ଗତବର୍ଷର ଚାମ୍ପିୟନ୍ସ ଲିଗ୍ ପରାଜୟକୁ ପଛରେ ପକାଇ ନିଜର ଷଷ୍ଠ ୟୁରୋ ଲିଗ୍ ଟ୍ରଫି ହାସଲ କରିଛି ଲିଭର ପୁଲ୍। ଟଟ୍ଟେନ୍ହାମ୍କୁ ୨-୦ ରେ ପରାସ୍ତ କରି ଦଳ ନିଜର ଷଷ୍ଠ ଟାଇଟଲ୍ ହାସଲ କରିଛି। ମ୍ୟାନେଜର ଭାବରେ ଜର୍ଗନ୍ କ୍ଲପ୍ଙ୍କର ମଧ୍ୟ ଏହା ପ୍ରଥମ ଟାଇଟଲ୍। ସେହିପରି ବିଫଳତା ପାଇଁ କ୍ରମାଗତ ସମାଲଗୋଚିତ ହେଉଥିବା ମୋ ସଲାହ ମଧ୍ୟ ଦଳକୁ ବିଜୟୀ କରାଇବା ସହିତ ଫର୍ମକୁ ଫେରିଛନ୍ତି। ଗତବର୍ଷ ସଲାହଙ୍କ କାନ୍ଧରେ ଆଘାତ ଯୋଗୁଁ ଦଳ ରିଅଲ ମାଦ୍ରିଦ୍ ନିକଟରୁ ପରାଜିତ ହୋଇଥିଲେ ମଧ୍ୟ ସଲାହଙ୍କ ଗୋଲ ବଳରେ ଚଳିତ ବର୍ଷ ଟ୍ରଫି ଉପରେ କବ୍ଜା କରି ନେଇଛି ଦଳ। ଶେଷ ୨୦ ମିନିଟ୍ରେ ଟଟ୍ଟେନହାମ୍ ପ୍ରତ୍ୟାବର୍ତ୍ତନର ଚେଷ୍ଟା କରିଥିଲେ ମଧ୍ୟ ଲିଭରପୁଲ୍ ରକ୍ଷଣଭାଗ ଚମତ୍କାର ପ୍ରଦର୍ଶନ କରିଥିଲେ। ମ୍ୟାଚ୍ ଶେଷ ହେବାର ୧୦୮ ସେକେଣ୍ଡ ପୂର୍ବରୁ ସଲାହ୍ ପେନାଲ୍ଟି କିକ୍ରୁ ଗୋଲ୍ ସ୍କୋର କରି ଦଳକୁ ବିଜୟୀ କରାଇଥିଲେ।
