ଚିଲିକା ମଝିରେ ଅଟକିଲେ ୨୦ ରୁ ୨୨ ପର୍ଯ୍ୟଟକ: ଖୋଜିବା ଜାରି ରଖିଛି ଦୁଇ ଅଗ୍ନିଶମ ବିଭାଗ

Published: Jan 31, 2021, 9:44 pm IST

ସୀତାରାମ ଅଗ୍ରୱାଲ

ଚିଲିକା: ମା’ କାଳିଜାଇ ଦର୍ଶନ କରିବାକୁ ଯାଇଥବା ୨୦ ରୁ ୨୨ ଜଣ ପର୍ଯ୍ୟଟକ ଚିଲିକା ହ୍ରଦରେ ଫସିରହିଥିବା ସୂଚନା ରହିଛି।

ସୂଚନା ଅନୁଯାୟୀ, ଆଜି ଦିନବେଳେ ସୋରଣ ଗ୍ରାମର କିଛି ଲୋକ ଏକ ଡଙ୍ଗା ମାଧ୍ୟମରେ ମା କାଳିଜାଇ ଦର୍ଶନ ନିମନ୍ତେ ଚିଲିକାକୁ ଯାଇଥିଲେ। ହେଲେ ସେମାନେ ଫେରିବା ସମୟରେ ଡଙ୍ଗାର ଯାନ୍ତ୍ରିକ ତ୍ରୁଟି ଦେଖା ଦେବାରୁ ଚିଲିକା ମଧ୍ୟରେ ଡଙ୍ଗାଟି ଫସି ରହିଥିବା ତାଙ୍କ ସମ୍ପର୍କୀୟଙ୍କୁ ଜଣାଇଥିଲେ। ନଳ ବଣ ନିକଟରେ ଡଙ୍ଗାର ଯାନ୍ତ୍ରିକ ତ୍ରୁଟି ଦେଖାଯିବାରୁ ସେମାନେ ସେଠାରେ ଅଟକ ରହିଥିବା କୁହାଯାଉଛି।

ତେବେ ଖବର ପାଇ ବାଲୁଗାଁ ଅଗ୍ନିଶମ ଅଧିକରୀ ନିତ୍ୟାନନ୍ଦ ଜେନା ଦୁଇଟି ଡଙ୍ଗାରେ ସ୍ଥାନୀୟ ମତ୍ସ୍ୟଜୀବୀଙ୍କ ସହ ଚିଲିକା ମଝିରେ ଅଟକ ରହିଥିବା ଯାତ୍ରୀଙ୍କୁ ଖୋଜିବା ଜାରି ରଖିଛନ୍ତି। ସେପଟେ ଗଙ୍ଗାଧରପୁର ଅଗ୍ନିଶମ ବିଭାଗ ସୋରଣ ପଟୁ ସେମାନଙ୍କୁ ଖୋଜିବା ଲାଗି ବାହାରିଛି। ଅନ୍ଧାର ହୋଇଥିବାରୁ ସେମାନଙ୍କୁ ଖୋଜିବାରେ ଅସୁବିଧା ହେଉଥିବା ବେଳେ ବର୍ତ୍ତମାନ ଘଟଣା ସ୍ଥଳ ଠାରୁ ୩ କିଲୋମିଟର ଦୂରରେ ଅଛନ୍ତି ବୋଲି ଅଗ୍ନିଶମ ଅଧିକାରୀ ଶ୍ରୀ ଜେନା ପ୍ରକାଶ କରିଛନ୍ତି।

Related posts