Categories
ଅପରାଧ ଆଜିର ଖବର ରାଜ୍ୟ ଖବର

ବୁଲେଟ୍ ଲୁଟେରା ଗ୍ୟାଙ୍ଗର କିଙ୍ଗପିନ୍ ଗିରଫ

ରାଉରକେଲା: ବୁଲେଟ୍ ଲୁଟେରା ଗ୍ୟାଙ୍ଗର କିଙ୍ଗପିନ୍ କୁ ଗିରଫ କରିବାରେ ସଫଳ ହୋଇଛି ରାଉରକେଲା ସେକ୍ଟର-୭ ଥାନା ପୋଲିସ। ତା’ ନିକଟରୁ ୧୨ ଟି ମୋବାଇଲ୍ ଓ ଚୋରି ସୁନାଗହଣା ଜବତ ହୋଇଛି। ପୋଲିସ ପକ୍ଷରୁ ଏନେଇ ଅଧିକ ତଦନ୍ତ ଜାରୀ ରହିଛି।

Categories
ଅନ୍ତରାଷ୍ଟ୍ରୀୟ ଆଜିର ଖବର

ନଦୀକୁ ବିଏମ୍‌ଡବ୍ଲ୍ୟୁ କାର୍‌ ଖସାଇ ଗିରଫ ହେଲେ ଯୁବକ

ନୂଆଦିଲ୍ଲୀ :  ଇନ୍‌ଷ୍ଟାଗ୍ରାମ୍‌ରେ ପ୍ରାଙ୍କ୍‌‌ ଭିଡିଓ ସେୟାର କରୁଥିବା ଜଣେ ବ୍ୟକ୍ତିଙ୍କୁ ପୋଲିସ୍‌ ଗିରଫ କରିଛି । ବ୍ୟକ୍ତି ଜଣକ ବିଏମ୍‌ଡବ୍ଲ୍ୟୁର ଗାଡିକୁ ନଦୀରେ ପକାଇଥିଲେ । ପରିବେଶକୁ କ୍ଷତି ତଥା ସଡକ ସୁରକ୍ଷା ସମ୍ବନ୍ଧୀୟ ନିୟମ ଉଲ୍ଲଂଘନ ଅଭିଯୋଗରେ ବ୍ୟକ୍ତିଙ୍କୁ ଗିରଫ କରିଥିବାର ସୂଚନା ରହିଛି ।

ସ୍ପେନ୍‌ଠାରେ ଜଣେ ବ୍ୟକ୍ତି ନଦୀକୁ ବିଏମ୍‌ଡବ୍ଲ୍ୟୁ ଗାଡିକୁ ଖସାଇଥିଲେ । ଅଭିଯୁକ୍ତ ଯୁବକ ଜଣକ ବ୍ରିଟେନ୍‌ ବାସିନ୍ଦା ବୋଲି ସୂଚନା ରହିଛି । ଯୁବକ ଜଣକ ମାରବେଲା ନଦୀରେ ବିଏମ୍‌ଡବ୍ଲ୍ୟୁ କାରକୁ ଖସାଇ ଭିଡିଓ ଶୁଟ୍‌ କରିବା ସହ ଏହି ଭିଡିଓକୁ ସୋସିଆଲ୍‌ ମିଡିଆରେ ଅପଲୋଡ୍‌ କରିଥିଲେ । ତା’ପରେ କିଛି ସମୟରେ ଏହି ଭିଡିଓକୁ ହଟାଇ ଦେଇଥିଲେ । ସୋସିଆଲ ମିଡିଆରେ ଏହି ପୋଷ୍ଟକୁ ଦେଖି ପୋଲିସ୍‌ ଯୁବକଙ୍କୁ ତଲାସ କରିଥିଲା । ପୋଲିସ୍‌ ଯାଞ୍ଚ ପରେ ଯୁବକ ଜଣଙ୍କ ନିକଟରୁ ଦସ୍ତାବିଜ୍‌ ମିଳିଥିଲା । ଯୁବକ ଜଣଙ୍କ ପାଖରେ ଗୋଟିଏ ନମ୍ବରର ଦୁଇଟି କାର୍‌ ରହିଥିବାର ସୂଚନା ରହିଛି । ତେବେ ପୋଲିସ୍‌ ନଦୀରୁ ବିଏମ୍‌ଡବ୍ଲ୍ୟୁ କାର୍‌କୁ ଉଦ୍ଧାର କରିଛି । ଯୁବକ ଜଣକ ଯେଉଁସ୍ଥାନରେ କାର୍‌ଟିକୁ ଫୋପାଡିଥିଲେ ତାହା ସ୍ବତନ୍ତ୍ର ସଂରକ୍ଷଣ ଅଞ୍ଚଳ ଭିତରେ ରହିଛି।  ତେବେ ପୋଲିସ୍‌ ଯୁବକ ଜଣଙ୍କୁ ଗିରଫ କରିଛି । (ଏଜେନ୍ସି)

Categories
ଆଜିର ଖବର ଜାତୀୟ ଖବର

ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଧମକପୂର୍ଣ୍ଣ ବାର୍ତ୍ତା: ଜଣେ ନାବାଳକ ଗିରଫ

ଲକ୍ଷ୍ନୌ: ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଧମକପୂର୍ଣ୍ଣ ବାର୍ତ୍ତା ପଠାଇଥିବା ଅଭିଯୋଗରେ ଜଣେ ନାବାଳକଙ୍କୁ ଗିରଫ କରାଯାଇଛି। ତାଙ୍କ ନିକଟରୁ ଏକ ମୋବାଇଲ୍ ଫୋନ୍ ଏବଂ ଗୋଟିଏ ସିମ୍ କାର୍ଡ ଜବତ କରାଯାଇଛି।

ପୋଲିସର ମୁଖପାତ୍ରଙ୍କ ଅନୁଯାୟୀ, ଜରୁରୀକାଳୀନ ହେଲ୍ପଡେସ୍କ ହ୍ବାଟ୍ସଆପ୍ ନମ୍ବରରେ ଏହି ବାର୍ତ୍ତା ପଠାଯାଇଛି ଏବଂ ଅଭିଯୁକ୍ତ ଜଣକ ମୁଖ୍ୟମନ୍ତ୍ରୀଙ୍କୁ ଧମକ ଦେବା ବ୍ୟତୀତ ଅଶାଳୀନ ଭାଷା ବ୍ୟବହାର କରିଛନ୍ତି। ନାବାଳିକାଙ୍କୁ ସୁଶାନ୍ତ ଗଲ୍ଫ ସିଟି ଅଞ୍ଚଳରୁ ଗିରଫ କରାଯାଇଛି। ଉଲ୍ଲେଖ ଯୋଗ୍ୟ ଯେ, ଚଳିତ ବର୍ଷ ମେ ମାସରେ ମଧ୍ୟ ମୁଖ୍ୟମନ୍ତ୍ରୀଙ୍କୁ ଧମକ ଦିଆଯାଇଥିଲା ଏବଂ କିଛି ଘଣ୍ଟା ମଧ୍ୟରେ ପୋଲିସ ଅଭିଯୁକ୍ତକୁ ଗିରଫ କରିଥିଲା।

Categories
ଅପରାଧ ଆଜିର ଖବର ଜାତୀୟ ଖବର

ତ୍ରିପୁରାର ଦୁଇ ଭଉଣୀଙ୍କୁ ଗଣଦୁଷ୍କର୍ମ ଅଭିଯୋଗରେ ୬ ଗିରଫ

ଅଗରତାଲା/ସିଲଚର: ତ୍ରିପୁରାର ଦୁଇ ଭଉଣୀଙ୍କୁ ଗଣଦୁଷ୍କର୍ମ ଅଭିଯୋଗରେ ୬ ଜଣ ଗିରଫ ହୋଇଛନ୍ତି। ଆଜି ଆସାମର କରିମଗଞ୍ଜ ଜିଲ୍ଲାରୁ ୬ଜଣ ଅଭିଯୁକ୍ତଙ୍କୁ ଆସାମ ପୋଲିସ ଗିରଫ କରିଛି।

କରିମଗଞ୍ଜ ପୋଲିସ ମହାନିର୍ଦ୍ଦେଶକ ମୟଙ୍କ କୁମାର କହିଛନ୍ତି ଯେ, ଶନିବାର ରାତିରେ ଜଣେ କାର ଡ୍ରାଇଭର ତ୍ରିପୁରାର ଦୁଇଭଉଣୀଙ୍କୁ ଦକ୍ଷିଣ ଆସାମକୁ ଲାଗିଥିବା ଉତ୍ତର ତ୍ରିପୁରାକୁ ନେଇ ଯାଇଥିଲେ। ପରେ ଗାଡିର ଡ୍ରାଇଭର ତାଙ୍କ ଅନ୍ୟ ପାଞ୍ଚ ଜଣ ସହଯୋଗୀଙ୍କ ସହିତ ନୀଲମ ବଜାରର ଏକ ନିର୍ମାଣାଧୀନ ବିଲ୍ଡିଂରେ ଗଣ ଦୁଷ୍କର୍ମ କରିଥିଲେ।

