ହାଜିପୁର: ବିହାରର ଦେସରୀ ପୋଲିସ ଷ୍ଟେସନ ଅଞ୍ଚଳର ସୁଲତାନପୁର ଗ୍ରାମରେ ଏକ ଭୟଙ୍କର ସଡକ ଦୁର୍ଘଟଣା ଘାଟିଯାଇଛି। ଗୋଟିଏ ଟ୍ରକର ଚାଳକ ନିୟନ୍ତ୍ରଣ ହରାଇ ଅନେକ ଲୋକଙ୍କ ଉପରକୁ ଗାଡି ଚଢାଇଦେଇଛି। ଯେଉଁଥିରେ ୧୨ ଜଣଙ୍କ ମୃତ୍ୟୁ ହୋଇଛି। ସମସ୍ତେ ରାତ୍ରୀ ଭୋଜନ ପରେ ଘରକୁ ଫେରୁଥିଲେ। ଏଥିସହ ଅନେକ ଲୋକ ଗୁରୁତର ଆହତ ହୋଇଛନ୍ତି। ଏହି ଦୁର୍ଘଟଣାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ମୁଖ୍ୟମନ୍ତ୍ରୀ ନୀତୀଶ କୁମାର ଏବଂ ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବ ଦୁଃଖ ପ୍ରକାଶ କରିଛନ୍ତି। ରବିବାର ରାତି ପ୍ରାୟ ୯ ଟା ବେଳେ ଏହି ଘଟଣା ଘଟିଥିଲା। ଏହି ଦୁର୍ଘଟଣାରେ କେନ୍ଦ୍ର ଏବଂ ବିହାର ସରକାର ଆର୍ଥିକ ସହାୟତା ଘୋଷଣା କରିଛନ୍ତି।
ବୈଶାଳୀ ଅଧୀକ୍ଷକ ମନୀଷ କୁମାର କହିଛନ୍ତି ଯେ, ବିବାହ ସହ ଜଡିତ ଏକ ଶୋଭାଯାତ୍ରା ଚାଲିଥିବା ବେଳେ ଉକ୍ତ ରାସ୍ତାରେ ଉଚ୍ଚ ବେଗରେ ଆସୁଥିବା ଟ୍ରକର ଡ୍ରାଇଭର ନିୟନ୍ତ୍ରଣ ହରାଇଥିଲା। ଯାହାପରେ ଟ୍ରକଟି ଶୋଭାଯାତ୍ରା ମଧ୍ୟରେ ପଶି ଲୋକଙ୍କ ଉପରେ ଚଢିଯାଇଥିଲା। ଯାହାପରେ ୧୨ ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା।
ଏହି ଦୁର୍ଘଟଣାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦୁଃଖ ପ୍ରକାଶ କରିଛନ୍ତି। ଏହି ଦୁର୍ଘଟଣାରେ ପ୍ରାଣ ହରାଇଥିବା ସମ୍ପର୍କୀୟଙ୍କ ସମ୍ପର୍କୀୟଙ୍କ ପାଇଁ ୨ ଲକ୍ଷ ଟଙ୍କା ଏବଂ ଆହତଙ୍କ ପାଇଁ ୫୦ ହଜାର ଟଙ୍କା ଆର୍ଥିକ ସହାୟତା ଘୋଷଣା କରିଛନ୍ତି। ଏହି ରାଶି ପ୍ରଧାନମନ୍ତ୍ରୀଙ୍କ ଜାତୀୟ ରିଲିଫ ପାଣ୍ଠିରୁ ପ୍ରଦାନ କରାଯିବ।
ସେହିଭଳି ମୁଖ୍ୟମନ୍ତ୍ରୀ ନୀତୀଶ କୁମାର ମୃତକଙ୍କ ପାଇଁ ଗଭୀର ସମବେଦନା ଜଣାଇଛନ୍ତି ଏବଂ ନିର୍ଦ୍ଧାରିତ ମାନକ ପ୍ରଣାଳୀ ଅନୁଯାୟୀ ମୃତକଙ୍କ ପରିବାରକୁ ତୁରନ୍ତ ଆର୍ଥିକ ସହାୟତା ପ୍ରଦାନ କରିବାକୁ ନିର୍ଦ୍ଦେଶ ଦେଇଛନ୍ତି। ସମସ୍ତ ଆହତଙ୍କ ଉପଯୁକ୍ତ ଚିକିତ୍ସା ପାଇଁ ମଧ୍ୟ ନିର୍ଦ୍ଦେଶ ଦିଆଯାଇଛି ଏବଂ ସେମାନଙ୍କର ଶୀଘ୍ର ଆରୋଗ୍ୟ କାମନା କରାଯାଇଛି।
