ଭୁବନେଶ୍ବର, ଆଜି ପୁଣି ଥରେ ଗୃହରେ ବିଜେପି ବିଧାୟକଙ୍କ ଆତ୍ମହତ୍ୟା ପ୍ରସଂଗ ନେଇ ବିଜେଡି ତୁମ୍ବିତୋଫାନ କରିଛି। ଗୃହରେ ହଟ୍ଟଗୋଳ ଯୋଗୁଁ ବାଚସ୍ପତି ଗୃହକୁ ଦିନ 12 ଟା ଯାଏ ମୁଲତବି ଘୋଷଣା କରିଛନ୍ତି। ଏହାପରେ ବିଜେଡି ବିଧାୟକ ବିଧାନସଭାରୁ ଏକାଠି ହୋଇ ଏକ ପଦଯାତ୍ରାରେ ବାହାରିଥିଲେ।
ହାତରେ ବିଭିନ୍ନ ପ୍ଲାକାର୍ଡ ଧରି ସେମାନେ ରାଜଭବନକୁ ଯାଇଥିଲେ। ସେମାନଙ୍କର ଦାବୀ ହେଉଛି ଯେ, ବିଜେପି ବିଧାୟକ ସୁବାଷ ପାଣିଗ୍ରାହୀ ଗୃହର ଅମର୍ଯ୍ୟଦା କରିଛନ୍ତି। ସେ ତୁରନ୍ତ ଗୃହରେ କ୍ଷମା ପ୍ରାର୍ଥନା କରନ୍ତୁ ବୋଲି ଦାବୀ କରିଛନ୍ତି। ବିଧାୟକଙ୍କ ଆତ୍ମହତ୍ୟା ଉଦ୍ୟମ ଏକ ଅପରାଧପ୍ରବଣ ମାନସିକତା। ଏହା ବିଧାନସଭା ପରି ପବିତ୍ର ଗୃହରେ କରାଯିବା ଅନୁଚିତ। ସେଥିପାଇଁ ବିଧାୟକ ନିଃସର୍ତ କ୍ଷମା ମାଗନ୍ତୁ ବୋଲି ବିଜେଡି ସଂଗଠକ ସଂପାଦକ ପ୍ରଣବ ପ୍ରକାଶ ଦାସ କହିଛନ୍ତି।
Tags: ବିଜେଡି ପଦଯାତ୍ରା, ବିଧାନସଭା
