ପୂର୍ବତନ ବିଜେପି ସହଯୋଗୀ ତଥା ରାଷ୍ଟ୍ରୀୟ ଲୋକ ସମତା ପାର୍ଟିର ନେତା ଉପେନ୍ଦ୍ର କୁଶଓ୍ବାହା ବିଜେପି ଜେଡିୟୁ ବିବାଦରେ ମୁହଁ ଖୋଲିଛନ୍ତି। ବିଜେପି ନୀତିଶ କୁମାରଙ୍କ ଧୋକା ନମ୍ବର ଦୁଇ ପାଇଁ ପ୍ରସ୍ତୁତ ରହିବା ଉଚିତ୍ ବୋଲି କୁଶଓ୍ବାହା ମତ ଦେଇଛନ୍ତି। ଜନାଦେଶକୁ ଅପମାନିତ କରିବାରେ ନୀତିଶ ସିଦ୍ଧହସ୍ତ ଏବଂ ପୂର୍ବରୁ ଅନେକ ବାର ସେ ଏପରି କରି ସାରିଛନ୍ତି ତେଣୁ ବିଜେପି ନୀତିଶଙ୍କ ଧୋକା ନମ୍ବର ୨ ପାଇଁ ପ୍ରସ୍ତୁତ ରହିବା ଉଚିତ। ଏମିତି କୌଣସି ବ୍ୟକ୍ତି ବିଶେଷ ବା ରାଜନୈତିକ ଦଳ ନାହିଁ ଯାହାକୁ ନୀତିଶ ଠକି ନାହାନ୍ତି ତେଣୁ ବିଜେପି ସାବଧାନ ରହିବା ଉଚିତ୍। କୁଶଓ୍ବାହା କହିଛନ୍ତି, ଜେଡିୟୁ ନେତା ଜୁନ୍ ୨୦୧୩ରେ ବିଜେପି ସହିତ ମେଣ୍ଟ କରିଥିଲେ। ପରେ ଆରଜେଡି ଏବଂ କଂଗ୍ରେସ ସହିତ ମିଶି ବିହାରରେ ମହାମେଣ୍ଟ ଗଠନ କରିଥିଲେ ଯାହାକୁ ୨୦୧୭ରେ ଛାଡି ପୁନର୍ବାର ବିଜେପି ସହିତ ହାତ ମିଶାଇଥିଲେ। ମାତ୍ର ଚଳିତ କ୍ୟାବିନେଟ୍ ପୂର୍ବରୁ ମନ୍ତ୍ରୀପଦକୁ ନେଇ ପୁନର୍ବାର ବିଜେପି ହାତ ଛାଡିଛନ୍ତି। ଉଲ୍ଲେଖଯୋଗ୍ୟ ଯେ, ଗତକାଲି ବିହାରରେ ନିଜର ମନ୍ତ୍ରୀମଣ୍ଡଳର ସମ୍ପ୍ରସାରଣ କରି ନୀତିଶ ଜଣେ ମଧ୍ୟ ବିଜେପି ନେତାଙ୍କୁ ଦଳରେ ସାମିଲ କରିନଥିଲେ।
