ନୂଆଦିଲ୍ଲୀ: ଦିଲ୍ଲୀ ଆକବର ରୋଡର ବିଭିନ୍ନ ସ୍ଥାନରେ “ଆକବର ମହାନ” କୁ ନେଇ ବିବାଦିତ ପୋଷ୍ଟର ଏବଂ ହୋର୍ଡିଙ୍ଗ ଲଗାଯାଇଛି। ପୋଷ୍ଟରରେ ଲେଖାଯାଇଛି କି, ଯେଉଁ ଆକବରକୁ ମହାନ କୁହାଯାଉଛି, ପ୍ରକୃତରେ ସେ ଜଣେ ବଳତ୍କାରୀ ଏବଂ ଆତଙ୍କବାଦୀ ଥିଲା। ନିଜର ଶାସନ କାଳରେ ଆକବର ହଜାର ହଜାର ହିନ୍ଦୁ ଝିଅଙ୍କୁ ଦୁଷ୍କର୍ମ କରିଥିଲା ଏବଂ ହିନ୍ଦୁମାନଙ୍କୁ ହତ୍ୟା କରିଥିଲା। ସେଥିପାଇଁ ହିନ୍ଦୁସେନା ଏହି ପୋଷ୍ଟର ଲଗାଇଛି।
ହିନ୍ଦୁସେନାର କାର୍ଯ୍ୟକର୍ତ୍ତାମାନେ ଦିଲ୍ଲୀ ପୋଲିସର ବ୍ୟାରିକେଡ଼ରେ ମଧ୍ୟ ଏହି ପୋଷ୍ଟର ଲଗାଇଦେଇଛି। ଏହାସହ ହିନ୍ଦୁସେନାର କାର୍ଯ୍ୟକର୍ତ୍ତାମାନେ ଆକବର ରୋଡର ନାମକୁ ବଳତ୍କାରୀ ଆକବର ମାର୍ଗ ଏବଂ ଆତଙ୍କବଦୀ ଆକବର ମାର୍ଗ ଲେଖିଛନ୍ତି। ପୋଷ୍ଟର ଉପରେ ହିନ୍ଦୁସେନା ଏବଂ ସୁରଜୀତ ଯାଦବଙ୍କର ନାମ ଲେଖାଯାଇଛି।
