ଭୁବନେଶ୍ବର: ଶେଷରେ ବିଜେପି ବିଧାୟକ ଜୟନାରାୟଣଙ୍କ ଜୟ ହୋଇଛି। ସେ ବିରୋଧୀ ଦଳର ନେତା ଭାବେ ମନୋନିତ ହୋଇଛନ୍ତି। ଆଜି ଏ ନେଇ ବିଜେପି ରାଜ୍ୟ ସହ ପ୍ରଭାରୀ ତାଙ୍କ ନାମ ଘୋଷଣା କରିଛନ୍ତି। ବିରୋଧୀ ଦଳର ନେତା ଥିବା ପ୍ରଦୀପ୍ତ ନାୟକ ଅସୁସ୍ଥତା ପାଇଁ ତାଙ୍କ ବଦଳରେ ଜୟ ନାରାୟଣଙ୍କୁ ଏହି ଦାୟିତ୍ବ ଦିଆଯାଇଛି।
ପୂର୍ବରୁ ଜୟନାରାୟଣଙ୍କୁ ଏହି ଦାୟିତ୍ବ ଦିଆଯିବାର ସମ୍ଭାବନା ଥିଲା। ହେଲେ ସେତେବେଳେ ତାଙ୍କୁ ମନୋନିତ ନ କରି ପ୍ରଦୀପ୍ତ ନାୟକଙ୍କୁ ବଛାଯାଇଥିଲା। ବର୍ତ୍ତମାନ ପ୍ରଦୀପ୍ତ ନାୟକ ଅସୁସ୍ଥତା ପରେ ପୁଣି ଥରେ ଜୟନାରାୟଣଙ୍କ ନାମ ଚର୍ଚ୍ଚାକୁ ଆସିଥିଲା।
ବର୍ତ୍ତମାନ ବିଜେପି ବିଧାନସଭାରେ ନିଜର ବିରୋଧକୁ ଜୋରଦାର କରିବ ବୋଲି ଆଶା କରାଯାଉଛି।