ବଲିଉଡ୍ ସୁଲତାନ୍ ସବୁବେଳେ ଫିଲ୍ମକୁ ନେଇ ଚର୍ଚ୍ଚାରେ ଥା’ନ୍ତି। ନିକଟରେ ତାଙ୍କର ବହୁ ପ୍ରତିକ୍ଷୀତ ଫିଲ୍ମ ’ଭାରତ’ର ଟ୍ରେଲର୍ ରିଲିଜ୍ ହୋଇଛି। ଫିଲ୍ମଟି ଇଦ୍ ଅବସରରେ ରିଲିଜ୍ ହେବ। ତେବେ ଭାଇଜାନ୍ ତାଙ୍କର ଆଉ ଏକ ଫିଲ୍ମର ଶୁଟିଂର ବ୍ୟସ୍ତ ରହିଛନ୍ତି। ସଲମନ୍ ଖାନ୍ ତାଙ୍କର ଆଗାମୀ ଫିଲ୍ମ ’ଦବଙ୍ଗ -୩’ ପାଇଁ ଶୁଟିଂ ଆରମ୍ଭ କରିସାରିଲେଣି। ଏହି ଫିଲ୍ମରେ ସୋନାକ୍ଷୀ ସିହ୍ନା ଅଭିନୟ କରୁଥିବାବେଳେ ଏଥିରେ ଦୁଇ ନୂଆ ଷ୍ଟାର୍ କିଡ୍ଙ୍କ ଦେଖିବାକୁ ମିଳିବ। ମହେଶ ମଞ୍ଜେରକର୍ଙ୍କ ଝିଅ ଅଶ୍ବାମୀ ଏଥିରେ ଅଭିନୟ କରିବ ବୋଲି ଆଗରୁ ସୂଚନା ମିଳିଥିବାବେଳେ ଏହି ଲିଷ୍ଟ୍ରେ ଏବେ ଆଉଜଣେ ନବାଗତାଙ୍କ ନାମ ସାମିଲ୍ ହୋଇଛନ୍ତି। ସେ ହେଉଛନ୍ତି ସଲମାନ୍ଙ୍କ ଭାଣିଜୀ ତଥା ଅଲବରା ଓ ଅତୁଲ୍ ଅଗ୍ନିହୋତ୍ରୀଙ୍କ କନ୍ୟା ଏଲିଜା। ତେବେ ଏହି ଫିଲ୍ମରେ ଚୁଲ୍ବୁଲ୍ ପାଣ୍ଡେଙ୍କ ଛୋଟବେଳର କାହାଣୀ ଦେଖିବାକୁ ମିଳିବ ବୋଲି ଶୁଣିବାକୁ ମିଳୁଛି। ଏହି ଫିଲ୍ମର ନିର୍ଦ୍ଦେଶନା ଦାୟିତ୍ବ ସମ୍ଭାଳିଛନ୍ତି ପ୍ରଭୁ ଦେବା। ଏହି ଫିଲ୍ମରେ ମୌନୀ ରୟ ମଧ୍ୟ ନଜର ଆସିବେ ବୋଲି ଖବର ରହିଛି। ନିକଟରେ ସଲମନ୍ ତାଙ୍କ ପ୍ରଡକ୍ସନ ବ୍ୟାନର୍ରେ ପ୍ରସ୍ତୁତ ’ନୋଟ୍ବୁକ୍’ ଜରିଆରେ ପ୍ରନୂତନ ବେହଲ୍ ଓ ଇକ୍ବାଲ୍ଙ୍କୁ ବଲିଉଡ୍ ଏଣ୍ଟ୍ରି କରାଇଥିଲେ।
