ମୁମ୍ବାଇ: ମୁମ୍ବାଇରୁ ଗାନ୍ଧିନଗର ପର୍ଯ୍ୟନ୍ତ ଚାଲୁଥିବା ଭାରତର ଦ୍ରୁତତମ ଟ୍ରେନ୍ ବନ୍ଦେ ଭାରତ ଆଜି ଏକ ଦୁର୍ଘଟଣାର ଶିକାର ହୋଇଛି। ସକାଳ ୧୧.୧୫ ରେ ଏହି ଦୁର୍ଘଟଣା ଘଟିଛି। କୁହାଯାଉଛି ଯେ, ଟ୍ରେନ ଆଗରେ ଏକ ଗୋରୁ ପଲ ଆସି ଯାଇଥିଲେ। ଏହି ଦୁର୍ଘଟଣାରେ ଇଞ୍ଜିନର ଆଗ ଭାଗ ନଷ୍ଟ ହୋଇଯାଇଛି। ପଶ୍ଚିମ ରେଳବାଇର ବରିଷ୍ଠ ପିଆରଓ ଜେ.କେ ଜୟନ୍ତୀ ଏହି ସୂଚନା ଦେଇଛନ୍ତି।
ଉଲ୍ଲେଖ ଯୋଗ୍ୟ ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିକଟରେ ଏହି ଟ୍ରେନର ଉଦଘାଟନ କରିଥିଲେ। ରେଲୱେ ପିଆରଓ ପ୍ରଦୀପ ଶର୍ମା କହିଛନ୍ତି ଯେ, ଏହି ଘଟଣା ଯୋଗୁଁ କିଛି କ୍ଷୟକ୍ଷତି ହୋଇନାହିଁ। ଟ୍ରେନର ଚଳାଚଳ ଉପରେ କୌଣସି ପ୍ରଭାବ ପଡ଼ିବ ନାହିଁ। ଟ୍ରେନ୍ ନିର୍ଦ୍ଧାରିତ ସମୟରେ ଚାଲୁଛି।
ଭାରତର ସବୁଠାରୁ ଆଧୁନିକ ବୈଶିଷ୍ଟ୍ୟ ସହିତ ସଜ୍ଜିତ ଏହି ବନ୍ଦେ ଭାରତ ଟ୍ରେନ୍ ସେପ୍ଟେମ୍ବର ୩୦ ତାରିଖରେ ଆରମ୍ଭ କରାଯାଇଥିଲା। ଏହି ଟ୍ରେନର ଗତି ୧୮୦ କିଲୋମିଟର ପର୍ଯ୍ୟନ୍ତ, କିନ୍ତୁ ଏହା ବର୍ତ୍ତମାନ ୧୩୦ କିଲୋମିଟର ବେଗରେ ପରିଚାଳିତ ହେଉଛି।