ଆସନ୍ତାକାଲି ଗଣତନ୍ତ୍ରର ମହାନ ପର୍ବ ନିର୍ବାଚନର ଅନ୍ତିମ ପର୍ଯ୍ୟାୟ ଅନୁଷ୍ଠିତ ହେବ । ୨୦୧୯ ଲୋକସଭାର ସପ୍ତମ ତଥା ଶେଷ ପର୍ଯ୍ୟାୟରେ ୫୯ଟି ଆସନ ପାଇଁ ମତଦାନ ଅନୁଷ୍ଠିତ ହେବ । ପଞ୍ଜାବ ଓ ଉତ୍ତର ପ୍ରଦେଶର ୧୩ଟି ଲେଖାଏଁ ଆସନ ପାଇଁ ଭୋଟ୍ ହେଉଥିବା ବେଳେ ପଶ୍ଚିମବଙ୍ଗରେ ୯ଟି, ବିହାର ଓ ମଧ୍ୟପ୍ରଦେଶର ୮ଟି ଲେଖାଏଁ, ହିମାଚଳ ପ୍ରଦେଶର ୪, ଝାଡ଼ଖଣ୍ଡର ୩ ଏବଂ ଚଣ୍ଡିଗଡ଼ର ଗୋଟିଏ ଆସନରେ ମତଦାନ ହେଉଛି। ଗତକାଲି ୯୧୮ ଜଣ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ ପ୍ରାୟ ୬ କୋଟିରୁ ଅଧିକ ଭୋଟର। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଶତ୍ରୁଘ୍ନ ସିହ୍ନା, ରବିଶଙ୍କର ପ୍ରସାଦ, ସନ୍ନି ଦେଓଲଙ୍କ ପରି ହେଭିଓ୍ବେଟ୍ଙ୍କ ଭାଗ୍ୟ ପରୀକ୍ଷା କରାଯିବ । ବାରାଣାସୀରୁ ମୋଦି ନିର୍ବାଚନ ଲଢୁଥିବାବେଳେ ତାଙ୍କ ବିରୋଧରେ ପ୍ରାର୍ଥୀ ହୋଇଛନ୍ତି ସପା ତରଫରୁ ଶାଳିନୀ ଯାଦବ ଓ କଂଗ୍ରେସ ତରଫରୁ ଅଜୟ ରାୟ । ସେହିପରି ପାଟନା ସାହିବରୁ କଂଗ୍ରେସ ଶତ୍ରୁଘ୍ନ ସିହ୍ନାଙ୍କୁ ଛିଡ଼ା କରାଇଥିବାବେଳେ ତାଙ୍କ ବିରୋଧରେ ରହିଛନ୍ତି ବିଜେପି ତରଫରୁ ରବିଶଙ୍କର ପ୍ରସାଦ । ମେ ୧୯ ତାରିଖରେ ଅନ୍ତିମ ନିର୍ବାଚନ ସହ ସପ୍ତଦଶ ଲୋକସଭାର ସମସ୍ତ ପର୍ଯ୍ୟାୟ ନିର୍ବାଚନ ଶେଷ ହେବ । ଚଳିତ ଥର ସାତୋଟି ପର୍ଯ୍ୟାୟରେ ନିର୍ବାଚନ ଅନୁଷ୍ଠିତ ହୋଇଛି । ଆସନ୍ତା ମେ ୨୩ ତାରିଖରେ ନିର୍ବାଚନ ଫଳାଫଳ ଘୋଷଣା ହେବ ।
