ବ୍ୟବସାୟୀ ନେସ୍ ଓ୍ବାଡିଆଙ୍କୁ ଦୁଇ ବର୍ଷ ଜେଲ ଦଣ୍ଡାଦେଶ ଘୋଷଣା କରାଯାଇଛି । ଅବୈଧ ଡ୍ରଗ୍ସ ନିଜ ପାଖରେ ରଖିଥିବାରୁ ଓ୍ବାଡିଆଙ୍କୁ ଏହି ଆଦେଶ ଶୁଣାଯାଇଛି । ଜାପାନରେ ଡ୍ରଗ୍ସ ସହିତ ଧରାପଡିଥିବାରୁ ଓ୍ବାଡିଆ ଗ୍ରୁପ୍ର ଏହି ମାଲିକଙ୍କୁ ଜାପାନର ଏକ କୋର୍ଟ ଏହି ଦଣ୍ଡ ଶୁଣାଇଛନ୍ତି । ମାର୍ଚ୍ଚ ମାସରେ ଜାପାନର ହକ୍କାକିଡୋ ଦ୍ବୀପପୁଞ୍ଜରେ ରହିଥିବା ନିୟୁ ଚିଟୋସେ ବିମାନ ବନ୍ଦରରେ ଡ୍ରଗ୍ସ ସହିତ ଧରା ପଡିଥିଲେ ଓ୍ବାଡିଆ । ଓ୍ବାଡିଆଙ୍କ ନିକଟରୁ ୨୫ ଗ୍ରାମ୍ର କାନ୍ନାବିସ୍ ରେସିନ୍ ଡ୍ରଗ୍ସ ଜବତ କରାଯାଇଥିଲା । କୋର୍ଟରେ ଏହି ଅବୈଧ ନିଶାଦ୍ରବ୍ୟ ତାଙ୍କର ଏବଂ ବ୍ୟକ୍ତିଗତ ବ୍ୟବହାର ପାଇଁ ଏହା ରଖିଥିଲେ ବୋଲି ଓ୍ବାଡିଆ ସ୍ବୀକାର କରିଥିଲେ । ୨ ବର୍ଷର ଜେଲ ଦଣ୍ଡାଦେଶ ସହିତ ଓ୍ବାଡିଆଙ୍କ ଜାପାନ ଗସ୍ତ ଉପରେ ୫ବର୍ଷର ବାସନ୍ଦାଦେଶ ଲଗାଯାଇଛି ।
Tags:
