ଷଷ୍ଠ ପର୍ଯ୍ୟାୟ ଲୋକସଭା ନିର୍ବାଚନ ଆସନ୍ତା ରବିବାର ଦିନ ହେବ। ସେଥିପାଇଁ ଶୁକ୍ରବାର ସନ୍ଧ୍ୟାରେ ପ୍ରଚାର କାର୍ଯ୍ୟ ଶେଷ ହୋଇଛି। ଏହି ପର୍ଯ୍ୟାୟରେ ୭ଟି ରାଜ୍ୟର ୫୯ଟି ସଂସଦୀୟ କ୍ଷେତ୍ର ପାଇଁ ଭୋଟଗ୍ରହଣ ହେବ। ଉତ୍ତରପ୍ରଦେଶର ୧୪ଟି ଆସନ, ହରିୟାଣାର ୧୦ଟି, ପଶ୍ଚିମବଙ୍ଗ, ବିହାର ଓ ମଧ୍ୟପଦେଶରେ ୮ଟି ଲେଖାଏଁ, ଦିଲ୍ଲୀର ୭ଟି ଏବଂ ଝାଡଖଣ୍ଡର ୪ଟି ଆସନରେ ଏହି ପର୍ଯ୍ୟାୟରେ ମତଦାନ ହେବ। ୧୨ ତାରିଖରେ ଅନୁଷ୍ଠିତ ହେବାକୁ ଥିବା ଏହି ନିର୍ବାଚନ ପାଇଁ ବିଭିନ୍ନ ରାଜନୈତିକ ଦଳର ପ୍ରମୁଖ ନେତାମାନେ ସଭା, ଶୋଭାଯାତ୍ରା, ରାଲି ଓ ରୋଡ ଶୋ’ମାନ ଆୟୋଜନ କରି ଭୋଟର ମାନଙ୍କୁ ଆକୃଷ୍ଟ କରିବା ଲାଗି ପ୍ରାଣମୂର୍ଚ୍ଚା ଉଦ୍ୟମ ଜାରି ରଖିଛନ୍ତି। ଏହି ପର୍ଯ୍ୟାୟରେ ୯୬୮ଜଣ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା ହେବାକୁ କେନ୍ଦ୍ରୀୟ ମନ୍ତ୍ରୀ ମାନେକା ଗାନ୍ଧି, ଏସ୍ପି ଅଧ୍ୟକ୍ଷ ଅଖିଳେଶ ଯାଦବ, କଂଗ୍ରେସର ବରିଷ୍ଠ ନେତା ଦିଗ୍ବିଜୟ ସିଂ, ଜ୍ୟୋତିରାଦିଆ ସିନ୍ଧିଆ, ମନୋଜ ତିଓ୍ବାରୀ, ଶିଲା ଦୀକ୍ଷିତ୍, ପ୍ରଜ୍ଞା ସିଂ ଠାକୁର୍ ପ୍ରମୁଖ ରହିଛନ୍ତି । ୨୦୧୪ ନିର୍ବାଚନରେ ୫୯ଟି ଆସନରୁ ବିଜେପି ୪୪ଟି ଆସନରେ ବାଜିମାତ୍ କରିଥିଲା । ଚଳିତ ଥର ପଶ୍ଚିମବଙ୍ଗ ଦଖଲ କରିବା ଅଭିପ୍ରାୟରେ ଥିବା ବିଜେପି ଦଳ ପଶ୍ଚିମବଙ୍ଗରେ ଜୋର୍ସୋର୍ରେ ପ୍ରଚାର କରିଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପଶ୍ଚିମବଙ୍ଗର ବାଙ୍କୁରା ଜିଲ୍ଲା ଅନ୍ତର୍ଗତ ମଳଡାଙ୍ଗଠାରେ ଏକ ନିର୍ବାଚନୀ ସଭାରେ ଉଦବୋଧନ ଦେଇ ମମତାଙ୍କ ଉପରେ ବର୍ଷିବା ସହିତ ବୁଥ୍ ବୁଥ୍ ଟିଏମ୍ସି ସାଫ୍ର ନାରା ଲଗାଇଥିଲେ । ଆସନ୍ତା ମେ ୨୩ ତାରିଖରେ ଭୋଟ୍ଗଣତି ଓ ଫଳାଫଳ ଘୋଷଣା ହେବ ।
6th phase election
