ଭୁବନେଶ୍ୱର, ସମାଜବାଦୀ ପାର୍ଟିର ଜାତୀୟ ଅଧ୍ୟକ୍ଷ ତଥା ଉତ୍ତର ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଏବଂ ବର୍ତ୍ତମାନର ସାଂସଦ ଅଖିଳେଶ ଯାଦବଙ୍କ ୪୮ତମ ଜନ୍ମଜୟନ୍ତୀ ଭୁବନେଶ୍ବରରେ ପାଳିତ ହୋଇଛି। କୋଭିଡ୍ କଟକଣା ଅନୁଯାୟୀ ମହାସମାରୋହରେ ସମାଜବାଦୀ ପାର୍ଟି ରାଜ୍ୟ କାର୍ଯ୍ୟାଳୟରେ ପାଳିତ ହୋଇଯାଇଛି । ପାର୍ଟିର ରାଜ୍ୟ ସଭାପତି ରବି ବେହେରାଙ୍କ ଦ୍ୱାରା ଜନ୍ମଦିନର କେକ୍ କଟାଯାଇ ତାଙ୍କର ସୁସ୍ଥ, ଦୀର୍ଘ ନିରାମୟ ଜୀବନ କାମନା କରି ପ୍ରଭୁ ଜଗନ୍ନାଥଙ୍କ ନିକଟରେ ପ୍ରାର୍ଥନା କରାଯାଇଥିଲା ।
ଆଗାମୀ ବର୍ଷ ଉତ୍ତର ପ୍ରଦେଶରେ ଅନୁଷ୍ଠିତ ହେବାକୁ ଯାଉଥିବା ସାଧାରଣ ନିର୍ବାଚନରେ ଅଖିଳେଶଙ୍କ ନେତୃତ୍ୱରେ ସମାଜବାଦୀ ପାର୍ଟି ବହୁମତ ଲାଭ କରି ସରକାର ଗଠନ କରିବ ବୋଲି ମତ ପ୍ରକାଶ ପାଇଥିଲା । ଅନ୍ୟମାନଙ୍କ ମଧ୍ୟରେ ପାର୍ଟିର ସାଧାରଣ ସମ୍ପାଦକ ସୁଦର୍ଶନ ପ୍ରଧାନ, ଯୁବନେତା ସୁନିଲ ମିଶ୍ର, ସୁଶିଲ ହୋତା, ରଣଜିତ ପ୍ରଧାନ, କୃଷକ ନେତା ବିଜୟ ବେହେରା ପ୍ରମୁଖ ଅଖିଳେଶଙ୍କ ନେତୃତ୍ୱ ଉପରେ ଆଲୋକପାତ କରିଥିଲେ ।
Tags: ଅଖିଲେଶ ଯାଦବ