ଉଲ୍ଲେଖଯୋଗ୍ୟ ଯେ, ଉଭୟ ଭଉଣୀ ସିଲଚର ମେଡିକାଲ କଲେଜ ଏବଂ ହସ୍ପିଟାଲକୁ ଆସିଥିଲେ। ସେଠାରେ ସେମାନଙ୍କ ମା’ କର୍କଟ ରୋଗରେ ପୀଡିତ ଥିବାରୁ ଚିକିତ୍ସାଧୀନ ହେଉଥିଲେ। ମା’ ଙ୍କୁ ଭେଟି ଉତ୍ତର ତ୍ରିପୁରାରେ ନିଜ ଘରକୁ ଫେରୁଥିବାବେଳେ ଏପରି ଏକ ଅଭାବନୀୟ ଘଟଣା ଘଟିଥିଲା। (ଏଜେନ୍ସି)

Categories
ଅପରାଧ ଆଜିର ଖବର ଜାତୀୟ ଖବର

ପାଲଗଡ ସାଧୁହତ୍ୟା ମାମଲାରେ ଆଉ 24 ଜଣଙ୍କୁ ଗିରଫ କଲା ସିଆଇଡି

ମୁମ୍ବାଇ : ପାଲଗଡ ସାଧୁ ହତ୍ୟା ମାମଲାରେ ଆଉ 24 ଜଣଙ୍କୁ ଗିରଫ କରିଛି ମହାରାଷ୍ଟ୍ର ସିଆଇଡି । ପାଲଗଡର ଗଡଚିଞ୍ଚାଲେରେ ଘଟିଥିବା ଏହି ବର୍ବର କାଣ୍ଡରେ ପୂର୍ବରୁ ପୋଲିସ ଦ୍ୱାରା 128 ଜଣଙ୍କୁ ଗିରଫ କରାଯାଇଥିବା ବେଳେ ସିଆଇଡି ପକ୍ଷରୁ 208 ଜଣଙ୍କୁ ଗିରଫ କରାଯାଇଥିଲା । ନୂତନ ଭାବରେ 24 ଜଣଙ୍କୁ ଗିରଫ କରାଯିବା ପରେ ସମୁଦାୟ ଅଭିଯୁକ୍ତଙ୍କ ସଂଖ୍ୟା ବର୍ତ୍ତମାନ 366ରେ ପହଞ୍ଚିଛି। ସମସ୍ତ ଅଭିଯୁକ୍ତଙ୍କୁ ଆସନ୍ତାକାଲି ଦହୁନୁ କୋର୍ଟରେ ହାଜର କରାଯିବ ବୋଲି ସିଆଇଡି ମୁଖପାତ୍ର ଅମୃତ ଅଧିକାରୀ ପ୍ରକାଶ କରିଛନ୍ତି । ସେହିପରି ଏହି ମାମଲାରେ ସମୁଦାୟ 11ଜଣ ନାବାଳକଙ୍କୁ ମଧ୍ୟ ଗିରଫ କରାଯାଇଛି । ଅଭିଯୁକ୍ତଙ୍କ ମଧ୍ୟରୁ 62ଜଣ ଜାମିନ ଆବେଦନ କରିଥିବା ବେଳେ ଥାନେ ସେସନ୍ସ କୋର୍ଟରେ ଆଜି ଉକ୍ତ ମାମଲାର ଶୁଣାଣି କରାଯିବ ।

ଉଲ୍ଲେଖଯୋଗ୍ୟ ଯେ, ଏପ୍ରିଲ୍‌ 16 ତାରିଖରେ ଏକ କାର୍‌ରେ ଦୁଇ ସାଧୁଙ୍କ ସମେତ ଜଣେ ଡ୍ରାଇଭର୍‌ ଯାଉଥିବାବେଳେ ପିଲା ଚୋର ଗୁଜବରେ ଭିଡ୍‌ ହିଂସାର ଶିକାର ହୋଇଥିଲେ । ଭିଡ ହିଂସାର ଶିକାର ହୋଇଥିବା ଦୁଇ ସାଧୁ ହେଉଛନ୍ତି  ଜୁନା ଆଖଡାର କଳ୍ପଭ୍ରିକ୍ଷାଗିରି ମହାରାଜ(70) , ସୁଶୀଳଗିରି ମହାରାଜ(35) ଏବଂ ଡ୍ରାଇଭର ନୀଲେଶ ତେଲଗାଡେ(30) । ତିନିହେଁ ଏକ ଅନ୍ତିମ ସଂସ୍କାର କାର୍ଯ୍ୟକ୍ରମରେ ସାମିଲ୍‌ ହେବା ପାଇଁ  ସୁରଟ ଯାଉଥିବା ବେଳେ ପିଲା ଚୋର ଗୁଜବ କାରଣରୁ ଭିଡ ହିଂସାର ଶିକାର ହୋଇ ପ୍ରାଣ ହରାଇଥିଲେ ।  ଏହି ଘଟଣାକୁ ନେଇ ଦେଶବ୍ୟାପୀ ପ୍ରତିକ୍ରିୟା ପ୍ରକାଶ ପାଇଥିବା ବେଳେ ମାମଲାର ତଦନ୍ତ ଭାର ସିଆଇଡି ହାତକୁ ଯାଇଥିଲା ।

Categories
ଆଜିର ଖବର ଜାତୀୟ ଖବର ମନୋରଂଜନ ସିନେମା

ଗିରଫ ହେଲେ ରିୟା ଚକ୍ରବର୍ତ୍ତୀ

ମୁମ୍ବାଇ : ବଲିଉଡ ଅଭିନେତ୍ରୀ  ରିୟା ଚକ୍ରବର୍ତ୍ତୀଙ୍କୁ ଗିରଫ କରାଯାଇଛି । ଏନସିବି ପକ୍ଷରୁ ରିୟା ଚକ୍ରବର୍ତ୍ତୀଙ୍କୁ ଗିରଫ କରାଯାଇଛି । ଦୀର୍ଘ 21 ଘଣ୍ଟାର ଜେରା ପରେ ଡ୍ରଗ୍ସ ଲିଙ୍କ ମାମଲାରେ ରିୟାଙ୍କୁ ଗିରଫ କରାଯାଇଛି । ଡ୍ରଗ୍ସ ସେବନ ନେଇ ରିୟା ସ୍ୱୀକାର କରିବା ପରେ ଏନସିବି ପକ୍ଷରୁ ରିୟାଙ୍କୁ ଗିରଫ କରାଯାଇଛି । ପୂର୍ବରୁ ରିୟା ଡ୍ରଗ୍ସ ସେବନ ଅଭିଯୋଗକୁ ଅସ୍ୱୀକାର କରିଥିବା ବେଳେ ସୌଭିକଙ୍କ ସହିତ ମିଳିତ ଭାବରେ ଜେରା କରାଯାଇଥିଲା । ଏହାପରେ ରିୟା ନିଜର ଅଭିଯୋଗ ସ୍ୱୀକାର କରିଥିଲେ । ଏହା ସହିତ ରିୟାଙ୍କ ସ୍ୱାସ୍ଥ୍ୟ ପରୀକ୍ଷା ପରେ ତାଙ୍କୁ ଭିଡିଓ କନଫରେନ୍ସିଂ ଜରିଆରେ କୋର୍ଟରେ ହାଜର କରାଯିବ ବୋଲି ଜଣାପଡିଛି ।

ଉଲ୍ଲେଖଯୋଗ୍ୟ ଯେ, ରିୟାଙ୍କୁ ମିଶଇ ଏନସିବି  9 ଜଣଙ୍କୁ ଗିରଫ କରିଛି । ଏହା ମଧ୍ୟରେ ରିୟାଙ୍କ ଭାଇ ସୌଭିକ ଚକ୍ରବର୍ତ୍ତୀ  ଏବଂ ସାମୁଏଲ ମିରାଣ୍ଡାଙ୍କୁ ମଧ୍ୟ ଗିରଫ କରାଯାଇଥିଲା ।

