ପୁରୀ: ପ୍ରଭୃ ଶ୍ରୀଜଗନ୍ନାଥଙ୍କ ଚୁଲି ଭାଙ୍ଗିବା ଘଟଣାର ନୂଆ ତଥ୍ୟ ପଦାକୁ ଆସିଛି। ତାହା ହେଲା ଯେ, ରାତିରେ ଶ୍ରୀମନ୍ଦିର ବନ୍ଦ ପୂର୍ବରୁ ସେହି ସ୍ଥାନରେ କେହି ଲୁଚି ରହିଥିବାର ସନ୍ଦେହ ହେଉଛି। ଫଳରେ ସେ ରାତିରେ ଏହି ଚୁଲା ଭଙ୍ଗା କାର୍ଯ୍ୟ କରିଛି। ପରେ ସକାଳେ ମନ୍ଦିର ଖୋଲିବା ପରେ ଭକ୍ତଙ୍କ ମେଳରେ ସେ ଖସି ପଳାଇଛି। ଏହିପରି ତଥ୍ୟ ଦେଇଛନ୍ତି ମୁଖ୍ୟ ଶାସନ ସଚିବ ସୁରେଶ ମହାପାତ୍ର।
ଆଜି ସଂଧ୍ୟାରେ ମୁଖ୍ୟଶାସନ ସଚିବ ଏବଂ ପୋଲିସ ଡିଜି ଶ୍ରୀମନ୍ଦିର ଯାଇ ପରିସ୍ଥିତି ଅନୁଧ୍ୟାନ କରିଥିଲେ। ସେଠାରେ ସେ ଜଗନ୍ନାଥଙ୍କ ଚୁଲା ବାହାରୁ ଦେଖିବା ସହିତ ସିସିଟିଭି ଫୁଟେଜ ଯାଞ୍ଚ କରିବାକୁ ନିର୍ଦ୍ଦେଶ ଦେଇଛନ୍ତି। ସେହି ଫୁଟେଜକୁ ଅନୁଧ୍ୟାନ କରାଯାଉଛି। ଏହାପରେ ପ୍ରକୃତ ତଥ୍ୟ ଆସିବ ବୋଲି ମୁଖ୍ୟ ଶାସନ ସଚିବ କହିଛନ୍ତି।
