ଅଭିନେତ୍ରୀ ବିଦ୍ୟା ବଲାନ୍ ଗଣିତ ବିଶାରଦ ଶକୁନ୍ତଳା ଦେବୀଙ୍କ ଚରିତ୍ରରେ ନଜର ଆସିବେ । ଶକୁନ୍ତଳା ଦେବୀ ଗଣିତର ହିସାବ କଳାରେ ପାରଙ୍ଗମ ଥିଲେ । ଏଥିପାଇଁ ସେ ‘ମାନବ କମ୍ପ୍ୟୁଟର’ ନାମରେ ଖ୍ୟାତ ଥିଲେ। ଏହି ଫିଲ୍ମର ନିର୍ଦ୍ଦେଶନା ଅନୁ ମେନନ୍ କରିବେ ବୋଲି ଜଣାପଡ଼ିଛି । ଏହି ଫିଲ୍ମକୁ ନେଇ ବିଦ୍ୟା ବହୁତ ଉତ୍ସାହିତ ରହିଛନ୍ତି । ସେ କହିଛନ୍ତି ଯେ, ‘ଏପରି ଚରିତ୍ର ପାଇ ସେ ବହୁତ ଖୁସି । ବାସ୍ତବରେ ଏପରି ଜଣେ ମହିଳାଙ୍କ ଚରିତ୍ରରେ ସେ ଅବତୀର୍ଣ୍ଣ ହେବାକୁ ଯାଉଛନ୍ତି, ଯିଏ ନିଜ ବ୍ୟକ୍ତିତ୍ବଙ୍କୁ ଆପଣାଇଛନ୍ତି ତାହା ନୁହେଁ ବରଂ ଜଣେ ସଶକ୍ତ ନାରୀବାଦର ସ୍ବର ହେବା ସହିତ ସଫଳତାର ଶୀର୍ଷରେ ପହଞ୍ଚିବା ପାଇଁ ବହୁତ ସଂଘର୍ଷ କରିଛନ୍ତି ।’ ବିଦ୍ୟା ଇନ୍ଦିରା ଗାନ୍ଧିଙ୍କ ଜୀବନୀ ଉପରେ ଆଧାରିତ ଓ୍ବେବସିରିଜ୍ରେ ମଧ୍ୟ ନଜର ଆସିବେ ।