Categories
ଅପରାଧ ଆଜିର ଖବର ଜାତୀୟ ଖବର

ଅବୈଧ ସମ୍ପର୍କକୁ ନେଇ ପୁରୁଷ ଓ ମହିଳାଙ୍କୁ ଲଣ୍ଡା: ତିନି ଜଣ ଗିରଫ

ଉତ୍ତରପ୍ରଦେଶ: ଉତ୍ତରପ୍ରଦେଶର ମେନପୁରୀରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ସମାନ ସମ୍ପ୍ରଦାୟର ଜଣେ ଦଳିତ ବିଧବା ଏବଂ ଜଣେ ପୁରୁଷଙ୍କ ମଧ୍ୟରେ ସମ୍ପର୍କ ଥିବା ନେଇ ସ୍ଥାନୀୟ ଲୋକଙ୍କ ଦ୍ଵାରା ଉଭୟଙ୍କୁ ଧରି ଲଜ୍ଜିତ କରାଯାଇଥିଲା। ଶୁକ୍ରବାର ରାତିରେ ନାଗଲା ଗୁରୁବାକ୍ ଗ୍ରାମରେ ଏହି ଘଟଣା ଘଟିଛି।

ଉଭୟଙ୍କୁ ସର୍ବସାଧାରଣ ଆଗରେ ଲଣ୍ଡା କରିବା ସହିତ, ସେମାନଙ୍କ ମୁହଁକୁ କଳା କରାଯାଇଥିଲା। ସେମାନଙ୍କୁ ଜୋତାର ମାଳ ପିନ୍ଧାଇ ଅପମାନିତ କରାଯିବାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ପୋଲିସ ଘଟଣାସ୍ଥଳରେ ପହଞ୍ଚି ଉଭୟଙ୍କୁ ଉଦ୍ଧାର କରିଥିଲା।

ପୀଡିତାଙ୍କ ମଧ୍ୟରୁ ଜଣେ ଦେଇଥିବା ଅଭିଯୋଗକୁ ଭିତ୍ତି କରି ପୋଲିସ ଶନିବାର ଦିନ ତିନି ଜଣଙ୍କୁ ଗିରଫ କରିଛି। ମେନପୁରୀ ପୋଲିସ ଅଧୀକ୍ଷକ ଅଜୟ କୁମାର କହିଛନ୍ତି ଯେ ଆଇପିସି ଧାରା ୪୯୯ ଏବଂ ୫୦୦, ୨୬୯ ଏବଂ ୨୭୦ ଅନୁଯାୟୀ ୧୦ ଜଣ ଅଜଣା ମହିଳାଙ୍କ ସମେତ ୧୬ ଜଣଙ୍କ ବିରୋଧରେ ମାମଲା ରୁଜୁ ହୋଇଛି। ଅବଶିଷ୍ଟ ଅଭିଯୁକ୍ତଙ୍କ ପାଇଁ ଖୋଜାଖୋଜି ଚାଲିଥିବା ସେ କହିଛନ୍ତି।

ଗତ ତିନି ବର୍ଷ ଧରି ଏହି ଯୋଡିଙ୍କର ସମ୍ପର୍କ ଥିବା ସ୍ଥାନୀୟ ଲୋକ ଦାବି କରିଛନ୍ତି। (ଏଜେନ୍ସି)

Categories
ଆଜିର ଖବର ରାଜ୍ୟ ଖବର

୧.୩୦ କୋଟିରୁ ଅଧିକ ମୂଲ୍ୟର ବ୍ରାଉନ ସୁଗାର ଜବତ: ଜଣେ ଏମବିଏ ଛାତ୍ର ଗିରଫ

ଭୁବନେଶ୍ୱର: ଆଜି ଓଡ଼ିଶା କ୍ରାଇମ ବ୍ରାଞ୍ଚର ସ୍ୱତନ୍ତ୍ର ଟାସ୍କ ଫୋର୍ସ (ଏସଟିଏଫ) ୧.୩୦ କୋଟିରୁ ଅଧିକ ମୂଲ୍ୟର ବ୍ରାଉନ ସୁଗାର ଜବତ କରିଛି। ବାଲେଶ୍ଵର ଜିଲ୍ଲାର ଜଣେ ଏମବିଏ ଛାତ୍ରଙ୍କ ଠାରୁ ବ୍ରାଉନ ସୁଗାର ଜବତ ହୋଇଥିବା ପୋଲିସ ପ୍ରକାଶ କରିଛି। ଏସଟିଏଫ  ୧.୩୨୫ କିଲୋଗ୍ରାମ ଓଜନର ନିଶା ସାମଗ୍ରୀ ଜବତ  କରିବା ସହ ବାଲେଶ୍ଵର ସହରର ବସ ଷ୍ଟାଣ୍ଡ ଅଞ୍ଚଳରୁ ଏମବିଏ ଛାତ୍ର ଶେଖ ରିଆଜୁଦ୍ଦିନଙ୍କୁ ଗିରଫ କରିଛି। ଅଭିଯୁକ୍ତ ଜଣକ ଭୁବନେଶ୍ୱରରେ ଅଧ୍ୟୟନ କରୁଛି ବୋଲି ଜଣେ ଏସଟିଏଫ ଅଧିକାରୀ କହିଛନ୍ତି। ଅଧିକାରୀ କହିଛନ୍ତି ଯେ ସେମାନେ ବ୍ରାଉନ ସୁଗାରର ଉତ୍ସ ଏବଂ ରାକେଟର କିଙ୍ଗପିନ୍ ଖୋଜିବାକୁ ଚେଷ୍ଟା କରୁଛନ୍ତି। ଏସଟିଏଫ ୧୬.୭୧୧ କିଲୋଗ୍ରାମ ବ୍ରାଉନ ସୁଗାର ଜବତ କରିଛି ଏବଂ ଚଳିତ ବର୍ଷ ୪୧ ଟି ଡ୍ରଗ୍ ବେପାରୀଙ୍କୁ ଗିରଫ କରିଛି। (ଏଜେନ୍ସି)

Categories
ଅପରାଧ ଆଜିର ଖବର ରାଜ୍ୟ ଖବର

ନାବାଳିକା ଆତ୍ମହତ୍ୟା ଘଟଣା : ମୁଖ୍ୟ ଅଭିଯୁକ୍ତ ସହ ୬  ଗିରଫ

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: ଶନିବାର ଶାଗଵାହାଲି ଗାଁରେ ଏକତରଫା ପ୍ରେମ ନିବେଦନକୁ ନେଇ ନାବାଳିକା ଦଉଡି ଦେଇ ଆତ୍ମହତ୍ୟା କରିଥିଲେ।କଳାହାଣ୍ଡି ଜିଲ୍ଲା କୋକସରା ଥାନା ଅନ୍ତର୍ଗତ ତେଣ୍ଡାପାଲି ପଞ୍ଚାୟତ ଶାଗବାହାଳି ଗାଁର ଜନୈକା ନାବାଳିକା ଆତ୍ମହତ୍ୟା ଘଟଣା ରେ କୋକସରା ପୋଲିସ  ଜଣେ ନାବାଳକ ସହ ୫ ଜଣ ଯୁବକ ଙ୍କୁ ଗିରଫ କରିଛି। ମାମଲା ରେ ଯୁବକ ଙ୍କ ସମ୍ପୃକ୍ତି ଥିବା ସ୍ପଷ୍ଟ ହେବା ପରେ ଗିରଫ କରି କୋର୍ଟଚାଲାଣ କରାଯାଇଛି । ଏନେଇ କୋକସରା ଥାନା ଅଧିକାରୀ ବାସୁଦେବ ଛାତ୍ରୀଆ ଗଣମାଧ୍ୟମ କୁ ସୂଚନା ଦେଇଛନ୍ତି ।

ମିଳିଥିବା ସୂଚନା ଅନୁସାରେ ଶାଗବାହାଳି ଗାଁ ର ଦନ୍ତେଶ୍ୱର ବାଗଙ୍କ ୧୭ ବର୍ଷୀୟା ନାବାଳିକା ଝିଅ କୁ ପଡ଼ୋଶୀ ବେହେରା ଗାଁ ର ଜଣେ ଯୁବକ  ଏକ ତରଫା ପ୍ରେମ କରୁଥିଲା ଓ ବିଭିନ୍ନ ସମୟରେ ମୋବାଇଲ ରେ ସମ୍ପର୍କ କରିବାକୁ ଚେଷ୍ଟା କରିଥିଲେ। ତେବେ ନାବାଳିକା ଏହାକୁ ପ୍ରତ୍ୟାଖାନ କରିବାରୁ ଗତ ଶନିବାର ଦିନ ନିଜର କିଛି ସାଙ୍ଗକୁ ନେଇ ଝିଅ ଘରକୁ ଯାଇ ପରିବାରକୁ ଧମକ ଚମକ ଦେବା ସହ ଝିଅ କୁ ମଧ୍ୟ ଧମକ ଦେଇଥିବା ନେଇ ପରିବାର ଅଭିଯୋଗ ଆଣିଛନ୍ତି । ତେବେ ଲଜ୍ଜା ଓ ମାନସିକ ଚାପରେ ଆସି ନାବାଳିକା ଜଣକ ଗତ ରବିବାର ଦିନ ଆତ୍ମହତ୍ୟାକୁ ବାଛି ନେଇଥିଲେ। ଏହାକୁ ନେଇ ପରବର୍ତ୍ତୀ ଅବସ୍ଥାରେ ଝିଅର ପରିବାର ତରଫରୁ ଯୁବକର ଏକ ତରଫା ପ୍ରେମକୁ ନେଇ ମାନସିକ ଚାପରେ ଆସି ଝିଅ ଆତ୍ମହତ୍ୟା କରିଥିବା ଓ ଏହି ଘଟଣାରେ ସହଯୋଗ କରିଥିବା ସମସ୍ତଙ୍କୁ ଗିରଫ କରିବା ପାଇଁ ଲିଖିତ ଅଭିଯୋଗ କରିଥିଲେ ।  ଏହି ମାମଲା ରେ ପୋଲିସ ସମସ୍ତ ଅଭିଯୁକ୍ ଙ୍କୁ ଗିରଫ କରି କୋର୍ଟ ଚାଲାଣ କରିଛି ।

