ଭୁବନେଶ୍ବର: ବହୁ ବର୍ଷ ପରେ ଏଥର ନବୀନ ନିବାସ ନୂଆ ବର୍ଷ ପାଇଁ ଖୋଲିଛି। କାରଣ ଗତ ଦୁଇ ବର୍ଷ ଧରି କରୋନା ପାଇଁ ବନ୍ଦ ଥିଲା। ସେହିପରି ଅନ୍ୟ ବର୍ଷଗୁଡିକରେ ମଧ୍ୟ ବିଭିନ୍ନ କାରଣ ପାଇଁ ଶୁଭେଚ୍ଛୁମାନେ ନବୀନଙ୍କୁ ଅଭିନନ୍ଦନ ଜଣାଇ ପାରୁ ନ ଥିଲେ। ହେଲେ ଏଥର କୌଣସି କାରଣ ନ ଥିବାରୁ ନବୀନ ନିବାସକୁ ସମସ୍ତଙ୍କୁ ଛଡାଯାଇଥିଲା।
ଆଜି ସକାଳୁ ନବୀନ ନିବାସରେ ମନ୍ତ୍ରୀ ବିଧାୟକଙ୍କ ଠାରୁ ଆରମ୍ଭ କରି କରପୋରେଟର, କାଉନସିଲର ପର୍ଯ୍ୟନ୍ତ ନେତାମାନେ ଆସି ଭିଡ କରିଥିଲେ। ସେହିପରି କେତେକ ଭିନ୍ନକ୍ଷମ ଅନୁଷ୍ଠାର ଛାତ୍ରଛାତ୍ରୀମାନେ ମଧ୍ୟ ନବୀନଙ୍କୁ ଅଭିନନ୍ଦନ ଜଣାଇଥିଲେ। ଏହି ଉପଲକ୍ଷେ ନବୀନ ସମବେତ ନେତାଙ୍କୁ ମାଇକ ଯୋଗେ ନବ ବର୍ଷର ଅଭିନନ୍ଦନ ଜଣାଇଥିଲେ।
