ନୂଆଦିଲ୍ଲୀ: ଦେଶର ରାଜଧାନୀ ଦିଲ୍ଲୀରେ କରୋନା ସଙ୍କଟ ବଢିବା ପରେ ଉଚ୍ଚ ନ୍ୟାୟଳୟ ଏକ ବଡ ନିଷ୍ପତ୍ତି ଶୁଣାଇଛନ୍ତି। ଏବେ ଦିଲ୍ଲୀର ସବୁ ବ୍ୟକ୍ତିଙ୍କ ପାଇଁ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି। ଆଜି ଏକ ଯାଚିକାର ଶୁଣାଣି ବେଳେ ଦିଲ୍ଲୀ ଉଚ୍ଚ ନ୍ୟାୟଳୟ ଏଭଳି ନିର୍ଦ୍ଦେଶ ଦେଇଛନ୍ତି।
ଦିଲ୍ଲୀର ସବୁ ବ୍ୟକ୍ତି ମାସ୍କ ପିନ୍ଧିବା ଅନିବାର୍ଯ୍ୟ ବୋଲି ନ୍ୟାୟାଧୀଶ ପ୍ରତିଭା ସିଂହ ଆଦେଶ ଦେଇଛନ୍ତି। ଯଦି କୌଣସି ବ୍ୟକ୍ତି ସର୍ବସାଧାରଣ ସ୍ଥାନରେ ଏକା କାର ଚଲାଉଛନ୍ତି, ତଥାପି ସେ ମାସ୍କ ପିନ୍ଧିବା ଜରୁରୀ ବୋଲି ନ୍ୟାୟାଧୀଶ କହିଛନ୍ତି।