Categories
ଆଜିର ଖବର ଜାତୀୟ ଖବର

ଡ୍ରଗ୍ସ ରାକେଟ୍‌ର ପର୍ଦ୍ଦାଫାସ : ହଜାର କୋଟିର ହେରୋଇନ୍‌ ଜବତ

ମୁମ୍ବାଇ : ମୁମ୍ବାଇରେ ଏକ ବଡ ଡ୍ରଗ୍ସ ରାକେଟର ପର୍ଦ୍ଦାଫାସ ହୋଇଛି । ମୁମ୍ବାଇ ପୋଲିସ୍ ପକ୍ଷରୁ ଚଢାଉ କରାଯାଇ ପ୍ରାୟ ହଜାର କୋଟିର ଡ୍ରଗ୍ସ ଜବତ କରାଯାଇଛି। ଶନିବାର ବିଳମ୍ବିତ ରାତ୍ରିରେ ନହବା ସେବା ବନ୍ଦର ଉପରେ ଚଢାଉ କରାଯାଇ ବିପୁଳ ପରିମାଣରେ ଡ୍ରଗ୍ସ ଜବତ କରାଯାଇଛି । ଆଫଗାନିସ୍ତାନରୁ ଇରାନ ଦେଇ ଭାରତକୁ ଏହି ଡ୍ରଗ୍ସ ଚୋରାଚାଲାଣ କରାଯାଉଥିବା ଜଣାପଡିଛି । ବିଭିନ୍ନ ପ୍ଲାଷ୍ଟିକ୍ ପାଇପ୍ ମଧ୍ୟରେ ପୁରାଇ ଆୟୁର୍ବେଦିକ ଔଷଧ ନାଁରେ ଏହି ନିଶାଦ୍ରବ୍ୟ ଚୋରାଚାଲାଣ କରାଯାଉଥିଲା ।

ଡିଆରଆଇ ଏବଂ ମୁମ୍ବାଇ ପୋଲିସର ମିଳିତ ଚଢାଉରେ ଏହି ନିଶାଦ୍ରବ୍ୟ ଜବତ କରାଯାଇଥିଲା । 191 କିଗ୍ରାର ହେରୋଇନ୍ ଜବତ କରାଯାଇଥିବା ବେଳେ ଅନ୍ତର୍ଜାତୀୟ ବଜାରରେ ଏହାର ମୂଲ୍ୟ 1000 କୋଟି ଟଙ୍କା ହେବ ବୋଲି ସୂଚନା ରହିଛି। (ଏଜେନ୍ସି)

Categories
ଅପରାଧ ଆଜିର ଖବର ଜାତୀୟ ଖବର

ବିଦେଶୀ ମହିଳାଙ୍କୁ ଦୁଷ୍କର୍ମ ଅଭିଯୋଗ: ହୋଟେଲ ମାଲିକ ଗିରଫ

ଚଣ୍ଡିଗଡ: ହରିୟାଣାର ହିସାର ସହରର ଏକ ହୋଟେଲରେ ବିଦେଶୀ ମହିଳାଙ୍କୁ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି।

ସୂଚନାଯୋଗ୍ୟ କି, ଜଣେ ଥାଇଲ୍ୟାଣ୍ଡର ୪୦ ବର୍ଷ ବୟସ୍କା ମହିଳା ମାର୍ଚ୍ଚ ୩ ରେ ଦିଲ୍ଲୀ ଆସିଥିଲେ ଏବଂ ପରବର୍ତ୍ତୀ ସମୟରେ ସାଙ୍ଗମାନଙ୍କ ସହିତ ଏଠାରୁ ପ୍ରାୟ ୩୦୦ କିଲୋମିଟର ଦୂରରେ ଥିବା ହିସାର ସହରକୁ ଯାଇଥିଲେ। ମହିଳା ଜଣକ ଅଭିଯୋଗ କରିଛନ୍ତି ଯେ ହୋଟେଲ ମାଲିକ ତାଙ୍କ କୋଠରୀରେ ପ୍ରବେଶ କରି ତାଙ୍କୁ ଦୁଷ୍କର୍ମ କରିଥିଲେ। ଏବଂ ଅନ୍ୟ ଜଣେ ବ୍ୟକ୍ତି ମଧ୍ୟ ତାଙ୍କୁ ଯୌନ ନିର୍ଯାତନା ଦେବାକୁ ଚେଷ୍ଟା କରିଥିଲେ।

ହରିୟଣା ପୋଲିସ ଏକ ମାମଲା ରୁଜୁ କରି ହୋଟେଲ ମାଲିକ ଗୁଲଶାନଙ୍କୁ ଗିରଫ କରିବା ସହ ଏହି ଘଟଣାର ତଦନ୍ତ ଜାରି ରଖିଛି। (ଏଜେନ୍ସି)

Categories
ଆଜିର ଖବର ଜାତୀୟ ଖବର

ଗ୍ୟାଙ୍ଗଷ୍ଟର ବିକାଶ ଦୁବେ ଗିରଫ 

ଉଜ୍ଜୈନ୍‌ : ଉତ୍ତରପ୍ରଦେଶର ମୋଷ୍ଟ ୱାଣ୍ଟେଡ ବିକାଶ ଦୁବେ ଗିରଫ ।ମଧ୍ୟପ୍ରଦେଶ ଉଜୈନରୁ ବିକାଶ ଦୁବେ ଗିରଫ ହୋଇଥିବା ଜଣାପଡ଼ିଛି। ବିକାଶ ଦୁବେ ଉଜୈନର ମହାକାଳ ମନ୍ଦିର ଦର୍ଶନ ପାଇଁ ଯାଇଥିବା ବେଳେ  ପୋଲିସ ତାଙ୍କୁ ଗିରଫ କରିଥିଲା।

ମିଳିଥିବା ସୂଚନା ଅନୁସାରେ ବିକାଶ ମହାକାଳ ମନ୍ଦିର ଥାନାରେ ପହଞ୍ଚି ନିଜକୁ ‘ସରେଣ୍ଡର କରିଥିଲା ବୋଲି ସୂଚନା ରହିଛି । ପୋଲିସ୍‌ ବିକାଶ ଦୁବେକୁ ଗିରଫ କରି ତାଙ୍କୁ ମହାକାଳ ଥାନା ନେଇ ଆସିଛନ୍ତି ।  ବିକାଶ ଦୁବେଙ୍କ ସରେଣ୍ଡର ଖବର ମିଳିବା ପରେ ଏସ୍‌ଟିଏଫ୍‌ ଟିମ୍‌ ଛାନ୍‌ଭିନ୍‌ ପାଇଁ ଉଜ୍ଜୈନ ଯାଇଥିବାର ସୂଚନା ରହିଛି।

ସୂଚନାଯୋଗ୍ୟ, ଶୁକ୍ରବାର ଦିନ କାନପୁରରେ 8 ଜଣ ପୁଲିସ୍‌ କର୍ମୀଙ୍କୁ ବିକାଶ ହତ୍ୟା କରିବା ପରେ ଫେରାର ଥିଲା।  ଗୁରୁବାର ସକାଳେ ପୋଲିସ ଏନକାଉଣ୍ଟରରେ  ବିକାଶ ଦୁବେଙ୍କ ଦୁଇ ସହକର୍ମୀ ନିହତ ହୋଇଛନ୍ତି। (ଏଜେନ୍ସି)

