ଇଷ୍ଟର ରବିବାରରେ ଶ୍ରୀଲଙ୍କାରେ ହୋଇଥିବା ବିସ୍ଫୋରଣରେ ୨୫୩ ଜଣଙ୍କ ମୃତ୍ୟୁ ଘଟିଥିବା ବେଳେ ୫୦୦ରୁ ଅଧିକ ଆହତ ହୋଇଥିଲେ। ଏହି ବିସ୍ଫୋରଣ ପାଇଁ ଆଇଏସ୍ ନିଜକୁ ଦାୟୀ କରିଥିବା ବେଳେ ଘଟଣାରେ ଗିରଫଙ୍କ ସଂଖ୍ୟା ୧୦୭ ଛୁଇଁଛି। ଏହି ଘଟଣାରେ ଗିରଫ ବ୍ୟକ୍ତିଙ୍କ ମଧ୍ୟରେ ଜଣେ ତାମିଲ ମିଡିୟମ୍ ଶିକ୍ଷକ ଏବଂ ସ୍କୁଲ ପ୍ରିନ୍ସିପାଲ୍ ରହିଛନ୍ତି । ଗିରଫ ଶିକ୍ଷକଙ୍କ ନିକଟରୁ ପୋଲିସ୍ ୫୦ଟି ସିମ୍କାର୍ଡ ଏବଂ ଅନ୍ୟାନ୍ୟ ଆପତ୍ତିଜନକ ସାମଗ୍ରୀ ଜବତ କରିଛି। ରବିବାର ସକାଳେ ଶ୍ରୀଲଙ୍କା ପୋଲିସ୍ ଏବଂ ସେନା ପକ୍ଷରୁ ଏକ ସର୍ଚ୍ଚ ଅପରେସନ୍ କରାଯାଇ କଳ୍ପିତୟରୁ ୧୦ ଜଣଙ୍କୁ ଗିରଫ କରାଯାଇଛି। ଗତକାଲି ମଧ୍ୟ ପୋଲିସ୍ର ଏକ ଅପରେସନରେ ୩ ଆଇଏସ୍ ଆତଙ୍କୀ ନିହତ ହୋଇଥିଲେ।
