ବଲିଉଡ୍ର ବବ୍ଲି ଗର୍ଲ ପରିଣୀତି ଚୋପ୍ରା ଗାର୍ଲ ଇନ୍ ଦ ଟ୍ରେନ୍ର ଅଫିସିଆଲ୍ ରିମେକ୍ରେ ମୁଖ୍ୟ ଭୂମିକାରେ ନଜର ଆସିବାକୁ ଯାଉଛନ୍ତି। ୨୦୧୫ର ପଉଲା ହକିନ୍ସଙ୍କ ବେଷ୍ଟ ସେଲିଂ ଉପନ୍ୟାସ ଉପରେ ଫିଲ୍ମର କାହାଣୀ ରହିଛି। ହଲିଉଡ୍ରେ ୨୦୧୬ରେ ସମାନ କାହାଣୀକୁ ନେଇ ଫିଲ୍ମ ତିଆରି ହୋଇଛି। ରିଭୁ ଦାଶଗୁପ୍ତା ଫିଲ୍ମଟିର ନିର୍ଦ୍ଦେଶନା ଦେବେ। ରିଲାଏନ୍ସ ଏଣ୍ଟରଟେନ୍ମେଣ୍ଟ ବ୍ୟାନରରେ ନିର୍ମିତ ହେବାକୁ ଥିବା ଏହି ଚଳଚିତ୍ରର ଅନ୍ୟ କଳାକାରଙ୍କ ସମ୍ପର୍କରେ ସୂଚନା ମିଳିନାହିଁ। ଫିଲ୍ମରେ ପରିଣୀତି ଜଣେ ମଦ୍ୟପ ଏବଂ ସ୍ବାମୀ ପରିତ୍ୟକ୍ତା ଭୂମିକାରେ ନଜର ଆସିବେ। ଫିଲ୍ମରେ ନିଜର ଭୂମିକାକୁ ନେଇ ଉତ୍ସାହିତ ରହିଛନ୍ତି ପରୀ। ଏହି ଚଳଚିତ୍ରର ସୁଟିଂ ଚଳିତ ବର୍ଷ ଆରମ୍ଭ ହେବ ବୋଲି ନିର୍ଦ୍ଦେଶକ ସୂଚନା ଦେଇଛନ୍ତି। ଏହି ଚଳଚିତ୍ର ବ୍ୟତୀତ ସାଇନା ନେହ୍ବାଲ ବାୟୋପିକ୍ରେ ମଧ୍ୟ ପରୀ ନଜର ଆସିବେ।
Tags:
