Cyclone Alert: ଏଗାରଟି ଜିଲ୍ଲାକୁ ପୁରା ସତର୍କ ରହିବାକୁ ନିର୍ଦ୍ଦେଶ, ଭୂସ୍ଖଳନ ହେବାର ସମ୍ଭାବନା

Published: Sep 26, 2021, 11:52 am IST

ଭୁବନେଶ୍ବର : ବାତ୍ୟା ଗୁଲାବ ପ୍ରଭାବରେ ରାଜ୍ୟରେ ବିଭିନ୍ନ ସ୍ଥାନରେ ବର୍ଷା ସହିତ ପବନ ହେବାର ସମ୍ଭାବନା ରହିଛି। ସେଥି ମଧ୍ୟରୁ ରାଜ୍ୟର ଆଠଟି ଜିଲ୍ଲାକୁ ପୁରା ସତର୍କ ରହିବା ପାଇଁ ସୂଚନା ଦିଆଯାଇଛି। ସେହି ଜିଲ୍ଲାଗୁଡିକ ହେଲା ଖୋର୍ଦ୍ଧା, କଟକ, ନୟାଗଡ଼, ଗଂଜାମ , ଗଜପତି, ବାଲେଶ୍ବର, ଭଦ୍ରକ, ଜଗତସିଂହପୁର, କେନ୍ଦ୍ରାପଡା, ରାୟଗଡା ଏବଂ କୋରାପୁଟ।

ଏସବୁ ଜିଲ୍ଲାରେ ଆସନ୍ତା ତିନି ଘଣ୍ଟା ମଧ୍ୟରେ ବିଭିନ୍ନ ସ୍ଥାନରେ ପ୍ରବଳ ବର୍ଷା ଏବଂ ପବନର ବେଗ 40-50 କିଲୋମିଟର ସହିତ ମଧ୍ୟମ ବର୍ଷା ଏବଂ ଘଡଘଡି ହେବ ବୋଲି କୁହାଯାଇଛି। ଏଥିରେ ଭୁବନେଶ୍ବର ଏବଂ କଟକ ଜିଲ୍ଲାରେ ମଧ୍ୟ ପ୍ରଭାବିତ ହେବ ବୋଲି କୁହାଯାଇଛି। ଏହି ଜିଲ୍ଲାର ତଳିଆ ଅଞ୍ଚଳକୁ ଖାଲି କରିବା ପାଇଁ ମଧ୍ୟ ନିର୍ଦ୍ଦେଶ ଦିଆଯାଇଛି।

ସେହିପରି ଆଉ ଏଗାରଟି ଜିଲ୍ଲାକୁ ପ୍ରସ୍ତୁତ ହୋଇ ରହିବାକୁ ନିର୍ଦ୍ଦେଶ ଦିଆଯାଇଛି। ସେଗୁଡିକ ହେଲା ମାଲକାନଗିରି, କନ୍ଧମାଳ, ନୟାଗଡ଼, ବୌଦ୍ଧ, ନବରଙ୍ଗପୁର, କଳାହାଣ୍ଡି, ଅନୁଗୁଳ, ଢେଙ୍କାନାଳ, ଯାଜପୁର, କେଉଁଝର ଏବଂ ଦେଓଗଡ। ଏହି ଜିଲ୍ଲାଗୁଡିକରେ ମଧ୍ୟମ ଧରଣର ବର୍ଷା ହେବ ବୋଲି ଅନୁମାନ କରାଯାଇଛି। ଏ ସବୁ ଜିଲ୍ଲାର ଜିଲ୍ଲାପାଳମାନେ ପ୍ରସ୍ତୁତ ହେବାକୁ ନିର୍ଦ୍ଦେଶ ଦିଆଯାଇଛି।

ଏହି ବାତ୍ୟା ପ୍ରଭାବରେ ପ୍ରବଳ ବର୍ଷା ହେଉଥିବାରୁ ଦୁଇଟି ଜିଲ୍ଲାରେ ଭୂସ୍ଖଳନ ହେବାର ସମ୍ଭାବନା ରହିଛି। ସେହି ଦୁଇଟି ଜିଲ୍ଲା ହେଲା ଗଜପତି ଏବଂ ରାୟଗଡା। ଏହି ଦୁଇଟି ଜିଲ୍ଲାର ଜିଲ୍ଲାପାଳ ଦ୍ବୟ ଟ୍ରାଫିକ ତଥା ଯାନବାହନ ଚଳାଚଳ ଉପରେ ନଜର ରଖିବାକୁ କୁହାଯାଇଛି। ଦରକାର ପଡିଲେ ରାସ୍ତ ବନ୍ଦ କରିପାରିବେ ବୋଲି ମଧ୍ୟ ଅନୁମତି ଦିଆଯାଇଛି।

Related posts