ନୂଆଦିଲ୍ଲୀ: ବିଶ୍ୱ ଟେଷ୍ଟ ଚାମ୍ପିଅନସିପର ଫାଇନାଲ ମ୍ୟାଚ୍ ଇଂଲଣ୍ଡର ଓଭାଲ ଗ୍ରାଉଣ୍ଡରେ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯିବ। ଆସନ୍ତାକାଲିଠାରୁ ଆରମ୍ଭ ହେବାକୁ ଯାଉଥିବା ଏହି ମ୍ୟାଚ୍ ରେ ପ୍ରଶଂସକଙ୍କ ଆଖି ହେଉଛି ଶୁଭମାନ ଗିଲ, ଯିଏ ଉତ୍କୃଷ୍ଟ ଫର୍ମରେ ଦୌଡୁଛନ୍ତି। ଭାରତ ପାଇଁ ଭଲ ଆରମ୍ଭ କରିବାର ଦାୟିତ୍ଵ ଶୁଭମାନ ଗିଲଙ୍କ କାନ୍ଧରେ ରହିବ। କ୍ୟାପଟେନ ରୋହିତ ଶର୍ମା ମ୍ୟାଚ ପୂର୍ବରୁ ଶୁଭମାନ ଗିଲଙ୍କ ଦକ୍ଷତା ଉପରେ ସମ୍ପୂର୍ଣ୍ଣ ଆତ୍ମବିଶ୍ୱାସ ପ୍ରକାଶ କରିଛନ୍ତି ଏବଂ ତାଙ୍କୁ କୌଣସି ପରାମର୍ଶ ଦେବାକୁ ମନା କରି ଦେଇଛନ୍ତି।
ଡବ୍ଲୁଟିଏସି ଫାଇନାଲରେ ଭାରତ ପାଇଁ ଓପନିଂକୁ କ୍ୟାପଟେନ ରୋହିତ ଶର୍ମା ଏବଂ ଶୁବମାନ ଗିଲ ପରିଚାଳନା କରିବେ। ରୋହିତ ଶର୍ମା ଗିଲଙ୍କୁ ପ୍ରଶଂସା କରି କହିଛନ୍ତି ଯେ, ଶୁଭମାନ ଆତ୍ମବିଶ୍ୱାସରେ ପରିପୂର୍ଣ୍ଣ ଖେଳାଳି। ସେ ତାଙ୍କ ଖେଳ ବିଷୟରେ ସବୁକିଛି ଜାଣନ୍ତି। ଶୁବମାନ ଗିଲଙ୍କର କୌଣସି ପରାମର୍ଶର ଆବଶ୍ୟକତା ନାହିଁ। ଶୁବମାନ ଗିଲ ନିଜ ହିସାବରେ ଖେଳିବା ଉଚିତ୍।
ଇଂଲଣ୍ଡ ପରି ପରିସ୍ଥିତିରେ ଶୁବମାନ ଗିଲଙ୍କ ଖେଳିବାର ଅଭିଜ୍ଞତା ଅଛି। ରୋହିତ ଶର୍ମା ଆହୁରି କହିଛନ୍ତି ଯେ, ଶୁଭମାନ ଗିଲ ପୂର୍ବରୁ ଏଭଳି ପରିସ୍ଥିତିରେ ଖେଳିଛନ୍ତି। ଗିଲ୍ କ୍ରିଜରେ ସମୟ ବିତାଇବାକୁ ପସନ୍ଦ କରନ୍ତି। ଗିଲ ଏକ ଚ୍ୟାଲେଞ୍ଜକୁ ଭୟ କରନ୍ତି ନାହିଁ। କଠିନ ଆହ୍ଵାନର ସମ୍ମୁଖୀନ ହେବାକୁ ଗିଲ୍ ପସନ୍ଦ କରନ୍ତି। ସତ କହିବାକୁ ଗଲେ ଗିଲଙ୍କୁ କୌଣସି ପ୍ରକାରର ପରାମର୍ଶର ଆବଶ୍ୟକତା ନାହିଁ।
ପ୍ରକାଶ ଯେ, ଶୁବମାନ ଗିଲ ତାଙ୍କ କ୍ୟାରିୟରର ସର୍ବୋତ୍ତମ ଫର୍ମ ଦେଇ ଗତି କରୁଛନ୍ତି। କେବଳ ଅନ୍ତର୍ଜାତୀୟ କ୍ରିକେଟ୍ ନୁହେଁ ଇଣ୍ଡିଆନ୍ ପ୍ରିମିୟର ଲିଗର ୧୬ ତମ ସିଜନରେ ମଧ୍ୟ ଶୁଭମାନ ଗିଲ ଜବରଦସ୍ତ ଫର୍ମ ପ୍ରଦର୍ଶନ କରିଛନ୍ତି। ଶୁଭମାନ ଗିଲ ତିନି ଶତକ ସହିତ ଚଳିତ ବର୍ଷ ଆଇପିଏଲରେ ୮୫୦ରୁ ଅଧିକ ରନ୍ ସ୍କୋର କରିବାରେ ସଫଳ ହୋଇଥିଲେ ଏବଂ କମଳା କ୍ୟାପ୍ ଜିତିଥିଲେ। ଚଳିତ ବର୍ଷ ଦିନିକିଆରେ ଦ୍ୱିଶତକ ସ୍କୋର କରିବା ବ୍ୟତୀତ ଗିଲ ଟି -୨୦ ଏବଂ ଟେଷ୍ଟରେ ମଧ୍ୟ ଶତକ ହାସଲ କରିଛନ୍ତି।
