ଭୁବନେଶ୍ବର: ରାସ୍ତାଘାଟରେ ଲାଗିଥିବା ହୋଡିଂ, ପୋଷ୍ଟର ଓ ବ୍ୟାନରକୁ ହଟାଇବା ପାଇଁ ରାଜ୍ୟ ନିର୍ବାଚନ କମିଶନର ଆଜି ସବୁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି। ଏକ ଚିଠିରେ କମିଶନର କହିଛନ୍ତି ଯେ, ବର୍ତ୍ତମାନ ରାଜ୍ୟରେ ନିର୍ବାଚନ ଆଚରଣ ବିଧି ଲାଗୁ ହୋଇଛି। ସେହି ପରିପ୍ରେକ୍ଷୀରେ ବର୍ତ୍ତମାନ ସରକାରୀ ବିଜ୍ଞାପନ ଆଉ ଲାଗିପାରିବ ନାହିଁ। ପୂର୍ବରୁ ଯାହା ଲାଗିଛି ସେ ସବୁ ହଟାଇ ଦିଅ ବୋଲି କମିଶନର କହିଛନ୍ତି।
ବର୍ତ୍ତମାନ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ଆସନ୍ତା ଫେବୃୟାରୀ 16 ତାରିଖରୁ ଆରମ୍ଭ ହେବ। ସେଥିପାଇଁ ବର୍ତ୍ତମାନ ସାରା ରାଜ୍ୟରେ ଆଚରଣ ବିଧି ଲାଗୁ ହୋଇଛି। ଏହି ନିୟମ ଅନୁସାରେ ବର୍ତ୍ତମାନ କୌଣସି ସରକାରୀ ବିଜ୍ଞାପନ ଲାଗିପାରିବ ନାହିଁ। ଏପରି ଚିଠି ପାଇବା ପରେ କେତେକ ଜିଲ୍ଲାର ପଦକ୍ଷେପ ଆରମ୍ଭ ହୋଇଛି।
