ଭୁବନେଶ୍ବର: ଆଜି ଭୁବନେଶ୍ବରର ପିଏମଜି ଛକ ପାଲଟିଛି ରଣ କ୍ଷେତ୍ର। ବିଜେପି ଯୁବାମୋର୍ଚ୍ଚା କର୍ମିମାନେ ଆଜି ବିଧାନସଭା ଘେରାଉ କରିଥିଲେ। ମମିତା ମେହେରଙ୍କୁ ନ୍ୟାୟ ଦାବୀରେ ସେମାନେ ଏକ ବଡ ରାଲି କରି ବିଧାନସଭା ଆଡକୁ ମାଡି ଚାଲିଥିଲେ। ପିଏମଜି ପାଖରେ ପୋଲିସ ସେମାନଙ୍କୁ ଅଟକାଇଥିଲା।
ଏହି ସମୟରେ ପୋଲିସ ଏବଂ ମୋର୍ଚ୍ଚା କର୍ମିଙ୍କ ମଧ୍ୟରେ ଧସ୍ତାଧସ୍ତି ଆରମ୍ଭ ହୋଇଥିଲା। ଏଥିରେ ପୋଲିସ କର୍ମି ଆହତ ହୋଇଥିବାର ସୂଚନା ମିଳିଛି। କର୍ମିମାନେ ବିଶୃଙ୍ଖଳା ବୃଦ୍ଧି ପାଇବା ଦେଖି ପୋଲିସ ଲାଠି ଚାର୍ଜ କରିଥିଲା।
