ଭୁବନେଶ୍ବର: ଆସନ୍ତାକାଲି ଶୁକ୍ରବାରରେ ରାଷ୍ଟ୍ରପତି ପ୍ରାର୍ଥୀ ଭାବେ ନାମାଙ୍କନ ପତ୍ର ଦାଖଲ କରିବେ ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁ। ଆଜି ତାଙ୍କର ନାମାଙ୍କନ ପତ୍ରରେ ଓଡିଶାର ଦୁଇଜଣ ମନ୍ତ୍ରୀ ପ୍ରସ୍ତାବକ ଭାବେ ଦସ୍ତଖତ କରିଛନ୍ତି। ସେମାନେ ହେଲେ ମନ୍ତ୍ରୀ ଜଗନ୍ନାଥ ସାରକା ଏବଂ ମନ୍ତ୍ରୀ ଟୁକୁନୀ ସାହୁ। ଏ ନେଇ ରୋମରେ ଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟୁଇଟ କରି ସୂଚନା ଦେଇଛନ୍ତି।
ପ୍ରସ୍ତାବକ ସହିତ ଆସନ୍ତାକାଲି ପ୍ରାର୍ଥୀପତ୍ର ଦାଖଲ ବେଳେ ଏହି ଦୁଇମନ୍ତ୍ରୀ ଉପସ୍ଥିତ ରହିବେ ବୋଲ ନବୀନ ଉଲ୍ଲେଖ କରିଛନ୍ତି। ଫଳରେ ଆଜି ଉଭୟ ମନ୍ତ୍ରୀ ଟୁକୁନୀ ଏବଂ ଜଗନ୍ନାଥ ସାରକା ଦ୍ରୌପଦୀଙ୍କ ସହିତ ନୂଆ ଦିଲ୍ଲୀ ଯାତ୍ରା କରିଛନ୍ତି। ସେମାନେ ଓଡିଶା ଭବନରେ ରହିବା ସହିତ ନାମାଙ୍କନ ପତ୍ର ଦାଖଲ ବେଳେ ଉପସ୍ଥିତି ରହିବେ।