Categories
ଆଜିର ଖବର ଜାତୀୟ ଖବର

ନାବାଳିକାକୁ ଦୁଷ୍କର୍ମ ଅଭିଯୋଗରେ କନଷ୍ଟେବଳ ଗିରଫ

ହାଇଦ୍ରାବାଦ: ୧୨ ବର୍ଷର ବାଳିକାକୁ ଯୌନ ନିର୍ଯାତନା ଅଭିଯୋଗରେ ହାଇଦ୍ରାବାଦ ପୋଲିସର ଜଣେ କନଷ୍ଟେବଳଙ୍କୁ ଗୁରୁବାର ଗିରଫ କରାଯାଇଛି। କନଷ୍ଟେବଳ ଭି ଏସ ଉମେଶ ନାବାଳିକାଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି।

ଖବର ମୁତାବକ, ଶିଖ ଗ୍ରାମରେ ପୀଡିତାଙ୍କ ଘର ପାଖରେ ରହୁଥିବା ୩୩ ବର୍ଷୀୟ କନଷ୍ଟେବଳ ଜଣକ ଝିଅଟି ଏକୁଟିଆ ଥିବାବେଳେ ତାଲା ପକାଇ ଏପରି ଜଘନ୍ୟ  ଅପରାଧ କରିଥିଲା। ଦୁଷ୍କର୍ମ ପରେ ଅଭିଯୁକ୍ତ ଜଣକ ଝିଅଟିକୁ ଧମକ ଦେଇଥିଲା ଯେ ଯଦି ସେ କାହାକୁ ଜଣାନ୍ତି ତେବେ ତାଙ୍କୁ ହତ୍ୟା କରାଯିବ।

ତେବେ ପୀଡିତାଙ୍କ ପରିବାର ବୋଡେନପାଲି ପୋଲିସ ଷ୍ଟେସନରେ ପହଞ୍ଚି ଲିଖିତ ଅଭିଯୋଗ କରିଥିଲା। ହାଇଦ୍ରାବାଦ ପୋଲିସ କମିଶନର ଅଞ୍ଜାନି କୁମାର ଅଭିଯୁକ୍ତ କନଷ୍ଟେବଳକୁ ଗିରଫ ଘୋଷଣା କରିଛନ୍ତି। ପୀଡିତାଙ୍କ ବକ୍ତବ୍ୟକୁ ଭିତ୍ତି କରି ପୋଲିସ ଭାରତୀୟ ପେନାଲ କୋଡର ଧାରା ୩୭୬ (୩), ୫୦୬ ଏବଂ ଶିଶୁମାନଙ୍କୁ ଯୌନ ଅପରାଧ ସୁରକ୍ଷା (ପୋସ୍କୋ) ଅଧିନିୟମ ଅନୁଯାୟୀ ଗିରଫ କରାଯାଇ ମାମଲା ରୁଜ୍ଜୁ କରାଯାଇଛି। (ଏଜେନ୍ସି)

Categories
ଆଜିର ଖବର ଜାତୀୟ ଖବର

ଲକ ଡାଉନ୍‌ ସମୟରେ ମଦ ଚୋରାଚାଲାଣ, କନେଷ୍ଟବଳ ସମେତ ଚାରି ଗିରଫ

ନୂଆଦିଲ୍ଲୀ : ଲକଡାଉନ୍‌ ସମୟରେ ମଦ ତସ୍କରୀ ଅପରାଧରେ ଦିଲ୍ଲୀ ପୋଲିସ୍‌ର ଜଣେ କନେଷ୍ଟବଳଙ୍କ ସମେତ ଚାରିଜଣ ଗିରଫ ହୋଇଛନ୍ତି । ରବିନ୍ଦ୍ର ନାମକ ଏହି କନେଷ୍ଟବଳ ଜଣକ ବେଗପୁର ପୋଲିସ୍‌ ଥାନାରେ ନିୟୋଜିତ ଥିଲେ। ସେ ତାଙ୍କ ସାଥୀମାନଙ୍କ ସହିତ ମଦ ଚୋରାଚାଲାଣରେ ସାମିଲ୍‌ ରହିଥିଲେ ।

ପୋଲିସ୍‌ ଏହି ଘଟଣା ସମ୍ପର୍କରେ ସୂଚନା ମିଳିବା ପରେ ତତକ୍ଷଣାତ୍‌ କାର୍ଯ୍ୟାନୁଷ୍ଠାନ କରିଛି । ମିଳିଥିବା ସୂଚନା ଅନୁସାରେ ପୋଲିସ୍‌କୁ ଜହାଙ୍ଗିରୀପୁରୀଠାରେ ଏକ ହୋଟେଲ୍‌ ସାମ୍ନାରୁ କନେଷ୍ଟବଳଙ୍କ ସମେତ ତାଙ୍କ ସାଥୀଙ୍କୁ ଧରିବାରେ ସଫଳ ହୋଇଥିଲା ।  50 ବୋତଲ ମଦ ଜବତ ହେବା ସହିତ ଏହି ଅପରାଧୀମାନଙ୍କ ବିରୋଧରେ ମାମଲା ଦାଏର କରାଯାଇଛି ।

କରୋନା ସହ ମୁକାବିଲା କରିବା ପାଇଁ ଦେଶରେ ମାର୍ଚ୍ଚ 24ରୁ ଲକ୍ ଡାଉନ୍‌ ଜାରି ରହିଛି । ଏହି ଲକ୍‌ ଡାଉନ୍‌ ସମୟରେ ରାଜ୍ୟର ସମସ୍ତ ମଦଦୋକାନକୁ ବନ୍ଦ କରାଯିବା ସହିତ ମଦ ବିକ୍ରି ଉପରେ ପ୍ରତିବନ୍ଧକ ଲଗାଯାଇଛି । ଏପରି ସମୟରେ ଜଣେ ପୋଲିସ କର୍ମୀଙ୍କ ଦ୍ବାରା ମଦ ଚୋରାଚାଲାଣ ଓ ପୋଲିସ୍‌ର ଯାଞ୍ଚ ଚର୍ଚ୍ଚାର ଶରବ୍ୟ ପାଲଟିଛି ।

Categories
ଆଜିର ଖବର ଜାତୀୟ ଖବର

ଲକଡାଉନ ସମୟରେ ଜୀବିତଙ୍କୁ ମୃତ ଦର୍ଶାଇ ଆମ୍ବୁଲାନ୍ସରେ ଯାଉଥିଲେ ଘରକୁ: ଚାଳକ ଗିରଫ, ଅନ୍ୟ ଚାରିଜଣ କ୍ବାରେଣ୍ଟାଇନ୍‌ରେ

ଶ୍ରୀନଗର: କରୋନା ଭାଇରସରୁ ମୁକୁଳିବା ପାଇଁ କେନ୍ଦ୍ର ସରକାର ଭାରତକୁ 21 ଦିନିଆ ଲକଡାଉନ ଘୋଷଣା କରିଥିବା ବେଳେ କିଛି ସ୍ଥାନରେ ଏହାର ଉଲ୍ଲଂଘନ ହେଉଛି । ଏପ୍ରିଏଲ୍‌୧୪ ତାରିଖ ପର୍ଯ୍ୟନ୍ତ ଦେଶରେ ଲକ୍‌ଡାଉନ୍‌ ଜାରି ରହିଥିବାବେଳେ ସାଧାରଣ ପରିବହନ ବ୍ୟବସ୍ଥା ବନ୍ଦ ହୋଇଯାଇଛି।

ଜମ୍ମୁ କଶ୍ମୀରର ପୁଂଛ ଜିଲ୍ଲାରେ ଜଣେ ଜୀବିତ ଲୋକଙ୍କୁ ମୃତ ଦର୍ଶାଇ ଆମ୍ବୁଲାନ୍ସରେ ଘରକୁ ନିଆଯାଉଥିବା ବେଳେ ପୋଲିସ ହାତରେ ଧରାପଡ଼ିଛି । ସୁରନକୋଟରେ ଧରାପଡ଼ିଥବା ଏହି ଆମ୍ବୁଲାନ୍ସ ଭିତରେ ଜଣେ ଜୀବିତ ବ୍ୟକ୍ତି ଶୋଇଥିବା ବେଳେ ଅନ୍ୟ ଚାରି ଜଣ ବସିଥିଲେ । ମିଛ ମୃତ୍ୟୁ ପ୍ରମାଣପତ୍ର ମଧ୍ୟ ସେମାନଙ୍କ ପାଖେ ରହିଥିଲା । ପୋଲିସ ଆମ୍ବୁଲାନ୍ସ ଚାଳକଙ୍କୁ ଗିରଫ କରି ଅନ୍ୟ ଚାରି ଜଣଙ୍କୁ କ୍ୱାରେଣ୍ଟାଇନରେ ରଖିଛି । ଏଥି ସହିତ ପୋଲିସ ଆମ୍ବୁଲାନ୍ସ ଓ ମିଛ ମୃତ୍ୟୁ ପ୍ରମାଣପତ୍ରକୁ ମଧ୍ୟ ଜବତ କରିଛି । ପୋଲିସ୍‌ ପାଞ୍ଚ ଜଣଙ୍କ ବିରୋଧରେ ଆଇପିସି ଧାରା 188, 269, 420, 109 ଅନ୍ତର୍ଗତ ମାମଲା ରୁଜୁ କରିଛି ।(ଏଜେନ୍ସି)

