ବାର୍ସେଲୋନା ବିପକ୍ଷରେ ଚମକପ୍ରଦ ବିଜୟ ସହିତ ଚାମ୍ପିୟନ୍ସ ଲିଗ୍ ଫାଇନାଲ୍ରେ ପ୍ରବେଶ କରିଛି ଲିଭରପୁଲ୍ । ସେମିଫାଇନାଲ୍ର ପ୍ରଥମ ଚରଣରେ 3-0ରେ ପରାଜୟ ବରଣ କରିଥିବା ବେଳେ ଦ୍ବିତୀୟ ଚରଣରେ 4-0 ବିଜୟ ହାସଲ କରି କ୍ରମାଗତ ଦ୍ବିତୀୟ ଥର ପାଇଁ ଫାଇନାଲ୍ରେ ସ୍ଥାନ ସୁରକ୍ଷିତ କରି ନେଇଛି ଲିଭରପୁଲ୍ । ଦଳ ପକ୍ଷରୁ ଜର୍ଜିନିଓ ଓ୍ବିଜିନାଲ୍ଡମ୍ ଏବଂ ଡିଭୋକ୍ ଓରିଗି ଦୁଇଟି ଲେଖାଏଁ ଗୋଲ ସ୍କୋର କରିବା ସହିତ ଦଳର ମିଡ୍ ଫିଲ୍ଡର ମାନେ ମେସି ଏବଂ ସୁଆରେଜ୍ଙ୍କକୁ ବାନ୍ଧି ରଖିବାରେ ସଫଳ ହୋଇଥିଲେ । ଏହି ବିଜୟ ସହିତ ନବମ ଥର ନିମନ୍ତେ ଫାଇନାଲ୍ରେ ପ୍ରବେଶରେ ସକ୍ଷମ ହୋଇଛି ଲିଭରପୁଲ୍ । ଏହି ତାଲିକାରେ ରିଅଲ ମାଦ୍ରିଦ୍(16) ଆଗୁଆ ରହିଛି । ଆନଫିଲ୍ଡରେ ଖେଳା ଯାଇଥିବା ଦ୍ବତୀୟ ଚରଣ ସେମିଫାଇନାଲ୍ରେ ଆଉ ଏକ ରେକର୍ଡ ହାସଲ କରିଛି ଲିଭରପୁଲ୍ । କ୍ରମାଗତ 457 ମିନିଟ୍ ପର୍ଯ୍ୟନ୍ତ କୌଣସି ବିଦେଶୀ ଖେଳାଳି ଗୋଲ୍ କରିବାରେ ସକ୍ଷମ ହୋଇନାହାନ୍ତି । ଗତ ସେପ୍ଟେମ୍ବରରେ କିଲିଆନ୍ ଏମ୍ବାପେ ଶେଷ ଗୋଲ୍ କରିଥିଲେ । ବାର୍ସେଲୋନା ପାଇଁ ଗତ 18ଟି ବାହାର ଚାମ୍ପିୟନ୍ସ ଲିଗ୍ ମ୍ୟାଚ୍ରେ ସୁଆରେଜ ଗୋଲ ସ୍କୋର କରିନଥିବା ବେଳେ ଏପ୍ରିଲ୍ 2013 ପରଠାରୁ ମେସିଙ୍କ ଗୋଲ୍ରେ ମଧ୍ୟ ମରୁଡି ପଡିଛି ।
liverpool in cl final