ମୁମ୍ବାଇ: ମୁମ୍ବାଇ ପୋଲିସର ଆଣ୍ଟି ନାର୍କୋଟିକ୍ସ ସେଲ୍ ୨ ନାଇଜେରିଆ ନାଗରିକ ସମେତ ଡ୍ରଗ୍ ଡିଲରଙ୍କ ଗ୍ୟାଙ୍ଗର ପର୍ଦ୍ଦାଫାଶ କରିଛି, ଯାହାର ନେଟୱାର୍କ ମୁମ୍ବାଇ-ପୁଣେ ଏବଂ ଗୋଆରେ ବ୍ୟାପିଛି। ଏହି ଗ୍ୟାଙ୍ଗର ଜଣେ ମହିଳା ମୁମ୍ବାଇରୁ ଡ୍ରଗ୍ସ ଯୋଗାଇବା ପାଇଁ ପ୍ରତିଦିନ ରାତିରେ ବସ୍ କିମ୍ବା ଟ୍ୟାକ୍ସି ଯୋଗେ ପୁଣେ ଯାଉଥିଲେ ଏବଂପୁଣି ଫେରି ଆସୁଥିଲେ। ପୋଲିସ ଏହି ମାମଲାରେ ୭ ଜଣଙ୍କୁ ଗିରଫ କରିବା ସହ MDMA ଏବଂ କୋକେନ ଜବତ କରିଛି।
ମୁମ୍ବାଇ ପୋଲିସର ସୂଚନାନୁସାରେ, ଏହି ଡ୍ରଗ୍ ଡିଲରଙ୍କ ନେଟୱାର୍କ ମୁମ୍ବାଇ-ପୁଣେ ଏବଂ ଗୋଆରେ ବ୍ୟାପିଥିଲା ଏବଂ ଏହି ଗ୍ୟାଙ୍ଗର ମୁଖ୍ୟ ମୁମ୍ବାଇର ପାଉସ୍ ଅଞ୍ଚଳର କେମ୍ପ୍ସ କର୍ଣ୍ଣରରେ ରହୁଥିବା ପୂର୍ବତନ ସ୍କୁଲ ଶିକ୍ଷକ ଅଟନ୍ତି। ଯିଏକି ସୁକୋରିନା ଫର୍ଣ୍ଣାଣ୍ଡିସ୍ ବୋଲି ଚିହ୍ନଟ ହୋଇଛି। ୫୮ ବର୍ଷିୟ ସୁକୋରିନା ନିଜେ ପୁଣେରେ ଡ୍ରଗ୍ ବିତରଣ ପାଇଁ ବସ୍ କିମ୍ବା ଟ୍ୟାକ୍ସିରେ ଏକୁଟିଆ ଯାଉଥିଲେ, ସେ ମଧ୍ୟ ରାତିରେ ଏକୁଟିଆ ଯାଇ ବିତରଣ କରିବା ପରେ ତୁରନ୍ତ ଫେରି ଆସୁଥିଲେ।