ନୂଆଦିଲ୍ଲୀ: ଆଜି ସକାଳେ ପୂର୍ବତନ ଆପ ନେତା କୁମାର ବିଶ୍ଵାସଙ୍କ ଘରେ ପଞ୍ଜାବ ପୋଲିସ ପହଞ୍ଚିଛି। କୁମାର ବିଶ୍ଵାସ ଏହି ସୂଚନା ଦେଇଛନ୍ତି। କୁମାର ବିଶ୍ଵାସ ତାଙ୍କ ଟ୍ୱିଟରେ ଲେଖିଛନ୍ତି ଯେ, ସକାଳେ ପଞ୍ଜାବ ପୋଲିସ ଦ୍ୱାରସ୍ଥ ହୋଇଛି। ଏକ ସମୟରେ ମୋତେ ନିଜେ ପାର୍ଟିକୁ ନିମନ୍ତ୍ରଣ କରାଯାଇଥିଲା। ମୁଁ @ ଭଗବନ୍ତ ମନଙ୍କୁ ଚେତାବନୀ ଦେଉଛି ଯେ, ଦିଲ୍ଲୀରେ ବସିଥିବା ବ୍ୟକ୍ତି, ଯାହାକୁ ଆପଣ ପଞ୍ଜାବର ଲୋକଙ୍କ ଦ୍ଵାରା ଦିଆଯାଇଥିବା ଶକ୍ତି ସହିତ ଖେଳିବାକୁ ଅନୁମତି ଦେଉଛନ୍ତି, ଦିନେ ଆପଣଙ୍କୁ ଏବଂ ପଞ୍ଜାବକୁ ମଧ୍ୟ ପ୍ରତାରଣା କରିବେ, ମୋର ଏହି ଚେତାବନୀକୁ ଦେଶ ମନେ ରଖିବ।
ସୂଚନା ଯୋଗ୍ୟ ଯେ, ପଞ୍ଜାବ ପୋଲିସ କୁମାର ବିଶ୍ଵାସଙ୍କ ଘରେ କେଉଁ କାରଣରୁ ପହଞ୍ଚିଛି ତାହା ବର୍ତ୍ତମାନ ସୁଦ୍ଧା ଜଣା ପଡିନାହିଁ। କିନ୍ତୁ ଆପଣଙ୍କୁ ମନେ ପକାଇଦେଉଛୁ ଯେ, ପଞ୍ଜାବ ନିର୍ବାଚନ ସମୟରେ କୁମାର ବିଶ୍ଵାସ ଆମ୍ ଆଦମୀ ପାର୍ଟିର ସଂଯୋଜକ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ବିରୋଧରେ ଗୁରୁତର ଅଭିଯୋଗ ଆଣିଥିଲେ। ଯେଉଁଥିପାଇଁ କୁମାର ବିଶ୍ଵାସ ଅନେକ ଚର୍ଚ୍ଚାକୁ ଆସିଥିଲେ।
ପଞ୍ଜାବ ବିଧାନସଭା ନିର୍ବାଚନ ପ୍ରଚାର ସମୟରେ ଅରବିନ୍ଦ କେଜ୍ରିୱାଲ ବିଚ୍ଛିନ୍ନତାବାଦୀଙ୍କୁ ସମର୍ଥନ କରୁଥିବା କୁମାର ବିଶ୍ଵାସ ଅଭିଯୋଗ କରିଥିଲେ। ତେବେ କେଜ୍ରିୱାଲ ଏହି ଅଭିଯୋଗକୁ ଅସ୍ୱୀକାର କରିଥିଲେ। କେଜ୍ରିୱାଲ ଏହି ଅଭିଯୋଗର ମୁକାବିଲା କରି କହିଥିଲେ ଯେ, ବୋଧହୁଏ ସେ ଉତ୍ତମ ଆତଙ୍କବାଦୀ ହେବେ, ଯିଏ ସ୍କୁଲ ଏବଂ ଡାକ୍ତରଖାନା ନିର୍ମାଣ କରୁଛି। ସେ କହିଥିଲେ ଯେ, ପଞ୍ଜାବ ନିର୍ବାଚନରେ ଆମ୍ ଆଦମୀ ପାର୍ଟିର ବିଜୟ ସୁନିଶ୍ଚିତ ଦେଖି ବିଜେପି, କଂଗ୍ରେସ ଏବଂ ଅନ୍ୟ ଦଳ ତାଙ୍କ ବିରୋଧରେ ଏକଜୁଟ ହୋଇଛନ୍ତି।
