ଷଷ୍ଠ ପର୍ଯ୍ୟାୟ ମତଦାନରେ ଆଜି ଭାରତର ରାଷ୍ଟ୍ରପତି ରାମନାଥ କୋବିନ୍ଦ ତାଙ୍କର ମତାଧିକାର ସାବସ୍ତ୍ୟ କରିଛନ୍ତି। ରାଷ୍ଟ୍ରପତି ଭବନରେ ହୋଇଥିବା ଏକ ବୁଥରେ ରାଷ୍ଟ୍ରପତି ଏବଂ ତାଙ୍କର ଧର୍ମପତ୍ନୀ ସବିତା କୋବିନ୍ଦ ନିଜର ଭୋଟ ପ୍ରଦାନ କରିଛନ୍ତି। ଆଜି ନୂଆଦିଲ୍ଲୀ ସମେତ ବିଭିନ୍ନ ରାଜ୍ୟରେ ଷଷ୍ଠ ପର୍ଯ୍ୟାୟ ନିର୍ବାଚନ ଅନୁଷ୍ଠିତ ହେଉଛି। ନୂଆଦିଲ୍ଲୀରେ ପ୍ରାୟ 1 କୋଟି 43 ଲକ୍ଷ ଭୋଟର ଭୋଟ ଦେବାର ସମ୍ଭାବନା ରହିଛି।ସେଥିପାଇଁ ଦିଲ୍ଲୀରେ 13 ହଜାର 8ଶହ ପୁଲିଂ ବୁଥ କରାଯାଇଛି। ଆଜି ସକାଳ 7ଟାରୁ ଶାନ୍ତଶୃଙ୍ଖଳା ଭାବେ ମତଦାନ ଆରମ୍ଭ ହୋଇଛି। ଦେଶର ରାଜଧାନୀରେ ଭୋଟ ପକ୍ରିୟା ଚାଲୁଥିବାରୁ ସେଠାରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି। ବର୍ତ୍ତମାନ ନୂଆଦିଲ୍ଲୀର ଲୋକସଭା ନିର୍ବାଚନ ପାଇଁ ମୁଖ୍ୟତଃ ତ୍ରିମୁଖୀ ପ୍ରତିଦ୍ବନ୍ଦିତା ହେଉଛି। ଦିଲ୍ଲୀ ଶାସନ କ୍ଷମତାରେ ଥିବା ଆମ୍ ଆଦମି ପାର୍ଟି, କଂଗ୍ରେସ ଏବଂ ବିଜେପି ମଧ୍ୟରେ ତୀବ୍ର ଲଢେଇ ହେଉଛି।
President Ram Nath Kovind casts his vote at a polling booth in the Rashtrapati Bhawan