ମହାରାଷ୍ଟ୍ରର ଗଡିଚିରୋଲୀରେ ନକ୍ସଲଙ୍କ ତାଣ୍ଡବ ଦେଖିବାକୁ ମିଳିଛି। ମହାରାଷ୍ଟ୍ର ଦିବସ ପାଳନ ଅବସରରେ ନକ୍ସଲ ମାନେ ସୁରକ୍ଷାକର୍ମୀଙ୍କ ଗାଡିକୁ ବିସ୍ଫୋରଣରେ ଉଡାଇ ଦେଇଛନ୍ତି ଯଦ୍ବାରା ୧୬ ସୁରକ୍ଷାକର୍ମୀ ନିହତ ହୋଇଛନ୍ତି। ଏହା ସହିତ ନକ୍ସଲ ମାନେ ୩୬ ବଖରା ଘରକୁ ନିଆଁ ଲଗାଇ ଦେଇଛନ୍ତି। ୧୬ ଜଣ ସୁରକ୍ଷା କର୍ମୀଙ୍କୁ ନେଇ ଯାଉଥିବା ପୋଲିସ୍ ଗାଡିକୁ ନକ୍ସଲ ମାନେ ଆଇଡି ଜରିଆରେ ଉଡାଇ ଦେଇଥିଲେ ଫଳରେ ଘଟଣାସ୍ଥଳରେ ସମସ୍ତ ପୋଲିସ୍ ପ୍ରାଣ ହରାଇଥିଲେ। ଏସବୁ ବ୍ୟତିତ ଜାତୀୟ ରାଜପଥ କାମ ଚାଲୁଥିବା ସ୍ଥାନରେ ୨୬ ଟି ଗାଡି ଏବଂ ମେସିନ୍କୁ ନିଆଁ ଲଗାଇ ଦେଇଥିଲେ। ଏପ୍ରିଲ୍ ୨୨ ତାରିଖରେ ନକ୍ସଲଙ୍କ ଉପରେ ପୋଲିସ୍ ପକ୍ଷରୁ ହୋଇଥିବା ଆକ୍ରମଣରେ ୪୦ ନକ୍ସଲ୍ ପ୍ରାଣ ହରାଇବା ପ୍ରତିଶୋଧ ପରାୟଣ ହୋଇ ଏପରି ବର୍ବର ଏବଂ ଅମାନୁଷିକ କାଣ୍ଡ ଘଟାଇଛନ୍ତି ନକ୍ସଲ।
Tags:
