ନର୍ଥ କାରୋଲିନା ବିଶ୍ୱବିଦ୍ୟାଳୟ ପରିସରରେ ମଙ୍ଗଳବାର ଗୁଳିକାଣ୍ଡରେ 2 ଜଣଙ୍କର ମୃତ୍ୟୁ ଘଟିଥିବା ବେଳେ 4 ଜଣ ଗୁରୁତର ଆହତ ହୋଇଛନ୍ତି । ଆହତଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ସ୍ଥାନୀୟ ଗଣମାଧ୍ୟମର ରିପୋର୍ଟ ଅନୁସାରେ ଜଣେ ଛାତ୍ରଙ୍କ ଦ୍ୱାରା ଏହି ଗୁଳିକାଣ୍ଡ ହୋଇଥିବା ସନ୍ଦେହ ହେଉଛି । ଏହି ଘଟଣାରେ ପୋଲିସ ସନ୍ଦେହ କରାଯାଉଥିବା ଛାତ୍ରଙ୍କୁ ଗିରଫ କରିଛି । ପୋଲିସ ଘଟଣାର ତଦନ୍ତ କରୁଛି । ସ୍ଥାନୀୟ ଏକ ଟେଲିଭିଜନ ଚ୍ୟାନେଲ ରିପୋର୍ଟ କରିଛି ଯେ, ବିଶ୍ୱବିଦ୍ୟାଳୟର ପ୍ରଶାସନିକ କୋଠା ‘କେନେଡି ହଲ’ ନିକଟରେ ଏହି ଗୁଳିକାଣ୍ଡ ମଙ୍ଗଳବାର ସନ୍ଧ୍ୟା 5 ଟା 45 ରେ ହୋଇଥିଲା । ଗୁଳିକାଣ୍ଡ ଘଟଣାରେ 2 ଜଣଙ୍କ ମୃତ୍ୟୁ ଘଟିଥିବା ବେଳେ ଏହି ସଂଖ୍ୟା ବଢ଼ିପାରେ ବୋଲି ଅନୁମାନ କରାଯାଉଛି ।
Tags:
