ପାକିସ୍ତାନର ଏକ ଦର୍ଘା ସମ୍ମୁଖରେ ଘଟିଥିବା ଭୟାନକ ବିସ୍ଫୋରଣରେ 4 ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟୁନ 20ରୁ ଅଧିକ ଆହତ ହୋଇଛନ୍ତି । ପାକିସ୍ତାନର ଲାହୋରରେ ଏକ ଦର୍ଘା ସାମ୍ନାରେ ଏହି ବିସ୍ଫୋରଣ ଘଟିଛି । ସୂଚନାଯୋଗ୍ୟ ଯେ, ବର୍ତ୍ତମାନ ରମଦାନ ଉପବାସ ଚାଲିଥିବାରୁ ଦର୍ଘା ସମ୍ମୁଖରେ ଭିଡ ପରିଲକ୍ଷିତ ହୋଇଥିଲା । ବିସ୍ଫୋରଣର କାରଣ ଅସ୍ପଷ୍ଟ ରହିଥିବା ବେଳେ ତଦନ୍ତ ଜାରି ରହିଛି ବୋଲି ପୋଲିସ ପକ୍ଷରୁ କୁହାଯାଇଛି । ଦକ୍ଷିଣ ଏସିଆର ଅନ୍ୟତମ ପୁରାତନ ଦର୍ଘା ଦାତା ଦରବାରର ମହିଳା ମାନଙ୍କ ପ୍ରବେଶ ପଥ ନିକଟରେ ଏହି ବିସ୍ଫୋରଣ ହୋଇଥିଲା । ପ୍ରାରମ୍ଭିକ ଭାବରେ ମୃ୍ତ୍ୟୁ ସଂଖ୍ୟା 4 କୁହାଯାଇଥିଲେ ମଧ୍ୟ ଅନେକ ଆହତ ସଙ୍କଟାପନ୍ନ ଥିବାରୁ ମୃତ୍ୟୁ ସଂଖ୍ୟା ବୃଦ୍ଧି ପାଇପାରେ ବୋଲି କୁହାଯାଉଛି । ଉଲ୍ଲେଖଯୋଗ୍ୟ ଯେ, 11ଶହ ଶତାବ୍ଦୀର ଏହିତ ଐତିହାସିକ କୀର୍ତ୍ତିରାଜି ଉପରେ ପୂର୍ବରୁ 2010ରେ ମଧ୍ୟ ଆତ୍ମଘାତୀ ଆକ୍ରମଣ ହୋଇଥିଲା ଯାହାଦ୍ବାରା 40ରୁ ଅଧିକ ଲୋକଙ୍କ ମୃତ୍ୟୁ ଘଟିଥିଲା ।
4 dead in sufi shrine attack
