ନୂଆଦିଲ୍ଲୀ: ଭାରତୀୟ ଅଖଡା ପରିଷଦର ସଭାପତି ମହନ୍ତ ନରେନ୍ଦ୍ର ଗିରିଙ୍କର ସନ୍ଦେହଜନକ ମୃତ୍ୟୁ ସିବିଆଇ ତଦନ୍ତ ହୋଇପାରେ। ଏ ନେଇ ଆଜି ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ସୁପାରିଶ କରିଛନ୍ତି। ଗତ 20 ତାରିଖରେ ମହନ୍ତଙ୍କ ସନ୍ଦେହ ଜନକ ମୃତ୍ୟୁ ହୋଇଥିଲା। ତାଙ୍କ ରୁମ ଭିତରେ ଝୁଲୁଥିବାର ଦେଖିବାକୁ ମିଳିଥିଲା। ସେଠାରୁ ଏକ ଆତ୍ମହତ୍ୟା ନୋଟ ମଧ୍ୟ ମିଳିଛି।
ଏହି ଘଟଣା ପରେ ଉତ୍ତର ପ୍ରଦେଶ ପୋଲିସ ଏସଆଇଟି ଗଠନ କରି ତଦନ୍ତ ଆରମ୍ଭ କରିଛି। ହେଲେ ସେହି ତଦନ୍ତକୁ ନେଇ ବିଭିନ୍ନ ମହଲରେ ସନ୍ଦେହ ସୃଷ୍ଟି ହୋଇଥିଲା। ବିଭିନ୍ନ ମହଲରେ ଏହା ସିବିଆଇ ତଦନ୍ତ କରାଯାଉ ବୋଲି ଦାବୀ ହୋଇଥିଲା।
