ନ୍ୟୁଜିଲ୍ୟାଣ୍ଡ ପୋଲିସ ଆଜି ଏକ ସନ୍ଦିଗ୍ଧ ପ୍ୟାକେଟ ଉଦ୍ଧାର କରିଛି। ଏହି ସନ୍ଦିଗ୍ଧ ପ୍ୟାକେଟ୍ରେ ଏକ ଇଆଇଡି ଏବଂ କିଛି ବିସ୍ଫୋରକ ସାମଗ୍ରୀ ଜବତ ହୋଇଛି। କ୍ରୀଷ୍ଟଚର୍ଚ୍ଚର ନ୍ୟୁ କାସେଲ୍ ନିକଟରେ ଏଖ ଖାଲିସ୍ଥାନରୁ ଏହି ପ୍ୟାକେଟ୍ ଉଦ୍ଧାର କରିଥିଲା ପୋଲିସ୍। ପୋଲିସ୍ ଏହି ଘଟଣାରେ ସମ୍ପୃକ୍ତି ନେଇ ଜଣେ ୩୩ ବର୍ଷୀୟ ଯୁବକଙ୍କୁ ଗିରଫ କରିଛି। ସୁରକ୍ଷା ପଦକ୍ଷେପ ସ୍ବରୂପ ପୋଲିସ୍ ତୁରନ୍ତ ନ୍ୟୁକାସେଲ୍, ଗ୍ଲାସ୍ଗୋ ଏବଂ ହାରୋ ଷ୍ଟ୍ରିଟ୍ର ଘର ଗୁଡିକୁ ଖାଲି କରି ଦେଇଥିଲା। ଘଟଣାସ୍ଥଳରେ ତୁରନ୍ତ ବୋମା ନିଷ୍କ୍ରିୟକାରୀ ସ୍କ୍ବାଡ୍, ଅଗ୍ନିଶମ ବିଭାଗ କର୍ମଚାରୀ ଏବଂ ଆମ୍ବୁଲାନ୍ସ ପହଞ୍ଚିଛି। ସମ୍ପୃକ୍ତ ସ୍ଥାନ ଉପର ଦେଇ ବିମାନ ଉଡାଣ ମଧ୍ୟ ନିଷିଦ୍ଧ ଘୋଷଣା କରାଯାଇଛି।
