେ ବିଜେପିର ଆନନ୍ଦପୁର ବିଧାୟକ ପ୍ରାର୍ଥୀ ଭାଗିରଥୀ ସେଠୀ। କେନ୍ଦୁଝର ଆନନ୍ଦପୁର ବିଧାନସଭା ଆସନ ପାଇଁ ଭାରତୀୟ ଜନତା ଦଳ ତରଫରୁ ଟିକେଟ ପାଇସାରିବା ପରେ ଦଳ ପ୍ରତି ଧୋକାଦେଇ ପଦ୍ମ ଛାଡ଼ି ଶଙ୍ଖନାଦ କରୁଛନ୍ତି। ଆଜି ବିଧିବଦ୍ଧଭାବରେ ନବୀନ ନିବାସରେ ଦଳର ସୁପ୍ରିମୋ ନବୀନ ପଟ୍ଟନାୟକଙ୍କ ଉପସ୍ଥିତରେ ଯୋଗ ଦେଇଛନ୍ତି ଭାଗିରଥୀ। ସେ ଯୋଗଦେଇ କହିଛନ୍ତି ଯେ, ସେ ପୂର୍ବରୁ ବିଜୁ ପରିବାରର ସଦସ୍ୟଥିଲେ, ଏବେ ଘରବାହୁଡ଼ା କଲେ ବୋଲି କହିଛନ୍ତି। ଦଳ ଯେଉଁ ଦାୟିତ୍ବ ଦେବ, ତାହା କରିବେ ବୋଲି କହିଛନ୍ତି। ଭାଗିରଥୀ ୨୦୦୯ରୁ ୨୦୧୪ ଯାଏ ବିଜେଡ଼ି ବିଧାୟକ ଥିଲେ। କିନ୍ତୁ ୨୦୧୪ରେ ଟିକେଟ୍ ନ ପାଇବା ପରେ ସେ ଦଳ ଛାଡ଼ିଥିଲେ। ଏହା ପରେ ସେ ବିଜେପିରେ ଯୋଗ ଦେଇଥିଲେ। ପୁନର୍ବାର ବିଜେପି ତରଫରୁ ଟିକେଟ୍ ପାଇସାରିବା ପରେ ବିଜେପି ଛାଡ଼ି ପୁନଶ୍ଚ ବିଜେଡ଼ିରେ ଯୋଗ ଦେଇଛନ୍ତି।
bjp candidate bhagitathi sethy joins bjd