କଂଗ୍ରେସ ସଭାପତି ରାହୁଲ ଗାନ୍ଧୀଙ୍କ ନାଗରିକତ୍ବକୁ ନେଇ ଚାଲିଥିବା ବିବାଦରେ ପୂର୍ଣ୍ଣଛେଦ ପଡିଛି । ଏ ସମ୍ପର୍କିତ ଏକ ମାମଲାକୁ ଖାରଜ କରି ଦେଇଛନ୍ତି ସୁପ୍ରିମ୍କୋର୍ଟ । ଚଳିତ ଲୋକସଭା ନିର୍ବାଚନରେ ଆମେଥି ଏବଂ ଓ୍ବାୟାନାଡ୍ରୁ ପ୍ରତିଦ୍ବନ୍ଦିତା କରୁଥିବା ରାହୁଲଙ୍କ ବିରୋଧରେ ଦୁଇ ଦିଲ୍ଲୀ ନିବାସୀ ଜୟ ଭଗବାନ ଗୋୟଲ ଏବଂ ଚନ୍ଦ୍ର ପ୍ରକାଶ ତ୍ୟାଗୀଙ୍କ ପକ୍ଷରୁ ରାହୁଲ ଗାନ୍ଧିଙ୍କ ନାଗରିକତ୍ବକୁ ନେଇ ମାମଲା ରୁଜୁ କରାଯାଇଥିଲା । ଦାଖଲ କରାଯାଇଥିବା ଯାଚିକାରେ ରାହୁଲଙ୍କ ନାଗରିକତ୍ବର ତଦନ୍ତ କରିବା ନେଇ ସର୍ବୋଚ୍ଚ କୋର୍ଟ କେନ୍ଦ୍ର ସରକାରଙ୍କୁ ଆଦେଶ ଦେବା ପାଇଁ ଦୁଇ ଜଣଙ୍କ ପକ୍ଷରୁ ଆବେଦନ କରାଯାଇଥିଲା । ସୂଚନାଯୋଗ୍ୟ ଯେ, ପୂର୍ବରୁ ରାହୁଲଙ୍କୁ ଏହି ମାମଲା ନେଇ ଗୃହ ବିଭାଗ ପକ୍ଷରୁ ସ୍ପଷ୍ଟୀକରଣ ମଗାଯାଇଥିଲା । ରାଜ୍ୟସଭା ସାଂସଦ ଡ. ସୁବ୍ରମଣ୍ୟମ ସ୍ବାମୀଙ୍କ ପକ୍ଷରୁ କରାଯାଇଥିବା ଅଭିଯୋଗକୁ ନେଇ ଗୃହ ମନ୍ତ୍ରାଳୟ ମଙ୍ଗଳବାର ରାହୁଲଙ୍କୁ ନୋଟିସ୍ ଜାରି କରାଯାଇଥିଲା ।
Tags:
