ଏୟାର ଇଣ୍ଡିଆର ସର୍ଭର ଡାଉନ୍‌ : ଦ୍ବିତୀୟ ଦିନରେ ୧୩୭ ବିମାନ ଉଡାଣ ବାତିଲ

ଗତକାଲି ଏୟାର ଇଣ୍ଡିଆର ସର୍ଭର ଡାଉନ୍‌ ହେବା କାରଣରୁ ଏହାର ସମସ୍ତ ଜାତୀୟ ଏବଂ ଆନ୍ତର୍ଜାତୀୟ ଉଡାଣ ଦୀର୍ଘ ସମୟ ଧରି ବନ୍ଦ ରହିଥିବା ବେଳେ ରବିବାର ମଧ୍ୟ ଏହାର ପ୍ରଭାବ ଦେଖିବାକୁ ମିଳିଛ। ରବିବାର ଏୟାର ଇଣ୍ଡିଆର ୧୩୭ ଟି ବିମାନ ଉଡାଣ ବାତିଲ ଘୋଷଣା କରାଯାଇଛି। ବର୍ତ୍ତମାନ ଏୟାର ଇଣ୍ଡିଆର ସମସ୍ତ ବିମାନ ଆପାତତଃ ୧୯୭ମିନିଟ୍‌ ବିଳମ୍ବରେ ଉଡାଣ ଭରୁଛି । ଯାତ୍ରୀମାନେ ଦିଲ୍ଲୀ ଏବଂ ମୁମ୍ବାଇ ବିମାନବନ୍ଦରରେ ହୋହଲ୍ଲା କରିଛନ୍ତି। କିଛି ସମୟ ମଧ୍ୟରେ ସ୍ଥିତିରେ ସୁଧାର ଆସିବ ବୋଲି ଏୟାର ଇଣ୍ଡିଆ ପକ୍ଷରୁ କୁହାଯାଇଛି। ଗତକାଲି ମଧ୍ୟ ଏହି ଏୟାର ଲାଇନ୍ସ ନିଜର ୧୪୯ଟି ବିମାନର ଉଡାଣ ବାତିଲ କରିଥିଲା। ନିଜର ସହଯୋଗୀ କମ୍ପାନୀ ଆଲାଏନ୍ସ ଏୟାର ଏବଂ ଏୟାର ଇଣ୍ଡିଆ ଏକ୍ସପ୍ରେସ୍‌ ସହିତ ଏୟାର ଇଣ୍ଡିଆ ଦୈନିକ ଭାବରେ ୬୭୪ ବିମାନ ଉଡାଣ କରିଥାଏ।