ସମୀକ୍ଷା ବ୍ୟୁରୋ
ଭୋଟ ଚାଲିଥିବା ବେଳେ କେନ୍ଦ୍ରାପଡାରର ବିଜେପି ସାଂସଦ ପ୍ରାର୍ଥୀ ବୈଜୟନ୍ତ ପଣ୍ଡା ହଟାହଟା ହୋଇଛନ୍ତି। ଆଜି ବୈଜୟନ୍ତ ମାହାଙ୍ଗା ନିର୍ବାଚନ ମଣ୍ଡଳୀର ନିଶ୍ଚିନ୍ତକୋଇଲ ବ୍ଲକ ଅନ୍ତର୍ଗତ ଶୁକରପଡା ବୁଥକୁ ବୁଲିବାକୁ ଯାଇଥିଲେ। ହେଲେ ସେ ସେଠାରେ ପହଁଚିବା ପରେ ବିଜେଡି କର୍ମିଙ୍କ ମହଲରେ ଅସନ୍ତୋଷ ଦେଖିବାକୁ ମିଳିଥିଲା। ଏପରିକି କର୍ମିମାନେ ତାଙ୍କୁ ବୁଥ ଭିତରକୁ ପ୍ରବେଶ କରିବାକୁ ଦେଇ ନ ଥିଲେ। କର୍ମିମାନଙ୍କ ସହିତ ବୈଜୟନ୍ତଙ୍କ ଯୁକ୍ତିତର୍କ ଦେଖି ପୋଲିସ ସେଠାରେ ପହଁଚି ହସ୍ତକ୍ଷେପ କରିଥିଲା। ଏହାପରେ ବୈଜୟନ୍ତଙ୍କ ସହିତ ବିଜେଡି କର୍ମି ଏବଂ ସାଧାରଣ ଲୋକଙ୍କ ମଧ୍ୟରେ କିଛି ସମୟ ଧରି ଯୁକ୍ତି ତର୍କ ହେବା ପରେ ସେ ବାଧ୍ୟ ହୋଇ ସେଠାରୁ ଫେରିଯାଇଥିଲେ। ବିଜେଡି କର୍ମିଙ୍କ ଯୁକ୍ତି ହେଲା ଯେ, ବୈଜୟନ୍ତ ଭୋଟରଙ୍କୁ ପ୍ରଭାବିତ କରିବା ପାଇଁ ବୁଥ ଭିତରକୁ ପ୍ରବେଶ କରୁଥିଲେ। ସେଥିପାଇଁ ତାଙ୍କୁ ବିରୋଧ କରାଯାଇଥିଲା। ବର୍ତ୍ତମାନ ସୁଦ୍ଧା ଶୁକରପଡା ବୁଥରେ କୌଣସି ଅସୁବିଧା ନ ହୋଇଥିବା ବେଳେ ବୈଜୟନ୍ତ କଣ ପାଇଁ ଆସିଥିଲେ ବୋଲି କର୍ମିମାନେ ପ୍ରଶ୍ନ କରିଥିଲେ। କିଛି ସମୟ ପାଇଁ ବୈଜୟନ୍ତଙ୍କୁ ନେଇ ସେଠାରେ ଉତ୍ତେଜନା ଦେଖାଯାଇଥିଲା।
