ଭୁବନେଶ୍ବର: ଆଜି ଓଡିଶା ମୁଖ୍ୟ ଦପ୍ତର କର୍ମଚାରୀ ସଂଘ ଆନୁକୁଲ୍ୟରେ ସ୍ବର୍ଗୀୟ ମନ୍ତ୍ରୀ ନବ କିଶୋର ଦାସଙ୍କ ଅକାଳ ବିୟୋଗରେ ଏକ ବିଶାଳ ଶୋକ ସଭା ନ ତାଲା (ମୁଖ୍ୟ ଦପ୍ତର) ପ୍ରାଙ୍ଗଣରେ ଅନୁଷ୍ଠିତ ହୋଇଯାଇଛି। ଏହି ସଭାରେ ମୁଖ୍ୟ ଦପ୍ତରର ସମସ୍ତ କର୍ମଚାରୀ ଓ ଅଧିକାରୀ ଯୋଗଦାନ କରିଥିଲେ।
ଏହି ସଭାରେ ମୁଖ୍ୟ ଦପ୍ତର ସଂଘର ସଭାପତି ମିହିର ନାରାୟଣ ଜେନା ସ୍ବର୍ଗତ ମନ୍ତ୍ରୀଙ୍କର କରୋନା ମହାମାରୀ ସମୟରେ ରାଜ୍ୟବାସୀଙ୍କୁ ସ୍ୱାସ୍ଥ୍ୟ ସେବା ଯୋଗାଇବା ଓ ରାଜ୍ୟର ସ୍ୱାସ୍ଥ୍ୟ ଭିତ୍ତିଭୂମିର ଉନ୍ନତିକରଣ ବିଷୟରେ ସ୍ମୃତିଚାରଣ କରି କହିଥିଲେ ଯେ, ତାଙ୍କର ଅକାଳ ବିୟୋଗ ରାଜ୍ୟ ପାଇଁ ଏକ ଅପୂରଣୀୟ କ୍ଷତି। ପରିଶେଷରେ ଅମର ଆତ୍ମା ର ସଦ୍ଗତି ନିମନ୍ତେ ଦୁଇ ମିନିଟର ନିରବ ପ୍ରାର୍ଥନା କରାଯାଇଥିଲା।