Categories
ଅପରାଧ ଆଜିର ଖବର ରାଜ୍ୟ ଖବର

ଲକଡାଉନ ସ୍ଥିତିରେ ବେଆଇନ ମଦ କାରବାର: କଳାହାଣ୍ଡି ପୋଲିସର ଦୃଢ ପଦକ୍ଷେପ, କଳାବଜାରୀ ଗିରଫ

ଦୁଷ୍ମନ୍ତ ପଣ୍ଡା

କଳାହାଣ୍ଡି: କୋଭିଡ ୧୯ ନିୟମାବଳୀ ଏବଂ ସରକାରଙ୍କ ଲକଡାଉନ ବ୍ୟବସ୍ଥାକୁ ବେଖାତିର କରି ଅତ୍ୟନ୍ତ ଲଜ୍ଜାହୀନ ଭାବେ ଭବାନୀପାଟଣା ସହରସ୍ଥିତ କେସିଙ୍ଗା ରାସ୍ତା ଏନଏଚ-୨୬ ପାଶ୍ୱର୍ରେ ଥିବା ହିନ୍ଦ ପ୍ଲାଜାରେ ବେଆଇନ ଭାବେ ବିଦେଶୀ ମଦ ବିକ୍ରୀ ହେଉଥିବା ଖବର ମିଳିବା ପରେ ଟାଉନ ଥାନା ପକ୍ଷରୁ ଚଢାଉ କରାଯାଇଥିଲା। କଳାହାଣ୍ଡି ଏସପି ବାତୁଲା ଗଙ୍ଗାଧରଙ୍କ ନିର୍ଦ୍ଦେଶରେ ଟାଉନ ଥାନା ଆଇଆଇସି ସତ୍ୟକୁମାର ନନ୍ଦଙ୍କ ନେତୃତ୍ୱରେ ଚଢାଉ କରାଯାଇ ୧୨ ଗୋଟି ବିଦେଶୀ ମଦ ବୋତଲରେ ୯ ଲିଟର ମଦ ଜବତ କରି ଟାଉନ ଥାନା କେଶ ନଂ.୧୧୬ ଧାରା ୨୬୯/୨୭୦/୨୭୧/୧୮୮/୩୪ ଆଇପିସି ତଥା ୫୪ ବ୍ୟାପକ କ୍ଷୟକ୍ଷତି ପରିଚାଳନା ଆଇନ ଏବଂ ୫୨(ଏ)/୬୯ ଓଡିଶା ଅବକାରୀ ଆଇନ ଅନୁସାରେ ଏକ କେଶ ରୁଜ୍ଜୁ କରି ହିନ୍ଦ ପ୍ଲାଜା ର ମାଲିକ ବିକ୍ରମ ଜିତ ସିଂ ଙ୍କ ସମେତ ବିହାର ରାଜ୍ୟରୁ ଆସି ହୋଟେଲରେ କାମ କରୁଥିବା ହୋଟେଲ ମେନେଜର ଗୁଡୁ କୁମାର ଯାଦବ ପି- ରାଜେନ୍ଦ୍ର ଯାଦବ ଏବଂ ୱେଟର ଅନୀଲ କୁମାର ଯାଦବ ପି- ଗୌରୀ ଯାଦବ ଙ୍କୁ ଗିରଫ କରାଯାଇଥିବା ପୋଲିସ ସୂତ୍ରରୁ ପ୍ରକାଶ।

ସେହିପରି ବେଆଇନ ଭାବେ ଦେଶୀ ମଦ କାରବାର କରୁଥିବା ଭବାନୀପାଟନା ସଦର ଥାନା ଅନ୍ତର୍ଗତ ଭୈରବପୁର ସ୍ଥିତ ନରେନ୍ଦ୍ର ନାଗ (୨୮) ପି.ଲକ୍ଷ୍ମୀଧର ନାଗ ଙ୍କ ଠାରୁ ୬ ଲିଟର ଏବଂ କାଶୀ କରୁୱା ( ୪୦) ପି.ଭୀମ କରୁୱା ଙ୍କ ଠାରୁ ୭ ଲିଟର ଦେଶୀ ମଦ ଜବତ କରାଯାଇ ସଦର ଥାନା କେଶ ନମ୍ବର ଯଥାକ୍ରମେ ୧୧୦ ଓ ୧୦୯ ଧାରା ୨୬୯/୨୭୦/୧୮୮ ଆଇପିସି, ଏବଂ ୫୨ (ଏ) ଓଡିଶା ଅବକାରୀ ଆଇନ ଅନୁସାରେ କେଶ ରୁଜ୍ଜୁ କରି ଗିରଫ କରିଥିବା ପୋଲିସ ସୂତ୍ରରୁ ପ୍ରକାଶ।

ସେହିପରି ଜୁନାଗଡ ସହର ପ୍ରୋଜେକ୍ଟ ପଡାସ୍ଥିତ କମଳ ସୁନାନୀ ( ୫୬) ପି- ଉପେନ୍ଦ୍ର ସୁନାନୀ ୧୫ ଗୋଟୀ ବିଦେଶୀ ମଦ ବୋତଲ ୫.୪ ଲିଟର ରଖି ବେଆଇନ କାରବାର କରୁଥିବା ଅଭିଯୋଗରେ ଜୁନାଗଡ ଥାନା କେଶ ନଂ. ୧୦୬ ଧାରା ୧୮୮/୨୬୯/୨୭୦ ଆଇପିସି ତଥା ୫୨(ଏ) ଓଡିଶା ଅବକାରୀ ଆଇନ ଅନୁସାରେ ଗିରଫ କରାଯାଇଥିବା ଜୁନାଗଡ ଓଆଇସି ଉତମ କୁମାର ସାହୁଙ୍କ ସୂତ୍ରରୁ ପ୍ରକାଶ।

ଜୁନାଗଡ ଥାନା ଅନ୍ତର୍ଗତ ବଳଦିଆମାଳ ଠାରେ ବିଦେଶୀ ମଦ ରଖି କାରବାର କରୁଥିବା ଅଭିଯୋଗରେ ବଲଦିଆମାଳ ଗ୍ରାମର ଦିବ୍ୟ ନାଗ ( ୫୨) ପି.ଭାଳ ନାଗ ଙ୍କୁ ଗିରଫ କରିଥିବା ଜଣାପଡିଛି। କୋଭିଡ ୧୯ ନିୟମାବଳୀ ଏବଂ ସରକାରଙ୍କ ଲକଡାଉନ ବ୍ୟବସ୍ଥାକୁ ବେଖାତିର କରି ଅତ୍ୟନ୍ତ ଲଜ୍ଜାହୀନ ଭାବେ ବେଆଇନ ବିଦେଶୀ ମଦ କାରବାର କରାଯାଉଥିବା ଖବର ପାଇ ଜୁନାଗଡ ଓଆଇସି ଉତ୍ତମ କୁମାର ସାହୁ ଚଢଉ କରି ଚତୁରତାର ସହିତ ଇଟା ଗଦା ମଧ୍ୟରେ ସୁସଜ୍ଜିତ ଭାବେ ରଖାଯାଇ ବେଆଇନ ଭାବେ କାରବାର କରୁଥିବା ବେଳେ ବିଭିନ୍ନ କିସମର ବୋତଲ ଗୁଡିକରେ ମୋଟ ୭୮.୩୪ ଲିଟର ବିଦେଶୀ ମଦ ଜବତ କରିଥିବା ପୋଲିସ ସୂତ୍ରରୁ ପ୍ରକାଶ।

ବର୍ତ୍ତମାନ ଲକଡାଉନ ସ୍ଥିତିରେ ମଦୁଆମାନଙ୍କ ଚାହିଦା ପୂରଣ କରିବା ପାଇଁ ତଥା ଅଧିକ ଲାଭ ଉଠାଇବା ପାଇଁ ଗ୍ରାମାଂଚଳରେ ଏଭଲି ଅନେକ ସ୍ଥାନରେ ଏଭଳି ବେଆଇନ କାରବାର ହେଉଥାଇପାରେ। ଅବକାରୀ ବିଭାଗ ଦ୍ୱାରା ଅତର୍କିତ ଚଢାଉ କରାଗଲେ ବେଆଇନ କାରବାର ବନ୍ଦ ହୋଇପାରିବ ବୋଲି ବୁଦ୍ଧିଜୀବି ମହଲରେ ମତ ପ୍ରକାଶ ପାଇବାରେ ଲାଗିଛି।

