ଭୁବନେଶ୍ବର: ଆଜି ମମିତା ମେହେରଙ୍କୁ ନ୍ୟାୟ ଦାବୀରେ ପ୍ରଦେଶ କଂଗ୍ରେସ 6 ଘଣ୍ଟିଆ ହରତାଳ କରିଛି। ପୂର୍ବରୁ ଓଡିଶା ବନ୍ଦ କରିବ ବୋଲି ଘୋଷଣା କରାଯାଇଥିଲା। ହେଲେ ହାଇକୋର୍ଟ ଏହାକୁ ନ କରିବା ପାଇଁ ନିର୍ଦ୍ଦେଶ ଦେବାରୁ ହରତାଳ କରାଯାଇଛି। ଫଳରେ କଂଗ୍ରେସ କର୍ମିମାନେ ଲୋକମାନଙ୍କୁ ଜୋରଜବରଦସ୍ତ କୌଣସି ବନ୍ଦ କରି ନାହାଁନ୍ତି।
ପୂର୍ବ ନିର୍ଦ୍ଧାରିତ ଅନୁସାରେ ଆଜି ସକାଳ 6 ଟାରୁ ଏହି ହରତାଳ ଆରମ୍ଭ ହୋଇଥିଲା। ଆନ୍ଦୋଳନକାରୀମାନେ ଭୁବନେଶ୍ବରର ମାଷ୍ଟର କ୍ୟାଣ୍ଟିନରୁ ବାହାରି ପିଏମଜି ଛକ ପର୍ଯ୍ୟନ୍ତ ଯାଇଥିଲେ। ସେଠାରେ ସେମାନେ କିଛି ସମୟ ପାଇଁ ନାରା ଦେଇଥିଲେ। ସେହିପରି ରାଜ୍ୟର ବିଭିନ୍ନ ସ୍ଥାନରେ କଂଗ୍ରେସ କର୍ମିମାନେ ବିକ୍ଷୋଭ ସହ ଧାରଣାରେ ବସିରହିଥିଲେ। ଏହି ବନ୍ଦ ଦିନ 12ଟା ପର୍ଯ୍ୟନ୍ତ ଚାଲିବ।
Tags: ଓଡିଶା ବନ୍ଦ, କଂଗ୍ରେସ ଓଡିଶା ବନ୍ଦ
