![](https://thesamikhsya.com/odia/wp-content/uploads/2024/01/delet1-13.jpg)
କନ୍ଦର୍ପ ବେହେରା
ରେଢ଼ାଖୋଲ: ଦେଶୀ ବନ୍ଧୁକ ଧରି ଧମକ ଚମକ ଦେବା ଅଭିଯୋଗରେ ସମ୍ବଲପୁର ଜିଲ୍ଲା ଚାରମାଳ ଥାନା ଅଂଚଳର ଜଣେ ଯୁବକକୁ ଗିରଫ କରିଛି ଚାରମାଳ ପୋଲିସ। ଗିରଫ ଯୁବକ ଜଣଙ୍କ ହେଲେ ଚାରମାଳ ଥାନା ବରିହାସାହିର ତପନ ମିର୍ଦ୍ଧା(୨୬)।
ପୋଲିସ୍ ସୂତ୍ରରୁ ପ୍ରକାଶ ଯେ, ଚାରମାଳ ଥାନା ବରିହାସାହିର ତପନ ମିର୍ଦ୍ଧା ମଙ୍ଗଳବାର ଦିନ ସନ୍ଧ୍ୟା ସମୟରେ ଏକ ଦେଶୀ ବନ୍ଧୁକ ଧରି ନିଜ ଗାଁ ବରିହାସାହି ର ବାସିନ୍ଦା ଦୁଃଶାସନ ମିର୍ଦ୍ଧା ଙ୍କ ଘର ଭିତରକୁ ଯାଇ ଗାଳି ଗୁଲଜ କରି ଜୀବନ ରେ ମାରି ଦେବାକୁ ଧମକ ଚମକ ଦେଇଥିଲେ। ଯୁବକ ତପନ ମିର୍ଦ୍ଧା ରାଶିବେଡା ଗ୍ରାମ ନିକଟରେ ମଦ ପିଇ ରାସ୍ତା କଡ଼ରେ ପଡ଼ି ରହିଥିବା ବେଳେ ଦୁଃଶାସନ ମୋବାଇଲରେ ଫଟୋ ଉତ୍ତୋଳନ କରି ସୋସିଆଲ ମିଡିଆରେ ଭିଡିଓ ଭାଇରାଲ କରି ଦେଇଥିଲେ। ଏହା ଜାଣିବା ପରେ ଯୁବକ ଜଣକ ଉତ୍ତେଜିତ ହୋଇ ତାଙ୍କ ଘର କୁ ଯାଇ ଧମକ ଚମକ ଦେଇ ଚାଲି ଯାଇଥିଲେ। ପରେ ଦୁଃଶାସନ ଙ୍କ ପତ୍ନୀ ବନିତା ମିର୍ଦ୍ଧା ତପନ ମିର୍ଦ୍ଧା ନାମରେ ଚାରମାଳ ଥାନାରେ ଏକ ଲିଖିତ ଅଭିଯୋଗ କରିଛନ୍ତି।
ଅଭିଯୋଗ କ୍ରମେ ପୋଲିସ କେସ ନଂ ୧୫/୨୪ ଆର୍ମ ଆକ୍ଟ ରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରି ଉକ୍ତ ଯୁବକ ଜଣଙ୍କୁ ଗିରଫ କରିବା ସହ ତା ଠାରୁ ଏକ ଦେଶୀ ବନ୍ଧୁକ ଜବତ କରିଛି। ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ଚାରମାଳ ପୋଲିସ ଏକ ପ୍ରେସ୍ ଇସ୍ତାହାରରେ ସୂଚନା ଦେଇଛନ୍ତି।