Categories
ଅପରାଧ ଆଜିର ଖବର ଜାତୀୟ ଖବର

କରୋନାଭାଇରସର ମିଥ୍ୟା ଖବର ଏବଂ ଗୁଜବ ପ୍ରଚାର କରୁଥିବା ବ୍ୟକ୍ତିଙ୍କୁ ପୋଲିସର ଚେତାବନୀ

ହାଇଦ୍ରାବାଦ: କରୋନାଭାଇରସର ମିଥ୍ୟା ଖବର ଏବଂ ଗୁଜବ ପ୍ରଚାର କରୁଥିବା ବ୍ୟକ୍ତିଙ୍କୁ ଏକ ବର୍ଷ ପର୍ଯ୍ୟନ୍ତ ଜେଲ ଦଣ୍ଡ ହୋଇପାରେ ବୋଲି ହାଇଦ୍ରାବାଦ ପୋଲିସ ଚେତାବନୀ ଦେଇଛି। କରୋନାଭାଇରସ୍ କୁ ପ୍ରତିରୋଧ ପାଇଁ ରାଜ୍ୟ ସରକାର ବନ୍ଦ ଘୋଷଣା କରିଥିବାବେଳେ ତେଲେଙ୍ଗନା ପୋଲିସ ମଧ୍ୟ ଗୁଜବ ଏବଂ ମିଥ୍ୟା ଖବର ବିରୋଧରେ କଡା ଚେତାବନୀ ଦେଇଛି।

ମିଥ୍ୟା ଖବର ଏବଂ ଗୁଜବ ସମାଜ ପାଇଁ ଖରାପ ବୋଲି ପୋଲିସ କମିଶନର ଅଞ୍ଜାନୀ କୁମାର କହିଛନ୍ତି। ସେ କହିଛନ୍ତି ଯେଉଁମାନେ ସୋସିଆଲ ମିଡିଆରେ ମିଥ୍ୟା ତଥ୍ୟ ପ୍ରଚାର କରୁଛନ୍ତି ଏବଂ କରୋନାଭାଇରସରେ ଆତଙ୍କ ସୃଷ୍ଟି କରୁଛନ୍ତି, ସେମାନେ ଜାତୀୟ ବିପର୍ଯ୍ୟୟ ପରିଚାଳନା ପ୍ରାଧିକରଣ ଅଧିନିୟମ ଅନୁଯାୟୀ ଦଣ୍ଡବିଧାନ କରାଯିବ। ଏହି ଅଧିନିୟମ ଅନୁଯାୟୀ ଦଣ୍ଡ ଏକ ବର୍ଷ ପର୍ଯ୍ୟନ୍ତ ଜେଲ ଓ ଜୋରିମାନା ହୋଇପାରେ ବୋଲି ସେ କହିଛନ୍ତି।

ସମସ୍ତ ଶିକ୍ଷାନୁଷ୍ଠାନ ବନ୍ଦ ହେବା ଏବଂ ସାଧାରଣ ସଭାକୁ ନିଷିଦ୍ଧ କରିବା ଘୋଷଣା କରି ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ ଶନିବାର ରାତିରେ କରୋନାଭାଇରସ୍ ମାମଲା ସମ୍ବନ୍ଧରେ ଅନିଶ୍ଚିତ ଖବର ପ୍ରକାଶନ କିମ୍ବା ପ୍ରସାରଣ ନକରିବାକୁ ଗଣମାଧ୍ୟମକୁ ଚେତାବନୀ ଦେଇଛନ୍ତି। କରୋନାଭାଇରସ୍ ମାମଲା ସମ୍ପର୍କରେ ସ୍ୱାସ୍ଥ୍ୟ ବିଭାଗ ପକ୍ଷରୁ ପ୍ରକାଶିତ ତଥ୍ୟକୁ କଡାକଡି କରିବାକୁ ସେ ଗଣମାଧ୍ୟମକୁ କହିଛନ୍ତି। ମିଥ୍ୟା ଖବର ପ୍ରଚାର କରୁଥିବା ବ୍ୟକ୍ତିମାନେ କଠୋର କାର୍ଯ୍ୟାନୁଷ୍ଠାନର ସମ୍ମୁଖୀନ ହେବେ ବୋଲି ସେ କହିଛନ୍ତି।

 

Categories
ଅପରାଧ ଆଜିର ଖବର ଜାତୀୟ ଖବର

ନକଲି ଗଡମ୍ୟାନ ତଥା “କରୋନା ୱାଲା ବାବା”କୁ ଗିରଫ କଲା ପୋଲିସ

ଲକ୍ଷ୍ନୌ: ଉତ୍ତରପ୍ରଦେଶ ପୋଲିସ ଜଣେ ନକଲି ଗଡମ୍ୟାନ ତଥା “କରୋନା ୱାଲ ବାବା” କୁ ଗିରଫ କରିଛି। ଏହି ନକଲି ଗଡମ୍ୟାନ ତଥା “କରୋନା ୱାଲ ବାବା” ହେଉଛି ଡାଲିଗଞ୍ଜ ଅଞ୍ଚଳର ଅହମ୍ମଦ ସିଦ୍ଦିକି।

ସେ ତାଙ୍କ ଦୋକାନ ବାହାରେ ଏକ ବୋର୍ଡ ଲଗାଇ ମାରାତ୍ମକ ଜୀବାଣୁଙ୍କ ଉପଶମ ପାଇଥିବାର ଦାବି କରିଥିଲେ। ସେ କରୋନାଭାଇରସକୁ ଆରୋଗ୍ୟ କରିବାକୁ ଦାବି କରି କେବଳ ୧୧ ଟଙ୍କାରେ ତାବିଜ ବିକ୍ରି କରୁଥିବାର ବୋର୍ଡରେ ଲେଖିଥିଲେ। ଏହାସହିତ ଯେଉଁମାନେ ମାସ୍କ ପିନ୍ଧି ପାରିବେ ନାହିଁ ସେମାନେ କରୋନାକୁ ଦୂରେଇ ରଖିବା ପାଇଁ ତାବିଜ ବ୍ୟବହାର କରିପାରିବେ ବୋଲି କହିଥିଲେ।

ମୁଖ୍ୟ ଚିକିତ୍ସା ଅଧିକାରୀ ଏହି ବିଷୟରେ ପୋଲିସକୁ ଅବଗତ କରାଇବା ପରେ ପୋଲିସ ଠକେଇ ଓ ଜାଲିଆତି ଅଭିଯୋଗରେ ତାଙ୍କୁ ଗିରଫ କରିଛି। ଅତିରିକ୍ତ ପୋଲିସ କମିଶନର (ପଶ୍ଚିମ) ବିକାଶ ଚନ୍ଦ୍ର ତ୍ରିପାଠୀ କହିଛନ୍ତି ଯେ ଅଭିଯୁକ୍ତ ନିଜକୁ “କରୋନା ୱାଲ ବାବା” ବୋଲି କହୁଛନ୍ତି ଏବଂ ନିରୀହ ଲୋକଙ୍କୁ ପ୍ରତାରଣା କରୁଛନ୍ତି।

ଉଲ୍ଲେଖଯୋଗ୍ୟ ଯେ ବର୍ତ୍ତମାନ ଲକ୍ଷ୍ନୌରେ  କରୋନାଭାଇରସର ଦୁଇଜଣ ରୋଗୀଙ୍କୁ ଚିହ୍ନଟ କରାଯାଇ ଚିକିତ୍ସା କରାଯାଉଥିବାବେଳେ  ୧୧ ଜଣ ସନ୍ଦିଗ୍ଧଙ୍କୁ ପୃଥକ ପୃଥକ ୱାର୍ଡରେ ରଖାଯାଇଛି ଏବଂ ସେମାନଙ୍କ ରିପୋର୍ଟକୁ ଅପେକ୍ଷା କରାଯାଇଛି।

 

Categories
ଆଜିର ଖବର ଜାତୀୟ ଖବର

ଏକ ଲକ୍ଷ ଟଙ୍କା ଲାଞ୍ଚ ମାଗିବା ଅଭିଯୋଗରେ କନଷ୍ଟେବଳ ଏବଂ ଓକିଲ ଗିରଫ

ନୂଆଦିଲ୍ଲୀ: ଜଣେ ଅଭିଯୁକ୍ତଙ୍କ ବିରୋଧରେ ମାମଲା ଛାଡିବା ବଦଳରେ ଏକ ଲକ୍ଷ ଟଙ୍କା ଲାଞ୍ଚ ମାଗିବା ଅଭିଯୋଗରେ କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) ଦିଲ୍ଲୀ ପୋଲିସ କନଷ୍ଟେବଳ ତଥା ଜଣେ ଓକିଲଙ୍କୁ ଗିରଫ କରିଛି। ଗିରଫ ହୋଇଥିବା ହାଭିଲଦାରଙ୍କ ନାମ ସତ୍ୟ ନାରାୟଣ ଏବଂ ଓକିଲଙ୍କ ନାମ ସୋନି। ସେମାନେ ଜଣେ ବ୍ୟକ୍ତିଙ୍କଠାରୁ ଏକ ଲକ୍ଷ ଟଙ୍କା ଲାଞ୍ଚ ମାଗିଥିଲେ।

