ଭୁବନେଶ୍ବର: ଆଜି ମହାନ ସମାଜସେବୀ, ଡାକ୍ତର ତଥା ଭୁବନେଶ୍ବର ପୌରାଞ୍ଚଳର ପ୍ରଥମ ମେୟର ଡାକ୍ତର ଜଗନ୍ନାଥ ମହାପାତ୍ରଙ୍କ ପରଲୋକ ଘଟିଛି। ମୃତ୍ୟୁ ବେଳକୁ ତାଙ୍କୁ ୮୪ ବର୍ଷ ବୟସ ହୋଇଥିଲା। ସେ ନିଜକୁ ଜନସେବାରେ ନିୟୋଜିତ ରଖିଥିଲେ।
ଡାକ୍ତରୀ ପାଶ ପରେ ସେ ଭୁବନେଶ୍ବରର ସହୀଦନଗରରେ ଚିକିତ୍ସା କରୁଥିଲେ। ସେଠାରେ ବର୍ତ୍ତମାନ ଜଗନ୍ନାଥ ସେବା ସଦନ ନାମରେ ଡାକ୍ତରଖାନା ରହିଛି। ତାଙ୍କର ଧର୍ମପତ୍ନୀ ସଂଘମିତ୍ରା ମହାପାତ୍ର ଓଡିଶାର ଜଣେ ଜଣାଶୁଣା ସାହିତ୍ୟିକ ଭାବେ ପରିଚିତ। ତାଙ୍କର ବିୟୋଗରେ ବିଭିନ୍ନ ମହଲରେ ଶୋକର ଛାୟା ଖେଳିଯାଇଛି।
