ଗୋଆର ୧୧ ବିଧାୟକଙ୍କ ମଧ୍ୟରୁ ୮ ଛାଡିବେ କଂଗ୍ରେସ: ବିଜେପି ରାଜ୍ୟ ସଭାପତିଙ୍କ ଦାବି

Published: Sep 14, 2022, 12:47 pm IST

ପାଣାଜୀ: ଗୋଆରେ କଂଗ୍ରେସ ଏକ ବଡ଼ ଅସୁବିଧାର ସମ୍ମୁଖୀନ ହୋଇଛି। ପୂର୍ବତନ ମୁଖ୍ୟମନ୍ତ୍ରୀ ଦିଗମ୍ବର କାମତ ଏବଂ ବିଧାନସଭାରେ ବିରୋଧୀ ଦଳର ନେତା ମାଇକେଲ ବୋବୋଙ୍କ ସମେତ ଆଠ ଜଣ ବିଧାୟକ ବିଜେପିରେ ଯୋଗଦେବାକୁ ଯାଉଛନ୍ତି। ଗୋଆ କଂଗ୍ରେସ ବିଧାୟକ ଦଳ ବୈଠକରେ ବିଜେପି ସହ ମିଶ୍ରଣ ପାଇଁ ଏକ ସଂକଳ୍ପ ପାରିତ ହୋଇଛି। ଏହାପୂର୍ବରୁ ବିଜେପି ଗୋଆ ସଭାପତି ସଦାନନ୍ଦ ତନାବଡେ ଏହା ଦାବି କରିଥିଲେ। ସେ କହିଥିଲେ ଯେ, ୮ ଜଣ କଂଗ୍ରେସ ବିଧାୟକ ଖୁବ ଶୀଘ୍ର ବିଜେପିରେ ଯୋଗଦେବେ।

ବାସ୍ତବରେ ଗୋଆରେ ୪୦ ଟି ବିଧାନସଭା ଆସନ ରହିଛି ଏବଂ ଚଳିତ ବର୍ଷ ଫେବୃଆରୀରେ ନିର୍ବାଚନ ଅନୁଷ୍ଠିତ ହୋଇଥିଲା। ରାଜ୍ୟରେ ବିଜେପି ମିଳିତ ମେଣ୍ଟର ୨୫ ଜଣ ବିଧାୟକ ଥିବାବେଳେ କଂଗ୍ରେସରେ ୧୧ ଜଣ ବିଧାୟକ ଅଛନ୍ତି। ସେଥିମଧ୍ୟରୁ ବିଜେପି ଦାବି କରିଛି ଯେ, ୧୧ ଜଣଙ୍କ ମଧ୍ୟରୁ ୮ ଜଣ ବିଜେପିରେ ଯୋଗଦେବେ। ଏଥିମଧ୍ୟରେ ଦିଗମ୍ବର କାମତ, ମାଇକେଲ ଲୋବୋ, ରାଜେଶ ଫଲଦେସାଇ, କେଦାର ନାୟକ, ସଂକଲ୍ପ ଅମନୋକର, ଆଲେକ୍ସସିଓ ସେକିରା, ରୁଡାଲ୍ଫ ଫର୍ଣ୍ଣାଣ୍ଡିସ୍ ଅଛନ୍ତି।

Related posts