ସିବିଆଇରେ ଅଭିଯୋଗ କରିଥିବା ବ୍ୟକ୍ତି ପ୍ରକୃତରେ ଅଳଙ୍କାର ଚୋରି ମାମଲାରେ ଅଭିଯୁକ୍ତ ଥିଲେ ଏବଂ ତାଙ୍କ ବିରୋଧରେ ମାମଲା ପଞ୍ଜୀକୃତ ହୋଇଥିଲା। ପ୍ରସାଦ ନଗର ପୋଲିସ ଷ୍ଟେସନରେ ଡେପୁଟି କମିଶନର ପୋଲିସ (ଡିସିପି) ସଞ୍ଜୟ ଭାଟିଆ ଏହି ଘଟଣା ବିଷୟରେ ଅବଗତ କରାଇଛନ୍ତି। ଡିସିପିଙ୍କ ଅନୁଯାୟୀ, ଜାନୁଆରୀ ୨୨ତାରିଖରେ ପ୍ରସାଦ ନଗର ପୋଲିସ ଷ୍ଟେସନରେ ଏକ ଚୋରି ମାମଲା (କେସ ନଂ-୨୧) ରେଜିଷ୍ଟ୍ରେସନ୍ ହୋଇଥିଲା। ସୁନା ଅଳଙ୍କାର ଚୋରି ହୋଇଥିବା ଏହି ମାମଲାର ତଦନ୍ତ ହାଭିଲଦାର ସତ୍ୟ ନାରାୟଣ  କରୁଥିଲେ। ଏହି ମାମଲାର ସମାଧାନ ପାଇଁ ଜଣେ ଓକିଲଙ୍କ ମାଧ୍ୟମରେ ଅଭିଯୁକ୍ତଙ୍କଠାରୁ ଏକ ଲକ୍ଷ ଟଙ୍କା ମାଗିଥିଲେ। ଏହା ପରେ ଅଭିଯୁକ୍ତ ନାରାୟଣଙ୍କ ବିରୋଧରେ ସିବିଆଇ ନିକଟରେ ଅଭିଯୋଗ କରିଥିଲେ।

ଶନିବାର ଦିନ ସିବିଆଇ ଟିମ୍ ପ୍ରଥମେ ଓକିଲଙ୍କୁ ଗିରଫ କରିଥିଲା। ରାତିରେ ପ୍ରସାଦ ନଗର ଥାନାରେ କାର୍ଯ୍ୟରତ ହାବିଲଦାର ସତ୍ୟ ନାରାୟଣଙ୍କୁ ମଧ୍ୟ ଗିରଫ କରାଯାଇଥିଲା। ଅଭିଯୁକ୍ତ ହାଭିଲଦାରଙ୍କ ବିରୋଧରେ ବିଭାଗୀୟ ତଦନ୍ତ ନିର୍ଦ୍ଦେଶ ଦିଆଯାଇଛି। ଏହି ଅନୁସନ୍ଧାନକୁ ଭିତ୍ତି କରି ଏବଂ ସିବିଆଇରୁ ମିଳିଥିବା ଦଲିଲଗୁଡ଼ିକ ଅଭିଯୁକ୍ତ ହାଭିଲଦାରଙ୍କ ବିରୋଧରେ ଅଧିକ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବ ବୋଲି ପୋଲିସ କହିଛି। (ଏଜେନ୍ସି)

Categories
ଆଜିର ଖବର ଜାତୀୟ ଖବର ବ୍ୟବସାୟ

ରାଣା କପୁରଙ୍କୁ ଗିରଫ କଲା ଇଡି

ମୁମ୍ବାଇ : ୟେସ୍‌ ବ୍ୟାଙ୍କର ପ୍ରତିଷ୍ଠାତା ରାଣା କପୁରଙ୍କୁ ଗିରଫ କରିଛି ଇଡି । ଦୀର୍ଘ ସମୟର ମାରାଥନ ଜେରା ପରେ ଇଡି କପୁରଙ୍କୁ ଗିରଫ କରିଛି । ଦେୱାନ ହାଉସିଂ ଫାଇନାନ୍ସ କର୍ପୋରେସନ୍ ଲିମିଟେଡ୍ ସହିତ ଆର୍ଥିକ ଅନିୟମିତତା ଅଭିଯୋଗ କାରଣରୁ ଇଡି ରାଣାଙ୍କୁ ଗିରଫ କରିଛି । ଇଡି ପକ୍ଷରୁ ରାଣାଙ୍କ ନାମରେ ଅର୍ଥ ହେରଫେର ମାମଲା ରୁଜୁ କରାଯାଇଛି । ୟେସ୍‌ ବ୍ୟାଙ୍କର ଏକ ସେଲ୍‌ କମ୍ପାନୀ ନିକଟରୁ 600 କୋଟିର ଅର୍ଥ ନେଇଥିବା ଅଭିଯୋଗରେ ଏହି ଅର୍ଥ ହେରଫେର ମାମଲା ରୁଜୁ କରାଯାଇଛି । ଆଜି ଦିନ 11ଟା ସମୟରେ ରାଣାଙ୍କୁ କୋର୍ଟରେ ହାଜର କରାଯିବ । (ଏଜେନ୍ସି)

Categories
ଅପରାଧ ଆଜିର ଖବର ଜାତୀୟ ଖବର

ଡ୍ରଗ୍ସ ପାଇଁ ଚାରି ଜଣଙ୍କୁ ପଥରରେ ଛେଚି ହତ୍ୟା କଲା ଛାତ୍ର

ସାଲେମ୍‌ : ନିଶା ସେବନ ପାଇଁ 4 ଜଣଙ୍କୁ ପଥରରେ ଛେଚି ହତ୍ୟା କରିଛି ଜଣେ ଛାତ୍ର । ଡ୍ରଗ୍ସ ସେବନ ପାଇଁ ଜଣେ ସିକ୍ୟୁରିଟି ଗାର୍ଡ ଏବଂ ତିନି ଜଣ ଭିକାରୀଙ୍କୁ ପଥରରେ ଛେଚି ହତ୍ୟା କରିଥିଲା ଏହି 20 ବର୍ଷୀୟ ଯୁବକ । ଡିସେମ୍ବରରେ ପ୍ରଥମ ହତ୍ୟା ହୋଇଥିବା ବେଳେ ଫେବୃୟାରୀ ପ୍ରଥମ ସପ୍ତାହରେ ଅନ୍ୟ ତିନି ହତ୍ୟା ହୋଇଥିଲା । ପଇସା ନଥିବାରୁ ଗଞ୍ଜେଇ ଟାଣିବା ପାଇଁ ଏହି 20 ବର୍ଷୀୟ ଯୁବକ ପ୍ରଥମେ ଜଣେ ସିକ୍ୟୁରିଟି ଗାର୍ଡକୁ ହତ୍ୟା କରିଥିଲା । ପରେ ଫେବୃୟାରୀ ମାସର ପ୍ରଥମ ସପ୍ତାହରେ ଅନ୍ୟ ତିନି ଜଣ ଭିକାରୀଙ୍କୁ ପଥରରେ ଛେଚି ହତ୍ୟା କରିଥିଲା । ଗଞ୍ଜେଇ ଟାଣିବା ପାଇଁ ପଇସା ନଥିବାରୁ ଏହି 4 ଜଣଙ୍କୁ ହତ୍ୟା କରିଥିଲା । ଉଲ୍ଲେଖଯୋଗ୍ୟ ଯେ, ଅଭିଯୁକ୍ତର ନାମ ଏମ୍‌ ଅନ୍ଦିସାମି ଦଶମରେ ନିଜ ସ୍କୁଲର ଟପ୍ପର ରହିଥିଲେ । ମାତ୍ର ପରବର୍ତ୍ତୀ ସମୟରେ ପାଠ ନପଢିପାରିବାରୁ ସେ ନିଶା ଏବଂ ଅନ୍ୟାନ୍ୟ ଖରାପ ଅଭ୍ୟାସରେ ପଡି ଯାଇଥିଲା । (ଏଜେନ୍ସି)