ନୂଆଦିଲ୍ଲୀ: କରୋନା ମହାମାରୀର ସ୍ଥିତି ଏବେ ଉଦବେଗଜନକ ଥିବା ବେଳେ ବ୍ଲାକ ଫଙ୍ଗସ୍ ସାରା ଦେଶକୁ ଚିନ୍ତାରେ ପକାଇଛି। ଏହି ରୋଗର ସଂକ୍ରମଣକୁ ଦେଖି କେନ୍ଦ୍ର ସରକାର ମହାମାରୀ ଘୋଷଣା କରିବାକୁ ରାଜ୍ୟ ସରକାର ସୁପାରିସ କରିଛନ୍ତି। ହେଲେ ଆଜି ୪ ଜଣ ହ୍ଵାଇଟ ଫଙ୍ଗସ୍ ରୋଗୀ ବିହାରର ପାଟଣାରେ ଚିହ୍ନଟ ହୋଇଛନ୍ତି। କିନ୍ତୁ ଦେଶରେ ଏବେ ହ୍ବାଇଟ ଫଙ୍ଗସ୍ ଚିହ୍ନଟ ହେବା ପରେ ଲୋକଙ୍କ ମନରେ ଭୟର ବାତାବରଣ ସୃଷ୍ଟି ହୋଇଛି।
ଏହି ରୋଗ ସମଗ୍ର ଶରୀରକୁ ସଂକ୍ରମଣ ହେଉଥିବାରୁ ବ୍ଲାକ ଫଙ୍ଗସ୍ ଠାରୁ ଏହି ରୋଗ ଅଧିକ ବିପଦ ବୋଲି ସ୍ୱାସ୍ଥ୍ୟ ବିଶେଷଜ୍ଞମାନେ ମତ ରଖିଛନ୍ତି। ଏହା ମଣିଷ ଶରୀରର ନଖ, ଚରମ, ପାଟି, ଫୁସଫୁସ, ପାକସ୍ଥଳୀ, ଯକୃତ, ଗୁପ୍ତାଙ୍ଗ, ବ୍ରେନ ଆଦି କୁ ସଂକ୍ରମଣ ହୋଇ କ୍ଷତି ପହଞ୍ଚାଉଛି। ରୋଗ ପ୍ରତିରୋଧକ ଶକ୍ତି କମ ଥିବା ଲୋକଙ୍କୁ ଏହି ରୋଗ ସଂକ୍ରମଣ ହେଉଥିବା ସମ୍ଭାବନା ଅଧିକ ରହିଛି। ପ୍ରାଥମିକ ଅବସ୍ଥାରୁ ଏହି ରୋଗର ଚିକିତ୍ସା ଆରମ୍ଭ କରାନଗଲେ, ଏହି ଅଧିକ ବିପଦ ସୃଷ୍ଟି କରେ ବୋଲି ସ୍ୱାସ୍ଥ୍ୟ ବିଶେଷଜ୍ଞମାନେ ଚେତାବନୀ ଦେଇଛନ୍ତି।