କବୀର ଖାନ୍ଙ୍କ ସୁପରହିଟ୍ ଫିଲ୍ମ ‘ଏକ ଥା ଟାଇଗର୍’ର ସିକ୍ବେଲ୍ର ଆଶାତୀତ ସଫଳତା ପରେ ଏହାର ସିକ୍ବେଲ୍ ‘ଟାଇଗର୍ ଜିନ୍ଦା ହୈ’ ପରଦାକୁ ଆସିଥିଲା, ଯାହା ବକ୍ସ ଅଫିସ୍ରେ ମଧ୍ୟ ବହୁଳ ଲୋକପ୍ରିୟ ରହିଥିଲା । ଏହି ଫିଲ୍ମକୁ ନିର୍ଦ୍ଦେଶନା ଦେଇଥିଲେ ଅଲ୍ଲୀ ଆବାସ ଜାଫର୍ । ଏହି ଫିଲ୍ମରେ ପୂର୍ବ ଫିଲ୍ମ ପରି ସଲ୍ଲୁ-କ୍ୟାଟ୍ଙ୍କ ଯୋଡ଼ିକୁ ଦେଖିବାକୁ ମିଳିଥିଲା । ତେବେ ମିଳିଥିବା ସୂଚନା ଅନୁସାରେ ଅଲ୍ଲୀ ପୁଣି ଥରେ ଏହି ଫିଲ୍ମରେ ସିକ୍ବେଲ୍ ନିର୍ମାଣ କରିବାକୁ ଚାହୁଁଛନ୍ତି । ଏଥିପାଇଁ ସ୍କ୍ରିପ୍ଟ ମଧ୍ୟ ପ୍ରସ୍ତୁତ କରିଛନ୍ତି । ୟଶ୍ରାଜ ବ୍ୟାନର୍ ଓ ଅଭିନେତା ସଲମାନ୍ ଖାନ୍ ଦୁହେଁ ଏଥିପାଇଁ ରାଜି ହୋଇଥିବା ସହ ସ୍କ୍ରିପ୍ଟକୁ ପସନ୍ଦ କରିଥିବାର ଜଣାପଡିଛି । ତେବେ ଫିଲ୍ମଟିର ଶୁଟିଂକୁ ନେଇ ଔପଚାରିକ ଭାବେ କୌଣସି ସୂଚନା ମିଳିପାରିନାହିଁ । ଆସନ୍ତା ଜୁନ୍ ୫ ଇଦ୍ ଅବସରରେ ଅଲ୍ଲୀ ଆବାସ୍ ଜାଫର୍ଙ୍କ ନିର୍ଦ୍ଦେଶିତ ତଥା ସଲମାନ୍ –କ୍ୟାଟ୍ରିନା ଅଭିନୀତ ‘ଭାରତ’ ରିଲିଜ୍ ହେବାକୁ ରହିଛି । ଅପରପକ୍ଷେ ସଲମାନ୍ ଏବେ ପୂରା ବ୍ୟସ୍ତ । ’ଦବଙ୍ଗ୍୩’ର ଶୁଟିଂ ଚାଲୁ ରହିଥିବାବେଳେ ସଞ୍ଜୟ ଲୀଲା ଭନ୍ସାଲୀଙ୍କ ‘ଇନ୍ସାଆଲ୍ଲା’ ଓ ଅନ୍ୟ ଏକ କୋରିଆନ୍ ରିମେକ ମଧ୍ୟ ତାଙ୍କ ହାତରେ ରହିଛି । ସେ ଯାହା ବି ହେଉ ବଡ଼ ପରଦାରେ ପୁଣି ଥରେ ଟାଇଗର୍କୁ ନେଇ ଦର୍ଶକ ବେଶ୍ ଉତ୍ସାହିତ ରହିବେ ।
